Hashims

انٹرنیٹ کی دنیا میں انقلابی مفید تبدیلیاں: مائکروسافٹ کا نیا سرچ انجن "بنگ" اور گوگل کا دنیا کے لیے "ویوز" کا تحفہ

از: محمد بن قاسم

دنیائے انٹرنیٹ کے دو دیوزاد مسابقت کنندہ، مائکروسافٹ، اور گوگل، نے اعلان کیا ہے کہ وہ دنیا کے لیے اپنی اپنی نئی پراڈکٹس متعارف کرارہے ہیں۔

آپ یہ جان کر بہت خوش ہوں گے کہ یہ دونوں نئی سہولتیں آپ کے انٹرنیٹ پر کام کرنے کے اسلوب میں ایک انقلابی تبدیلی لے آئیں گی۔ خاص طور پر ان ماہرین، اساتذہ، طلباء، اور افراد کے لیے جو انٹرنیٹ پر رابطوں کو سائنس فکشن کی سطح تک لے جانا چاہتے ہیں۔

مائکروسافٹ کا نیا سرچ انجن "بنگ" ذہین سافٹ ویئر کے تصورات کو اعلی ترین سطح پر کام میں لا کر نہ صرف انٹرنیٹ پر تلاش کے کام کو تیزرفتار، مفید، اور دل چسپ بنادے گا، بلکہ ذہین کمپیوٹرز اب آپ کی اس تلاش میں حیرت ناک حد تک مدد کریں گے۔ تاہم ناقدین کہتے ہیں کہ اس طرح ہماری تلاش کے نتائج کے بارے میں مائکروسافٹ اپنی مرضی مسلط کردے گا۔ دوسری جانب زیادہ تر ماہرین کا یہ کہنا ہے کہ یہ خدشات غلط ہیں، اور یہ حقیقی طور پر ایک انقلابی تبدیلی ہوگی۔ واضح رہے کہ اب تک انٹرنیٹ کی دنیا میں گوگل سرچ کا ہی راج ہے۔ "میں خوش قسمت محسوس کررہا ہوں" کی صورت میں گوگل اب بھی آپ کی تلاش کو مرکوز کرنے کی صلاحیت رکھتا ہے۔ تاہم یہ ایک محدود صفت رہی ہے۔

دوسری جانب گوگل کمپنی اپنی شہرت کو برقرار رکھتے ہوئے انوکھی سہولیات کے بارے میں تحقیق کرتی رہتی ہے۔ گوگل جلد ہی کئی برس کی تحقیق اور جدوجہد کا ثمر آپ کے سامنے "گوگل ویوز" کی صورت میں پیش کرنے والا ہے۔

گوگل ویوز، ای میل، فوری پیغام، ٹیکسٹ اور وڈیو چیٹ، ڈاکومینٹس اور دیگر فائلوں کی آن لائن منتقلی کے ساتھ ساتھ آپ کو دیگر افراد کے ساتھ مل کر انہیں بیک وقت ایڈٹ کرنے کی سہولت دے گا۔ اور آپ یہ بھی دیکھ سکیں گے کہ آپ کا شریک کار، جو دنیا کے کسی بھی کونہِ میں ہوسکتا ہے، بلکہ خلاء میں بھی ہوسکتا ہے، وہ اب کیا ٹائپ کررہا ہے۔ آپ مختلف سہولیات کا اب اس طرح ایک ہی جگہ استعمال کرسکِں گے، جیسے کہ آپ سمندر کی لہروں پر سرفنگ کرسکتے ہیں۔ چنانچہ اسی لیے گوگل نے اسے لہروں کا نام دیا ہے۔ گوگل کی ای میل سہولیات پہلے ہی دنیا بھر میں مقبولیت کے ریکارڈ قائم کررہی ہیں، اور یہ خیال کیا جاتا ہے کہ اب انٹرنیٹ کی دنیا میں ایک اور انقلاب آرہا ہے۔

ہمارا ادارہ دنیا بھر کے انٹرنیٹ صارفین کو اس بارے میں مبارک باد پیش کرتا ہے۔

* * *










Hashim Syed Mohammad bin Qasim
Researcher, Writer, Publisher, Sociologist, HR, O&D, and ICT Consultant
JUSTUJU MEDIA (The QUEST) Syndication, Research and Publishing, Pakistan
Current Affairs Analyst: Radio Channel Islam International, Johannesburg, South Africa
Contributing Editor:

Groucho Marx - "A hospital bed is a parked taxi with the meter running."

shafresha

بھائی جان بہت بہت شکریہ اس معلومات کو پُہچانے کا!
اُمید ہے جلد ہی ہم ان دونوں ‌پروڈکٹس کو استعمال بھی کررہے ہوں گے۔

منتظمین

سرورق کے لیے پیش کریں ۔

رضی

یہ دوڑ چلتی رہے گی ۔

محمدعدنان

بھائی اچھی اور معلوماتی شئیرنگ کی ہے آپ نے
شکریہ

petiwala

آپ کا بہت بہت شکریہ آپ نے معلومات شیئر کی

محمد عویدص

گوگل والے جب بھی کوئی قدم اٹھاتے ہیں تہلکہ ہی مچا دیتے ہیں۔۔۔ ۔۔۔ گوگل کا بہرحال کوئی ثانی ہی نہیں ٹیکنالوجی کے حوالے سے۔۔

__________________

محمد یاسرعلی

بھائی ہم کو تو گوگل کے ویوز کا انتظار رہے گا مائیکروسافٹ کا بنگ آئے گا تو پتا چلے گا کے کیسا ہے
فی الحال تو گوگل کے بارے ہی کہا جاسکتا ہے کہ
نام ہی گارنٹی ہے

__________________
“جو لوگ دوسروں کے دلوں کو کانٹوں سے زخمی کرتے ہیں ان کے اپنے اندر کیکر اگے ہوئے ہوتے ہیں،وہ چاہے یا نہ چاہے ان کے وجود کو کانٹا ہی بننا ہوتا ہے-وہ پھول نہیں بن سکتے”- عمیرہ احمد

گوہر

اسلام علیکم!
بنگ عرصہ درازسے انٹرنیٹ کی دنیا میں ہچھکولے کھا رہا ہے کیونکہ یہ سرچ انجن سرچ کی دنیا میں کبھی بھی کوئی خاطر خواہ مقام حاصل نہ کر سکا ، ہو سکتا ہے یہ شوشا انٹر نیٹ ی دنیا میں بنگ کو متعارف کروانے کی کڑی ہو؛
بنگ کے فٹ پرنٹس ملاحظہ کریں
Domain Name: bing.com
Updated: 12 hours ago - Refresh
Expiration Date: 2019-01-30
Creation Date: 1996-01-29
Last Update Date: 2010-09-15
برئے مہربانی ترجمہ کرنے والے لکھنے سے پہلے کچھ رسرچ بھی کر لیا کریں

__________________
زندگی کا ہر روز تیری تاریخ کا ایک ورق ہے جبکہ الفاظ اپنی قوت میں بیمثال ہوتےہوئے زندگی کو دوام بخشتے ہیں
www.urdusky.com