Wahid Mahmood

میرے ساتھ تم بھی دعا کرو یوں کسی کے حق میں برا نہ ہو
کہیں اور ہو نہ یہ حادثہ کوئی راستے میں جدا نہ ہو
سرشام ٹھہری ہوئی زمیں جہاں آسماں ہے جھکا ہوا
اسی موڑ پر مرے واسطے وہ چراغ کے کے کھڑا نہ ہو
مری چھت سے رات کی سیج تک کوئی آنسوؤں کی لکیر ہے
ذرا بڑھ کے چاند سے پوچھنا وہ اسی طرف سےگیا نہ ہو
اسی احتیاط میں وہ رہا اسی احتیاط میں میں رہا
وہ کہاں کہاں مرے ساتھ ہے کسی اور کو یہ پتہ نہ ہو
وہ فرشتے آپ تلاش کریں کہانیوں کی کتاب میں
جو برا کہیں نہ برا سنیں کوئی شخص ان سے خفا نہ ہو
وہ فراق ہو کہ وصال؛ ہو تری آگ مہکے گی ایک دن
وہ گلاب بن کے کھلے گا کیا جو چراغ بن کے جلا نہ ہو

دل شکستہ ہوں گلہ کیا مہربانوں سے کروں
کیوں زمیں والوں کا شکوہ آسمانوں سے کروں

لیلٰی مجنوں، ہیر رانجھا درسِ الفت دے گئے
استفادہ کیوں نہ میں ان داستانوں سے کروں

بھید کُھلنے پر میرے کچھ زخم تازہ ہو گئے
اپنے دل کی بات کیسے رازدانوں سے کروں

بجلیاں گرتی رہی ہیں آشیانے پر میرے
کس لئے وابستگی پھر گلستانوں سے کروں

رابطہ رکھے ہوئے ہیں آج تک گُلچیں سے وہ
کیا حفاظت کی توقع باغبانوں سے کروں

السلام علیکم
جان کر خوشی ہوئی کہ آپ کا تعلق گجرات سے ہے۔