پاکستان کی آواز

پرنٹر کی ڈیفالٹ سیٹنگ کیسے ہوگی

مجیب انڑ — Fri, 18 May 2012 05:15:42 GMT

السلام علیکم ورحمۃ اللہ
میرے ساتھ ایک اہم مسئلہ کا حل مطلوب ہے
میں بار بار ایک مخصوص سائز کا پرنٹ نکالتارہتاہوں
مگر مجھے ایک بڑی پریشانی ہے کہ مجھے ہر پرنٹ کے لیے اس کی مخصوص سائز یعنی اے 4 کی دوبارہ سیٹنگ کرنی پڑتی ہے
نیز چوں کہ پرنٹ لینڈ اسکیپ میں لینا ہوتاہے اس لیے اس کی بھی سیٹنگ ہر پرنٹ کے وقت نئے سرے سے کرنی پڑتی ہے
یہ دونوں کام وقت ضائع کردیتے ہیں
میں چاہتاہوں کہ اس کا کوئی ڈیفالٹ طریقہ بتایا جائے تاکہ بار بار
اس جھنجھٹ میں وقت ضآئع نہ ہو
شکریہ

دل ہجر کے درد سے بوجھل ہے، اب آن ملو تو بہتر ہو

گلاب خان — Fri, 18 May 2012 00:43:32 GMT

دل ہجر کے درد سے بوجھل ہے، اب آن ملو تو بہتر ہو
اس بات سے ہم کو کیا مطلب، یہ کیسے ہو، یہ کیونکر ہو

یہ دل ہے کہ جلتے سینے میں، اک درد کا پھوڑا الہڑ سا
نہ گپت رہے، نہ پھوٹ بہے، کوئی مرہم ہو، کوئی نشتر ہو

ہم سانجھ سمے کی چھایا ہیں، تم چڑھتی رات کی چندرما
ہم جاتے ہیں، تم آتے ہو، پھر میل کی صورت کیونکر ہو

اب حسن کا رتبہ عالی ہے، اب حسن سے صحرا خالی ہے
چل بستی میں بنجارہ بن، چل نگری میں سوداگر ہو

وہ راتیں چاند کے ساتھ گئیں، وہ باتیں چاند کے ساتھ گئیں
اب سکھ کے سپنے کیا دیکھیں، جب دکھ کا سورج سر پر ہو

اب انشاء جی کو بلانا کیا، اب پیار کے دیپ جلانا کیا
جب دھوپ اورچھایا ایک سے ہوں، جب دن اوررات برابر ہوں

میرے دل سے گزرتے ہوئے بوجھل لمحوں

گلاب خان — Fri, 18 May 2012 00:38:05 GMT

میرے دل سے گزرتے ہوئے بوجھل لمحوں

ذرا ٹہرو کہ میری سانسیں بہت مدھم ہیں

میرے اشکوں نے میری آنکھوں سے بغاوت کی ہے

میرے چہرے پہ کسی غم کی سیاہی ہے

زندگی درد کے صحرا سے گزر آئی ہے

میری یادوں میں وہ قدموں کے نشاں باقی ہیں

جن قدموں سے وہ میری اور چلی آتی تھی

ان آنکھوں میں کبھی مجھ کو ٹھکانہ نا ملا

جن آنکھوں میں محبت کی ضیا پائی تھی

اب وہ آنکھیں چمکتی ہیں سیاہ راتوں میں

بے کلی اور بڑھاتی ہے میرے دل کی

اس کی باتوں میں اترتی ہوئی مدھم شوخی

اس کے ماتھے سے چھلکتی ہوئی تاروں سی چمک

اس کا مخمور نگاہوں سے تکنا میرا

جس کی حدت سے مری جاں نکل جاتی تھی

میرے بے ربط سوالوں کے جوابوں میں

بڑے غور سے مرے چہرے کو تکنا اس کا

میرے دل کے نہاں خانے میں چھپی بیٹھی ہیں

وہ یادیں جو کبھی حال کا آئینہ تھیں

وہ منظر کہ جسے پانے کو اب ترستی ہے نگاہ

وہ راتیں جو مچلتی تھیں ملاقاتوں کے لئے

مرے دل سے گزرتے ہوئے بوجھل لمحوں

تم جو آتے ہو تو من کے نہاں خانوں میں

کسی ہستی کو مجسم بنا دیتے ہو

وہ تخیل کے جسے چھونے کی اجازت ہی نہیں

وہ پیکر جو اب کسی اور کی امانت ہے

میرے پہلو میں اب یادوں کے سوا کیا ہے

اب میرے پاس ان دفینوں کے سوا کیا ہے

یوں نہ ہو کہ یہ دفینے مٹا دے مجھ کو

میری ہستی اس بے نام سی کسک میں ہی

خاک ہوجائے اور کسی کو پتہ ہی نہ چلے

میرے اپنے میری وحشت سے گریزاں ہوکر

اپنے ہاتھوں کو چھڑا لیں مرے ہاتھوں سے

میری آنکھوں میں اک صحرا کے سوا کچھ بھی نہ ہو

میری پلکوں پہ اشکوں کے سوا کچھ بھی نہ رہے

مرے دل سے گزرتے ہوئے بوجھل لمحوں

یہ حقیقت بھی کسی طور سمجھ لینے دو

زندگی ایک ہی تخیل کا جہاں تو نہیں ہے

کئی رنگ میرے اب بھی منتظر سے ہیں

انھیں دیکھو،انھیں سمجھوں، انھیں اپنا لوں میں

غم یارں سے نکل کر مجھے جینے دو

ہے بڑا حبس تھوڑی سانس ہی لے لینے دو

مجھے چھوڑو کہ مجھے اب تو جی لینے دو

میرے دل سے گزرتے ہوئے بوجھل لمحوں

ذرا ٹہرو کہ میری سانسیں بہت مدھم ہیں

عین ا لحق ـــ

جیمز ہیڈلے چیز کے ناول اردو میں

جیمز ہیڈلے چیز — Thu, 17 May 2012 23:29:05 GMT

جیمز ہیڈلے چیز کے ناول اردو اور انگریزی میں پڑھیں
jhchase.blogspot.com

محبت : بابا صاحبا

Miss Khan — Thu, 17 May 2012 22:41:47 GMT

بابوں کے ڈیروں پر محبت کا بڑا ذکر ہوتا ہے.نظم میں بھی اور نثر میں بھی. حرف میں بھی اور عمل میں بھی.

ایک دن میں نے پوچھا جناب یہ محبت ہوتی کیا ہے.
بابا جی نے فرمایا ، محبت دوسرے کے اندر چھپی ہوئی خوبی کا نقاب اتارنے کا نام ہے. جس شخص میں جو کوئی بھی خوبی ہے اس پر ایک چھلکا چڑھا ہوتا ہے. اس کی خوبی نظر نہیں آتی. اس چھلکے کو اتارنے کا نام محبت ہے.
پردہ ہٹانے کا نام محبت ہے. سٹیج روشن کرنے کا نام محبّت ہے.

از اشفاق احمد، بابا صاحبا

دعا

شاہنواز عامر — Thu, 17 May 2012 15:09:29 GMT

میری جاب کی بحالی کی اپیل دائر ہورہی ہے آپ سب سے التماس ہے کہ میری جاب بحال ہوجائے دعا کریں آپ سب بہن بھائی میں نے مدد مانگی تھی اور یہ حقیقت ہے کہ پہلی بار اس طرح مدد مانگی اللہ بڑا کارساز ہے آپ سب سے دعا کی التجا ہے کہ میری جاب بحال ہوجائے دعا کریں

گوادر کا مستقبل خطرے میں

پاکستانی — Thu, 17 May 2012 14:58:55 GMT

بشکریہ اردو پوائینٹ

توہینِ عدالت:بابر اعوان پر فردِ جرم عائد

پاکستانی — Thu, 17 May 2012 14:54:01 GMT

سپریم کورٹ نے حکمراں جماعت پاکستان پیپلز پارٹی سے تعلق رکھنے والے رکن پارلیمنٹ اور سابق وزیر قانون بابر اعوان پر توہین عدالت کے مقدمے میں فرد جُرم عائد کر دی ہے۔
عدالت نے اٹارنی جنرل کو اس مقدمے میں استغاثہ کا کردار ادا کرنے اور بابر اعوان کے خلاف عدالت میں شواہد جمع کروانے کا حکم دیا ہے۔
جمعرات کو جسٹس اعجاز افضل کی سربراہی میں سپریم کورٹ کے دو رکنی بینچ نے بابر اعوان پر فرد جُرم عائد کرتے ہوئے کہا کہ اُنہوں نے یکم دسمبر سنہ دوہزار گیارہ کو جو پریس کانفرنس کی تھی اُس میں جان بوچھ کر عدلیہ کی تضحیک کی گئی تھی۔
نامہ نگار شہزاد ملک کے مطابق فردِ جُرم میں کہا گیا ہے کہ پریس کانفرنس میں اُنہوں نے سپریم کورٹ کے جج کا مذاق اُڑایا
بابر اعوان نے عدالت میں صحت جُرم سے انکار کیا اور کہا کہ اس ملک میں توہین عدالت کا کوئی قانون موجود نہیں ہے۔ ان کا یہ بھی کہنا تھا کہ اُنہوں نے عدلیہ کی کبھی تضحیک نہیں کی۔
اس سے پہلے بابر اعوان نے سپریم کورٹ سے غیر مشروط معافی بھی مانگی تھی جو قبول نہیں کی گئی۔ عدالت کا کہنا ہے کہ معافی نامہ فرد جُرم عائد ہونے کے بعد بھی دیکھا جاسکتا ہے۔
عدالت نے اٹارنی جنرل عرفان قادر کو عدالت میں طلب کیا اور اُنہیں اس مقدمے میں استعاثہ کا کردار ادا کرنے کو کہا۔ عرفان قادر نے استغاثہ بننے سے معذوری ظاہر کی جسے عدالت نے تسلیم نہیں کیا۔
عدالت نے اٹارنی جنرل کو چھبیس مئی تک بابر اعوان کے خلاف شواہد عدالت میں پیش کرنے کا حکم دیا ہے جبکہ اس مقدمے کی سماعت اُنتیس مئی تک کے لیے ملتوی کردی۔
خیال رہے کہ چیف جسٹس افتخار محمد چوہدری کی سربراہی میں سپریم کورٹ کا دس رکنی بینچ توہین عدالت کے مقدمے میں نوٹس ملنے پر صحافیوں سے گفتگو کے دوران شعر پڑھنے پر بابر اعوان کا وکالت کا لائسنس معطل کر چکا ہے۔
بابر اعوان سے شعر پڑھا تھا کہ ’نوٹس ملیا کھکھ نہ ہلیا، کیوں سوہنیاں دا گلہ کراں، میں لکھ واری بسم اللہ کراں‘۔
لائسنس کی معطلی کے بعد بابر اعوان کو پاکستان پیپلز پارٹی کے بانی اور سابق وزیر اعظم ذوالفقار علی بھٹو کی سزا سے متعلق صدارتی ریفرنس کی پیروی سے بھی ہاتھ دھونا پڑے تھے۔
بابر اعوان کو ان دنوں حکمراں جماعت پاکستان پیپلز پارٹی کی جانب سے بھی شدید تنقید کا سامنا ہے کیونکہ اُنہوں نے وزیر اعظم کے خلاف توہین عدالت کے مقدمے میں بطور گواہ پیش ہونے سے معذوری ظاہر کی تھی۔
اس کے بعد پارٹی کے شریک چیئرمین آصف علی زرداری نے بابر اعوان سے پارٹی کے نائب صدر اور سیکرٹری فنانس کا عہدہ واپس لے لیا تھا۔

امریکہ میں سفید فام بچے اقلیت میں - گورے کم امریکہ میں

پاکستانی — Thu, 17 May 2012 14:51:49 GMT

امریکہ میں ایک تازہ مردم شماری کے اعداد و شمار کے مطابق نسلی اقلیتوں سے تعلق رکھنے والے بچوں کی تعداد امریکہ میں پیدا ہونے والے بچوں کی نصف تعداد سے زائد ہو گئی ہے۔
جولائی دو ہزار گیارہ میں ختم ہونے والے بارہ ماہ کے دوران حاصل کیے گئے اعداد و شمار سے ظاہر ہوتا ہے کہ اس عرصے میں پیدا ہونے والے سیاہ فام، ہسپانوی ، ایشیائی اور دوسری مخلوط نسلوں کے بچوں کی تعداد کل تعداد کا پچاس اعشاریہ چار فیصد ہے۔
پہلی مرتبہ غیر ہسپانوی سفید فام نومولود بچوں کی تعداد اقلیت بنی ہے۔
سماجی علوم کے ماہرین کا کہنا ہے کہ معاشی انحطاط کے سبب سفید فام جوڑوں میں بچوں کی پیدائش میں نمایاں کمی آئی ہے۔
امریکی مردم شماری بیورو نے جولائی دو ہزار گیارہ میں ختم ہونے والے سال کے دوران نسلی اقلیتوں میں پیدا ہونے والے بچوں کی تعداد بیس لاکھ بیس ہزار ریکارڈ کی جو اس عرصے میں پیدا ہونے والے بچوں کی کل تعداد کے نصف سے کچھ زیادہ ہے، یہ تعداد انیس سو نوے میں سینتیس فیصد تھی۔
امریکہ میں بچوں کی پیدائش میں کمی آ رہی ہے مگر سفید فام جوڑوں میں بچوں کی پیدائش میں یہ کمی زیادہ ہے۔
نیو ہیمپشائر یونیورسٹی کے سماجی علوم کے ماہر کینتھ جانسن کے مطابق دو ہزار آٹھ سے سفید فام جوڑوں میں بچوں کی پیدائش میں گیارہ اعشاریہ چار فیصد کمی آئی ہے جبکہ نسلی اقلیتوں میں یہ کمی تین اعشاریہ دو فیصد ہے۔
امریکہ کی کل آبادی میں اقلیتوں کی تعداد چھتیس اعشاریہ چھ فیصد ہے۔
ماہرین کا کہنا ہے کہ ہسپانوی آبادی میں اضافہ اب اپنی بلند تریب سطح پر پہنچ گیا ہے۔
پاپولیشن ریفرنس بیورو کے مارک ماتھر کہتے ہیں کہ لاطینی آبادی بہت کم عمر ہے جس کا مطلب ہے کہ عام آبادی کی نسبت ان کے ہاں زیادہ پیدائش کا سلسلہ جاری رہے گا۔

ایک خط قبر سے

compaq — Thu, 17 May 2012 13:28:14 GMT

ایک خط قبر سے: تفصیلات کے لیے خط پڑھیے - پسند نہ آنے پر معذرت خواہ ہوں-

شکریہ۔

Attached Files

LETTER (fromn a dead man).pdf (4.18 MB)

ماہر اقبالیات اور دانشور احمد جاوید سے گفتگو

آبی ٹوکول — Thu, 17 May 2012 12:21:24 GMT

ماہر اقبالیات اور دانشور
احمد جاوید سے گفتگو
رؤف ظفر

احمد جاوید معروف ماہر اقبالیات ، دانشور، اسکالر اور فارسی اور اردو زبان کے شاعر ہیں۔ انھیں کئی زبانوں پر عبور اورجدید اسلامی فلسفہ میں کمال حاصل ہے۔ وہ علامہ اقبال علیہ رحمہ کے حوالے سے سات سے زائد کتابوں کے مصنف اور مؤلف ہیں۔ انھیں تصوف اور اقبالیات پر ہونے والی کئی بین الاقوامی کانفرنسوں میں شرکت کا اعزاز حاصل ہے۔ ۱۹۸۵ء سے اقبال اکادمی لاہور کے ساتھ وابستہ ہیں۔ ٹی وی میں اقبال کے اشعار کی تفہیم اور استفسارات کے ایک پروگرام کے میزبان بھی ہیں۔ ایک مؤقر اخبار میں آپ کے شائع شدہ حالیہ انٹرویو کے چند اقتباسات پیش کیے جاتے ہیں۔ ادارہ

س: کلاسیکی اردو شعراء کا اقبال پر اثر، آپ کی تحقیق کا موضوع رہا ہے، اس بارے میں کچھ بتائیے؟
ج: اقبال علیہ رحمہ پر صرف ایک شاعر کا اثر ہے اور وہ ہے غالب۔ باقی اردو کی پوری شعری روایت میں اقبال علیہ رحمہ بالکل الگ کھڑے نظر آتے ہیں۔ غالب نہ ہوتے تو شاعر کی حیثیت سے اقبال علیہ رحمہ بڑے شاعر نہیں بن پاتے۔ غالب کے دبستان سے اقبال علیہ رحمہ نے وہ آہنگ اور تصور اخذ کیا ہے، جو ان کی بڑائی کی بڑی وجہ ہے۔ غالب کے بعد دوسرے حافظ شیرازی ہیں اور پھر مولانا روم، جن کا اقبال علیہ رحمہ کی فکری شاعری پر گہرا اثر ہے۔
س: تہذیب و ثقافت کی آپ کیا تعریف کریں گے، کیا یہ بھی ایک ہی تصویر کے دو رخ ہیں؟

ج: ثقافت یعنی کلچر مقامی مظہر ہے، جب کہ تہذیب مقامی نہیں ہوتی، جیسے میں ازروئے ثقافت، کسی ملک کا باشندہ اور کسی ماحول کی پیداوار ہوں لیکن تہذیب کے اعتبار سے میں مسلمان اور ایک امت کا حصہ ہوں۔ تہذیب بین الاقوامیت کی مظہر ہے، جب کہ کلچر کسی قوم سے منسوب ہوتا ہے۔

س: قیام پاکستان کے بعد بحیثیت تہذیبی اور ثقافتی قوم ہم کس درجے پر ہیں؟

ج: ثقافتی اعتبار سے میں سمجھتا ہوں ، ایک تنزل آیا ہے۔ اس کا ایک بڑا نمونہ یہ ہے کہ لوگوں نے اپنی مادری زبانوں کو ترک کرنے کا رویہ اختیارکر لیا ہے جبکہ سب سے قیمتی چیز زبان ہوتی ہے۔ پاکستان میں اکثر ثقافتی اکائیوں(یونٹس) میں اپنی مادری زبان (بدیسی زبان کی قیمت پر) ترک کرنے کا رجحان روز بروز بڑھ رہا ہے اور یہ ایک پریشان کن بات ہے۔ تہذیبی سطح پر غالباً کوئی بڑا زوال نہیں آیااور اس کا ثبوت یہ ہے کہ ہمارا تصور امتِ بعینہ ہے ۔ یہ تصور امت جذبات بھی پیدا کرتا ہے اور نظریات بھی اور تہذیب نام ہی اپنے نظریے کو ذہن کے لیے تشفی بخش بنانے کا ہے۔ ان معنوں میں شاید ہم کسی بڑے زوال میں مبتلا نہیں۔ ثقافتی سطح پر البتہ ہم روز بروز کمزور ہوتے جارہے ہیں۔ ہماری نئی نسل کو ہمارے آباء کی زبان نہیں آتی، جس سے شخصیت میں بعض چیزیں نمو نہیں پاتیں۔

س: علامہ اقبال علیہ رحمہ کے حوالے سے آپ نے کئی اہم علمی تراجم کیے ہیں؟

ج: جی ہاں! شیخ محی الدین العربی علیہ رحمہ کی ایک کتاب فارسی میں ہے، اس کاترجمہ اردو میں کیا۔ یہ خاصا مشکل کام تھا۔ پھر اقبال علیہ رحمہ کے دو فارسی مجموعوں پیام مشرق اور جاوید نامہ کا اردو میں ترجمہ کیا۔ اسی طرح کا ایک اور منصوبہ "Themes of Iqbal" ہے، جس کے تحت علامہ اقبال کی
بنیادی اصطلاحات کی تفصیلی شرح بیان کی جائے گی۔ ایک اور کام ، جو بہت اہم ہے، وہ ہے ، علامہ کے تمام کلام کی شرح کو لیکچر کی صورت میں تحریر کرنا۔ یہ ایک طرح کا انسائیکلوپیڈیا ہو گا، اس پر بھی کام جاری ہے۔ اس ضمن میں ہم نے ’’اسرارِ خودی‘‘ کی شرح کا آغاز کر دیا ہے۔ میں مزید جس موضوع پر کام میں دلچسپی رکھتا ہوں، وہ اسلام کے ’’ورلڈ ویو‘‘ کے بارے میں ہے یعنی اسلام زندگی ، انسان اور تاریخ کے بارے میں کیا شعور اور اصول دیتاہے، جو ابھی پوشیدہ ہیں۔ اس میں ظاہر ہے علامہ اقبال کے کردار کا ذکر بھی ہو گا اور بتایا جائے گا کہ اسلام وہ کون سے اصول بیان کرتاہے، جس سے انسان کی روحانی پیاس بھی بجھ جاتی ہے اور اس کی معاشرت ، ریاست اور تہذیب کو جن اقدار کی ضرورت ہے وہ بھی فراہم ہو جاتی ہیں۔
س: آپ نے اقبال علیہ رحمہ پر کافی کام کیا ہے۔ تاہم اب بھی اقبال علیہ رحمہ کی کن کن جہات پر تحقیق کی ضرورت ہے؟
ج: اس وقت سب سے زیادہ ضرورت اس بات کی ہے کہ عہدِ حاضر میں مسلمانوں کی بے کسی اور بے بسی کا ازالہ، علامہ اقبال علیہ رحمہ کے کلام سے کس طرح ہو سکتا ہے یعنی اس بدلی ہوئی صورتِ حال میں اقبال علیہ رحمہ کی فکر کیا کردار ادا کر سکتی ہے اور اسے کس طرح کارآمد بنایا جا سکتاہے۔اصل میں ہم اپنی قومی زندگی میں اقبال علیہ رحمہ کو قوتِ محرکہ کے طور پر استعمال کرنے میں ناکام ہو چکے ہیں، حالانکہ ہندو مسلم کلچر میں اپنی بہترین تخلیقی قوت کے ساتھ جو چند لوگ پیدا ہوئے ہیں، اقبال علیہ رحمہ ان میں سے ایک ہیں۔ اقبال علیہ رحمہ کے ساتھ ایک بڑا ظلم یہ ہوا ہے کہ انھیں آگے بڑھانے والی قوت کے بجائے ایک جگہ خوش فہمیوں کے انبار میں دفن کر کے پڑے رہنے کا بہانہ بنا لیا گیا ہے۔ اقبال علیہ رحمہ آج بھی ہماری فکری اور تہذیبی جہتوں میں ایک بہترین قوتِ محرکہ ثابت ہو سکتے ہیں۔ ان کا کلام آج بھی قوم کو جگانے میں اہم کردار ادا کر سکتا ہے۔

س: آپ ایک شاعر بھی ہیں لہٰذا موجودہ ادبی رجحانات کے بارے میں آپ کی کیا رائے ہے؟

ج: اس حوالے سے میرے احساس میں تلخی اور رائے میں مایوسی ہے۔ ہمارے یہاں سب سے بھیانک زوال جو آیا ، وہ زبان کا زوال ہے۔ جس قوم اور تہذیب کا لفظ سے تعلق کمزور پڑجائے وہ کبھی اچھا ادب اور ادیب پیدا نہیں کر سکتی، کیونکہ ادب نام ہے ، لفظ کی تہوں میں اترنے کا اور ہمارا لفظ کا ذوق روز بروز کم ہوتا جا رہا ہے۔ یہ کمی ادب اور شاعری وغیرہ سے بہت واضح ہوتی جا رہی ہے، اس لیے سردست ہمارے ہاں اردو زبان میں کوئی بڑا شاعر موجود نہیں ہے، حتیٰ کہ کوئی بڑا نقاد اور فکشن رائٹر بھی نظر نہیں آتا۔ شاعری ہو یا کوئی اور تخلیق، اس میں صرف جذبات کا اظہار نہیں ہوتا، کرافٹ اور تکنیک بھی ہوتی ہے۔ اس اعتبار سے بھی ہم کمزور ہو گئے ہیں۔ اب ادب میں کوئی ایسا بڑا فن کار نظر نہیں آتا، جس پر مجھے یہ اعتماد ہو کہ وہ جس ڈسپلن میں لکھ رہا ہے ، اس کے فنی تقاضوں کا شعور بھی رکھتا ہے اور انھیں پورا کرنے کا اہل بھی ہے۔
(بشکریہ جنگ سنڈے میگزین ۱۹ جون۲۰۱۱ء)

سافٹ وئیرAnimated

ارشد کمبوہ — Thu, 17 May 2012 12:12:58 GMT

السلام علیکم ورحمتہ اللہ
یا برادران! مجھے اینی میٹڈ بینر بنانے کے لیئے سافٹ وئیر چاہیے۔
اگر کسی بھائی کے پاس ہے تو شیئر کرکے شکریہ کا موقع دیں۔
شکریہ

کمزور دل نہ دیکھیں

سیفی خان — Thu, 17 May 2012 09:53:36 GMT

ایک ویڈیو جو جھنجھوڑ کے رکھ دیتی ہے
نوٹ: کمزور دل ہرگز نہ دیکھیں

فوٹو شاپ میں تصویر کا بیک گراؤنڈ ختم کریں

محمد بلال — Thu, 17 May 2012 09:35:16 GMT

بہت دوستوں کو اس مشکل کا سامنا ہوتا ہے کہ انہیں کسی تصویر سے بیک گراؤنڈ تبدیل کرنا نہیں آتا یا وہ ایک تصویر کو کسی اور بیک گراؤنڈ پر دیکھنا چاہتے ہیں لیکن انہیں طریقہ نہیں معلوم یا اگر معلوم ہے تو پروفیشنل طریقہ نہیں ہے۔اس ٹیوٹوریل میں آپ کا یہ مسئلہ امید ہے کہ حل ہوجائے گا۔

سب سے پہلے تو آپ فوٹو شاپ میں نئی فائل کو کھولیں اور پھر اس میں جس تصویر کا بیک گراؤنڈ تبدیل کرنا ہو اس تصویر کو کھولیں۔

میں نے اس ٹیوٹوریل کے لیئے قائد اعظم محمد علی جناح کے مزار کو استعمال کیا ہے۔

جب تصویر کو آپ کھول لیں تو پھر آپ ٹول باکس میں جائیں اور Pen Tool کو منتخب کریں۔ٹول کو منتخب کرنے کے بعد آپ اس ٹول کی مدد سے جس تصویر یا چیز کو الگ کرنا ہے اس کے گرد لائن بناتتے جائیں۔اگر لائن خراب بنے یا صحیح کرنا ہو تو آپ اپنے کی بورڈ سے Ctrl کا بٹن دبا کر ماؤس کی مدد سے اسے صحیح کرسکتے ہیں۔

مثال اس تصویر میں نظر آرہی ہے۔اور لائن بھی اس تصویر کے گرد نظر آرہی ہے۔

جب آپ مکمل طور پر لائن تصویر کے گرد کھینچ لیں تو پھر آپ Right کلک کریں اپنے ماؤس سے اور Make Selection پر کلک کریں۔مثال نیچےتصویر میں نظر آرہی ہے۔

جب آپ Make Selection پر کلک کریں گے تو آپ کے سامنے ایک باکس اوپن ہو گا۔اس باکس میں آپ نیچے تصویر کے مطابق تبدیلی کریں اور پھر اوکے پر کلک کردیں۔

اب آپ دیکھ سکتے ہیں کہ آپ کی مطلوبہ تصویر منتخب ہو چکی ہے یعنی Crop ہو چکی ہے۔اب آپ اپنےے کی بورڈ سے Ctrl+C دبائیں اور پھر اس کے بعد کی بورڈ سے Ctrl+V دبائیں۔جیسے ہی آپ دبائیں گےے تو آپ کی مطلوبہ تصویر کاپی ہونے کے بعد پیسٹ ہوجائے گی۔اور پھر اس طرح دکھائی دے گی۔

اب آپ Layer Plate میں سے پہلی والی Layer یعنی Layer 1 پر کلک کریں اور پھر کی بورڈ سے Delete کا بٹن دبادیں۔اس طرح پہلے والی Layer ختم ہوجائے گی۔اور مطلوبہ تصویر الگ ہو جائے گی۔

جب آپ Layer کو Delete کر دیں گے تو پھر آپ کے سامنے مطلوبہ تصویر کچھ اس طرح نظر آئے گی۔

اوپر تصویر میں آپ کو نظر آرہا ہوگا کہ کچھ کچھ بیک گراؤنڈ پچھلی تصویر کا ابھی بھی شامل ہے اور وہ ختم نہیں ہوا ہے۔اب ہم نے اس بیک گراؤنڈ کو ختم کرنا ہے جو کہ نظر آرہا ہے۔اس کو ختم کرنے کے لیئے آپ اپنے کی بورڈ سے Ctrl دباکر Layer 2 پر کلک کریں یعنی مطلوبہ تصویر والی Layer پر کلک کریں۔کلک کرنے کے بعد آپ مینو ( Menu ) میں Select پر کلک کریں اور پھر اس کے بعد Modify پر ماؤس لائیں اور پھر Contract پر کلک کریں۔کلک کرنے کے بعد آپ کے سامنے نیچے تصویر کی طرح باکس کھلے گا۔اس باکس میں تصویر کے مطابق تبدیلی کریں اور پھر OK پر کلک کردیں۔

اوکے کے بٹن پر کلک کرنے کے بعد آپ اپنے کی بورڈ سے Ctrl+Shift+I دبائیں تو پھر کی بورڈ سے Delete کا بٹن دبائیں۔Delete کا بٹن دبانے سے پہلے کچھ اس طرح آپ کی تصویر نظر آئے گی۔

Delete کا بٹن دبانے کے بعد آپ کی بورڈ سے Ctrl+D دبائیں۔اس طرح آپ کی مطلوبہ تصویر بیک گراؤنڈ کے بغیر آپ کے سامنے تیار ہے۔اب آپ بیک گراؤنڈ لیئر میں کوئی رنگ دیں یا پھر ختم کردیں یا پھر کوئی اور جگہ شامل کردیں۔میں نے بیک گراؤنڈ Layer کو ختم کردیا ہے تاکہ نئی فائل میں کام کیا جائے اور بغیر بیک گراؤنڈ کے تصویر کو محفوظ کرلیا جائے۔دیگر پروجیکٹس کے لیئے۔

اب آپ کی مطلوبہ تصویر آپ کے سامنے بغیر بیک گراؤنڈ کے نظر آرہی ہے۔امید ہے آپ کی مشکل حل ہوگئی ہوگی۔یہ ایک پروفیشنل طریقہ ہے تصویر کا بیک گراؤنڈ ہٹانے کا۔

اصل تحریر

خورشيد بيگم پر دہشت گردوں کا حملہ بزدلانہ فعل ہے،اسفنديارخان ولي

A Nawaz Khan — Thu, 17 May 2012 09:32:25 GMT

خورشيد بيگم پر دہشت گردوں کا حملہ بزدلانہ فعل ہے،اسفنديارخان ولي

Date : 5/16/2012 11:59:00 PM Updated at 23:59 PST
پشاور…عوامي نيشنل پارٹي کے صدر اسفنديار خان ولي نے کہا ہے کہ ان کي پارٹي کي ايم اين اے خورشيد بيگم پر دہشت گردوں کا حملہ بزدلانہ فعل ہے،اس طرح کي کارروائيوں سے ہمارے حوصلے پست نہيں ہوں گے. ايک بيان ميں عوامي نيشنل پارٹي کے صدر اسفند يار خان ولي نے کہا کہ خورشيد بيگم پر حملہ صرف اے اين پي سے وابستگي کي وجہ سے کيا گيا، ليکن ان کي جماعت دہشت گردوں کے مذموم عزائم کامياب نہيں ہونے دے گي. انہوں نے کہا کہ يہ دہشت گرد مسلمان تو کيا انسان کہلانے کے بھي مستحق نہيں، ان دہشت گردوں کے لئے نرم گوشہ رکھنے والي سياسي جماعتيں اپني پاليسي پر نظر ثاني کريں. اسفنديار خان ولي نے کہا کہ دہشت گرد ملک اور قوم کو تباہ کرنا چاہتے ہيں ليکن يہ ہر محاذ پر ناکام ہوں گے.
http://www.jang.net/urdu/update_details.asp?nid=49431

پشاور: اسکيم چوک بڈھ بير ميں دھماکا، ايک شخص جاں بحق

A Nawaz Khan — Thu, 17 May 2012 09:31:34 GMT

پشاور: اسکيم چوک بڈھ بير ميں دھماکا، ايک شخص جاں بحق

Date : 5/17/2012 11:55:00 AM Updated at 11:55 PST
پشاور… پشاورکے نواحي علاقہ اسکيم چوک بڈھ بير ميں دھماکے سے ايک شخص جاں بحق اور دو زخمي ہوگئے. پوليس کے مطابق دھماکا بڈھ بيرپوليس اسٹيشن کي حدود ميں واقع ا سکيم چوک ميں ميکينک کي دکان ميں ہوا. دھماکے سے تين افراد زخمي ہوئے، جنہيں ليڈي ريڈنگ اسپتال منتقل کرديا گيا. اسپتال انتظاميہ کے مطابق تين زخميوں ميں ايک زخمي چل بسا. پوليس کے مطابق دھماکے کے بعد پوليس اہل کار اور بم ڈسپوزل يونٹ موقع پر پہنچ گئے. بم ڈسپوزل يونٹ کے مطابق دھماکا بم پھٹنے سے ہوا۔
http://www.jang.net/urdu/update_details.asp?nid=49485

نیٹو سپلائی کی بحالی، کئی کے مفادات وابستہ

پاکستانی — Thu, 17 May 2012 09:28:12 GMT

نیٹو سپلائی کی جلد بحالی کے متمنی صرف ٹرانسپورٹ سے جڑے ٹرک مالکان ہی نہیں بلکہ حکومت پاکستان کے بجٹ بنانے والے اور لوٹ مار کے ماہر بھی ہیں۔ یہ اب اربوں روپے کا کاروبار بن چکا ہے اور کئی گروپس کے مفادات اس سے وابستہ ہیں۔
پشاور کی ستارہ مارکیٹ میں میں آج بھی میں اس امریکی عسکری کلائی کی گھڑی کی تلاش میں جاتا ہوں جو اب ناپید ہوگئی ہے۔ بتایا جاتا ہے کہ جناب سپلائی بند ہے اس لیے اب نہیں آ رہی ہیں۔ ایک مرتبہ کیا خریدی ہر دوست کو پسند آئی اور اس کا مطالبہ کر دیا۔ اسی مانگ کو پورا کرنے میں مجھے جیسے کو بھی دشواری کا سامنا ہے۔بجٹ کی تیاری میں مصروف حکام کے مطابق آئندہ مالی سال کے بجٹ میں بھی نیٹو سے ملنے والی متوقع ایک اعشاریہ تین ارب ڈالر کی رقم جیب میں موجود تصور کر کے سالانہ میزانیہ تیار کر لیا گیا ہے۔ کابینہ کی دفاعی امور سے متعلق کمیٹی تمام وزارتوں کو پہلے ہی اپنی چھریاں تیز کرنے، معاف کیجیئے گا امریکہ کے ساتھ بات چیت کو حتمی شکل دینے کا حکم دیا ہے۔
لیکن اس کے ساتھ ساتھ پاکستان فوج کے لیے بھی نیٹو سپلائی ایک منافع بخش کاروبار ہے۔ فوج اس ترسیل میں اپنے کاروبار کا حجم بتانے سے گریز کرتی ہے لیکن گزشتہ دنوں اخبارات میں خبریں آئی تھیں کہ وہ بھی عسکری ٹرانسپورٹ ادارے نیشنل لاجسٹک سیل کے لیے اس سپلائی کیک میں ایک بڑے حصہ کا تقاضا کر رہی ہے۔
اس کے علاوہ بہتی گنگا میں طالبان بھی ہاتھ دھوتے رہے ہیں۔ افغانستان میں تو وہ سپلائی کو بحفاظت گزرنے کا موقع دینے کے بدلے معاوضہ بھی لیتے رہے ہیں۔ اس کے علاوہ وہ ڈرائیورں کو اِغوا کرکے معاوضہ بھی وصول کرتے رہے ہیں۔ تو وہ بھی تقریبا چھ ماہ کی مندی دیکھنے کے بعد دوبارہ بہتری کی امید لگائے بیٹھے ہوں گے۔آخر میں پولیس اور مقامی انتظامیہ کے اہلکار بھی تھوڑا بہت سہی اپنی صلاحیت کے مطابق ہزاروں ٹرکوں اور ٹرالروں کے گزرنے کے بدلے مٹھیاں گرم کرتے آئے ہیں۔ ان کے علاوہ سپلائی کی بحال سے انشورنس کمپنوں کا کاروبار بھی یقینا بہتر ہوگا۔
معاشی فوائد کے علاوہ نیٹو سامان رسد کی ترسیل میں کئی کے سیاسی فائدے بھی جڑے ہیں۔ وزیر خارجہ حنا ربانی کھر کے گزشتہ دنوں ایک بیان کو تو میں ایسے ہی پڑھ پایا کہ جتنی آنکھیں امریکہ کو دکھانی چاہیے تھیں وہ ہم نے دکھا دیں اب آنکھیں نیچی کرکے کاروبار کی جانب واپس لوٹ آنا چاہیے۔ یعنی بیک ٹو دی بزنس۔
حکومت نے تو سیاسی طور پر اس بندش سے کوئی فائدہ لیا یا نہیں لیکن دینی جماعتیں خصوصا نئی تشکیل شدہ دفاع پاکستان کونسل نے دوبارہ بحالی کے اعلان سے قبل جو دھونس دھمکی حکومت کو دی تھی اب اس کی شدت میں قدرے کمی نظر آ رہی ہے۔ جو راستے بند کرنے، ہڑتال پر جانے اور پارلیمان کے گھیراؤ جیسے بیان سامنے نہیں آ رہے۔
اب جبکہ نیٹو افغانستان سے انخلاء کی تیاریوں میں مصروف ہے، پاکستان میں سب بھاگتے چور کی لنگوٹی کا ایک آدھ کونہ ہی سہی پکڑنے کی دوڑ میں لگ جائیں گے۔ نیٹو کو اگر عقل ہوئی تو اسی وجہ سے شکاگو کانفرنس میں لنگوٹی بڑی رکھنے کے بارے میں فیصلہ کرنا ہوگا ورنہ اتنے زیادہ لوگوں کو خوش رکھنا مشکل ہو جائے گا۔
مغربی ممالک کی افغانستان میں جو بھی درگت بھی ہے اسے اور ان ممالک کی بدحال معاشی صورتحال کے پیش نظر پھٹی ہوئی لنگوٹ کا معیار کچھ زیادہ حوصلہ افزا محسوس نہیں ہوتا۔ لیکن بات پھر بھی اربوں روپے کی ہے۔ ایسے میں جس کے ہاتھ جو آیا کم از کم کروڑ دو کروڑ تو ہوں گے ہی۔

نیٹو کو رسدکی فراہمی، ایک پرخطر کاروبار

پاکستانی — Thu, 17 May 2012 09:27:34 GMT

چالیس سالہ انور خان روزانہ کراچی کے علاقے شیریں جناح کالونی میں واقع آئل ٹینکرز کے اڈے پر روزگار کے لیے آتے ہیں مگر سارا دن در بدر ہونے کے باوجود انہیں کوئی روزگار دینے کےلیے تیار نہیں ہے۔
لیکن دو سال پہلے ایسا نہ تھا۔وہ بتاتے ہیں کہ وہ کراچی سے نیٹو کا آیل ٹینکر لیکر بگرام جا رہا تھے کہ افغانستان میں کابل کے قریب پہاڑ سے ان پر فائرنگ کی گئی جس میں ان کی ٹانگ پر گولی لگی۔
انور کچھ روز افغانستان میں زیر علاج رہے اور اس کے بعد پشاور آگئے جہاں سے انہیں کراچی لایا گیا۔ انہوں نے پندرہ ہزار اپنی جیب سے علاج پر خرچہ کیا مگر ٹانگ ابھی تک صحیح نہیں ہوسکی ہے۔ اس لیے وہ سمجھتے ہیں کہ اب وہ ٹھیکیداروں کی نظر میں ناکارہ ہیں۔
اس پورے علاج میں ان کی ٹھیکیدار نے کوئی مدد نہیں کی۔ تین بچوں کے والد انور خان اتفاق کرتے ہیں کہ اگر وہ نیٹو کے اس کام میں نہیں ہوتے تو وہ معذور نہیں بنتے۔
پاکستان کی بندرگاہوں سے افغانستان میں موجود اتحادی افواج کو تیل اور دیگر سامان کی رسد فراہم کی جاتی ہے جو سلالہ چیک پوسٹ پر حملے کے بعد تاحال معطل ہے۔
بعض گروہوں کی جانب سے نیٹو ٹینکروں اور کنٹینروں پر حملے بھی کیے گئے۔ ایسے ہی ایک حملے میں محمد باقی کا نوجوان بہتیجا کوئٹہ کے نزدیک ہلاک ہوگیا۔ جو ٹینکر کا پنکچر ٹائر تبدیل کر رہے تھے کہ گولی کا نشانہ بن گئے۔
محمد باقی کا کہنا ہے کہ انہیں نہ اچھا معاوضہ ملتا ہے اور نہ ہی ٹرپ ملتا ہے ’غربت کی وجہ سے اپنا سر ہاتھ میں لیکر چلتے ہیں، ہم لوگ اتنے دلیر نہیں ہیں مگر اپنی مجبوری اور اولاد کی وجہ سے سر ہاتھوں میں اٹھا رکھا ہے۔‘کراچی سے یہ ٹینکر اور ٹرالر ڈرائیور تقریباً دو ہزار کلومیٹر کا سفر طے کرکے سات سے آٹھ روز میں افغانستان پہنچتے ہیں۔ ڈرائیور محمد طارق بتاتے ہیں کہ دورانِ سفر عام لوگ بھی مشکلات پیدا کرتے ہیں۔
’چمن بائی پاس پر لوگ پتھراو کرتے ہیں، شیشے توڑنے کے علاوہ برا بھلا کہتے ہیں۔ جب ہم افغانستان میں داخل ہوجاتے ہیں تو پھر کچھ نہیں ہوتا۔‘
ان ڈرائیوروں کو کسی قسم کی سکیورٹی فراہم نہیں کی جاتی اور وہ اپنے طور پر یہ سفر طے کرتے ہیں۔ بعض ڈرائیور تو پولیس پر تنگ کرنے کے الزامات عائد کرتے ہیں۔عبدالوہاب اب زیادہ دیر تک ڈرائیونگ نہیں کرسکتے۔ ان کی کمر میں درد رہتا ہے۔ وہ اپنی کمر سے بندہا ہوا بیلٹ دکھاتے ہوئے بتاتے ہیں کہ پولیس اہلکاروں نے ان پر تشدد کیا، پیسے مانگے اور نہ دینے پر مار پیٹ کی۔
نیٹو کی فراہمی معطل ہونے سے جہاں گاڑیوں کے مالکان اور ڈرائیوروں کا روزگار رک گیا وہاں اس ٹرک اڈے کے چوکیدار بھی متاثر ہوئے ہیں۔ انہیں بھی گزشتہ کئی ماہ سے تنخواہ نہیں ملی ہے۔
پاکستان میں کئی تنظیمیں نے نیٹو کو رسد کی بحالی کی مخالفت کی ہے اور اس حوالے سے پچھلے دنوں امریکہ مخالف جذبات میں بھی اضافہ ہوا ہے۔ اس صورتحال میں نیٹو افواج کو رسد کی فراہمی پہلے سے بھی زیادہ مشکل اور پر خطر کاروبار ہوگا۔

کیا پاکستان اور امریکہ کا سلسلہ جنبانی ہوگا؟

پاکستانی — Thu, 17 May 2012 08:18:03 GMT

آخری دنوں میں پاکستان اور امریکہ نے اپنے تعلقات کو فیصلہ کن طور پر بہتر بنانے کی خاطر تیزی سے پیش رفت کرنا شروع کی ہے۔ پیر کے روز پاکستان کی وزیر خارجہ حنا ربّانی کھر نے کہا تھا کہ پاکستان اور مغرب کے افغانستان میں تزویری مقاصد مماثل ہیں اس لیے ہم چاہتے ہیں کہ ان کے معاون اور صلح کار بنیں نہ کہ ان کے راستے کی رکاوٹ۔ اس بیان سے واضح تھا کہ یہ ایک اشارہ ہے یعنی پاکستان افغانستان میں نیٹو کے دستون کے لیے کمک کی ترسیل کے جنوبی راستے کو پھر سے کھول دینے پر آمادہ ہے۔

پھر منگل کو ہی نیٹو کے جنرل سیکریٹری آندریس فوگ رسموسن نے پاکستان کے صدر آصف علی زرداری کو ٹیلیفون کرکے انہیں 21-20 مئی کو شکاگو میں ہونے والی نیٹو کی اس سمّٹ میں شریک ہونے کی دعوت دے ڈالی، جس میں مسئلہ افغانستان مرکزی اہمیت کا حامل ہوگا۔

یاد دلاتے چلیں کہ امریکہ اور پاکستان کے تعلقات ہمسایہ ملک افغانستان مین بیٹو کی عسکری کارروائی کے پورے عرصے میں ہی خراب ہوتے رہے ہیں اور گذشتہ سال یک لخت تب تیزی سے خراب ہوئے جب پہلے تو پاکستان کی سرزمین پر امریکہ کے خصوصی فوجی دستے نے کارروائی کی اور اسامہ بن لادن کو مار دیا پھر خاص طور پر تب جب امریکی فضائیہ نے ایک پاکستانی چیک پوسٹ پر حملہ کر دیا تھا جس میں پاکستان کی فوج کے بیس سے زائد افسر اور جوان مارے گئے تھے۔ اس کے فورا" بعد پاکستان نے اتحادی فوجوں کے لیے اپنی سرزمین کے راستے کمک کی ترسیل بند کر دی تھی۔

اس کے بعد پاکستان نے راستہ کھولنے پر امادگی کا اظہار کیا تھا لیکن شرائط رکھی تھیں کہ ایک تو امریکہ نومبر میں سلالہ چیک پوسٹ پر کیے حملے کی معافی مانگے اور دوسرے پاکستان کی سرزمین پر ڈرون طیاروں سے کیے جانے والے حملے روک دیے جائیں۔ ان میں سے کسی بھی شرط پر عمل درآمد نہیں کیا گیا اور نہ ہی ایسی کوئی علامت ہے کہ امریکہ ایسا کرے گا۔ اس کے باوجود دونوں جانب سے تعاون بحال کیے جانے کی باتیں ہوئی ہیں، روس کے انسٹیتیوٹ برائے تزویری تحقیق کے ایک ماہر بورس وولہونسکی کہتے ہیں،" سوال پیدا ہوتا ہے کیوں؟ امریکی صدر کو یہ مطالبے ماننے کی بھلا کیا پڑی ہے۔ امریکہ میں انتخابی مہم کا بازار گرم ہونے والا ہے اور باراک اوبامہ کے لیے انتہائی ضروری ہے کہ وہ خارجہ پالیسی سے متعلق اپنے فیصلہ کن ہونے کا اظہار کریں اور اس کا اظہار انہوں نےمئی کے شروع میں کابل کے غیر متوقع دورے کے موقع پر افغانستان کے ساتھ تزویری تعاون کے معاہدے پر دستخط کرکے کیا بھی ہے جس کا شکاگو کی سمٹ کے دوران زور شور سے چرچا کیا جائے گا۔ اگر اس دوران پاکستان سے بھی سمجھوتہ طے پا گیا تو اوبامہ کو اضافی نمبر مل جائیں گے۔"

دوسرا سوال یہ ہے کہ پاکستان ایسا کیوں کر رہا ہے جبکہ ظاہر ہے ان بڑے مطالبوں میں سے ایک کو بھی مانے جانے کی توقع نہیں ہے؟ ایک وجہ تو یہ کہ پاکستان کو خطرہ ہے کہ امریکہ کہیں ایسے وقت میں مالی امداد کم نہ کر دے جب ملک کی معیشت مشکلات سے دوچار ہے اور بجٹ سر پر تلوار بن کر کھڑا ہے، بورس وولہونسکی سمجھتے ہیں،" چند روز پہلے ہی امریکی کانگریس میں پاکستان کے بڑے ناقد اور اور ایوان کی بین الاقوامی معاملات پہ نگہداری اور تحقیق کی ذیلی کمیٹی کے سربراہ ڈانا رورا باخر نے ایک تجویز پیش کی تھی کہ پاکستان کو ہر سال دی جانے والی 2۔2 ارب ڈالر کی امداد میں ان دہشت گردوں کے ہاتھوں، جو یا تو پاکستان کی سرزمین پر موجود ہیں اور یا جن کی پاکستانی حکومت مدد کرتی ہو، مارے جانے والے ہر امریکی سپاہی کے عوض پانچ کروڑ ڈالر کم کردے۔

کیونکہ گزشتہ عرصے میں اس طرح سے مارے جانے والے امریکی فوجیوں کی تعداد مین اضافہ ہوا ہے جس میں پاکستان کی معاونت کے آثار ملے ہیں، اگر امریکہ اس طرح کے واقعات پر پاکستان کی مالی امداد کم کرنا شروع کر دے تو وہ صفر ہو کر رہ جائے گی۔"

ایک اور خطرہ بھی موجود ہے، افغانستان میں مغرب کی فوج نے پاکستانیوں کے امریکہ مخالف رجحان کو کئی بار ہوا دی ہے۔ پاکستان کے صدر اور حکومت کی مقبولیت بے حد کم ہو چکی ہے۔ امریکہ کے ساتھ صلح کرنے سے صدر آصف علی زرداری اور حکومت کی مقبولیت انتخاب سے پہلے کہیں زیادہ کم ہو جائے گی۔ ایسا بالکل ممکن ہے کہ حکومت اور صدر زرداری وقتی مفادات پانے کے لیے آگ سے کھیل رہے ہوں، روسی ماہر کو خدشہ ہے۔

شنگھائی تنظیم دہشت گردوں اور علیحدگی پرستوں کا منہ توڑ جواب دے گی

پاکستانی — Thu, 17 May 2012 08:17:19 GMT

شنگھائی تنظیم تعاون کا منصوبہ ہے کہ اپنی سرگرمیوں اور ڈھانچے میں اہم تبدیلیاں لائے۔ رکن ممالک یعنی روس، چین، تاجکستان، کرغیزستان، قزاخستان اور ازبکستان کے وزرائے خارجہ نے گیارہ مئی کو بیجنگ میں ہونے والے اجلاس میں اس بارے میں اعلان کیا ہے۔ اس منصوبے کا مقصد نئے خطرات کا مقابلہ کرنا اور دیگر ممالک کے ساتھ شنگھائی تنظیم کے تعاون کو فروغ دینا ہے۔

اجلاس کے شرکاء نے تصدیق کی کہ چھہ اور سات جون کو بیجنگ میں شنگھائی تنظیم کی سمٹ ہوگی۔ وزرائے خارجہ نے علاقائی سلامتی اور استحکام کو لاحق خطرات کے مقابلے کے نئے جن سیاسی و سفارتی طریقوں کا تعین کیا ہے ان کی مجوزہ سمٹ میں منظوری دی جائے گی۔

وزرائے خارجہ کے اجلاس میں جو دستاویز تیار کی گئی ہے اس کے ذریعے روس، چین اور مرکزی ایشیا کے ملکوں کے درمیان عملی تعاون میں وسعت لانے کی قانونی بنیاد فراہم کی جائے گی، روسی وزارت خارجہ کے تحت قائم سفارتی اکادمی کے تحقیقاتی مرکز برائے مشرق کے سربراہ Andrei Volodin نے کہا۔

موصوف کے مطابق مرکزی ایشیا میں سیاسی عدم استحکام کا خطرہ برقرار ہے۔ یہ خطرہ بہت پہلے پیدا ہوا تھا لیکن آج بھی اس پر گہری نظر رکھے جانے کی ضرورت ہے۔ ظاہر ہے کہ خطرات کا مقابلہ کرتے ہوئے تمام ممالک کو ان بین الاقوامی قوانین پر کاربند ہونا چاہئے جن کا تعلق علاقائی سالمیت، خودمختاری، اندرونی معاملات میں عدم مداخلت اور تمام عوام کی مرضی کے احترام سے ہے۔ شنگھائی تنظیم تعاون کے ملکوں کی سرگرمیوں میں گہرا رابطہ پیدا کیا جانا انتہائی مناسب ہے جس کا خیرمقدم کیا جانا چاہئے۔

شنگھائی تنظیم کے ممالک کے وزرائے خارجہ نے ہنگامی واقعات پر معقول ردعمل ظاہر کرنے پر اتفاق کر لیا ہے جس کے لیے خفیہ معلومات کے تبادلے کو فروغ دیا جانا ہوگا، مختلف تکنیکی آلات اور مالی و انسان دوست امداد کی فراہمی کے طریقوں کو زیادہ موثر بنانا ہوگا۔ ماہ جون میں ہونے والی سمٹ میں انسداد دہشت گردی، علیحدگی پرستی و انتہاپسندی سے متعلق شنگھائی تنظیم کے لائحہ عمل کی منظوری دی جائے گی۔ روس کے وزیر خارجہ سرگئی لاوروو کے مطابق شنگھائی تنظیم کے تحت قائم علاقائی خلاف دہشت گردی ادارے کے اختیارات پر نظر ثانی کی جانی ہوگی۔

روس کے وزیر خارجہ نے کہا کہ اس ادارے کو نئے خطرات اور چیلنجوں کا مقابلہ کرنے والے ایک مشترکہ مرکز میں تبدیل کیا جا سکتا ہے۔ مزید برآں اس ادارے کو شنگھائی تنظيم کے مبصر ممالک یعنی پاکستان، ہندوستان، ایران اور منگولیا، اور ڈائیلاگ پارٹنرز یعنی بیلارس اور سری لنکا کے ساتھ تعاون کرنا ہوگا۔

توقع ہے کہ شنگھائی تنظیم کے چھہ رکن ممالک کے سربراہ اپنی مجوزہ ملاقات میں ترکی کو ڈائیلاگ پارٹنر کا درجہ دئے جانے کے امکان پر تبادلہ خیال کریں گے۔ روسی ماہر سیاسیات Stanislav Tarasov نے اس اطلاع کو سنسنی خیز قرار دیا اور اپنے موقف کی وضاحت کرتے ہوئے کہا: ترکی کا موقف بہت دلچسپ ہے۔ یہ ملک ایک عرصے تک مغرب نواز پالیسی پر گامزن تھا۔ ترکی نے یورپی یونین کی رکنیت حاصل کرنے کی بہت زیادہ کوشش کی تھی لیکن اسے رکنیت نہیں دی گئی۔ اپنا وقار بچانے کے لیے ترکی نے ایشیائی ممالک کے ساتھ اشتراک عمل کو فروغ دینے کا منصوبہ تیار کیا ہے۔ اندازہ ہے کہ اب ترکی کی خارجہ پالیسی میں تبدیلیاں لائی جائیں گی۔

توقع ہے کہ جون میں ہونے والی سمٹ میں پاکستان، ہندوسان، ایران اور منگولیا کے علاوہ افغانستان کو بھی شنگھائی تنظیم میں مبصر کا درجہ دینے کا فیصلہ کیا جائے گا۔ تاہم، پاکستان، ہندوستان اور ایران کو مکمل رکنیت دئے جانے کے سوال کا حتمی جواب ابھی تک نہیں ملا۔ روس کے وزیر خارجہ سرگئی لاوروو نے کہا ہے کہ اس سوال کے حل میں تاخیر کیا جانا نامناسب ہے۔

نوکیا کی پاکستان میں پہلی گلوبل لانچ تقریب

پاکستانی — Thu, 17 May 2012 08:12:39 GMT

ٹیلی کام کی دنیا کی ایک اہم کمپنی نوکیا نے اپنی مصنوعات کو متعارف کرانے کے لیے پہلی بار پاکستان کا انتخاب کیا ہے۔ نوکیا کے نمائندوں کا کہنا کہ اس سے پاکستان کا سافٹ امیج دنیا کے سامنے آئے گا۔

پاکستان فضائیہ کے دو طیارے آپس میں ٹکرا کر تباہ

کنعان — Thu, 17 May 2012 06:00:06 GMT

آخری وقت اشاعت: جمعرات 17 مئ 2012 ,‭ 05:37 GMT 10:37 PST

اطلاعات کے مطابق پاکستانی فضائی فوج کے دو تربیتی طیارے آپس میں ٹکرانے کے باعث تباہ ہوگئے ہیں۔

یہ واقعہ صوبہ خیبر پختونخواہ کے علاقے نوشہرہ کے قریب رشکئی کے مقام پر پیش آیا۔

عینی شاہد غنی الرحمان کے مطابق دو زیرِ تربیت طیاروں کا ملبہ گھروں پر گرا ہے۔ انہوں نے بی بی سی کو بتایا کے تین پائلٹوں کی لاشیں مقامی لوگوں نے ملبے سے نکال لی ہیں۔ ان کے مطابق دونوں جہازوں میں دو دو پائلٹ سوار تھے۔

حادثے کا شکار ہونے والے طیاروں اور پائلٹوں سے متعلق معلومات ابھی حاصل کی جا رہی ہیں۔

ح

اسلام میں بنیادی حقوق

عبد المعز — Thu, 17 May 2012 05:07:59 GMT

کتاب کا نام
اسلام میں بنیادی حقوق
مصنف
محمد بن صالح العثیمین
مترجم
شعبہ تحقیق دارالسلام
ناشر
مکتبہ دارالسلام،لاہور

تبصرہ
پیش نظر کتاب میں اسلامی حقوق اور اس کے حوالے سے انسانوں کے بنیادی حقوق کا ایک حکمت آموز بیان موجود ہے جسے شیخ صالح العثیمین رحمۃاللہ علیہ نے اختصار اور جامعیت کے ساتھ بیان کیا ہے۔ دس ابواب پر مشتمل اس کتاب میں پہلے اسلام میں فطری حقوق کا تصور واضح کیا گیا ہے پھر خالق کائنات کے حقوق کے حوالے سے یہ بات سمجھائی گئی ہے کہ رب کائنات اس بات کا حق رکھتاہے کہ اس کی ذات، اس کی صفات اور عبادات میں کسی کو شریک نہ کیاجائے۔ توحید کے بعد رسالت کے حقوق کا تقاضا ہے کہ نبی کریم صلی اللہ علیہ وسلم کی تعظیم میں مسنون اعمال کو اختیار کیا جائے۔ اسی طرح والدین، میاں بیوی، اولاد، رشتہ داروں، ہمسایوں، حکمران اور رعایا، عام مسلمانوں حتیٰ کہ غیر مسلموں تک کے حقوق کی مستند حوالوں سے توضیح و تعیین کی گئی ہے۔ (ع۔ م)
اس کتاب اسلام میں بنیادی حقوق کو آن لائن پڑھنے یا ڈاؤن لوڈ کرنے کے لیے یہاں کلک کریں

ہمیں یقین ہے امجد نہیں وہ وعدہ خلاف

گلاب خان — Thu, 17 May 2012 02:02:13 GMT

کوئی بھی لمحہ کبھی لوٹ کر نہیں آیا
وہ شخص ایسا گیا پھر نظر نہیں آیا

وفا کے دشت میں رستہ نہیں ملا کوئی
سوائے گرد سفر ہم سفر نہیں آیا

پَلٹ کے آنے لگے شام کے پرندے بھی
ہمارا صُبح کا بُھولا مگر نہیں آیا

کِسی چراغ نے پُوچھی نہیں خبر میری
کوئی بھی پُھول مِرے نام پر نہیں آیا

چلو کہ کوچہ قاتل سے ہم ہی ہو آئیں
کہ نخلِ دار پہ کب سے ثمر نہیں آیا

خُدا کے خوف سے دل لرزتے رہتے ہیں
اُنھیں کبھی بھی زمانے سے ڈر نہیں آیا

کدھر کو جاتے ہیں رستے، یہ راز کیسے کُھلے
جہاں میں کوئی بھی بارِ دگر نہیں آیا

یہ کیسی بات کہی شام کے ستارے نے
کہ چَین دل کو مِرے رات بھر نہیں آیا

ہمیں یقین ہے امجد نہیں وہ وعدہ خلاف
پر عُمر کیسے کٹے گی، اگر نہیں آیا

پھر یوں ہوا کہ درد میں شدت نہیں رہی

گلاب خان — Thu, 17 May 2012 01:57:24 GMT

وہ سلسلے وہ شوق وہ نسبت نہیں رہی
اب زندگی میں ہجر کی وحشت نہیں رہی

پھر یوں ہوا کہ کوئی اپنا نہیں رہا
پھر یوں ہوا کہ درد میں شدت نہیں رہی

ٹوٹا ہے جب سے اس کی مسیحائی کا طلسم
دل کو کسی مسیحائی کی حاجت نہیں رہی

پھر یوں ہوا کہ ہوگیا مصروف وہ بہت
اور ہم کو یاد کرنے کی فرصت نہیں رہی

اب کیا کسی کو چاہیں کہ ہم کو تو ان دنوں
خود اپنے آپ سے بھی محبت نہیں رہی

ہم سا جو شکستہ قلب ملا، اُسے دل سے لگا کر چُوم لیا

گلاب خان — Thu, 17 May 2012 01:54:29 GMT

تعبیر ہو جس کی اچھی سی، کوئی ایسا خواب نہیں دیکھا
کوئی ٹہنی سبز نہیں پائی، کوئی شوخ گلاب نہیں دیکھا

ایسا ہے کہ تنہا پھرنے کا کچھ اتنا زیادہ شوق نہیں
تیرے بعد سو ان آنکھوں نے کبھی جشن ِ مہتاب نہیں دیکھا

ہم ہجر زدہ سودائی تھے، جلتے رہے اپنے شعلوں میں
اچھا ہے کہ توُ محفوظ رہا، تُو نے یہ عذاب نہیں دیکھا

بس اتنا ہوا ہم تشنہ دہن لوٹ آئے بھرے دریاؤں سے
کوئی اور فریب نہیں کھایا، کوئی اور سراب نہیں دیکھا

ہم سا جو شکستہ قلب ملا، اُسے دل سے لگا کر چُوم لیا
اس سے بہتر اس سے بڑھ کر کوئی کارِ ثواب نہیں دیکھا

مجھ میں کچھ تم رہ جاؤ

گلاب خان — Thu, 17 May 2012 01:51:37 GMT

جاؤ چاند سے مٹی لاؤ

اس کے دو بت بناؤ

اک بُت اپنا، اک بُت میرا

پھر ان کو توڑ ڈالو

پھر شروع سے مٹی گوندھو

اس کے دو بُت بناؤ

اک بُت اپنا، اک بُت میرا

تجھ میں کچھ میں رہ جاؤں

مجھ میں کچھ تم رہ جاؤ

کوئی ایک شخص تو یوں ملے کہ سکوں ملے

گلاب خان — Thu, 17 May 2012 01:47:46 GMT

کوئی ایک شخص تو یوں ملے کہ سکوں ملے
کوئی ایک لفظ تو ایسا ہو کہ قرار ہو
کہیں ایسی رت بھی ملے ہمیں جو بہار ہو
کبھی ایسا وقت بھی آئے کہ ہمیں پیار ہو!

کوئی ایک شخص تو یوں ملے ۔۔۔
کہ چراغِ جاں اسے نور دے، اسے تاب دے، بنے کہکشاں
کوئی غم ہو جس كو كہا کریں غمِ جاوداں
کوئی یوں قدم کو ملائے کہ بنے کارواں

کوئی ایک شخص تو یوں ملے ۔۔۔ کہ قرار ہو
میری راہِ گزرِ خیال میں کوئی پھول ہو
میں سفر میں ہوں مرے پاؤں پہ کبھی دھول ہو
مجھے شوق ہے مجھ سے بھی کبھی کوئی بھول ہو
غمِ ہجر ہو، شبِ تار ہو، بڑا طول ہو۔۔۔

کوئی ایک شخص تو یوں ملے ۔۔۔ کہ قرار ہو
کہ جو عکسِ ذات ہو، ہو بہو میرا آئینہ، میرے رو برو
کوئی ربط کہ جس میں نا مَیں، نہ تُو
سرِ خامشی کوئی گفتگو ۔۔۔

کوئی ایک شخص تو یوں ملے کہ سکوں ملے

آنکھ سے دور نہ ہو دل سے اتر جائے گا

گلاب خان — Thu, 17 May 2012 01:42:33 GMT

آنکھ سے دور نہ ہو دل سے اتر جائے گا
وقت کا کیا ہے، گزرتا ہے گزر جائے گا

اتنا مانوس نہ ہو خلوتِ غم سے اپنی
تو کبھی خود کو بھی دیکھے گا تو ڈر جائے گا

تم سرِ راہِ وفا دیکھتے رہ جاؤ گے
اور وہ بامِ رفاقت سے اتر جائے گا

زندگی تیری عطا ہے تو یہ جانے والا
تیری بخشش تری دہلیز پہ دھرا جائے گا

ڈوبتے ڈوبتے کشتی کو اچھالا دے دوں
میں نہیں، کوئی تو ساحل پہ اتر جائے گا

ضبط لازم ہے مگر دکھ ہے قیامت کا فراز
ظالم اب کے بھی نہ روئے گا تو مر جائے گا

منکرین حدیث کی تعریف کردیجیے؟؟

زبیرافتحار — Thu, 17 May 2012 01:34:23 GMT

منسلکہ فائل 51631
میں آپ کو بعد میں چند ایک حدیث کا حوالا دو گا .آپ بھی ان حدیث کی صحت پر سوال اُٹھے گئے
مجھے ابھی university جانا ہے

Attached Thumbnails

بہت دنوں سے ترا انتطار بھی تو نہیں

گلاب خان — Thu, 17 May 2012 01:31:45 GMT

نصیب عشق دلِ بےقرار بھی تو نہیں

بہت دنوں سے ترا انتطار بھی تو نہیں

تلافئ ستمِ روزگار کون کرے

تو ہم سخن بھی نہیں، رازدار بھی تو نہیں

زمانہ پرسشِ غم بھی کرے تو کیا حاصل

کہ اپنے دل پہ مجھے اختیار بھی تو نہیں

تو ہی بتا کہ تری خاموشی کو کیا سمجھوں

تری نگاہ سے کچھ آشکار بھی تو نہیں

وفا نہیں نہ سہی، رسم و راہ کیا کم ہے

تری نظر کا مگر اعتبار بھی تو نہیں

اگرچہ دل تری منزل نہ بن سکا اے دوست

مگر چراغِ سرِ رہگزار بھی تو نہیں

بہت فسردہ ہے دل، کون اس کو بہلائے

اُداس بھی تونہیں، بے قرار بھی تو نہیں

تو ہی بتا ترے بے خانماں کدھر جائیں

کہ راہ میں شجرِ سایہ دار بھی تو نہیں

فلک نے پھینک دیا برگِ گل کی چھاؤں سے دور

وہاں پڑے ہیں جہاں خارزار بھی تو نہیں

جو زندگی ہے تو بس تیرے درد مندوں کی

یہ جبر بھی تو نہیں، اختیار بھی تو نہیں

وفا ذریعۂ اظہارِ غم سہی ناصر

یہ کاروبارکوئی کاروبار بھی تو نہ نہیں

تو بھی دل سے اتر نہ جائے کہیں

گلاب خان — Thu, 17 May 2012 01:29:31 GMT

نیتِ شوق بھر نہ جائے کہیں
تو بھی دل سے اتر نہ جائے کہیں

آج دیکھا ہے تجھ کو دیر کے بعد
آج کا دن گزر نہ جائے کہیں

نہ ملا کر اداس لوگوں سے
حسن تیرا بکھر نہ جائے کہیں

آرزو ہے کہ تو یہاں آئے
اور پھر عمر بھر نہ جائے کہیں

جی جلاتا ہوں اور سوچتا ہوں
رائیگاں یہ ہنر نہ جائے کہیں

آ کچھ دیر رو ہی لیں ناصر
پھر یہ دریا اتر نہ جائے کہیں

وقت پھر وار کر نہ جائے کہیں
خواب آنکھوں میں مر نہ جائے کہیں

میری آنکھوں پہ تیرے ہاتھ کا لمس
یہ بھی سپنا بکھر نہ جائے کہیں

تجھ کو یہ خوف کیوں ہے اے جاناں
تو بھی دل سے اتر نہ جائے کہیں

تیرے جانے سے میرے دل کا نگر
خشک پتوں سے بھر نہ جائے کہیں

ضبط کرنا مجھے بھی مشکل ہے
آنکھ تیری بھی بھر نہ جائے کہیں

اللہ کی عظیم نعمت پانی کی قدر کریں!!!

گلاب خان — Thu, 17 May 2012 00:44:41 GMT

وَهُوَ الَّذِي خَلَقَ مِنَ الْمَاءِ بَشَرًا فَجَعَلَهُ نَسَبًا وَصِهْرًا ۗ وَكَانَ رَبُّكَ قَدِيرًا
وہ جس نے پانی سے انسان کو پیدا کیا، پھر اسے نسب والا اور سسرالی رشتوں والا کردیا بلاشبہ آپ کا پروردگار (ہر چیز پر) قادر ہے۔
الفرقان:آیت:۵۴

مگر افسوس کہ ہم آج اس پیاری نعمت کی قدر نہیں کرتے اور اس کو ضائع کرتے رہتے اگر پانی ہمیں خریدنا پڑے تو یقیناً ہم اس کا اسراف کرنا برداشت نہ کریں گیں جیسا منرل واٹر کو ضائع نہیں کرتے،آخر ایسا کیوں ہے کہ جو چیز ہمیں بغیر محنت اور پیسہ خرچ کئے مل جائے ہم اس کی قدر نہیں کرتے؟؟؟؟

اللہ کا راشاد ہے

ترجمہ: پھر تم سے ضرور بالضرور پوچھ ہونی ہے اس دن ان نعمتوں کے بارے میں۔ (التکاثر:۸)

اس آیت کی تفسیر احادیث میں بھی وارد ہوئی ہے کہ
حضرت ابوہریرہ رضی اللہ عنہ سے روایت ہے کہ یہ آیت نازل ہوئی تو صحابہ کرام رضی اللہ تعالٰی عنہ نے عرض کیا یا رسول اللہ صلی اللہ علیہ وآلہ وسلم ہمارے پاس دو ہی تو چیزیں ہیں پانی اور کھجور۔ پھر ہم سے کن نعمتوں کے بارے میں پوچھا جائے گا؟ دشمن حاضر ہے اور تلواریں ہمارے کاندھوں پر ہیں۔ نبی اکرم صلی اللہ علیہ وآلہ وسلم نے فرمایا یہ نعمتیں عنقریب تمہیں ملیں گی۔

جامع ترمذی:جلد دوم:باب: سورۃ تکاثر کی تفسیر
پانی کے اسراف کی ممانعت میں احادیث موجود ہیں مثلاً
-------------------------------------------------------------------
عبداللہ بن عمرو بن العاص رضی اللہ تعالٰی عنہ راوی ہیں کہ
(ایک مرتبہ) سرکار دو عالم صلی اللہ علیہ وسلم کا گزر حضرت سعد رضی اللہ تعالیٰ عنہ پر ہوا جب کہ وہ وضو کررہے تھے (اور وضوء میں اسراف بھی کررہے تھے) آپ صلی اللہ علیہ وسلم نے (یہ دیکھ کر) فرمایا ’’اے سعد! یہ کیا اسراف (زیادتی ہے)؟‘‘ حضرت سعد رضی اللہ تعالٰی عنہ نے عرض کیا کہ کیا وضو میں بھی اسراف ہے؟ آپ صلی اللہ علیہ وسلم نے فرمایا ’’ہاں! اگرچہ تم نہر جاری ہی پر (کیوں نہ وضو کررہے) ہو۔‘‘
(مسند احمد بن حنبل، ابن ماجہ)

مشکوۃ شریف:جلد اول:باب: وضو کی سنتوں کا بیان
حضرت ابن عمر رضی اللہ عنہم فرماتے ہیں کہ رسول اللہ صلی اللہ علیہ وآلہ وسلم نے ایک شخص کو وضو کرتے دیکھا تو ارشاد فرمایا اسراف نہ کرو، اسراف نہ کرو۔

سنن ابن ماجہ: جلد اول: باب: وضو میں میانہ روی اختیار کرنے اور حد سے بڑھنے کی کراہت

ان احادیث سے واضح ہوا کہ وضو کرتے وقت بھی پانی کے اسراف سے بچنا لازم ہے اور بےشک وضو دریا کے کنارے کیا جائے مگر افسوس صد افسوس کہ ہم وضو کرتے وقت بھی بہت زیادہ پانی ضائع کرتے ہیں

پانی ضائع کرنے کے چند مواقع
وضو سے پہلے مسواک کرتے وقت پانی کا نَل :: ٹوٹی :: کھلی رکھنا
:: ہاتھ، منہ، بازو، پاؤں :: دھوتے وقت پانی کا ضرورت سے زیادہ بہانا۔
بعض لوگ صابن سے ہاتھ اور منہہ دھوتے ہیں تو صابن لگاتے وقت پانی کھُلا رکھنا۔
غسل کرتے وقت جب صابن لگایا جاتا ہے تو نَل کھُلا رکھنا۔

گھروں میں خواتین کے پانی ضائع کرنے کے مواقع
------------------------------------------------------------
برتن دھوتے وقت پانی کا اسراف کرنا۔
کپڑے دھوتے وقت پانی کا بلاوجہ اسراف کرنا۔
گھر کی صفائی کے وقت پانی کو بےتحاشہ استعمال کرنا۔

پانی احتیاط سے استعمال کرنے کی تدابیر:
---------------------------------------------------
پانی لوٹے میں یا کسی اور برتن میں ڈال کر وضو کیا جائے تو پانی ضائع نہیں ہوتا۔
اگر نَل پر ہی وضو کرنا ہے تو نَل اُسی وقت کھولیں جب کسی عضو کو دھونا ہو اور جب دھل جائے تو نَل بند کردیں۔
مسواک اور سر کا مسح کرتے وقت نَل بند رکھیں۔
وضو کرتے ہوئے اگر صابن لگانا ہے تو صابن لگاتے وقت نَل بند رکھیں۔
گھر کی صفائی ہمیشہ بالٹی میں پانی ڈال کر کریں نَل کے ساتھ پائپ لگا کر صفائی کرنے سے پانی بہت زیادہ ضائع جاتا ہے۔
برتنوں کو صابن لگاتے اور برتن مانجتے وقت نَل کو بند رکھیں۔
اور یہی اصول کپڑے دھوتے وقت بھی اپنایا جائے تو پانی کے اسراف سے بچا جاسکتا ہے۔

کوئل ۔۔ دس ہزار میل پرواز کرنے والا پرندہ

گلاب خان — Wed, 16 May 2012 22:42:25 GMT

اگر آپ صبح سویرے سیر پر جاتے ہیں تو آپ نے درختوں کے قریب سے گذرتے ہوئے ایک پرندے کی خوبصورت اور سریلی آواز ضرور سنی ہوگی۔ دل کو چھو لینے والی یہ آواز ایک لمحے کے لیے رک پلٹ کر دیکھنے پر مجبور کردیتی ہے۔ یہ خوبصورت آوازایک چھوٹے سے پرندے کوئل کی ہے۔

منسلکہ فائل 51626

جمیل اختر | واشنگٹن

کوئل اور ہر گھنٹے کے بعد کوئل جیسی آواز نکالنے والے کلاک اب ماضی کا حصہ بنتے جارہے ہیں۔ زیادہ دور پرے کی بات نہیں ہے کہ باغوں اور پارکوں میں کوئل کی سریلی اور خوبصورت آواز اکثر سنائی دیتی تھی اور بہت سے گھروں کی دیواروں پر ایسے کلاک نظر آتے تھے جن میں ہر گھنٹے کے بعد ایک چھوٹی سی کھڑکی کھلتی تھی اور ایک ننھی سی کوئل اپنی چونچ باہر نکال کر وقت کا اعلان کرتی تھی۔

منسلکہ فائل 51627

کوکو کلاک موبائل فونز اور ڈیجیٹل ٹیکنالوجی کے دیگر گھریلو آلات کی بھینٹ چڑھ چکا ہے، جب کہ آب و ہوا کی تبدیلیاں ہمارے باغوں اور پارکوں کوکوئل کے سریلے نغموں سے محروم کررہی ہیں۔ جنوبی ایشیا میں کوئل کی آبادی میں کتنی کمی واقع ہوئی ہے؟ اس بارے میں مستند اعداد و شمار دستیاب نہیں ہیں لیکن برطانیہ میں ایک حالیہ مطالعے سے پتا چلا ہے کہ 1995ء کے مقابلے میں 2010ء میں اس خوش الحان پرندے کی تعداد آدھی ہوچکی تھی۔

کم ہی لوگوں کو یہ علم ہے کہ کوئل ایک خانہ بدوش پرندہ ہے اور وہ خوراک کی تلاش اور موسموں کی سختیوں سے بچنے کی خاطر ہر سال ہزاروں میل کا سفر کرتا ہے۔ یورپ میں یہ ننھا پرندہ افریقہ سے طویل سفر کے بعد وہاں آتا ہے اور سردیاں شروع ہوتے ہی واپسی کی پرواز شروع کردیتا ہے۔ آپ کو یہ جان کر یقیناً حیرت ہوگی کہ یہ ننھی سی جان ہرسال دس ہزار میل سے زیادہ پرواز کرتی ہے۔ اوراس سے بھی زیادہ حیرت انگیز بات یہ ہے کہ شمالی امریکہ کے سفر کے لیے یہ پرندہ چار ہزار میل کی ایک مسلسل اڑان میں بحیرہ کریبیئن عبور کرتا ہے۔

منسلکہ فائل 51628

کوئل یا کوکو کی کئی اقسام ہیں جن کا وزن 15 گرام سے سوا پونڈ تک ہوتا ہے۔ مختلف اقسام کے پروں کی رنگت بھی مختلف ہوتی ہے اور کوئل کی نقل مکانی پر نظر رکھنے والے یورپی تحقیقی ادارے بی ٹو او کے مطابق کچھ اقسام نقل مکانی نہیں کرتیں اور کسی خاص علاقے میں مستقل طور پر رہتی ہیں۔

منسلکہ فائل 51629

برطانوی سائنس دانوں کی ایک ٹیم نے، جو گذشتہ ایک سال سے کوئل پر تحقیق کررہی ہے، افریقہ سے برطانیہ پہنچنے والی کوئل کی پرواز کے راستوں کی مستند معلومات اکھٹی کرنے کا دعویٰ کیا ہے۔

اس تحقیق کے لیے پہلی بار جی پی ایس سے مدد لی گئی ہے اور سیٹلائٹ کے ذریعے ان کی پرواز پر نظر رکھ کر ڈیٹا مرتب کیا گیا ہے۔

ٹیم کے سربراہ ڈاکٹر فل اٹکن سن کا کہنا ہے کہ اپنی تحقیق کے لیے انہوں نے پچھلے سال مئی میں نورفوک کے علاقے سے پانچ نر کوئل پکڑے، اور پھر ایک خصوصی چھوٹے جی پی ایس کو ان کے بازوں کے ساتھ باندھنے کے بعد آزاد کردیا گیا۔ جس کے بعد ان کی پرواز کاریکارڈ مرتب کیا گیا۔

منسلکہ فائل 51630

ڈاکٹر اٹکن سن کا کہنا ہے کہ ان پانچ میں سے دو پرندوں نے جن کے نام لاسٹر اور کرس رکھے گئے تھے، خزاں کا موسم شروع ہوتے ہی اپنی واپسی کی پرواز شروع کی اور وہ مختلف راستوں سےاٹلی اور سپین سے گذرتے، بحیرہ روم کے اوپر سے پرواز کرتے ہوئے افریقہ کے صحرائے اعظم میں داخل ہوئے اور سردیوں کے آغاز پر ایک برساتی جنگل میں پہنچ گئے۔ پھر جب موسم بدلنا شروع ہوا تو انہوں نے واپسی کے سفر کا آغاز کیا اور مختلف راستوں سے گذرتے اپریل کے آخر میں برطانیہ میں فورنوک کے اسی علاقے میں پہنچ گئے جہاں سے ایک سال قبل انہیں پکڑا گیا تھا۔

پرندوں پر ایک اور حالیہ تحقیق سے معلوم ہوا ہے کہ 1995ء سے یورپ میں کوئل سمیت پرندوں کی دوسری کئی اقسام کی تعداد مسلسل گھٹ رہی ہے۔ ان میں قمری، فاختہ، بلبل اور ممولے بھی شامل ہیں۔ ایک اندازے کے مطابق برطانیہ میں ہر سال کوئل کے دس ہزار سے بیس ہزار جوڑے گرمیاں گذارنے آتے ہیں۔ دلچسپ بات یہ ہے کہ مادہ کوئل اپنے واپسی کے سفر پر روانگی سے قبل عموماً کوئے کے گھونسلے میں انڈے دیتی ہے۔ اور کوئے کو اس وقت پتا چلتا ہے کہ وہ کوئل کے انڈے سہتا اور اس کے بچے پالتا رہا ہے، جب وہ بولنا شروع کرتے ہیں۔ وہ انہیں گھونسلے سے باہر پھینک دتیا ہے۔ مگر تب تک وہ اڑنے کے قابل ہوچکے ہیں اور پھر گھونسلے سے بے دخل ہونے کے چند ہی ہفتوں کے بعد وہ افریقہ کے لیے اپنی پرواز شروع کردیتے ہیں۔

کوئل کی اقسام اپنے انڈے خود سہتی ہیں اور اپنے بچوں کی پرورش بھی خود کرتی ہیں۔

نئی تحقیق سے معلوم ہوا ہے کہ کوئل پرواز کے لیے مختلف راستے اختیار کرتا ہے۔ بالغ پرندے اپنا سفر پہلے شروع کرتے ہیں اور عموماً مارچ کے آخر یا اپریل کے شروع میں برطانیہ پہنچ جاتے ہیں اور پھر جولائی اگست میں ان کی واپسی شروع ہوجاتی ہے۔ جب کہ ان کے بچوں کی پرواز تقریباً ایک ماہ بعد شروع ہوتی ہے۔

صحرائے اعظم عبور کرنے سے پہلے یہ پرندے کچھ عرصہ مغربی افریقہ میں رکتے ہیں اور اپنے قیام کے دوران معمول سے زیادہ خوراک کھاتے ہیں جس سے ان کے وزن اور جسم میں توانائی کی مقدار بڑھ جاتی ہے۔ اپنی اسی توانائی کے بل پر وہ صحرا ئے اعظم عبور کرتے ہیں۔

ڈاکٹر فل اٹکن سن کا کہنا ہے کہ ہمیں پتا چلا ہے کہ غیرمعمولی موسمی تبدیلیاں ان کی ہلاکت کا سبب بن رہی ہیں۔ انہوں نے بتایا کہ تحقیق میں شامل پہلا کوئل افریقی ملک کیمرون سے گذرتے ہوئے سخت موسم کے باعث ہلاک ہوگیا تھا۔

ماہرین کے مطابق کوئل کا اصل وطن افریقہ ہے اور وہ خوراک کی تلاش میں یورپ کا رخ کرتا ہے۔

ڈاکٹر اٹکن سن نے ٹیلی گراف کے ساتھ اپنے انٹرویو میں موسمیاتی تبدیلیوں کا ذکر کرتے ہوئے کہا کہ ان تبدیلوں کے باعث اس سال فروری کے آخر میں ہی کوئل کی آمد کاسلسلہ شروع ہوگیا تھا، جب کہ ان کی آمد عموماً اپریل اور مئی میں ہوتی ہے۔

سائنس دانوں کا کہنا ہے کہ نر اور مادہ کوئل کی عادات کافی مختلف ہیں۔ برطانیہ میں نر پرندوں کی آمد پہلے شروع ہوتی ہے اور وہ گرمیاں گذارنے کے لیے ایسی جگہوں کا انتخاب کرتے ہیں جہاں انہیں اپنے لیے اچھے جیون ساتھی ملنے کی توقع ہوتی ہے۔ جب کہ مادہ پرندے کئی ہفتوں کے بعد وہاں پہنچنے ہیں اوران کی پرواز کے راستے بھی مختلف ہوتے ہیں۔

ڈاکٹر اٹکن سن کی ٹیم مادہ کوئل کی پرواز کے راستوں کا نقشہ بنانے کے لیے اس سال ان پر تحقیق کررہی ہے۔

Attached Images

کوئی بتلاؤ کہ ہم بتلائیں کیا!!!

بنت آدم1 — Wed, 16 May 2012 19:41:19 GMT

اسلام علیکم!
میرا نام بنت آدم ہے اور ایک غیر سرکاری یونی ورسٹی سے بی ایس (آنرز( کر رہی ہوں۔ اردو ادب سے زبان سے لگاؤ تو نجانے کب سے ہے لیکن مجھے تو خون میں شامل لگتا ہے اور اس فورم میں شرکت کے لیے میں انٹرنیٹ کی مشکور ہوں۔ اتناا ہی کافی ہے باقی آپ لوگ پوچھیں۔ جواب دینے کی پوری کوشش کروں گی۔
خوش رہیے۔

ماچس

نبیل خان — Wed, 16 May 2012 17:24:35 GMT

سردار جی کا رات کو سگریٹ پینے کو دل چاہا ۔
ہر طرف ماچس ڈھونڈی پر کہیں نہ ملی ۔ ۔ ۔
آ خر کار نا امید ہو کر موم بتی بجھا کر سو گئے

پنجابی دیسی مہینوں کے نام کیا ہے

زبیرافتحار — Wed, 16 May 2012 16:50:25 GMT

پنجابی دیسی مہینوں کے نام کیا ہے۔سون ، پاڈ،ہڑ،پو،
مجھ سے نہیں ہو رہے اگر کسی کو آتے ہے مہربا نی فرما کر لکھ دے

دیسی

چل اٹھ روٹی پکا

نبیل خان — Wed, 16 May 2012 13:15:28 GMT

؟؟؟؟؟؟؟؟؟؟؟؟؟؟؟؟؟؟؟؟؟؟؟؟

داؤد ابراہیم کے ساتھیوں پر امریکی پابندیاں

پاکستانی — Wed, 16 May 2012 13:03:33 GMT

امریکہ نے انڈر ورلڈ ڈان داؤد ابراہیم کے دو ساتھیوں چھوٹا شکیل اور ابراہیم ٹائیگر میمن پر پابندیاں لگانے کا اعلان کیا ہے۔
ان دونوں پر منشیات کی سمگلنگ میں ملوث ہونے کا الزام عائد کیا گیا ہے۔امریکی وزارت خزانہ کی’فارن ایکسچینج ریگولیٹری اتھارٹی‘ یعنی بیرونی ممالک سے آنے جانے والے رقوم پر نظر رکھنے والے محکمے کی جانب سے عائد کی جانے والی پابندی کا مطلب ہے کہ کوئی بھی امریکی شہری ان دونوں افراد کے ساتھ کسی طرح کا تجارتی رشتہ نہیں رکھ سکتا اور اگر امریکہ میں ان دونوں کے نام پر کوئی بھی جائیداد ہے تو وہ ضبط کر لی جائے گی۔
داؤد ابراہیم کی کمپنی کو ’ڈی‘ کمپنی کے نام سے بھی جانا جاتا ہے۔ ایک بیان میں امریکی وزارت خزانہ نے کہا ہے کہ ممبئی میں پیدا ہوئے ستاون سالہ چھوٹا شکیل ’ڈی‘ کمپنی کے سربراہ داؤد ابراہیم کے داہنے ہاتھ ہیں اور کمپنی کی دیگر ’مجرمانہ‘ اور ’شدت پسندانہ‘ کارروائیاں انجام دیتے ہیں۔
بیان میں یہ بھی کہا گیا ہے کہ باون سالہ ابراہیم ٹائيگر میمن داؤد ابراہیم کے دوسرے اہم قریبی دوست ہیں جو جنوبی ایشیاء میں ڈی کمپنی کے کاروبار کو چلاتےہیں اور وہ 1993 کے ممبئی حملوں کے معاملے میں بھارت کو مطلوب ہیں۔ واضح رہے کہ ان دھماکوں میں دو سو پچاس سے زائد افراد ہلاک ہوئے تھے۔
امریکہ کے فارن ایکسچنج ریگولیٹری اتھارٹی کے ڈائریکٹر ایڈم زبین کا کہنا ہے ’امریکہ کی وزارت خزانہ جنوبی ایشیاء میں جرائم اور شدت پسندی کے رشتے پر گہری نظر رکھتی ہے اور ڈی کمپنی سے متعلق ہم نے جو فیصلہ کیا ہے وہ دنیا میں سب سے بدنام جرائم کمپنی کے خلاف ہے‘۔
وزارت خزانہ کا کہنا ہے کہ داؤد ابراہیم اور ان کی کمپنی اسّی کی دہائی سے عالمی سطح پر منشیات کی سمگلنگ کا کام کر رہی ہے۔ محکمے کے مطابق وہ جنوبی اور مغربی ایشیا اور افریقہ کے راستے یہ کام کرتے ہیں۔
واضح رہے کہ انٹرپول نے پہلے ہی چھوٹا شکیل اور ٹائیگر میمن کے خلاف وارنٹ یعنی ’ریڈ کارنر نوٹس‘ جاری کر رکھے ہیں۔

نیٹو سپلائی: جذباتی فیصلے نہیں کرنا چاہتے - وزیر اعظم پاکستان

پاکستانی — Wed, 16 May 2012 12:58:26 GMT

پاکستان کے وزیراعظم یوسف رضا گیلانی کا کہنا ہے کہ نیٹو کی رسد کی بحالی کے سلسلے میں پاکستان اپنے اصولی موقف سے دستبرار نہیں ہوگا تاہم وہ کوئی ایسا فیصلہ بھی نہیں کرنا چاہتا جو آگے چل کر اس کے لیے سودمند ثابت نہ ہو۔
وزیراعظم ہاؤس سے جاری ہونے والے بیان کے مطابق بدھ کو اسلام آباد میں وفاقی کابینہ کے اہم اجلاس سے خطاب کے دوران انہوں نے کہا کہ پاکستان کے امریکہ اور نیٹو سے تعلقات ایک نازک موڑ پر ہیں اور حکومت کو اس وقت اہم فیصلے لینا ہوں گے۔
وفاقی کابینہ کا یہ اجلاس، کابینہ کی دفاعی کمیٹی کے اس اہم اجلاس کے چند گھنٹے بعد ہو رہا ہے جس میں پاکستان کے راستے افغانستان میں نیٹو کو رسد کی فراہمی بحال کرنے سے متعلق حتمی فیصلے سے قبل مزید مشاورت کرنے پر اتفاق کیاگیا تھا۔
کابینہ سے خطاب کرتے ہوئے وزیراعظم گیلانی نے کہا کہ ’امریکہ اور نیٹو سے ہمارے تعلقات اس وقت ایک نازک مرحلے سے گزر رہے ہیں اور ہمیں خطے میں اپنی سٹریٹیجک اہمیت اور قومی مفادات کو مدِنظر رکھتے ہوئے اہم فیصلے کرنے ہوں گے‘۔
انہوں نے کہا کہ ’ہم اپنے اصولی موقف سے نہ دستبردار ہوئے ہیں اور نہ ہوں گے لیکن ہم ایسے جذباتی فیصلے بھی نہیں کرنا چاہتے جو آگے چل کر ہمارے لیے سودمند ثابت نہ ہوں‘۔
خیال رہے کہ منگل کی رات اسلام آباد میں ہی پاکستانی کابینہ کی دفاعی کمیٹی کا اجلاس منعقد ہوا تھا جس کے بعد ذرائع ابلاغ کے نمائندوں سے بات کرتے ہوئے پاکستان کے وفاقی وزیر اطلاعات قمر زمان کائرہ نے بتایا تھا کہ نیٹو کی رسد کی بحالی کا حتمی فیصلہ مزید مشاورت کے بعد کیا جائے گا۔
وزیر اطلاعات نے یہ نہیں بتایا کہ متعلقہ ادارے کتنے عرصے میں اپنی مشاورت مکمل کریں گے اور دفاعی امور سے متعلق وفاقی کابینہ کی کمیٹی کا آئندہ اجلاس کب طلب کیا جائے گا۔
شکاگو کانفرنس میں پاکستان کی شرکت:
ادھر افغانستان کے مستقبل کے بارے میں ہونے والے نیٹو کے اجلاس میں پاکستانی صدر کی شرکت کے امکانات واضح ہوگئے ہیں۔
پاکستان کے سرکاری ٹیلی ویژن پی ٹی وی کے مطابق نیٹو کے سیکرٹری جنرل آندرے راسموسن نے منگل کو صدر زرداری کو ٹیلی فون کر کے امریکی شہر شکاگو میں منعقد ہونے والے اس اجلاس میں شرکت کی دعوت دی۔
واشنگٹن میں پاکستانی سفارتخانے نے بی بی سی کو بتایا کہ اس بات کے قوی امکانات ہیں کہ صدرِ پاکستان اس اجلاس میں شریک ہوں گے۔
خیال رہے کہ پاکستان افغانستان کے معاملے پر بون میں ہونے والے گزشتہ نیٹو اجلاس سے عالمی کوششوں کے باوجود دور رہا تھا۔
اب صدر زرداری کو شکاگو کانفرنس میں شرکت کی دعوت ایک ایسے موقع پر دی گئی ہے جب پاکستان کی جانب سے افغانستان میں تعینات نیٹو افواج کوزمینی راستے سے رسد کی ترسیل بحال کرنے سے متعلق مثبت اشارے سامنے آئے ہیں۔
پیر کو پاکستانی وزیرِ خارجہ حنا ربانی کھر نے کہا تھا کہ پاکستان افغانستان اور وہاں موجود ممالک کے لیے مشکلات کھڑی کرنے والا نہیں بلکہ ایک سہولت کار بننا چاہتا ہے۔

‭BBC Urdu‬ - ‮پاکستان‬ - ‮نیٹو سپلائی: ’جذباتی فیصلے نہیں کرنا چاہتے‘‬

عیشا سے ملئے

عیشا — Wed, 16 May 2012 10:31:29 GMT

ہیلو فرینڈز

میں تعارف والے سیکشن کو دیکھ کر پریشان سی تھی کہ یہاں پہ ماشاء اللہ بڑے بڑے قابل لوگ موجود ہیں اور ان میں میں ایک نکمی کہاں سے آگئی :p لیکن حیدر بھائی کے پوائنٹ آئوٹ کرنے پر اور ایک بھائی کا میسج ملا تھا تعارف کروانے کےلئے ، کی وجہ سے اپنا ٹوٹا پھوٹا تعارف کروارہی ہوں۔

میرا نام عیشا ہے
اور تعلیم بس واجبی سی ہے
میری رہائش پاکستان میں ہے
اس فورم پہ آنا اور اردو لکھنا یعنی کہ ٹائپ کرنا اسی فورم کے ایک سینئر ممبر کی وجہ سے ہے ورنہ اب سے 2 ماہ پہلے تک تو مجھے اردو ٹائپ کا بالکل بھی نہیں علم تھا۔ میں اپنے اس بھائی کی بےحد مشکور ہوں جس نے مجھے اردو ٹائپنگ سیکھائی اور پھر اس فورم کے بارے میں مکمل رہنمائی کی۔

امید ہے اتنا کچھ کافی ہوگا

ہنر نہیں قدر کی کمی ہے۔۔۔

سید محمد عابد — Wed, 16 May 2012 10:24:26 GMT

وطن عزیز پاکستان کو خدا نے بے شمار قدرتی خزانوں اور تحائف سے نوازا ہے جن کا فائدہ اٹھاتے ہوئے ہم ترقی کی بیشتر منازل طے کر سکتے ہیں۔ ہمارے پاس کسی چیز کی کمی نہیں ، سب کچھ موجود ہے۔ اگر کچھ کمی ہے تو وہ صرف اور صرف ایمان کی کمی ہے۔ ہم بے ایمان ہو گئے ہیں جس کی وجہ سے ہمیں اپنے فائدے اور نقصان میں فرق سمجھ نہیں آتا ہے۔ یہی وجہ ہے کہ ہم توانائی و دیگر بحرانوں میں گھرے چلے جارہے ہیں۔ ہمارے پاس ہنر کی کمی نہیں ہے قدر کی کمی ہے۔ ہمارے ملک کی عوام ملک کے لئے کچھ کرنا چاہتے ہیں مگر ان کو موقع نہیں دیا جاتاہے جس کی وجہ سے ہماری کوئی بھی نئی ایجاد مشہور ہونے سے پہلے ہی زوال اور خرابیوں کا شکار ہو جاتی ہے۔ ہمارے ملک کے بچے اور بوڑھے سب کے سب ذہین ہیں اور ملک کے لئے کچھ کرنا چاہتے ہیں۔ اگر پاکستان کے ذہین نوجوان بچوں کی بات کی جائے تو بابر اقبال، ارفع کریم، سکندر محمود بلوچ اور ان جیسے متعدد دیگر وہ نام ہیں جنہوں نے آئی ٹی کے شعبے میں پاکستان کا نام روشن کیا اور کئی ریکارڈ بنائے۔ ارفع کریم اب اس دنیا میں نہیں رہی مگراس نے پاکستان کے لئے نہ صرف ریکارڈز بنائے بلکہ بین الاقوامی آئی ٹی کمپنی مائیکرو سوفٹ کے ساتھ مل کر پاکستان کے لئے کام کیا۔ ان نوجوانوں کے علاوہ کئی اور نوجوان ہیں جنہوں نے ملک کے لئے کچھ نہ کچھ کیا مگر ایسے نوجوانوں کی میڈیا تک عدم رسائی کے باعث ہم ان سے انجان ہیں۔ ہمیں نوجوانوں میں چھپی خوبیاں تلاش کر کے انہیں ملکی مفاد میں استعمال کرنے کی ضرورت ہے۔

نوجوانوں سے ہٹ کر بزرگ یا بڑوں کی بات کی جائے تو ڈاکٹر ثمر مبارک توانائی کے بحران کو ختم کرنے میں نہایت اہم کر دار ادا کرسکتے ہیں۔ ڈاکٹر ثمر محمد مبارک مند نے حال میں کوئلے سے گیس بنا کر دکھائی ہے اور اس گیس سے بجلی بنانے کا ارادہ رکھتے ہیں اور اس مقصد کے لئے حکومت سے رقم کا مطالبہ کیا مگر حکومت نے ان کے اس کارنامے کو نظر انداز کرتے ہوئے کسی بھی قسم کی رقم یا پیکج کا اعلان نہیں کیا۔

ڈاکٹر ثمر مبارک مند کا کہنا ہے کہ حکومت فنڈ ز فراہم کرے تو ایک سال میں گیس کی قلت ختم کر سکتے ہیں۔ ان کا کہنا ہے کہ کوئلہ سے حاصل شدہ گیس بیرون ملک سے خریدی گئی بجلی اور گیس کی نسبت بہت سستی ہوگی۔ ڈاکٹر ثمر مبارک کا کہنا ہے کہ کوئلے سے روزانہ پچاس سے ساٹھ ملین کیوبک فٹ گیس بنائی جاسکتی ہے۔ ان کا کہنا ہے کہ اس وقت ملک میں گیس سے ایک ہزار سے بارہ سو ملین مکعب فٹ کی کمی ہے، ایک گیسی فائر روزانہ ساٹھ سے ستر ملین مکعب فٹ بناتا ہے۔ ایسے مزید چار سے پانچ گیسی فائر بنا کر ایک سال میں گیس کی کمی ختم کر سکتے ہیں۔ گیسی فائر بنانے کے لئے ایک سے ڈیڑھ بلین ڈالر کی ضرورت ہے، اس سے ملک کی ضروریات پوری ہو جائیں گی۔

توانائی کے بحران سے نجات کے حوالے سے مزید بات کی جائے تو حال ہی میں ڈاکٹر سرور نے جہلم (سرائے عالم گیر) میں واقع قائم نیشنل سائنٹفک اینڈ ایجوکیشنل ریسرچ سینٹر میں پانی سے چلنے والی دو گاڑیاں بنائیں ہیں اور یہ دونوں گاڑیاں 60 فیصد ایندھن کی بچت کر رہی ہیں۔ اس مقصد کے لئے ڈاکٹر سرور نے گاڑی بھی خود ڈیزائن کی ہے جسے ٹویوٹا کرولا موڈل کی کار کو درمیان سے کاٹ کر لیموزین کی شکل دی گئی ہے جبکہ اس کے انجن کی طاقت دو ہزار سی سی کے بجائے تین ہزار سی سی کر دی گئی ہے۔ حیرت کی بات یہ ہے کہ سی این جی کے برعکس پانی سے گاڑی چلاتے وقت گاڑی کے انجن کی پاور کم ہونے کے بجائے مزید بڑھ جاتی ہے کیونکہ پیٹرولیم ایندھن سے حاصل ہونے والی طاقت 19 فیصد جبکہ پانی سے حاصل ہونیو الی طاقت 140 فیصد ہوتی ہے۔ یہی وجہ ہے کہ نہ تو سی این جی کی طرح گاڑی کے انجن پر دباﺅ پڑتا ہے اور نہ گاڑی کا انجن جلد خراب ہونے کا خدشہ ہوتا ہے۔ یہ نئی ٹیکنولوجی ماحول دوست بھی ہے کیونکہ گاڑی چلتے وقت کاربن کے بجائے آکسیجن کی بھاری مقدار خارج کرتی ہے یعنی گاڑی جتنی زیادہ چلے گی ماحول میں فضائی آلودگی کی مقدار اتنی ہی کم ہوگی۔

ڈاکٹر غلام سرور کی پانی سے چلنے والی گاڑی نہ صرف پٹرول اور گیس کے استعمال میں کمی لا سکتی ہے بلکہ ماحول کی آلودگی میں بھی کمی لاسکتی ہے۔ آج کل سی این جی اسٹیشنز اور پٹرول پمپس پر گاڑیوں کی قطاریں لگی رہتی ہیں۔ اس مسئلے کو ڈاکٹر غلام سرور کی مدد سے حل کیا جاسکتا ہے۔

ہمارے ملک میں ایسے متعدد لوگ ہیں جو ملکی ترقی کے لئے خون پسینہ ایک کرنے کو تیار ہیں مگر ان کو حکومتی سرپرستی حاصل نہیں جس کی وجہ سے کوئی بھی بڑا کام کرنے سے قاصر ہیں۔ اگر حکومت ایسے لوگو کی سرپرستی شروع کر دے تو ملک تمام بحرانوں اور پریشانیوں سے نکل سکتا ہے۔ ہمیں یکجا ہو کرایمانداری سے کام کرنے کی ضرورت ہے۔ پاکستان میں ذہانت کی کمی نہیں ہے، ضرورت اس امر کی ہے کہ ذہانت کی قدر کرتے ہوئے اسے استعمال میں لایا جائے تاکہ ملک کی ترقی اور بھلا ہوسکے۔

تحریر: سید محمد عابد

سید محمد عابد - ہنر نہیں قدر کی کمی ہے۔۔۔

یہ کیا ہو گیا

اختر — Wed, 16 May 2012 08:07:59 GMT

السلام علیکم !
یہ کیا ہوگیا اسےکیسے ختم کروں کوئی بتادیں

منسلکہ فائل 51620

Attached Thumbnails