سحر

ہمارے بچے ایمان اور روحانی اعتبار سے ہم سے کہیں ذیادہ بہتر ہیں ۔ پاک نیٹ پر میں نے دس سالہ رافی کا دھاگہ پڑھا جس میں اس بچے نے لکھا کہ میں فوج میں اس لیے جانا چاہتا ہوں تاکہ دشمن سے لڑتے ہوئے شہید ہوجاؤں ۔ اصل جہاد یہی ہے جو شہادت کی نیت کے ساتھ ہو ۔
ہمارے بچپن میں بھی ہمارے ساتھی لڑکوں کو فوج میں جانے کا بہت شوق تھا لیکن میں نے کسی سے یہ نہیں سنا کہ کوئی فوج میں اس لیے جانا چاہتا ہو تاکہ وہ شہید ہو جائے ۔
رافی کو تو شائد اس کے والدین نے ایسی تربیت دی ہو جس کی وجہ سے اس کے دل میں یہ شوق پیدا ہوا۔
لیکن میں نے اپنے دس سالہ بھانجے سے پوچھا ، جس کا تعلق کافی ماڈرن گھرانے سے ہے ۔
کہ بیٹا تم بڑے ہوکر کیا بنو گے
اس بچے نے پر اعتماد لہجے میں کہا
میں بڑا ہوکر شہید ہونگا ۔
اس کی یہ بات سن کر اس کی ماں پریشان ہوکر آئیں اور اس بچے سے استفسار کرنے لگی کہ تم کو یہ بات کس نے سکھائی
اس بچے نے مسکرا کر اپنی ماں کو دیکھا اور کہا
امی آپ کیوں پریشان ہوتی ہیں ۔ مرنا تو ہے ایک دن ، اس سے تو انکار نہیں کیا جاسکتا ہے
تو کیوں نہ شہادت کی دعا مانگی جائے
اس بچے کی بات سن کر اس کی ماں خاموش ہوگی
دس سالہ بچے نے ہم کو وہ بات سکھادی جو ہم کو موٹی موٹی کتابیں نہ سکھاسکیں ۔
مجھے تو ایسا لگ رہا ہے کہ
قدرت ہمارے گھروں میں وہ لشکر تیار کررہی ہے جس کو ایک دن دنیا میں فاتح بن کر ابھرنا ہے

محمدعدنان

سحر آپی بہت اچھا لکھا ہے
اللہ کرے ہربچے میں ایسی سوچ بیدار ہوجائے
اتنی اچھی تحریر پہ میری طرف سے آپ کو 500 پوائنٹس تحفہ

منتظمین

سرورق کے لیے اپلائی کریں۔۔

فرحان دانش

سحرباجی بہت اچھا لکھا ہے

شاہ جی 90

الحمد للہ کہ ہماری آنے والی نسل اپنی وراثت کو پہچان رہی ہے ، ہم کیا تھے اور کیا ہو گئے یہ دیکھہ کر تو دل خون کے آنسو روتا ہے لیکن ان بچوں کو دیکھہ کر دل کو سکون ملتا ہے کہ یہ بچے ہمارے روشن مستقبل کی علامت ہیں ۔ اللہ تعالی ان سب بچوں کو اپنی حفظ و امان میں رکھے اور ان کے دل میں‌پاکستان سے محبت کی شمع ایسے ہی روشن رکھے آمین

راجہ اکرام

السلام علیکم و رحمۃ اللہ وبرکاتہ
سحر بہنا بہت اچھی تحریر ہے۔ بہت اچھی چیز آپ نے نوٹ کی ہے۔

اصول ہے کہ ’’ کل شیئی یرجع الی اصلہ ‘‘ہر چیز اپنی اصل کی جانب لوٹتی ہے۔ ہماری اصل کیاہے اس سے میں اور آپ بخوبی واقف ہیں، یہاں دہرانا تحصیل حاصل ہو گا۔
تو جب ہماری اصل ہی جہاد و شہادت ہے، جب ہمیں یہ سکھایا گیا ہے کہ ’’جو اس حال میں مر گیا کہ نہ تو اس نے جہاد کیا اور نہ ھی دل میں اس کی تمنا کی تو وہ منافقت کی موت مرا،‘‘ جب ہمیں یہ سکھایا گیا ہے کہ جہاد کے بغیر عزت نہیں، جب ہماری تاریخ میں بدر و حنین، یرموک و قادسیہ، کربلا اور پانی پت جیسے کارنامے ہیں تو اپنے بچوں سے سعادت کی زندگی اور شہادت کی موت کی تمنا ہمیں ہر گز ورطہ حیرت میں نہ ڈالے۔

یہ الگ بات ہے کہ ہم نے تقلید اغیار میں اپنی اصل سے انحراف کیا، اپنی روایات و اقدار کو صرف دقیانوسیت کے طعنے سے بچنے کے لئے چھوڑ دیا، باہر سے آنے والی ہر چیز کو معیار حق تسلیم کیا اور صما و عمیانا اس پر گر پڑے، اسلام کا نام اور اسلامی شعار کو قدامت پسندی سمجھا، طرز معاشرت بدل ڈالا، اچھے اور برے کے معیار، اصلی اور کھوٹے کے معیار، کامیابی اور ناکامی کے معیار اپنے اور پرائے کے معیار، نیز اپنے تمام اصلی معیارات کو بدل ڈالا صرف اپنے آپ کو جدید ثابت کرنے لئے لئے،
پردہ ہمیں قید نظر آنے لگا، اسلامی سزاؤں سے ہمیں وحشت دلائی گئی اور ہم وحشت زدہ ہو گئے، جہاد و قتال کے ابواب ہماری درسی کتب سے نکال دئیے گئے، مدارس و مساجد پر پابندیاں لگا دی گئیں، حق کہنے والوں کی زبانوں پے قدغن لگا دی گئی، دین اور دنیا دو الگ چیزیں بن گئیں،
نظام حکومت ، معاشرت، معاشیات ، تعلیم الغرض ہر میدان میں اسلامی اور سیکولر کی تفریق برپا کر دی گئی، اپنوں کو تفرقہ بازی کے ذریعے تقسیم کر دیا گیا۔
تو ہماری سوچ بدل گئ، ہمیں جہاد سے وحشت ہو گئی، شہادت کی تمنا جنون نظر آنے لگی، اور اگر کسی کے منہ سے شہادت کی آرزو سن لی تو فورا چیک اپ کے لئے ڈاکٹر کے پاس لے گئے۔

لیکن اب وقت آگیا ہے کہ نئی نسل اپنی اصل کی طرف لوٹے، اور لوٹ رہی ہے۔ امت مسلمہ کا نوجوان اپنا بھولا ہوا سبق یاد کر رہا ہے، چار دانگ عالم میں شہادت کے مرتبے پر فائز ہونے کے لئے ہزاروں کی تعداد میں شیخ احمد یٰسین، خالد مشعل، حسن نصر اللہ، مروہ شیربینی، فاطمہ، وفا ادریس، عافیہ صدیقی بے تاب ہیں۔

اگرچہ پوری دنیا کا کفر ملۃ واحدہ کی صورت امت مسلمہ کو صفحہ ہستی سے مانے کے لئے متحد ہے، لیکن یہ نئی بات نہیں ہے بلکہ
ستیزہ کار رہا ہے ازل سے تا امروز
چراغ مصطفوی سے شرار بولہبی
سیدنا آدم علیہ السلام کے مقابلے میں ابلیس، سیدنا موسی کے مقابلے میں فرعوں، سیدنا ابراہیم کے مقابلے میں نمرود اور اسی طرح معرکہ حق و بادل ازل سے جاری ہے اور تا ابد جاری رہے گا۔

مگر یاد رہے ، ان کی یہ کاوشیں اسلام کا کچھ نہیں بگاڑ سکتیں ، کیوں کہ
اسلام کی فطر میں قدرت نے لچک دی ہے
اتنا ہی ابھرے گا جتنا کہ دبا دیں گے،
اور
نور خدا ہے کفر کی حرکت پے خندہ زن
پھونکوں سے یہ چراغ بجھایا نہ جائے گا

اس لئے اب بچوں کے منہ سے جہاد و شہادت کی آرزو سننے میں آئے گی۔ انشاء اللہ۔
ہر طرف اسلام کے پھریریے لہرائیں گے اور دنیا امن و آشتی گہوارا ہو گی۔

ہماری ذمہ داری ہے کہ اپنی اولاد کی تربیت ان خطوط پر استوار کریں جو ہماری اصل ہیں، اپنی صفحوں میں اتحاد پیدا کریں، اسلام کی طرف پلٹیں، اللہ کی رسی کو مظبوطی سے تھام لیں تا کہ منزل کا حصول جلد از جلد ممکن ہو۔

اللہ سے دعا ہے کہ ہم سب کو اپنی صلاحیتیں اپنے راستے میں استعمال کرنے کی توفیق عطا فرمائے۔ آمین یا رب العالمین


۔

__________________
محتاج اصلاح و دعا

راجہ اکرام

معذرت کے ساتھ ہ تبصرہ اصل مراسلے سے طویل ہو گیاہے، امید ہے برداشت کر لیں گے۔

زبیر

بہت ہی اچھی تحریر ہے ،

مرزا محمد فاروق

بہت اچھا لکھتی ہیں آپ ڈاکٹر صاحبہ ۔

shafresha

جتنا خوب صورت تھریڈ تھا اُتنا ہی خوب صورت تبصرہ ہے!
پڑھ کر دل خوش ہوگیا، اسی مفصل تحاریر اب کم ہی نظر آتی ہیں۔

سحر بہن اور راجا بھائی دونوں‌کا بہت بہت شکریہ!

راجہ اکرام

شکریہ بھائی جان پسند کرنے کا
سحر بہنا شاید رمضان کی وجہ سے مصروف ہیں اس لئے ان کی طرف سے کوئی تحریر سامنے نہیں آرہی جو ہمارے لئے مہمیز کا کام دیتی ہے۔
اللہ ہماری بہن اور دیگر تمام احباب کے کام آسان کرے۔آمین

سحر

راجہ بھائی آپ بہت اچھا لکھتے ہیں
اور آپ کا تبصرہ پڑھ کر خوشی ہوئی
لیکن اتنی خونصورت باتوں کے بیچ میں یہ داڑھی مونچھوں کا ذکر کچھ مناسب نہیں لگ رہا ۔ اس کی جگہ کوئی اچھا سا محاورہ نہیں لکھا جاسکتا ۔
شکریہ

راجہ اکرام

السلام علیکم ورحمۃ اللہ
سحر بہنا پسند کرنے کا شکریہ
اور آپ نے درست توجہ دلائی، میں نے اپنے مراسلے سے وہ الفاظ حذف کر دئیے ہیں۔
پیاری بہنا اسی طرح آپ کی رہنمائی اور بطور خاص دعاؤں کی ضرورت رہے گی۔
اللہ آپ کے کاموں میں آسانی فرمائے اور آپ کی عمر ، علم ، عمل اور رزق میں برکت عطا فرمائے۔آمین

منتظمین

راجا بھائی سرورق کے لیے اپلائی کرین اپ بھی۔

تفسیر حیدر

بہت ہی اچھی تحریر ہے ،