شاہ جی 90

اے راہ حق کے شہیدو وفا کی تصویرو
تمہیں وطن کی ہوائیں سلام کہتی ہیں
یہ وہ الفاظ ہیں‌جو ہمارے بچپن سے ہمارے کانوں میں پڑ رہے ہیں لیکن عمر کے ساتھہ ساتھہ ان کا تاثر بدلتا رہتا ہے ، آغاز میں جب ہم یہ نغمہ سنا کرتے تھے تو دل جوش سے بھر جاتا تھا اور زبان پر ایک ہی دعا ہوتی تھی کہ اے اللہ گو کہ ہم تیرے گناہ گار بندے ہیں ، لیکن تجھہ سے اور تیرے حبیب سے محبت کے دعوے دار ہیں ۔ یہ وطن جو تیرے دین کے نام پر بنا ہے اس کی حفاظت میں ہمیں اپنی جاں نثار کرنے کی توفیق عطا فرما ، ہمیں وہ موت دے دے جس پر ہمارے والدین فخر کر سکیں ۔
خیر پی ایم اے 97 لانگ کورس میں ایپلائی کیا ، اور سیلیکشن نہیں ہوئی ، ایسے لگا جیسے سارے خواب کرچی کرچی ہو گئے ہوں ۔ لیکن ہماری پھپو اور والدہ نے سمجھایا کہ ہر کام میں اللہ تعالی کی کوئی حکمت پوشیدہ ہوتی ہے جسے ہم سمجھہ نہیں سکتے ۔ دل لگا کر پڑھتے رہو ہو سکتا ہے کہ اللہ نے تم سے کوئی اور کام لینا ہو ،اور آج جب میں پیچھے کی جانب دیکھتا ہوں تو احساس ہوتا ہے کہ شاید فوج میں جا کر میںاپنے وطن کی ویسی خدمت نہ کر سکتا جیسی اللہ نے ہم سے بعد میں لی۔
لیکن یہ جادو اثر الفاظ اب بھی اتنی تاثیر رکھتے ہیں کہ انہیں سن کر بے اختیار کچھہ شکلیں پردہ خیال پر نمودار ہوتی ہیں اور جیسے بے قراری میں اضافہ کر جاتی ہیں ۔ مجھہ سے تو انکا ایک ہی سوال ہوتا ہے کہ ہم نے تو اپنی جان دے کر اپنا فرض پورا کیا ، تم لوگ کیا کر رہے ہو ۔
اور سچ بتائوں شر مندگی سے ان سے آنکھہ نہیں ملائی جاتی ۔ وہ مائیں کتنی خوش نصیب ہیں کہ جن کے بیٹے اللہ کی راہ میں جان دے کر ہمیشہ کےلئیے امر ہو گئے ، ہر ماں اپنے بیٹے کو لمبی زندگی کی دعا دیتی ہے ، لیکن کچھہ مائوں کی دعائیں ایسے بھی پوری ہوتی ہیں کہ ان کے بیٹے ہمیشہ کے لئیے زندہ جاوید ہو جاتے ہیں ۔
شہادت ہر ایک کی قسمت میں کہاں ، یہ تو کچھہ چنیدہ لوگ ہوتے ہیں جو اللہ تعالی کو اپنے لئیے پسند آ جاتے ہیں اور ان کے لئیے موت اتنی حسین ہو جاتی ہے کہ لاکھوں زندگیاں اس پر قربان۔
لیکن ان شہیدوں کا ایک قرض جو ہم ادا کر سکتے ہیں ، چاہے ہم زندگی کے کسی بھی شعبے سے تعلق رکھتے ہوں ۔ چاہے ہم پاکستان کے کسی بھی خطے کے باسی ہوں ۔ ایک کام ہمارے لئیے بالکل بھی مشکل نہیں ہے اور اتنا آسان کام کر کے ہم اپنا فرض اور ان شہدا کا قرض ادا کر سکتے ہیں ،
زیادہ سوچنے کی ضرورت نہیں میں بتائے دیتا ہوں ، ہم اپنے بچوں کے دل میں اپنے وطن کی محبت بھر سکتے ہیں ، ہمیں اللہ نے اپنے لئیے پسند نہ کیا تو کیا ، ہم اپنے خواب اپنے بچوں کی آنکھوں میں بھر سکتے ہیں ۔ اور ان بچوں کے معصوم دلوں میں وہ جذبہ ابھار سکتے ہیں جو کسی بھی قوم کو ہمیشہ کے لئیے زندہ رکھنے کو ضروری ہوتا ہے ۔
آج 6 ستمبر کو پتا نہیں کیوں مجھے وہ تمام شہید یاد آ رہے ہیں 47 سے لے کر 2009 تک اپنی جانیں اللہ کی راہ میں اس پاک سر زمین پر نثار کر چکے ہیں ۔ میرے پسندیدہ ترین الفاظ سنئیے اور دل میں سوچئیے کہ کیا ہم اپنا فرض ادا کر رہے ہیں ، کیا ہم اپنی آنے والی نسلوں کو وہ تحفہ دے رہے ہیں جو ہمارے بزرگوں نے ہمیں دیا تھا ۔ کیا ہم ان کے سینے کو اس نور سے منور کر رہے ہیں جو ہمیں ہر پل اس وطن کے لئیے کچھہ کر گزرنے پر اکساتا رہتا ہے ۔ سنئیے اور فیصلہ کیجئیے کہ کہیں ہم اپنے فرض سے کوتاہی تو نہیں کر رہے

6 ستمبر کے حوالے سے پیش کیا گیا

The Great

اچھا پوسٹ کیا ھے آپ نے۔۔

shafresha

شاہ صاحب سلام،
آج بھی یہ نغمہ سن کر میرے رونگٹے کھڑے ہوجاتے ہیں، ناجانے میڈم نورجہاں نے اسے کس موڈ سے گایا تھا!

شاہ جی 90

شا فریشہ بھائی یہ نغمہ ہمارے دل کی دھڑکنوں سے ہم آہنگ ہو جاتا ہے نا شاید اسی لئیے اہمیں عجیب سے محسوسات سے واسطہ پڑتا ہے ۔ تھریڈ مکمل ہو چکی ہے مجھے آپ کے تبصرے کا انتظار رہے گا ۔

سحر

شاہ جی بھائی
آپ نے ٹھیک کہا ہم ان شہداء کا حق اپنے بچوں کو انہی کے نقش قدم پر چلاکر ادا کرسکتے ہیں ۔
شکریہ

راجہ اکرام

بہت خوب شاہ جی
خوبصورت تحریر کے آخر میں خوبصورت تجویز نے تحریر کی افادیت اور اہمیت میں مزید اضافہ کر دیا ہے۔ یقینا ہم اپا فرض اور ہمارے اسلاف کا ہم پر قرض اسی طرح ادا کر سکتے ہیں کہ وطن عزیز کو جانثار و جانباز پیش کریں۔

اس وقت مصروف ہوں اس لئے آپ کی تحریر اور سحر بہنا کے تبصرے کے ساتھ اتفاق کرتے ہوئے اجازت چاہوں گا
ورنہ اس طرح کے موضوع پر قلم چل پڑے تو پھر سنبھالنا مشکل ہو جاتا ہے اس لئے تھوڑے کو بہت سمجھاجائے۔

اللہ آپ کی صلاحیتوں میں برکت عطا فرمائے اور انہیں راہ حق میں بروئے کار لانے کی توفیق عطا فرمائے۔آمین

محتاج دعا
راجہ اکرام

__________________
محتاج اصلاح و دعا

منتظمین

سرورق کے لیے اپلائی کریں۔

راجا صاحب اگر قلم چلا پڑتا ہے تو اس کو چلنے دیا کریں اگر "ڈاڑھی سے مونچھیں" لمبی ہونے کا حدشہ ہو تو پھر الگ موضوع بنا لیا کریں۔

والسلام

__________________
تم سپاہی نہیں ہو پیشہ ور قاتلو!

راجہ اکرام

شکریہ منتظمین بھائی
اصل میں قلم کے ساتھ ساتھ وقت کا خیال بھی ضروری ہوتا ہے۔ اور مزدور بندا اگر قلم برداشتہ ہو جائے تو پھر وڈے صاحب دلبرداشتہ ہو جاتے ہیں۔

اور ’’داڑھی مونچھوں ‘‘
والا محاورہ اپنی پیاری بہن کی رہنمائی پر ختم کر دیا گیا ہے۔ اس کی جگہ کوئی مناسب سا محاورہ اگر عنایت کر دیں تو عین نوازش ہو گی۔
و السلام

ایس اے نقوی

صبح بخیر دوستوں
اسلام و علیکم!
شاہ جی جو کچھ آپ نے لکھ دیا اس سے آگے لکھنے کی طاقت مجھ میں‌نہیں
اور اگر تبصرہ ضروری ہے تو میں یہ کہوں گا کہ یہ وہ داستان ہے جس کے سامنے سب کچھ ہیچ ہے
انکے لئے الفاظ احاطہ ہی نہیں کر سکتے جو کچھ شہدا کر چکے ہیں
تاہم صرف یہ کہنا چاہوں گا کہ ہم نے ان شہیدوں کے خون کا قرض ادا نہیں کیا
اور نہ ہی ہم اس قابل ہیں کہ انکے خون کے ایک قطرہ کا قرض ادا کر سکیں
شہدا کی عظمت کو سلام
اللہ نگہبان

سحر

راجہ بھائی
اس محاورے کی جگہ
اصل سے سود ذیادہ کیسا رہے گا

راجہ اکرام

السلام علیکم
سحر بہنا
بہت اچھا متبادل تلاش کیا ہے آپ نے
مجھے تو پسند آیا۔ اب انشاء اللہ یہی استعمال کیا کروں گا۔

بہت بہت شکریے کے ساتھ خصوصی دعاؤں کی درخواست ہے۔

اللہ آپ کو خوش و خرم رکھے۔آمین

شاہ جی 90

شکریہ بہنا اللہ تعالی آپ کو ہمیشہ خوش رکھیں آمین

شاہ جی 90

بہت شکریہ راجہ صاحب اللہ تعالی آپ کو ہمیشہ خوش و خرم رکھے آمین

شاہ جی 90

بہت شکریہ منتظمین بھائی ، ہمیں بھی راجہ صاحب کی تحریر کا انتظار رہے گا ،

شاہ جی 90

وڈے صاحب کے دل برداشتہ ہونے سے پہلے آپ انہیں ایک اچھی سی سمائل دیا کریں اور اگر اس پر بھی دل برداشتہ ہونے پر تلے ہوں تو تھوڑی سی چہرے پر غصے کی جھلک ڈال کر ان سے زرا رکھائی سے بات کریںانشااللہ افاقہ ہو گا