السلام علیکم !
16 دسمبر آیا اور پھر چلا گیا۔ اس تاریخ سے کوئی 30 سال قبل پاکستانی قوم انتہائی دردناک اور روح فرسا سانحے سے دو چار ہوئی تھی۔ایک مسلمان مملکت کی طاقتور ترین فوج کو اسلامی تاریخ کی بد ترین ہزیمت کا سامنا کرنا پڑا تھا۔ 90 ہزار سے زائد فوجی جوان دشمن کی قید میں چلے گئے جہاں انہوں نے کئی سال تک قید و بند کی شدید ترین تکلیفیں سہی تھیں۔ یہی وہ جنگ تھی جس میں دوست اور دشمن کا کردار کھل کر سامنے آیا تھا۔ساتواں بحری بیڑا آج تک ان سمندروں میں بھٹکتا پھر رہا ہے تاکہ اپنے دوست پاکستان کی مدد کر سکے۔ چائنا کا پاکستان کے خلاف قراردادوں کو ویٹو کرنا بھی کبھی کبھی سنائی دیتا ہے۔
بہر کیف اس سلسلہ میں جتنے بدنام ہمارے پاکستانی سیاست دان ہوئے ، اتنا ہی الزام امریکہ پر بھی آیا۔
ہمارے سیاستدانوں کے راز تو آج بھی "قومی مفاد" کے نہاں خانوں میں چھپے ہوئے ہیں تاہم امریکہ کی ایک اچھی عادت ہے کہ وہ اپنے راز ایک وقت مقررہ کے بعد افشاں کر دیتا ہے۔
یہ بھی اسی سلسلے کی ایک کڑی ہے۔ امریکی سٹیٹ ڈپارٹمنٹ نے سقوط ڈھاکہ سے متعلق دو رپورٹوں کا اجرا کیا ہے۔ جو اس فورم پر "طاہر بھائی" نے پیش کیں۔ جبکہ منتطمین بھائی نے ان رپورٹس کا اردو ترجمہ پیش کرنے کی ذمہ داری مجھ پر ڈالی۔ میں اپنی اس ذمہ داری کو کس حد تک اور انداز میں سر انجام دے پایا ہوں اس کا فیصلہ تو آپ ہی کریں گے۔ تاہم میری چند گزارشات ہیں۔
1۔ چونکہ امریکہ کی اپنی Termsہوتی ہیں جنکو وہ استعمال کرتے ہیں اور اسی نسبت سے مشہور یا بدنام بھی ہیں تو ہو سکتا ہے مجھ سے کسی عہدے یا واقعے سے متعلق اصطلاح کو بیان کرتے غلطی ہو جائے۔ جو الفاظ ہمارے لیے نامانوس ہیں جیسے DEPSEC, FOM وغیرہ تو یہ ترجمہ کرتے وقت دقت بھی پیدا کر رہے ہیں اور غلطی کے چانسز بھی۔میں نے اپنی طرف سے پوری کوشش کی ہے کہ ایسی غلطی نہ ہو۔
2۔میں نے پوری کوشش کی ہے کہ فی البدہیہ ترجمہ کروں ۔تاہم اگر کوئی غلطی ہو جائے تو بھی میں ہی اس کوتاہی کا ذمہ دار ہوں۔
3۔ اگر کسی قسم کی غلطی محسوس ہو تو بلا جھجھک مجھے مطلع کریں میں تصصیح کرنے کو تیار ہوں

شکریہ