ام طلحہ

ایک حویلی تھی، بہت بڑی، بہت خاندان بستے تھے مگر ان کے دو گروہ بنے ہوئے تھے۔ بس ایک مسئلہ تھا دونوں کے طور طریقے میں بہت فرق تھا اسلئے نہ چاہتے ہوئے بھی بہت سی چیزوں میں تفریق کرنے پر مجبور تھے۔ بہت وقت اسی طرح گزرتا گیا مگر یہ فرق اتنا واضح تھا کہ ساتھ رہنا مشکل ہوتا جارہا تھا۔اوپر سے انکے فرق کافائدہ اٹھا کر ایک مضبوط دشمن ان پر حاکم بن بیٹھا تھا۔ پھر چھوٹے گروہ کے ایک بزرگ نے تجویز دی کہ ان دونوں کے رہن سہن طور طریقے اور مذہب میں بہت فرق ہے اسلئے دونو‌ں اپنی اپنی جگہ الگ پہچان رکھتے ہیں۔ انہیں حویلی میں اپنا اپنا حصہ الگ کر لینا چاہئے۔ بڑے گروہ کو بہت برا لگا اور اس نے بہت شور مچایا لیکن چھوٹے گروہ کے لوگ کمزور صحیح مگر حق پر تھےاور انکے بزرگ بھی نڈر اور سمجھدار تھے۔ آخر انکی کوششیں رنگ لائیں اور حویلی سے انکا حصہ الگ کر کے ایک مکمل حویلی بن گئی۔لیکن بڑا گروہ انکا دشمن تھا اسلئے انکے بہت سے حقوق پر قبضہ رکھا اور تقسیم میں نا انصافی کی،مگر چھوٹی حویلی والوں نے ہمت نہ ہاری اور مسلسل محنت سے اپنی حویلی کو پھر سے سجا لیا۔
بڑی حویلی والوں کے سینے پر سانپ لوٹتے رہے اور وہ وار کرنے کا سوچتے رہے۔ آخر اس نتیجے پر پہنچے کہ ان کی طاقت اتحاد ہے۔ اسے ختم کردو سب تباہ ہو جائے گا۔انہوں نے ایک خاندان کے کان بھرنے شروع کئے کہ تمہاری زبان الگ ہے۔چھوٹی حویلی والے زبردستی تم پر قابض ہیں۔ آخر سازش رنگ لائی،وہ انکی باتوں میں آکر دشمن سے مل گئے اور لڑ جھگڑ کر اپنا ایک کمرہ الگ کر لیا۔پھر بھی دشمن کو چین نہ آیا، اس نے سب کو توڑنا شروع کیا، سب کی کمزوریاں ڈھونڈتا رہا اور آخر پھر دو گروہ ان میں کھڑے ہو گئے، ایک نے کہا میں سنّی ہوں، میں برتر، دوسرے نے کہا میں شیعہ ہوں میں افضل اور یوں دونوں گروہ اپنے ہی بھائیوں کا خون بہانے لگے۔ پھر ان میں مزید پھوٹ ڈالی تو دو اور گروہ آگئے، میں بریلوی میں دیوبندی اور ایک اور جھگڑا شروع ہوا۔ پھر ایسے جھگڑوں کی لائن لگتی گئی، میں سندھی میں بلوچ، میں پنجابی میں پٹھان کے نعرے لگنے لگے۔ سب نے ایک دوسرے کے گریبان میں ہاتھ دالنے اور کون بہانا شروع کر دیا۔ حویلی کے وسائل برباد ہونے لگے۔ ہر طرف خون بہنے لگا۔ دشمن باہر بیٹھا مزید دشمنوں کو بلاتا رہا۔ دیکھو دیکھو یہاں دہشت گرد ہیں۔ یہ مجھے مارنا چاہتے ہیں۔ دشمن خود کوکامیاب سمجھنے لگا۔
پھر اس حویلی کی نئی نسل میدان میں آئی۔ انہوں نے حصول علم پر توجہ دی اور سب کچھ سمجھا۔ انہوں نے سب کو سمجھانا شروع کیا کہ یہ سب تو دشمن کی سازش ہے۔ اس نے ہماری اصل پہچان بھلادی ہے۔ ہماری پہچان سب سے پہلے یہ چھوٹی سی حویلی ہے جسکی حفاظت اور ترقی ہم سب کا فرض ہے اور یہ حویلی ہم نے مسلمان ہونے کی بنا پر لی تھی نا کہ اپنی نسل زبان اور خاندان کے نام پر؟پھر انہوں نے ملکر فیصلہ کیا کہ ہم سب سے پہلے دشمن کو نکال باہر کریں گے۔ اندرونی حالات سے تو ہم نبٹ ہی لیں گے۔ سمجھدار بڑوں نے بھی انکا پورا ساتھ دیا۔
آج وہ نئی نسل اپنی حویلی کو بچانے کی کوششیں کر رہی ہے اور حویلی کے نگرانوں کو بھی عقل دلانے کی کوشش کر رہی ہے۔آئیے سب مل کر دعا کریں کہ اللہ انہیں کامیاب کرے اور ہماری پیاری حویلی ہمارے پیارے پاکستانکو ترقی کی راہ پر گامزن کردے۔ اللہ ہم سب کو شعور دے کہ ہم سب سے پہلے مسلمان اور پاکستانی ہیں۔ہم اپنی پہچان صرف پاکستانی کی حیثیت سے کرائیں۔
اللہ میرے وطن کا حامی و ناصر ہو
آمین
یوں تو سید بھی ہو مرزا بھی ہو افغان بھی ہو
تم سبھی کچھ ہو بتاؤ تو مسلمان بھی ہو؟

14 اگست 2009 کیلئے پیش کی گئی

نوٹ: اگر ناظمین میں سےکسی کو اس میں اختلاف کا کوئی بھی پہلو نظر آئے تو یہ تھریڈ ڈیلیٹ کر دیا جائے کیونکہ میرا مقصد اختلاف بڑھانا نہیں وطن کی محبت جگانا ہے
 

__________________
یا اللہ!! تمام دنیا سے قوم یہود کو اپنی ناپاک سوچ سمیت نیست و نابود کر دے۔ اس قوم کا نام و نشان ہی مٹا دے۔ آمین ثم آمین

ام طلحہ

لگتا ہے کچھ مسئلہ ہے۔ ناظمین جو مناسب سمجھیں مجھے گلہ نہیں ہو گا

منتظمین

کیا مسلہ ہے؟ مجھے تو مناسب لگا ہے۔

ام طلحہ

اصل میں سب دیکھ کر گزر رہے ہیں نہ رائے نہ بٹن۔ اس موضوع پر لکھتے ڈر ہی لگتا ہے۔

ایس اے نقوی

محترم بہن ابھی میں نے‌غور سے نہیں پڑھا صر ف پرائیوٹ میسج دیکھ کر آگیا
تاہم آُ کی تحریریں میری مرضی کے مطابق ہیں جیسا میں سوچتا ہوں ویسے ہی آپ نے لکھا ہے اور آپ کی تمام تحریروں پر بھرپور تبصرہ کرنا ہے میں نے مگر وقت کی بہت کمی ہے ابھی بھی 100 سے زائد پاک نیت کی میلز ہیں جو دیکھنی ہین انعامات دینے ہیں تبصرہ بھی کرنا ہے اور آفس کا کام بھی کرنا ہے ساتھ ساتھ اسلئے مجھے دو دن اور معافی دے دیں پھر میرا تبصرہ پرھنا مت بھولیں اللہ نگہبان

ام طلحہ

شکریہ میں منتظر رہوں گی۔

ابو عمار

بہن بہت ہی خوبصورت تحریر ہے مگر میری بہن یہ وقت کب آئے گا

ام طلحہ

اچھی امیدیں تو قائم رکھنی چاہئیں نا، اب جو بھی کرنا ہے نئی نسل کو ہی کرنا ہے۔ ویسے آپ غور کریں آج کی نسل میں جذبہ بیدار ہو رہا ہے کچھ کر دکھانے کا۔سب کچھ ٹھیک ہو گا،ضرور ہو گا انشاللہ۔

ام طلحہ

بٹن سے ثابت تو نہیں ہوا بھائی

ایس اے نقوی

سب سے پہلے تو شکریہ کیونکہ آپ نے مذکورہ تحریر میں ہمارے منہ پر طمانچہ مارا ہے اور ہمارے سوئے ہوئے ضمیر کو جگانے کی بھرپور کوشش کی ہے
محترم بہن
بے شک ہمارے یہاں رواج بن چکا ہے کہ ہم خود کو برتر ثابت کرنے کی کوشش میں اس حد تک مصروف ہیں کہ اپنی اصل شناخت کو بھول چکے ہیں
اور ہماری اسی بات کا دشمن ہمیشہ سے فائدہ اٹھاتا آیا ہے
ہم لوگوں کی آپسی لڑائی پاکستان کا نقصان کر رہی ہے اور ہم لوگ لڑ کن سے رہے ہیں اپنوں سے جیسا کہ آُپ کی تحریر میں ہے
بڑا گھر چاہتا ہے کہ ہمارے اندر خانہ جنگی شروع ہو جائے جو کافی حد تک ہو چکی ہے
موجودہ نسل ہم سے کئی گناہ زیادہ پڑھی لکھی ہے سمجھدار اور باشعور ہے انکی کوششوں سے ہمارا ملک ایک بار پھر ترقی کی راہوں پر گامزن ہو سکتا ہے اگر ہماری نئی نسل میں تفرقہ نہ ڈالا گیا تو مگر دشمن تو چاہتا ہی یہ ہے اور باعث افسوس ہے کہ ہمارے حکمران کبھی یہ نہیں دیکھتے کہ وہ جن سے اتحاد کرنے کی کوشش کر رہے ہیں وہ کبھی ہمارے نہیں ہو سکتےہم لوگ قرضوں کے بوجھ تلے دبے ہوئے ہیں حالانکہ ہمارے ملک میں ایسے افراد بھی ہیں جو خود اپنی گرہ سے اپنا اپنا شہر اس طرح بنا سکتا ہے کہ پیرس کا گمان ہو مگر کیوں
شہر کون سا ہمارا ہے ہم تو اپنے بچوں کو بیرون ملک بیجھے گے جہان وہ پڑھے گا وہاں کاروبار کرے گا پاکستان میں کیا ہے دہشت گردی فرقہ بازی پر نام نہاد قتل و غارت کے گرم بازار
ہمارے اندر جو جنگ چھڑ چکی ہے اس کو اب بھی ختم کیا جا سکتا ہے کہ ہم اپنے اختلافات کو بھول جائیں جبکہ ہم جانتے ہیں کہ ہمیں شروع سے زمین کی گہرائیوں میں دفن کرنے کی کوشش کی گئی ہے اور کرنے والے کون ہین مگر پھر بھی ہم
امید بہاراں رکھ شجر سے پیوستہ
پر قائم ہیں
اللہ ہمارے پیارے ملک پاکستان کے خلاف سازشیں کرنے والوں کو ناکام کرے اور ہمارے ملک کا قائم دائم رکھے آمین الہی آمین
اسے کے ساتھ ہم سب کو اپنے فرائض بھی بخوبی پورے کرنے چایئے اللہ نگہبان

ام طلحہ

شکریہ بھائی۔ یہ ٹھیک ہے کہ ہماری پاکستانی کے بعد بھی شناخت ہے اور اسے قائم رکھنے میں ہرج بھی نہیں ، اپنی اپنی اقدار اور عقائد ہیں لیکن یہ نہیں بھولنا چاہئے کہ یہ پاکستان کی ہی مہربانی ہے کہ ہم اپنی شناخت برقرار رکھنے کے قابل ہیں۔ہمیں ہر طرح کی آزادی حاصل ہے۔
اللہ اس ازادی کو دشمنوں سے محفوظ رکھے۔ آمین

ایس اے نقوی

بے شک درست فرمایا آپ نے مگر پاکستان کی شناخت تو ہمیشہ قائم ہی رہے گی مگر کیا ہم اپنی نئی نسل کو پاکستان کے بارے میں کچھ بتا بھی رہے ہیں
ہم لوگ 14 اگست کو اپنے گھروں کی چھتوں پر جھنڈیاں لگا دیتے ہیں اور وہ ہی جھنڈیاں ہمارے اپنے قدموں تلے ہوتی ہیں اور خاکروب جب گلی محلوں کی صفائی کرتا ہے تو وہ ہی جکھنڈیاں کوڑے اور غلاظت کے ڈھیر پر پڑی ہوتی ہیں
ہم لوگ اپنے فرائض کو بھول چکے ہیں اور ہمیں پاکستان کی آزادی کی قدر و قمیت کا ہی نہیں پتہ
یقین کریں کچھ عرصہ قبل میں ضلع نارووال میں ایک ملنے والے کے دوست کی وفات پر تعزیت کرنے گیا تو وہاں ایک بزرگ بیٹھے تھے جو گم سم تھے
گفتگو کا محور چل نکلا تو انہوں نے بتایا کہ مرحوم میرے ساتھ ہوتا تھا جب پاکستان آزادی کی تحریک چلی تو ہم وہاں سے نکلے ہمارے اندر ایک جذبہ تھا ہمارے سامنے قافلوں پر حملے ہوئے اس بزرگ کی آنکھوں میں آنسو واضح دیکھے جاتے تھے وہ بتا رہا تھا کہ اسکے سامنے کئی لوگوں کی گردنیں تن سے جدا ہوئیں
اسکے مطابق کہ جب وہ اپنا گھر چھوڑ کر نکلے تو انکے پاس سب کچھ تھا مگر آزادی نہیں تھی
اور ان کے سامنے انکے ہندو دوستوں نے انکے گھر کو جلایا
جب وہ بزرگ باتیں کر رہا تھا تو رو رہا تھا اور وہاں بیٹھے ہوئے دو نوجوانوں کو میں نے دیکھا کہ وہ مسکرا رہے ہیں جب بزرگ کی ان پر نظر پڑی تو اس نے کہا کہ بیٹا آپ لوگوں کو کیا پتہ ہو کہ اس آزادی کےلئے ہم لوگوں نے کیا کیا قربان کیا ہے آپ لوگ ہنستے رہو
اللہ نہ کرے کہ کبھی آپ پر ایسا وقت آئے
محترم بہن ہم اپنے بچوں کی تربیت ہی ایسی نہیں کرتے انکو مذہب اسلام کے بارے میں ہم کیا بتاتے ہیں
انکو ہم آزادی کے بارے میں کیا بتاتے ہیں
اور جب انکو کچھ پتہ ہی نہین ہونا تو انہوں نے ایسی باتوں پر ہنسنا ہی ہے اور تو کچھ نہیں
آپ دیکھ لینا 14 اگست والے دن ہمارے اپنے دوست سیر وتفریح کی گرض سے جائیں گے اور کچھ منچلے نوجوان موٹر سائیکلوں کے سائلنسر آتار کر گلی محلوں میں آزادی کا جشن منائیں گے کیا زندہ قومیں آزادی ایسے مناتی ہیں
اللہ ہم کو وطن کی حرمت پر وطن کی آن شان اور بقا پر قربان ہونے کی توفیق عطا فرمائے آمین الہی آمین

ام طلحہ

اسی سوئے ہوئے احساس کو تو جگانا ہے۔ انشاللہ اسی نئی نسل میں سے وہ فوج ابھرے گی جو پاکستان کو اسلام کا ناقابل تسخیر قلعہ بنائے گی جو قائد اعظم کا خواب تھا۔بڑوں کا دیا گیا ہر سبق امانت ہے جو ہمیں نئی نسل کو سونپنا ہے۔

ام طلحہ

مثالیں تو بے شمار ہیں لیکن زیادہ دور کیوں جائیں، ننھے رافی کا تھریڈ ہی پڑھیں، کتنی پیاری سوچ ہے اور رضی جو کتنی محنت سے برانڈنگ پاکستان مہم چلا رہا ہے اور اس فورم پر سب جو کچھ 14 اگست پر لکھ رہے ہیں تو کیوں؟ تبدیلی تو ضرور آئے گی۔ انشاللہ۔

وجدان

ام طلحہ
ماشاءاللہ بہت خوبصورت اور دل کو چھونے والی تحریر ہے، آپ کا انداز بیاں بہت اچھا ہےبلکہ بہت بہت اچھا۔ آپ کا لکھنے کے سٹائل میں مرحوم اشفاق احمد کے طرز تحریر کی جھلک نظر آتی ہے۔
بہت خوب۔