سحر

جب بھی پاکستان کے مطالق بات کی جاتی ہے ۔ ہر خاص و عام کی زبان پر ایک ہی سوال ہوتا ہے کہ وہ وقت کب آئے گا جب پاکستان ایک مستحکم ملک ہوگا ۔ یہ بھی ترقی یافتہ ممالک کی صف میں کھڑا ہوگا ۔ یہاں بھی امن وبھائی چارہ ہوگا ۔ وہ وقت کب آئے گا جب پاکستان کی پوری دنیا میں عزت اور ممتاز حیثیت ہوگی ۔
اس سوال کا جواب حاصل کرنے کے لیے ہم کو اپنے اندر جھانکنا ہوگا ۔
ہاں وہ وقت اس وقت آئے گا جب ہم کو یہ سوچ کر رات بھر نیند نہیں آئے کہ کہیں ہمارے محلے میں کوئی شخص بھوکا تو نہیں سورہا
ہاں وہ وقت اس وقت آئے گا جب ہم کو اے سی یا پینکھے میں یہ سوچ کر نیند نہ آئے کہ آدھے محلے کی بجلی گئی ہوئی ہے وہ لوگ رات کس طرح گزار رہے ہونگے
کبھی بارش میں اپنی پکی چھت کے نیچے نرم بستر پر ہم کو یہ سوچ کر نیند نہ آئے کہ کتنے ہی لوگوں کی چھت ٹپک رہی ہوگی اور ان کے بستر گیلے ہوگئے ہونگے اور جھونپڑی میں رہنے والوں کے چولھے گیلے ہوگئے ہونگے ۔ اور وہ نہ کھانا پکا کر کھاسکے ہونگے اور نہ سو سکے ہونگے
اور جب تک ان لوگوں کے کھانے کا اور رات گزارنے کا انتظام نہ کردیں سکون نہ آئے۔
ہاں وہ وقت اس وقت آئے گا جب ہمارے حلق سے بھنے ہوئے گوشت کا نوالہ نہ اترے یہ سوچ کر کہ کتنے ہی لوگوں کو مہینے مہینے بھر گوشت نصیب نہیں ہوتا ۔
ہاں وہ وقت اس وقت آئے گا جب ہم اپنی تکلیف پر تو صبر کرلیں لیکن دوسروں کی تکلیف پر روپڑے اور دوسروں کی تکالیف کو دور کرنے کے لیے دوڑ بھاگ کریں
ہاں وہ وقت اس وقت آئے گا جب ہم اپنے بھائی کے لیے بھی وہی پسند کریں جو اپنے لیے کرتے ہیں ۔
ہاں وہ وقت اس وقت آئے گا جب ہم حرام کی کمائی اور کرپشن سے اس لیے بچیں کہ یہ اسلام میں حرام ہے اور اس سے پاکستان بدنام ہوگا اور اس کو نقصان پہنچے گا ۔
اور اگر کوئی حرام کماتا ہے تو اس کا سوشل بائیکاٹ کریں کیونکہ وہ پاکستان کو نقصان پہنچارہا ہے
ہاں وہ وقت اس وقت آئے گا جب ہم دوسروں کی عزت اس کی شرافت اور ایمانداری کی وجہ سے کریں نہ کہ اس کی دولت کی وجہ سے ۔
ہاں وہ وقت اس وقت آئے گا جب ہم صحیح معنوں میں‌ پاکستان کی قدروقیمت کو پہچان لیں گے ۔
اور انشاءاللہ وہ وقت ضرور آئے جب ہم اپنے کردار سے پاکستان کو اس کا اصل مقام دلائیں گے ۔

ڈاکٹرنور

سحر بہن آپ کی بات درست ہے۔ جب تک ہم میں سے ہرشخص اپنا محا سبہ خود نہیں کرے گا ۔ ہمارا معاشرہ اور ہمارا ملک اپنی منزل تک نہیں پہنچے گا۔ ۔

منتظمین

سر ورق کے لیے پیش کریں ۔۔

مرزا محمد فاروق

بہت اچھی تحریر ہے سحر جی ۔

monee3s

واہ کیا بات ہے ؟

شاہ جی 90

انشااللہ وہ وقت ضرور آئے گا اور جلد از جلد آئے گا
لیکن اس کے لئیے ہمیں شدید محنت کرنا ہو گی
1 ۔ پہلے اپنے آپ کو بدلنا ہو گا
2 ۔ پھر اپنے گھر کے ہر فرد کو
3 ۔ اور پھر اپنی گلی کر ہر گھر میں اس آگہی کی شمع روشن کرنا ہو گی
بس دیے سے دیا جلتا جائے گا اور ہم ناممکن کو ممکن کر دکھائیں گے