ام طلحہ

ماسٹر کی ڈگری کیا ہاتھ آئی، میں تو پھولے نہیں سمایا۔ اب تو دن پھر جائیں گے۔ عزت دولت شہرت سب ہوگا،
مگر،
دن ہفتوں میں اور ہفتے مہینوں میں بدلتے گئے نوکری کا نام و نشان بھی نہ ملا۔گھر میں جب ماں باپ بہن بھائی تسلی دیتے تو لگتا کہ مجھ پر ہنس رہے ہوں اور میں اپنوں سے بھی دور ہوتا چلا گیا۔ایک دن میرا ایک دوست ایا۔ خوش لباسی گواہ تھی کہ وہ مجھ سے بہتر حالت میں ہے۔ اس نے بتایا کہ اس نے ایک سکول میں استاد کی نوکری کر لی۔ سفید پوشی سے اچھا گزارا ہورہا ہے۔ ساتھ ہی ایک اخبار میں شام کی نوکری بھی کر رکھی ہے۔ میں نے طنزیہ انداز میں اسے دیکھا اور کہا دن رات جاگ کر ماسٹر اس لئے کیا تھا کہ معمولی ٹیچر لگ جاؤ۔ اب ساری زندگی بیوی بچوں کو خوشیوں کیلئے ترساؤ گے۔ اس نے کہا ارے نہیں بھائی! استاد کبھی معمولی نہیں ہوتا بلکہ میں تمہیں بھی آفر دیتا ہوں میں تمہارے لئے بھی کچھ کر سکتا ہوں۔ میں نے حقارت سے اسے جواب دیا۔ میں نے اتنی محنت اسلئے نہیں کی تھی۔ کروں گا تو بہترین نوکری ورنہ نہیں۔پھر اچانک ایک ایسی خبر آئی جس سے مجھے لگا میری لاٹری کھل گئی۔میرے ماموں جو کئی برسوں سے امریکہ میں تھے انہوں نے مجھے بلوا بھیجا۔انہوں نے کہا کہ فی الحال ایک ماہ کیلئے میرے پاس ملنے آؤ، اس دوران کچھ کوشش رنگ لائی تو دیکھیں گے۔ میں نے خوشی خوشی تیاریاں کیں اور اپنے دوست سے ملنے چلا گیا۔اسے خبر سنائی کہ مجھے اپنی محنت کا پھل ملنے والا ہے۔ اب ساری زندگی عیش میں کٹے گی۔ اس نے مسکرا کر جواب دیا، اس عیش کیلئے بڑی قربانیاں دینی پڑتی ہیں۔ جو عزت اپنے وطن میں ہے وہ کہیں اور کہاں۔ میں نے غصے سے کہا کونسا وطن جہاں میں اتنی اعلیٰ ڈگری لیکر دھکے کھا رہا ہوں؟اس وطن وطن سے کچھ نہیں ملتا۔ یہ پیسے کا دور ہے اور پیسے ہی کو سلام ہوتا ہے۔مجھے اچھی نوکری مل جائے تو اس ملک کی شکل بھی دوبارہ نہیں دیکھوں گا۔ اس نے کہا اچھا بھائی جاؤ اور خوب پیسہ کماؤ۔
پھر میں اپنے خوابوں کی سرزمیں آگیا۔ماموں مجھے لیکر اپنی رہائش پر آگئے۔ بڑا سا گھر دیکھ کر میں جھوم اٹھا مگر انہوں نے میرا سامان جس جگہ رکھا وہ سٹور جیسا کباڑ خانہ تھا۔ میں نے کہا مامون یہ کیا؟ میں آپ کے سٹور میں رہوں گا؟ انہوں نے کہا برخوردار یہ ستور نہیں وہ کمرہ ہے جو مجھ سمیت 6 افراد نے کرایہ پر لیا ہوا ہے۔ تم بھی گزارا کرو۔ اس سے زیادہ ہم افورڈ نہیں کر سکتے۔ میں حیران رہ گیا لیکن دل کو تسلی دے لی کہ میں تو اعلٰی تعلیم یافتہ ہوں ۔ نوکری ملی تو بڑا گھر لے لوں گا۔شام کو جب باقی افراد آئے تو ان میں ایک نوجوان بھی تھا جس سے میری دوستی ہو گئی۔ چند دن کی گپ شپ میں کھلا کہ وہ یہاں پی ایچ ڈی کرنے آیا تھا۔ کیونکہ اخراجات پورے نہیں ہوتے اسلئے ایک ہوٹل میں کلینر کی نوکری کر رہا تھا۔میں دنگ رہ گیا۔ پی ایچ ڈی کے سامنے میری کیا اوقات۔ میں نے اس سے کہا شرم آنی چاہئے۔ اتنی تعلیم کے بعد بھنگی کی نوکری؟ وہ مسکرایا اور بولا قسمت آزمالو، یہاں پاکستانیوں کیلئے یہی کام ہیں۔تم کیا سوچ کر آئے ہو۔ میں نے ٹھان لی کہ میں اچھی نوکری ڈھونڈ کر دکھاؤں گا۔ اگلے دن ماموں نے کہا، میاں بہت عیش ہو گئے۔جاؤ کوئی کام کر کے مزدوری لاؤ۔ یہاں کوئی کسی کو بٹھا کر نہیں کھلاتا۔ مجھے بے اخٌتیار اپنے بوڑھے والد یاد آگئے جو کب سے مجھے بٹھا کر کھلا رہے تھے مگر ماتھے پر شکن تک نہ تھی۔ پھر نوکری کی تلاش میں کہاں کہاں خاک چھانی اور کیسی کیسی تضحیک سہی وہ ایک الگ داستان ہے۔غرض یہ کہ ایک ماہ کے قلیل عرصے میں ہی میں جان گیا کہ وطن کیا ہوتا ہے۔اور پاکستان میں رشتوں کی کیا قدر ہے۔ایک ماہ بعد وطن کی خاک کو چھوا تو سجدے میں گر گیا اور زمیں کو چوما۔
آج میں ایک اسکول میں استاد کے درجے پر فائض ہوں اور عزت کی روزی کماتا ہوں۔ میری اولین کوشش ہوتی ہے کہ وہ سبق انہیں ضرور سکھاؤں جو میں نے ایک ماۃ کے دھکوں میں سیکھا تھا۔
"اپنے وطن کے بغیر انسان کچھ بھی نہیں"







یوم آزادی 14 اگست 2009 کیلئے ایک ادنیٰ سی کوشش۔
 

__________________
یا اللہ!! تمام دنیا سے قوم یہود کو اپنی ناپاک سوچ سمیت نیست و نابود کر دے۔ اس قوم کا نام و نشان ہی مٹا دے۔ آمین ثم آمین

ایس اے نقوی

محترم بہن ابھی سرخوں کا اور سبزوں کا انتظار ہے وہ آ جائیں تو اس حساب سے آپ کو انعامی پوائینٹس ارسال کئے جائیں‌گے تاہم میری جانب سے بہترین تحریر پر مبارکباد وصول کریں

شاہ جی 90

بہترین تحریر ہے
اللہ کرے زور قلم اور زیادہ

wajee

بہت ہی زبردست تحریر ہے

ڈاکٹرنور

ام طلحہ بہن
پڑھانا واقعی ایک پیغمبرانہ پیشہ ہے مگر ہمارے ہاں” جولوگ کچھ نہیں کرتے وہ اسکول کے استاد بن جاتے ہیں"

استاد ایک انتہائی معززو معتبر عہدہ ہے ۔ لیکن افسوس کے سا تھ کہنا پڑتا ہے کہ خود اساتذہ ہی اس پیشے کی بد نامی کا با عث بنتے ہیں۔
میں جب بی ایڈ کررہا تھا تو ایک ماہ کی انٹرن شب یا ٹیچنگ پریکٹس کیلئے اپنے گھر سے قریب ایک ایف جی ماڈل سکول جا ئن کیا۔ وہاں کے تجربات نے مجھے انتہا ئی ما یوس کیا۔
مجھے بطور ایک ٹرینی سب سے زیا دہ کلاسز دے کر دیگر اساتذہ کرام اپنے ذاتی کاموں یا گپوں میں وقت گذارتے۔
بہرحا ل یہ تو جملہء معغترضہ تھا۔
میں الحمد للہ ہمیشہ ٹیچنگ کر تا آیا ہوں اور اس پیشے سے وابستہ رہنا اعزاز سمجھتا ہوں۔

آپ نے اپنی تحریر میںبہت اچھے انداز میں اس پیشے کی نمائندگی کی۔
ماشاءاللہ اچھی تحریر ہے۔
اللہ آپ کو مزید ایسی ہی خوبصور ت تحریریں لکھنے کی ہمت دے۔
آمین۔

ام طلحہ

آپ سب کی حوصلہ افزائی کا بیحد شکریہ۔ کبھی اخباروں اور میگزینز کیلئے لکھا کرتی تھی۔ پیشہ ورانہ اورگھریلو مصروفیات نے سب کچھ بھلا دیا۔ اب پاک نیٹ نے پھر سے جذبہ جگا دیا ہے۔ وقت ہو نہ ہو، کچھ اور لکھ سکوں یا نہیں اپنے وطن کیلئے ضرور لکھوں گی۔ اور یقین کریں، یہ جذبہ پوائنٹس کے حصول کی خواہش سے ماورا ہے۔

ایس اے نقوی

قابل احترام بہن آپ کا بہترین تحریہر لکھنے پر شکریہ ادا کیا جاتا ہے اور جیسا کہ 4 ذیلی ناظمین شکریہ ادا کر چکے ہیں ایک اور آگیا تو آپ کو پاک نیٹ کے وعدے کے مطابق پوائینٹس ارسال کئے جائیں گے پاک نیٹ انتظامیہ آپ سے بھرپور امید کرتی ہے کہ آپ اسی طرح لکھتی رہیں گی اور پاک نیٹ کا نام روشن ستاروں کی مانند جگمگاتا رہے گا تعاون کا طلبگار
پاک نیٹ

ایس اے نقوی

دو مرتبہ لکھا گیا جس کےلئے معذرت چاہتا ہوں

ام طلحہ

بہت شکریہ بھائی ------------------

شاہ جی 90

ارے مجھے تو خیال ہی نہیں رہا ، میرے شعبے کے متعلق لکھا آپ نے ، بشرط فرست ایک طویل تبصرہ پھینکوں گا کیچ کرنا آپ کا کام ہے
آپ کا بڑا بھائی

ابن جلال

بہت اچھا لکھا ہے ۔

ام طلحہ

شکریہ بڑے بھائی
اپ بے فکر ہو کر پھینک دیں کیچ کر لوں گی۔ نو پرابلم۔آپ پھینکیں تو صحیح۔

شاہ جی 90

استاد کا پیشہ جتنا معزز تھا اتنا ہی ہم نے اسے ڈی گریڈ کیا ہے ، اس کی وجوحات بہت ساری ہیں ، لیکن میرے خیال میں سب سے بڑی وجہ ڈیووشن کی کمی ہے ،آپ نے ٹھیک لکھا باہر جھاڑو دینے سے اپنے وطن میں ٹیچنگ ایک چیز دیگر ہے ، استاد معاشرے کا معمار ہوتا ہے، اگر وہ اپنی حیثیت کو جان کر اپنا کام کرے تو معاشرے کے بہت سے بگاڑ ایک استاد ٹھیک کر سکتا ہے ۔
موجودہ خرابی کی دو وجوہات ہیں ، ایک تو یہ کہ گھروں میں بچوں کو استاد کے احترام کی تربیت ہی نہیں دی جاتی ، دوسری یہ کہ استادوں میں بھی اب وہ پرانی بات نظر نہیں آتی۔ اب تو استادوں نے بھی تعلیم کو روزگار بنا لیا ہے ، لیکن اچھے استاد بے شک اس پیشے سے کما رہے ہوں ، اپنے بچوں کو اچھی تربیت دینے کی کوشش بھی ضرور کرتے ہیں‌ ، میرے کچھہ شاگرد جو اب بھی اگر میں کچھہ عرصے بعد ان کے سامنے جائوں تو دوڑ کر مجھہ سے لپٹ جاتے ہیں ، حالانکہ معاشرہ انہیں ذہنی پسماندہ بچوں میں شمار کرتا ہے ، اس بہانے آئیے میرے کچھہ سٹوڈنٹس سے ملئیے اور دیکھئیے کہ ان کے چہروں پر کیسی خوشی ہے ،

محمدعدنان

بہن آپ نے بہت اچھا لکھا ہے
واقعی دور کے ڈھول ہمیشہ سہانے ہی ہوتے ہیں
لیکن ہر کوئی خواہ کوئی کم پڑھا ہے یا زیادہ پڑھا ہوا اس کی کوشش یہی ہوتی ہے کہ وہ کسی نہ کسی طرح سے یورپی ملک میں‌چلاجائے ۔ اور جب وہاں پہنچ جاتے ہیں‌تو ان کی عقل ٹھکانے آتی ہے

ام طلحہ

شکریہ عدنان بھائی
میری محنت وصول ہو گئی۔