راجہ اکرام

معزز اہل وطن
ہم لاکھ برے ، ہم پر لاکھوں پابندیاں ، ہمارے حکمران غلام ، ہمارے رستوں پر ناکے ، ڈرون حملے اور سوات آپریشن اور وہ سب کچھ جو آپ جانتے ہیں
لیکن اس کے باوجود آزادی کی نعمت سے انکار ممکن نہیں۔۔۔۔ ان تمام برائیوں اور پابندیوں کے باوجود ہم دنیا کے بیشر ممالک سے اچھی آزادی سے جی رہے ہیں۔۔
کم از کم اس دن کی یاد جس دن ہمیں پنجہ ہنود و نصاریٰ سے آزادی ملی، ’‘ آزادی کا جشن منانا، بزرگوں کی قربانیوں کو یاد کرنا، مستقبل کے لئے سوچ بچار کرنا ہماری ذمہ داری بنتی ہے اس لئے ’’سچی آزادی‘‘ منائیے۔

ایک اہم بات جس کی وجہ سے آزادی منانا میرے خیال میں ضروری ہے وہ ہے ’’آزادی کا شعور، آزاد قوم ہونے کا احساس ‘‘
کیونکہ اگر ہم ان حالات کو دیکھ کر اپنے آپ کو کوستے رہے، غلام تصور کر کے دبکے رہے، آزادی پر فخر کرتے ہوئے جشن نہ منائے تو مزید مایوسیاں پھیلیں گی۔ کیوں کہ غلامی کا رویہ جب تک ترک نہ کیا جائے آزاد ہو کر بھی انسان غلام رہتا ہے

اپنے بچوں کو آزاد ہونے کا احساس دلا نا اور
نوجوان نسل کو ان قربانیوں کی یاد دلا کر عمل اور جدو جہد کے لئے ابھار نا ہماری ذمہ داری ہے

اور اگر ہم ایسا نہیں کرتے تو یقینا ہم جرم کرتے ہیں اور تاریخ ہمیں کبھی معاف نہیں کرے گی۔

اور آزادی تو ایسی نعمت ہے جس کی تھوڑی سی مقدار بھی جشن منانے کے لئے کافی ہے، اور ہم تو اللہ کے فضل و کرم سے آزادی کی بیش بہا نعمت سے نوازے ہوئے ہیں
شکران نعمت کا تقاضا ہے کہ اس دن کا حق ادا کیا جائے،
لیکن صرف جشن ہی کافی نہیں ، بلکہ خوشی منانے کے ساتھ ساتھ یہ بھی سوچنا ہے کہ وطن عزیز ان حالات میں ہم سے کیا مطالبہ کرتا ہے۔ برزگوں کی قربانی سے جو آزادی ہمیں میسر آئی اس کا کیا تقاضا ہے، وطن کی خدمت کا جو قرض ہم پر واجب ہے وہ کس طرح ادا کرنا ہے؟؟

آئیے اہل وطن ہم ثابت کردیں کہ ہم آزاد ہیں ، ہم آزاد رہیں گے انشاء اللہ

یہ تاریکیاں چھٹ جائیں گی، اجالا ہو گا، اور اپنے وطن کا بول بالا ہو گا
لیکن اس کے لئے مایوسیوں کو ترک کر کے امید کا دامن تھامنا ہوگا، نوجوان نسل کو روشن مستقبل کا سہانا خوب دکھانا ہو گا۔۔۔

خدا کرے کہ میری ارض پاک پر اترے
وہ فصل گل جسے اندیشہ زوال نہ ہو

اس بار کا یوم آزادی ہمیں یہ پیغام دیتا ہے کہ

اب صف ماتم اٹھا دو نوحہ خوانی چھوڑ دو
موت ہے عنوان کا جسکا وہ کہانی چھوڑ دو

زندگی کو کوندتی آواز سے آواز دو
زندگی کے ہاتھ میں عزم و عمل کا ساز دو

نغمہ وہ چھیڑو کہ گونج اٹھے فضائے کائنات
وجد میں آجاءے ہستی رقص میں آءے حیات

تم تو منزل پر ہو پھر یہ بے دلی و یاس کیوں
بے کسی کا اپنی ہے ناحق تمہیں احساس کیوں

__________________
محتاج اصلاح و دعا

sahj

جزاک اللہ بھائی راجہ اکرام

14اگست کو آزادی کا دن منانا ہی ہے تو کوشش یہ ہونی چاہیئے ہر پاکستانی مسلمان کی کہ وہ اس دن کو اللہ کی عبادت میں گزارے ، وطن عزیز کے حق میں اللہ تعالٰی سے دعا کی کثرت کرے، اپنے اہل و عیال کو اس دن غیر اسلامی اور غیر شرعی امور سے خصوصی طور پر بچانے کی کوشش کرے، اونچی آواز میں کسی بھی قسم کے نغمے لگانے سے پرہیز کریں، غرض اس دن کو اگر منانا ہی ھے تو موقع سے فائدہ اٹھا کر اپنے اللہ کو راضی کرنے کی کوشش کرنا چاہیئے، تاکہ اللہ ہمارے وطن عزیز کو دشمنان پاکستان اور دشمنان اسلام کے شر سے محفوظ کردے،
آمین

__________________
حضور صلی اللہ علیہ وسلم نے فرمایا کہ میں سویا ہواتھا کہ میں نے خواب میں جنت دیکھی ۔ میں نے دیکھا کہ ایک عورت ایک محل کے کنارے وضو کررہی ہے ۔ میں نے پوچھا یہ محل کس کا ہے ؟ تو فرشتوں نے جواب دیا کہ عمر رضی اللہ عنہ کا۔صحیح بخاری

طارق راحیل

بہت خوب۔۔۔۔۔۔۔۔۔۔۔۔۔۔۔۔۔۔۔۔۔۔

احمدنواز

بلکل صحیح بات کی آپ نے اکرام بھائی ،
اگرچہ آذادی تو ہمارے ھاں عنقاء ہو چکی ہے ، لیکن اسکے تصور سے آنکھیں ٹھنڈی کرنے کا یہ موقع ضائع نہیں کرنا چاہیے ؎
ہمیں اس تصور کے ساتھ آگے بڑھنا یے کہ قوم کو آذادی کا حقیقی مفہوم ازبر کروا کے چھوڑیں گے۔

منتظمین

اس تحریر کو اس دفعہ پاک۔نیٹ کے لیے آزادی کا پیغام ہونے کا اعزاز حاصل ہوا ہے۔

واسلام

منتظمین

پیغام میں‌کچھ مناسب تبدیلیوں کے لیے ہم سحر کے مشکور ہیں۔

راجہ اکرام

سحر بہن کا بہت بہت شکریہ۔۔۔
در اصل یہ کوئی باقاعدہ تحریر نہیں تھی۔ یہ میں نے ’’جھوٹا جشن آزادی‘‘ والے دھاگے کے لئے مراسلہ لکھا تھا، لیکن چونکہ کافی طویل ہو گیا اس لئے میں نے اسے ’’سچا جشن آزادی‘‘ کے نام سے نیا دھاگہ بنا دیا اس لئے بے ترتیب سا تھا

سحر بہن کا ایک بار پھر شکریہ ۔۔۔۔۔۔۔۔۔۔ اللہ ان کی صلاحیتوں، علم، عمل اور عمر میں برکت عطا فرمائے ۔۔ آمین

اور ان تمام کا شکریہ جنہوں نے اسے ’آزادی کا پیغام ‘ کے لئے منتخب کیا

جزاکم اللہ خیر


سوہنی دھرتی اللہ رکھے قدم قدم آباد تجھے۔۔۔۔۔۔۔۔۔ آمین

تمام اہل وطن کو جشن آزادی مبارک

رضی

جشن آزادی مبارک

ایس اے نقوی

قابل احترام رکن راجہ اکرام برادر
14 اگست کے حوالے سے بہت معیاری تحاریر دیکھنے میں آئی جن میں سے بہت سی تحاریر پر بھرپور تبصرہ بھی ہوا انعامات بھی ہوئے ہر عہدیدار نے پوائینٹس دیئے
اور 14 اگست کی مناسبت سے پاک نیٹ پر بہت خوبصورت انداز میں اراکین نے وطن سے پانی محبت کا ثبوت دیا
محترم راجہ اکرام صاحب
آپ کی تحریر پر آپ کو پاک نیٹ انتظامیہ کی جانب سے 5000 پوائینٹس بطور انعام دیئے جاتے ہیں مبارک ہو آپکو بہت بہت
اور اسی طرح وطن کی محبت میں سب دوست احباب سرشار رہیں

راجہ اکرام

انجم بھائی
یہ آپ لوگوں کی حب الوطنی اور اخلاص کا مظہر ہے،
ہمارے وطن کے ہم پر اتنے احسانات ہیں کہ جن کا حق ہم کبھی ادا نہیں کر سکتے۔
ہر فرد کی ذمہ داری ہے کہ اپنے اپنے دائرہ کار میں رہ کر وطن کی خدمت کرنے کی کوشش کریں

میڈیا کہ اس دور میں اہل قلم پر یہ ذمہ داری زیادہ ہے، کہ جہاں پاکستان اور اسلام کے خلاف پورا عالمی میڈیا گٹھ جوڑ کر چکا ہے۔ حالات کا حوالہ دے کر مایوسیاں پھیلائی جا رہی ہیں، غلامی کے رویے کو پروان چڑھایا جا رہا ہے ،ان حالات میں امید کا دیا روشن کرنا ہمارا فرض ہے۔

آپ تمام حضرات کا ایک بار پھر شکریہ

اللہ ارض پاک کی حفاظت فرمائے۔آمین

abbasi

سوہنی دھرتی اللہ رکھے قدم قدم آباد تجھے۔۔۔۔۔۔۔۔۔ آمین

تمام اہل وطن کو جشن آزادی مبارک

اکرم خٹک

سب دوستوں کو جشن آزادی مبارک ہو

ابن آدم

السلام علیکم!
مندرجہ بالا پیغام کے ساتھ اہل وطن کو آزادی مبارک