ام طلحہ

میں نے جب سے ہوش سنبھالا ارد گرد غنا کی نعمت دیکھی مگر تکبر کا شائبہ بھی نہ پایا۔ والد اور والدہ کو پانچ وقت نماز پڑھتے زکوٰۃ خیرات کرنے اور نیکی کا سبق دیتے دیکھا۔حویلی میں ملازموں کا ہجوم تھا مگر کافی بڑے ہونے کے بعد علم ہوا کہ وہ اہل خاندان نہیں تھے جبکہ ابا اور اماں جیسے انکا خیال رکھتے تھے ، ہم تو انہیں چچا اور خالہ ہی سمجھا کرتے تھے۔ وہ سب بھی اماں اور ابا کو میاں جی اور اماں جی کہتے تھے۔تم کہ کر بات کرنے کا تصور ہی نہیں تھا۔گھر میں پھلوں کے ٹوکرے سے لیکر فصلوں کے حصے تک ،جو بھی آتا اس میں ان سب کا حصہ ہوتا۔ یہی نہیں پڑوسیوں کو بھی پھلوں کے ٹوکرے جاتے۔ ایک بار مجھے یاد ہے پھلوں کا ٹوکرہ جو پڑوسیوں کیلئے رکھا تھا، میں نے ایک سیب اٹھا کر کھالیا، ابا کی نظر پڑ گئی اور انہوں نے اپنی چھڑی میرے ہاتھ پر رسید کی اور گرجدار آواز میں بولے، امانت میں خیانت کرتے ہو؟وہ دن اور آجکا دن میں نے کبھی کسی اور کیلئے وقف چیز کو ہاتھ نہ لگایا
سب کچھ بہت اچھا تھا۔ ایسا لگتا تھا کہ جنت کا جو سنتے ہیں وہ ایسی ہی ہوتی ہے۔پھر ایک دن ابا کو کہتے سناپاکستان بننے کا اعلان ہونے والا ہے۔ ہمیں تیاری کرنی چاہئے جلد ہی جانا ہو گا۔ اماں نے ڈرتے ڈرتے پوچھا جاگیروں کا کیا ہو گا؟ کیا فروخت کریں گے؟ ابا نے کہا نہیں اتنی جاگیر ہم کیسے فروخت کریں گے۔ ویسے بھی کوئی مال دولت ساتھ نہیں لیجانا۔ ایک تو خطرہ ہے دوسرے پاکستان کیلئے قربانی تو ہمیں بھی دینی ہوگی۔اماں نے پوچھا، بچوں کا کیا ہوگا؟ ابا نے کہا جس اللہ نے دئے ہیں وہی سبیل بنائے گاآپ تیاری کریں۔میں سوچ میں پڑ گیا۔ میں نے پوچھا۔ ابا یہ پاکستان کیا ہے؟ ابا نے مسکراتے ہوئے کہا، پاکستان ہمارا سب کچھ ہے۔ہم وہیں جا کر رہیں گے۔ میں نے پوچھا ابا یہ حویلی مجھے بہت پیاری لگتی ہے۔ کیا وہاں بھی ایسی ہی حویلی ہوگی؟ ابا نے کہا نہیں بیٹا اب اللہ کو جواب دینا ہے کہ اللہ کے نام پر کیا قربان کیا۔ پاکستان پاک زمیں ہے اور اللہ کے نام پر اسلام کیلئے بنایا جا رہا ہے۔ اس کے لئے تو ہم سب کچھ قربان کر سکتے ہیں۔پھر اللہ جنت میں ہمیں اس سے بھی بڑی حویلی دیں گے، بس یہ یاد رکھنا، آج کے بعد ہمارا سب کچھ پاکستان ہے۔تمہارے چچا حویلی چھوڑ کر نہیں جانا چاہتے لیکن ہم جلد ہی جائیں گے۔ میں اپنی نسلوں کو غلام نہیں رہنے دوں گا۔ حویلیاں تو آنی جانی چیز ہیں۔

پھر ایک دن ہم سب کچھ چھوڑ کر پاکستان روانہ ہو گئے راستے میں خبر ملی کہ حملہ ہونے والا ہے ایک مسجد نظر آئی اس میں پناہ لی گئی۔ مرد باہر بےجگری سے لڑے۔ پھر خبر ملی کئی مرد شہید ہوئے، ابا کی ٹانگ کٹ گئی لیکن دشمن بھاگ گئے۔ پھر ہم لٹے پٹے پاکستان پہنچ گئے۔ وہاں کیمپوں میں ہمیں سنبھالا گیا۔ ہمیں سر چھپانے کے ٹھکانے مل گئے۔ کوئی ملازم نہ رہا، حویلی میں راج کرنے والی اپنی اماں کو ہم نے دھوئیں سے بہتی آنکھوںکے ساتھ لکڑی کی آگ جلاتے دیکھا مگر کوئی شکوہ لب پر نہ پایا۔ایک گھر جو میرے نام تھا اسکا کلیم کرنے کیلئے کسی نے مجھے رستہ دکھایا تو ابا نے کاغذات پھاڑ دئے اور کہا تم ایک گھر کے عوض میری قربانی رائیگاں کرنا چاہتے ہو؟پھر ابا نے کہا کہ جاؤ اپنی زندگی بناؤ۔علم حاصل کرو پاکستان کی خدمت کرو۔میں نے ابا کا حکم مانا اور بھیا نے بھی لیکن کبھی کبھی وہ شکوہ کرجاتے کہ ابا نے ہم سے زیادتی کی۔ ہم اچھے بھلے راج کر رہے تھے۔ میں ہمیشہ چپ رہتا ابا کی بات سوچ کر کہ پاکستان ہمارا سب کچھ ہے۔ ہم نے محنت مزدوری بھی کی اورپڑھا لکھا۔ میری ماں نے سلائی کڑھائی اور ابا نے گھر میں ٹوکریاں بنا کر گھر چلایا مگر اف نہ کی۔میں صحافت کے شعبے میں آیا اور کامیاب ہوا۔ اللہ نے پاکستان کے صدقے مجھے عزت دی اور بھیا بھی اچھے عہدے پر فائز ہوئے۔ یوں وہ وقت آیا جب پم اپنے بوڑھے ماں باپ کو سکھ دے پائے۔لیکن وہ پھانس بھیا کے دل میں گڑی رہی کہ پاکستان نہ آتے تو اچھا ہوتا۔ ایک دن ابا اچھے موڈ میں ہم بھائیوں کے ساتھ بیٹھے تھے کہ بھیا نے وہی بات چھیڑ دی۔ ابا مسکرائے اور کہنے لگے،میں آج تمہیں اسکا جواب ضرور دوں گا۔ یہ بتاؤ کہ اگر کسی آزاد پرندے کو پنجرے میں بند کر کے اسے اچھے سے اچھا دانہ دو تو کیا وہ کھائےگا؟ بھیا بولے بس زندہ رہنے کی حد تک کھائے گا۔ پھر ابا بولے اگر تمہیں زنجیروں میں باندھ کر مرغ مسلم کھانے پر مجبور کیا جائے تو کھاؤ گے، بھیا بولے میں ہاتھ بھی نہیں لگاؤں گا۔ ابا بولے بس یہی بات تھی، آزادی کی دال روٹی قید کے مرغ مسلم سے بہتر ہے۔پھر وہ میری طرف متوجہ ہوئے،تم نے کبھی یہ گلہ کیوں نہیں کیا۔ میں نے جواب دیا، میں نے پاکستان کو سب کچھ مان لیا اور آج کم از کم اس بات پر میرا دل مطمئن ہے کہ میں جو کچھ ہوں اپنی محنت اور پاکستان کی وجہ سے ہوں۔ پھر ابا سنجیدہ ہو گئے اور مجھے ایک کاغذ پکڑایا، کہا تمہارے چچا کا آج اتنے عرصے بعد کسی کے ہاتھ خط آیا ہے۔ بلند پڑھو۔ میں نے پڑھنا شروع کیاتو ابا کی آنکھوں سے آنسو جاری ہو گئے۔ پتہ چلا کہ ہماری ہجرت کے بعد حویلی پر حملہ ہوا، سب کچھ لٹ گیا، چچی اور چچا کی بیٹی نے عزت کی حفاظت کیلئے خود کشی کر لی اورہندو حویلی پر قابض ہو گئے، بیٹا جان بچانے کیلئے بھاگ گیا۔ اتنے سال ہندوؤں نے انہی کی حویلی میں انہیں ملازم بنا کر توہین کا نشانہ بنائے رکھا۔ بہت عرصے بعد جب بیٹا لوٹا تو ان پڑھ اور جان بچانے کیلئے ہندو ہو چکا تھا اور ہندو عورت سے شادی بھی کر چکا تھا۔جو مسلمان سسر سے تعلق رکھنا بھی جرم سمجھتی تھی۔ یہ خط انہوں نے بستر مرگ سے لکھوایا تھا اور لانے والے نے بتایا کہ اسکے بعد ہی انکا انتقال ہو گیا تھا اور کسی مسلم سماجی تنظیم نے انکی تدفین بھی کر دی تھی۔ انہوں نے والد سے اپنے فیصلے پر معافی مانگی تھی اور لکھا تھا کہ پاکستان نہ آنا انکی زندگی کی سب سے بڑی غلطی تھی جسکے لئے وہ بہت شرمندہ تھے۔ میں نے خط پڑھ کر ابا اور بھیا کی طرف دیکھا تو دونوں کی آنکھوں سے آنسو رواں تھے۔اماں کی آنکھوں میں شکر گزاری کے آنسو تھے پھر کافی خاموشی کے بعد بھیا نے کہا، میں غلط تھا ابا!
آپ بالکل ٹھیک تھے۔ اب میں بھی اپنے بچوں کو یہی تربیت دوں گا۔ آج کے بعد میں بھی یہی کہتا ہوں۔ میرا سب کچھ پاکستان ہے۔ پاکستان پہ میری جان بھی قربان،


14 اگست 2009 کے موقع پر پیش کیا گیا۔
 

__________________
یا اللہ!! تمام دنیا سے قوم یہود کو اپنی ناپاک سوچ سمیت نیست و نابود کر دے۔ اس قوم کا نام و نشان ہی مٹا دے۔ آمین ثم آمین

ام طلحہ

میں بھی اپنی سی کوشش کر رہی ہوں کہ جو کچھ ہمیں ہمارے بڑوں نے دیا ہم بھی اپنی نسلوں کو دے سکیں۔میری بیٹی نے بھی بہت رونا دھونا ڈالا کہ میں نے سکول میں 14 اگست پر تقریر کرنی تھی لیکن بلوچستان کے حالات کے پیش نظر سکول ان دنوں بند رکھے گئے ہیں اور تاریخ میں پہلی بار بلوچستان کے سکولوں میں جشن آزادی نہیں منایا جائے گا۔پھر بھی اس محبت کو زندہ رکھنے کی کوشش کرتی ہوں جو ہمارے بزرگوں نے ہمیں وطن کیلئے سونپی۔ 

تانیہ رحمان ستارہ

ام طلحہ بہت شکریہ اتنی خوبصورت تحریر لکھنے کا جس کو پڑھنے کے ساتھ ساتھ یہی لگتا ہے کہ ہم وہاں موجود ہیں اور وہ سب کچھ اپنی انکھوں سے دیکھ رہے ہیں ۔ اور ایک اچھے لکھاری کی سب سے بڑی خوبی یہی ہے کہ آخر تک چھوڑنے کو دل نہ کرئے ۔ جو آپ کی تحریر میں پائی جاتی ہے ۔ مبارکباد قبول کریں ۔ یہ خدا کی عطا کردہ ہے ۔ اللہ پاک زور قلم اور زیادہ

ام طلحہ

بہت بہت شکریہ تانیہ!میری ہمت بڑھانے کیلئے۔

طارق راحیل

خدا کرے کہ میری ارض پاک پر اترے
وہ فصل گل جسے اندیشہ زوال نہ ہو

اس بار کا یوم آزادی ہمیں یہ پیغام دیتا ہے کہ

اب صف ماتم اٹھا دو نوحہ خوانی چھوڑ دو
موت ہے عنوان کا جسکا وہ کہانی چھوڑ دو

زندگی کو کوندتی آواز سے آواز دو
زندگی کے ہاتھ میں عزم و عمل کا ساز دو

نغمہ وہ چھیڑو کہ گونج اٹھے فضائے کائنات
وجد میں آجاءے ہستی رقص میں آءے حیات

تم تو منزل پر ہو پھر یہ بے دلی و یاس کیوں
بے کسی کا اپنی ہے ناحق تمہیں احساس کیوں

__________________
سمجھو تو بہت قابلِ تعظیم ہے لوگوں
اِک دوست کا اِک دوست سے پیار کا رشتہ
www.tariqraheel.blogspot.com

ابن جلال

ماشاء اللہ !!!
بہت خوبصورت تحریرلکھی ہے ۔

اللہ پاک ہمیں آزادی کی قدر کرنے والے بنادے ۔ آمین

رضی

معظم

السلام علیکم!

ام طلحہ باجی ، بہت خوبصورت تحریر ہے۔ میرے پاس الفاظ نہیں اپنا تاثر بیان کرنے کیلئے۔

شاہ جی 90

بہنا واقعی بہت اچھی تحریر ہے ، میری جانب سے مبارک باد قبول فرمائیں ۔ اور ہاں منتظمین بھائی ، انجم بھائی ، اور دیگر ناظمین و نائب ناظمین سے گزارش ہے کہ ہم مقابلے کے فیصلے کا انتظار کر رہے ہیں ، بڑوں اور بچوں دونوں کے مقابلوں کا فیصلہ برائے کرم جلد از جلد کیا جائے اور ہمیں بھی تو پتا چلے نا بھائی کہ سب سے اچھی تحریر کون سی رہی ، سحر بہنا آپ نے تو بچوں کے مقابلے کا فیصلہ کرنا ہے ، جلدی سے فیصلہ سنا دیں نا ،

ایس اے نقوی

محترم بھائی معظم شکریہ آپ کا
اور محترم بچوں کا سیکشن سحر صاحبہ کے پاس ہے فیصلہ کا اختیار بھی انہیں کے پاس ہے
جبکہ بڑوں کی تحریروں کے حوالے سے منتظمین کا یہ پیغام دیکھیں
14 اگست کےلیے پیغآم!

شاہ جی 90

شکریہ لیکن انجم بھائی ایک تحریر کا مقابلہ بھی تھا ، جس میں ہدایت کی گئی تھی کہ اپنی تحریر کے آخر میں 14 اگست کے حوالے سے ضرور لکھیں میں اس مقابلے کے نتائج کی بات کر رہا ہوں‌

ایس اے نقوی

جی محترم
جب آپ تحریر کے نیچے 14 اگست کےلئے پیش کی گئی لکھیں گے تب ہی آپ کی تحریر کی جانچ پڑتال کی جائے گی کہ کیا پیش کی گئی تحریر مقابلہ مین حصہ لے سکتی ہے
اور ابھی انتظار فرمائیں نتائج کا اعلان منتظمین نے کرنا ہے وہ عنقریب کریں گے کیونکہ بہت سے اراکین کی تحریریں بہت بہت اچھی موصول ہوئی ہیں بڑے غور و فکر کے بعد ہی نتائج کا اعلان کیا جائے گا انتظار کی لسٹ میں، بقلم انجم شاہ صاحب بھی کھڑے ہیں کہ کب نتائج کا اعلان ہو اور کب میں سہرہ سجا کر سٹیج پر انعام لینے جائوں
نتائج کےلئے انتظار فرمائیں شکریہ

رضی

جی بالکل نتائج کا انتظار ہے تاکہ جلدی سے معلوم ہو کہ وہ کون خوش نصیب ہے اور سحر جی سے درخواست ہے کہ بچوں کے مقابلہ کا بھی اعلان کر دیں ۔

__________________

اپنی ملت پر قیاس اقوام مغرب سے نہ تر
خاص ہے ترکیب میں قوم رسول ہاشمی

تانیہ رحمان ستارہ

میں نے تو کچھ لکھا نہیں ہے کچھ مصروفیت رہی ورنہ سوچا تھا ۔ لیکن اس میں بھی کوئی بہتری تھی ۔ اور جس جس نے لکھا بہت خوب لکھا ۔ اور دل سے لکھا ۔بڑے بچوں سے لے کر بچوں کے بچوں تک سب شامل ہیں ۔ اور مجھے بھی انتظار ہے کہ کس بڑے بچے کے نام انعام نکلے گا۔ سارے بزرگ بچوں کو مبارک ہو

منتظمین

اپ سب کا شکریہ میں جلد ہی اس بارے میں اعلان کروں گا۔ اہم مقصد جشن آزادی کا منانا تھا جو کہ اللہ کے کرم سے نہائت عمدہ طریقے سے سرانجام دیا گیا ہے۔ انعامات ایک معروضی مقصد تھا۔ لیکن انشاءاللہ ایک ادھ دن میں اسکا بھی اعلان کر دیا جائے گا۔

والسلام

__________________
تم سپاہی نہیں ہو پیشہ ور قاتلو!

شاہ جی 90

خیر مبارک ، بہنا یہ ’’’’ بڑے بچوں سے لے کر بچوں کے بچوں تک سب شامل ہیں ‘‘‘‘‘ اس کی سمجھہ نہیں آئی ہم تو چلیں بزرگ بچوں میں آتے ہیں باقی کیٹیگریز کی مثالوں سے وضاحت کریں پچاس پوائنٹس کا سوال ہے اور اس کا جواب ضروری ہے