ام طلحہ

میں نے جب سے ہوش سنبھالا ارد گرد غنا کی نعمت دیکھی مگر تکبر کا شائبہ بھی نہ پایا۔ والد اور والدہ کو پانچ وقت نماز پڑھتے زکوٰۃ خیرات کرنے اور نیکی کا سبق دیتے دیکھا۔حویلی میں ملازموں کا ہجوم تھا مگر کافی بڑے ہونے کے بعد علم ہوا کہ وہ اہل خاندان نہیں تھے جبکہ ابا اور اماں جیسے انکا خیال رکھتے تھے ، ہم تو انہیں چچا اور خالہ ہی سمجھا کرتے تھے۔ وہ سب بھی اماں اور ابا کو میاں جی اور اماں جی کہتے تھے۔تم کہ کر بات کرنے کا تصور ہی نہیں تھا۔گھر میں پھلوں کے ٹوکرے سے لیکر فصلوں کے حصے تک ،جو بھی آتا اس میں ان سب کا حصہ ہوتا۔ یہی نہیں پڑوسیوں کو بھی پھلوں کے ٹوکرے جاتے۔ ایک بار مجھے یاد ہے پھلوں کا ٹوکرہ جو پڑوسیوں کیلئے رکھا تھا، میں نے ایک سیب اٹھا کر کھالیا، ابا کی نظر پڑ گئی اور انہوں نے اپنی چھڑی میرے ہاتھ پر رسید کی اور گرجدار آواز میں بولے، امانت میں خیانت کرتے ہو؟وہ دن اور آجکا دن میں نے کبھی کسی اور کیلئے وقف چیز کو ہاتھ نہ لگایا
سب کچھ بہت اچھا تھا۔ ایسا لگتا تھا کہ جنت کا جو سنتے ہیں وہ ایسی ہی ہوتی ہے۔پھر ایک دن ابا کو کہتے سناپاکستان بننے کا اعلان ہونے والا ہے۔ ہمیں تیاری کرنی چاہئے جلد ہی جانا ہو گا۔ اماں نے ڈرتے ڈرتے پوچھا جاگیروں کا کیا ہو گا؟ کیا فروخت کریں گے؟ ابا نے کہا نہیں اتنی جاگیر ہم کیسے فروخت کریں گے۔ ویسے بھی کوئی مال دولت ساتھ نہیں لیجانا۔ ایک تو خطرہ ہے دوسرے پاکستان کیلئے قربانی تو ہمیں بھی دینی ہوگی۔اماں نے پوچھا، بچوں کا کیا ہوگا؟ ابا نے کہا جس اللہ نے دئے ہیں وہی سبیل بنائے گاآپ تیاری کریں۔میں سوچ میں پڑ گیا۔ میں نے پوچھا۔ ابا یہ پاکستان کیا ہے؟ ابا نے مسکراتے ہوئے کہا، پاکستان ہمارا سب کچھ ہے۔ہم وہیں جا کر رہیں گے۔ میں نے پوچھا ابا یہ حویلی مجھے بہت پیاری لگتی ہے۔ کیا وہاں بھی ایسی ہی حویلی ہوگی؟ ابا نے کہا نہیں بیٹا اب اللہ کو جواب دینا ہے کہ اللہ کے نام پر کیا قربان کیا۔ پاکستان پاک زمیں ہے اور اللہ کے نام پر اسلام کیلئے بنایا جا رہا ہے۔ اس کے لئے تو ہم سب کچھ قربان کر سکتے ہیں۔پھر اللہ جنت میں ہمیں اس سے بھی بڑی حویلی دیں گے، بس یہ یاد رکھنا، آج کے بعد ہمارا سب کچھ پاکستان ہے۔تمہارے چچا حویلی چھوڑ کر نہیں جانا چاہتے لیکن ہم جلد ہی جائیں گے۔ میں اپنی نسلوں کو غلام نہیں رہنے دوں گا۔ حویلیاں تو آنی جانی چیز ہیں۔

پھر ایک دن ہم سب کچھ چھوڑ کر پاکستان روانہ ہو گئے راستے میں خبر ملی کہ حملہ ہونے والا ہے ایک مسجد نظر آئی اس میں پناہ لی گئی۔ مرد باہر بےجگری سے لڑے۔ پھر خبر ملی کئی مرد شہید ہوئے، ابا کی ٹانگ کٹ گئی لیکن دشمن بھاگ گئے۔ پھر ہم لٹے پٹے پاکستان پہنچ گئے۔ وہاں کیمپوں میں ہمیں سنبھالا گیا۔ ہمیں سر چھپانے کے ٹھکانے مل گئے۔ کوئی ملازم نہ رہا، حویلی میں راج کرنے والی اپنی اماں کو ہم نے دھوئیں سے بہتی آنکھوںکے ساتھ لکڑی کی آگ جلاتے دیکھا مگر کوئی شکوہ لب پر نہ پایا۔ایک گھر جو میرے نام تھا اسکا کلیم کرنے کیلئے کسی نے مجھے رستہ دکھایا تو ابا نے کاغذات پھاڑ دئے اور کہا تم ایک گھر کے عوض میری قربانی رائیگاں کرنا چاہتے ہو؟پھر ابا نے کہا کہ جاؤ اپنی زندگی بناؤ۔علم حاصل کرو پاکستان کی خدمت کرو۔میں نے ابا کا حکم مانا اور بھیا نے بھی لیکن کبھی کبھی وہ شکوہ کرجاتے کہ ابا نے ہم سے زیادتی کی۔ ہم اچھے بھلے راج کر رہے تھے۔ میں ہمیشہ چپ رہتا ابا کی بات سوچ کر کہ پاکستان ہمارا سب کچھ ہے۔ ہم نے محنت مزدوری بھی کی اورپڑھا لکھا۔ میری ماں نے سلائی کڑھائی اور ابا نے گھر میں ٹوکریاں بنا کر گھر چلایا مگر اف نہ کی۔میں صحافت کے شعبے میں آیا اور کامیاب ہوا۔ اللہ نے پاکستان کے صدقے مجھے عزت دی اور بھیا بھی اچھے عہدے پر فائز ہوئے۔ یوں وہ وقت آیا جب پم اپنے بوڑھے ماں باپ کو سکھ دے پائے۔لیکن وہ پھانس بھیا کے دل میں گڑی رہی کہ پاکستان نہ آتے تو اچھا ہوتا۔ ایک دن ابا اچھے موڈ میں ہم بھائیوں کے ساتھ بیٹھے تھے کہ بھیا نے وہی بات چھیڑ دی۔ ابا مسکرائے اور کہنے لگے،میں آج تمہیں اسکا جواب ضرور دوں گا۔ یہ بتاؤ کہ اگر کسی آزاد پرندے کو پنجرے میں بند کر کے اسے اچھے سے اچھا دانہ دو تو کیا وہ کھائےگا؟ بھیا بولے بس زندہ رہنے کی حد تک کھائے گا۔ پھر ابا بولے اگر تمہیں زنجیروں میں باندھ کر مرغ مسلم کھانے پر مجبور کیا جائے تو کھاؤ گے، بھیا بولے میں ہاتھ بھی نہیں لگاؤں گا۔ ابا بولے بس یہی بات تھی، آزادی کی دال روٹی قید کے مرغ مسلم سے بہتر ہے۔پھر وہ میری طرف متوجہ ہوئے،تم نے کبھی یہ گلہ کیوں نہیں کیا۔ میں نے جواب دیا، میں نے پاکستان کو سب کچھ مان لیا اور آج کم از کم اس بات پر میرا دل مطمئن ہے کہ میں جو کچھ ہوں اپنی محنت اور پاکستان کی وجہ سے ہوں۔ پھر ابا سنجیدہ ہو گئے اور مجھے ایک کاغذ پکڑایا، کہا تمہارے چچا کا آج اتنے عرصے بعد کسی کے ہاتھ خط آیا ہے۔ بلند پڑھو۔ میں نے پڑھنا شروع کیاتو ابا کی آنکھوں سے آنسو جاری ہو گئے۔ پتہ چلا کہ ہماری ہجرت کے بعد حویلی پر حملہ ہوا، سب کچھ لٹ گیا، چچی اور چچا کی بیٹی نے عزت کی حفاظت کیلئے خود کشی کر لی اورہندو حویلی پر قابض ہو گئے، بیٹا جان بچانے کیلئے بھاگ گیا۔ اتنے سال ہندوؤں نے انہی کی حویلی میں انہیں ملازم بنا کر توہین کا نشانہ بنائے رکھا۔ بہت عرصے بعد جب بیٹا لوٹا تو ان پڑھ اور جان بچانے کیلئے ہندو ہو چکا تھا اور ہندو عورت سے شادی بھی کر چکا تھا۔جو مسلمان سسر سے تعلق رکھنا بھی جرم سمجھتی تھی۔ یہ خط انہوں نے بستر مرگ سے لکھوایا تھا اور لانے والے نے بتایا کہ اسکے بعد ہی انکا انتقال ہو گیا تھا اور کسی مسلم سماجی تنظیم نے انکی تدفین بھی کر دی تھی۔ انہوں نے والد سے اپنے فیصلے پر معافی مانگی تھی اور لکھا تھا کہ پاکستان نہ آنا انکی زندگی کی سب سے بڑی غلطی تھی جسکے لئے وہ بہت شرمندہ تھے۔ میں نے خط پڑھ کر ابا اور بھیا کی طرف دیکھا تو دونوں کی آنکھوں سے آنسو رواں تھے۔اماں کی آنکھوں میں شکر گزاری کے آنسو تھے پھر کافی خاموشی کے بعد بھیا نے کہا، میں غلط تھا ابا!
آپ بالکل ٹھیک تھے۔ اب میں بھی اپنے بچوں کو یہی تربیت دوں گا۔ آج کے بعد میں بھی یہی کہتا ہوں۔ میرا سب کچھ پاکستان ہے۔ پاکستان پہ میری جان بھی قربان،


14 اگست 2009 کے موقع پر پیش کیا گیا۔
 

__________________
یا اللہ!! تمام دنیا سے قوم یہود کو اپنی ناپاک سوچ سمیت نیست و نابود کر دے۔ اس قوم کا نام و نشان ہی مٹا دے۔ آمین ثم آمین

ایس اے نقوی

انتہائی شکریہ کے ساتھ محترمہ بہن آپ کی تحریر پر تبصرہ ضرور کرنا ہے میں نے مگر تبصرہ سے قبل آپ کی مذکورہ تحریر پر 6 سبز حضرات نے شکریہ کا بٹن دبایا ہوا ہے اور پاک نیٹ کے وعدے کے مطابق آپ کو 500 پوائینٹس ارسال کئے جاتے ہیں مبارک ہو بہت بہت

ام طلحہ

بس ایک اور سرخ ہو جائے تو میرا دل خوش ہو جائے۔

طارق راحیل

شکریہ..................

منتظمین

سرورق پر تو پیش کر دی گئی ہو گی؟

ام طلحہ

ابھی کر دیتی ہوں آپکے حکم کا انتظار تھا۔ شکریہ۔

منتظمین

سرورق پر پیش کرنے کے لیے میرے حکم کا انتظار نہ کیا کریں۔ کسی کی بھی اچھی تحریر کوئی بھ پیش کر سکتا ہے۔ میں صرف یاد دہانی کرواتا ہوں۔

__________________
تم سپاہی نہیں ہو پیشہ ور قاتلو!

ایس اے نقوی

ہاہاہاہاہاہا
محترم بہن اب سرخ اور سبز آئی ڈیز والے حضرات بھی شکریہ کا بٹن اویں نہیں دبا دیتے بڑا سوچ سمجھ کر دبانا ہے کیونکہ تحریر کے معیار کے مطابق ویسے آپ کی تمام تحریروں پر آپکو اور شاہ جی 90 کو پوائینٹس ملے ہیں ابھی تک اتنے پوائینٹس کسی اور رکن کو نہیں ملے
انشاء اللہ آپ اچھا لکھتی رہیں اور سرخ کا انتظار کریں

ام طلحہ

چار سرخ بھی ہو گئے بھائی ! دیکھیں،

ایس اے نقوی

واہ جی منتطمین کے ساتھ ساتھ ام غزل کا شکریہ بھی
تین بھی نہین چار چار سرخ
اب تو مجبوری ہی جی انعام دینا
محترمہ ام طلحہ بہن
پاک نیٹ کے وعدے کے مطابق آپ کو اچھی تحریر پیش کرنے پر چار سرخ آئی ڈیز نے شکریہ ادا کیا اور پاک نیٹ انتظامیہ اپنے وعدے کے مطابق آپ کو 1500 پوائینٹس بطور انعام دیتی ہے
بہت بہت مبارک ہو آپ کو

ام طلحہ

بہت بہت شکریہ
اگلی تحریر پر رائے کا انتظار رہے گا۔

ایس اے نقوی

انشاء اللہ
اور آپ اپنی تحریروں کے لنک مجھ کو پراوئیٹ میسج کر دیں میں 14 اگست کے فوری بعد سب سے پہلے آپ کی تحریروں پر لکھون گا انتہائی مشکور ہوں آپکا

ام طلحہ

ارے 14 اگست کے بعد کیا فائدہ؟ لنک میں نے آپکے پروفائل میں بھیج رکھا ہے۔

ایس اے نقوی

ٹھیک ہے جناب آج ہی سب پر تبصرہ کرتا ہون بھر پور ٹھیک ہے جی ویسے یہ تحریریں 14 اگست کے بعد بھی زیر بحث رکھنی ہیں میں نے

ام طلحہ

وہ تو ضرور کریں جی یہ سب صرف کسی ایک موقع کیلئے تو نہیں۔یہ گفتگو جاری رہنی چاہئے۔لیکن بعض چیزیں بروقت اچھی لگتی ہیں۔

ایس اے نقوی

میرا سب کچھ پاکستان
اس لفظ سے آگے اگر ہم سوچیں تو میرا خیال ہے کہ ہماری سوچ کی پرواز اسی لفظ پر ختم ہو جائے گی
کبھی وقت تھا جب سب ایک دوسرے کی ساتھ اسی طرح رہتے تھے جیسے گھر کے ہی افراد ہوں مگر وقت گزرنے کے ساتھ ساتھ تبدیلی آتی گئی اور آج ہم ایک دوسرے کے خون کے پیاسے ہیں جبکہ اب تو ہم لوگ اپنے اپنوں کے جو ہمارے سگے ہیں انکی بھی جان کے دشمن بن چکے ہیں اور یہ کن کی وجہ سے سب ان لوگوں کی جو ہم میں تفرقہ ڈالنے میں پوری طرح کامیاب ہو چکے ہیں
بے شک درست کہ ہمارے بزرگوں نے اپنا سب کچھ قربان کر کے ملک خداداد کو حاصل کیا مگر کیا ہم اس قابل ہیں اصل میں ہم لوگوں کو پاکستان پلیٹ میں رکھا ہوا مل گیا ہے ہمیں کیا خبر کہ آزادی کیا ہوتی ہے اس کےلئے کیا کیا کرنا پڑتا ہے
اور محترم بہن کیا آُ سمجھتی ہیں کہ ہم اپنے بچوں کی تربیت ٹھیک انداز میں کیر رہے ہیں ہم لوگ ٹی وہ دیکھ رہے ہوتے ہیں تو بم دھماکے دیکھنے کے بعد کہتے ہیں کہ اللہ غارت کرے ان لوگوں کو
مگر ساتھ ساتھ ہم اپنے حکمرانوں کو بھی مختلف القابات سے نوازتے ہوئے یہ نہیں سوچتے کہ ہمارے بچے ہمارے پاس ہیں وہ ہم کو فالو کر رہے ہیں
دو دن پہلے میری بیٹی نے مجھ سے‌ضد کہ کہ بابا میں نے پاکستان لینا ہے
میں ہنس پڑا بیگم سے پوچھا تو اس نے کہا کہ پاکستان کی پرچم مانگ رہی ہے کہ سب نے گھروں پر لگایا ہوا ہے مارے گھر کوں نئی
سو میں اسے بازار لے کر گیا پرچم لے کر دیا چھت پر لگایا اب وہ روز اس پرچم کو دیکھتی ہے اور چھت پر جا کر سلام (سلیوٹ )کرتی ہے جو اس نے‌ٹی وہ پر دیکھا ہے کہ پرچم کو سلیوٹ کرتے ہیں
ہم اپنے بچوں کو کیا بتاتے ہیں کیا کبھی ہم نے بتایا کہ بیٹا پاکستان کیسے آزاد ہوا اس کی‌آزادی میں کتنی عصمتیں لٹیں کتنے عورتیں بیوگی کی چادر پہن کر آزاد ملک میں آئیں
کتنے بچوں کی گردنوں پر کرپانیں چلیں
ہم انکو بتاتے ہیں کہ فلاں کا بیٹا باہر گیا ہے اب انکے گھر میں ہر چیز ہے پاکستان میں کیا رکھا ہے مہنگائی بجلی بند قتل و غارت کا بازار
وغیرہ وغیرہ
دوستوں وقت کی اہم ضرورت یہ ہے کہ ہم اپنے بچوں کو ملک کی آزادی کے بارے میں بتائیں نہ کہ سٹار پلس کے ڈرامے دکھائیں
اللہ نگہبان