سحر

مجھے زندگی میں کبھی اس کالج لائف کی محبت پر یقین نہیں آیا ، اس کو میں ہمیشہ ڈرامہ ہی کہتی تھی ۔
میں ایک کہانی لکھتی ہوں اس پر تبصرہ کریں اور بتائیں کہ کیا واقعی یہ محبت تھی ۔
میری کلاس کی ایک لڑکی اور دو سال سینئر لڑکے کی دوستی پورے کالج میں مشہور تھی ۔ وہ دونوں کافی سیریس بھی تھے ۔ ہم ان کے لیے دعا ہی کرتے ان کی محبت کا انجام بخیر ہو ۔
خیر جب ہم فائنل ائیر میں پہنچے ، تو اس لڑکے نے اس لڑکی کے گھر رشتہ بھیجا ، لیکن کسی وجوہ سے رشتہ سے انکار ہوگیا ۔ پورا کالج ان کے دکھ میں شریک تھا ۔
اس لڑکی نے اپنے گھر والوں سے بہت احتجاج کیا لیکن وہ نا مانے ۔
آخر کار ان دونوں نے ایک دوسرے سے یہ وعدہ کیا کہ وہ دونوں کہیں اور شادی نہین کریں گے اور ایک دوسرے سے اس وقت تک نا ملیں گے جب تک ان کے گھر والے خوشی خوشی راضی نا ہوجائیں
لڑکی امیرکن نیشنل تھی وہ اپنے والد کے پاس امریکہ چلی گئی ۔ اور وہ لڑکا یہاں اپنی زندگی گزارنے لگا
اس لڑکی نے صاف صاف اپنے گھر والوں کو کہہ دیا کہ اپنی مرضی سے شادی کرنے کا اختیار تو اس کو نہیں ہے ۔ لیکن شادی نا کرنے کا اختیار تو اس کو ہے ۔ اور اس کے لیے جو بھی رشتہ آتا وہ انکار کردیتی ۔
اسی طرح دو ، تین سال گزر گئے۔
ایک دن ہم کو معلوم ہوا کہ اس لڑکے کی شادی کہیں اور ہورہی ہے ۔
ہم سب کو بہت غصہ آیا ۔ ہم اس لڑکے کے پاس پہنچ گئے۔اور کہا کہ آپ لڑکے ہوکر وعدہ نا نبھا سکے اور وہ لڑکی ہوکر وعدہ نبھا رہی ہے
تو انھوں نے جواب دیا ، کہ جب تک میں کہیں اور شادی نہیں کروں گا وہ بھی کہیں اور شادی پر راضی نہیں ہوگی ۔ میں یہ شادی بھی اسی کی خاطر کررہا ہوں ۔

__________________
اے اللہ
میرے ہر فیصلے میں تیری رضا ہو شامل
جو تیرا حکم ہو وہ میرا ارادہ کردے

راجہ اکرام

اگر مثبت انداز سے سوچا جائے تو اس لڑکے کی بات میں کافی وزن لگتا ہے
یہ تو طے تھا کہ ان دونوں کی شادی آپس میں نہیں ہو سکتی، اب دو ہی صورتیں تھیں، ایک یہ کہ ساری عمر بغیر شادی کے گزار دی جائے اور دوسری صورت یہ تھی کہ وہ دونوں کہیں اور شادی کر لیں۔
پہلی صورت تو کسی طور بھی قابل ستائش نہیں، کیوں کہ بغیر گھر بسائے زندگی گزارنا اپنے ساتھ بھی ظلم ہے، کب تک کسی کی یاد میں بیٹھ کر کوئی رو سکتا ہے؟ اپنا برا حال، والدین پریشان، عمر زیادہ ہو جائے تو معاشرے میں طرح طرح کی باتیں

دوسری صورت اچھی ہے، کیوں کہ جتنی بھی محبت ہو لیکن وقت گزرنے کے ساتھ اس کا احساس بہر حال کم ہو جاتا ہے ، انگریزی کی ایک مشہور مثال ہے کہ out of sight out of mind جب نظروں سے کوئی بہت عرصے کے لئے اوجھل رہے تو ذہن سے بھی اس کا عکس اگر محو نہ بھی لیکن دھندلا ضرور جاتا ہے۔
اب والدین کی مرضی سے یا خود ہی کوئی معقول سا رشتہ دیکھ کر شادی کر لی جائے، اس سے ایک تو غم غلط ہوتا ہے دوسرا یہ کہ جب بچے ہو جاتے ہیں تو پھر ان کی محبت اور زندگی کے دیگر امور میں مشغولیت کی وجہ سے پرانے زخم مندمل ہو جاتے ہیں۔

لیکن اس دوسری صورت میں ایک مسئلہ ہوتا ہے۔ ہر کوئی یہ سوچ رہا ہوتا ہے کہ اگر میں نے پہلے کر لی تو وہ کیا سوچے گا؟؟
اس لئے کوئی پہل نہیں کرتا اور دونوں ایک دوسرے کے انتظار میں زندگی برباد کر رہے ہوتے ہیں
اس صورتحال میں مذکورہ بالا لڑکے کا فیصلہ مستحسن ہے، کیوں کہ جب اس نے کر لی تو لڑکی بھی سوچے گی کہ جب اس کو پروا نہیں تو میں کیوں اپنے آپ کو برباد کروں۔
اس طرح دونوں اپنے اپنے گھر بسا لیں گے اور زندگی کی گاڑی چلتی رہے گی

__________________
محتاج اصلاح و دعا

سحر

میرے خیال سے تو یہ بہانہ ہے اپنے وعدہ سے منحرف ہونے کے لیے ۔
وہ دونوں کچھ عرصہ انتظار کرلیتے تو شاید ان کے گھر والے راضی ہوجاتے ۔ لیکن لڑکے کو جلدی کرنے کی کیا ضرورت تھی ۔
میرے خیال سے تو ایسے وعدے ہی نہیں کرنے چاہیے جو انسان نبھا نا سکے
شکریہ

عدنان دانی

ان پیار عشق اور محبتوں سے کچھ نہیں بنتا
اس سے صرف وقت ہی ضایع ہوسکتا ہے۔۔۔۔۔ محبت کروں تو اللہ اور اس
کے رسول سے کروں۔۔۔۔۔ دونوں جہانوں کی کامیابی ہے۔۔۔۔۔۔۔۔

__________________

اور اس نے میرے ساغر میں
مئے سرخ انڈیلی ۔۔۔ تو کہا
مت سوچو !

عدنان دانی

ان پیار عشق اور محبتوں سے کچھ نہیں بنتا
اس سے صرف وقت ہی ضایع ہوسکتا ہے۔۔۔۔۔ محبت کروں تو اللہ اور اس
کے رسول سے کروں۔۔۔۔۔ دونوں جہانوں کی کامیابی ہے۔۔۔۔۔۔۔۔

راجہ اکرام

بندہ پہلے ہی حد میں رہے
اور اگر نہیں رہتا تو پھر برداشت کرے
کیوں کہ
اس طرح تو ہوتا ہے اس طرح کے کاموں میں

محمدعدنان

اور اگر ان کے گھر والے نہ مانتے تو ؟

میں اکرام بھائی کی باتوں سے متفق ہوں

عبداللہ آدم

پریکٹیکلی اس نے ٹھیک کیا لیکن۔۔۔۔۔۔۔۔۔۔۔۔۔۔۔۔۔۔۔۔۔ وعدہ تو وعدہ ہوتا ہے۔۔۔۔۔۔۔۔۔۔۔
پہلے اس سے بات کر لیتا وعدہ نہ یوں توڑتا۔۔۔۔۔۔۔۔۔۔۔۔۔۔۔۔۔
میں بھی اپنی 23 سالہ زندگی میں کم از کم 4 لوگوں کو اسی طرح اپنی زندگی سے ::::ھاتھ دھوتے::::::: دیکھ چکا ہوں۔
کبھی فرصت اور موڈ ہوا تو شیر کروں گا۔۔۔۔۔۔۔۔
بہرحال پڑھ کر دکھ ہوا۔۔۔۔۔۔۔۔۔

__________________
قال الشيخ محمد نجيب المطيعي - رحمه الله- في تصوير طبيعة طريق المجاهد :
"وإنما يجاهد المؤمن في الله جهاده، إن أخفق فإفادة أو أوذي فإرادة، أو نفي فريادة،
أو سجن فعبادة، أو عاش فقيادة، أو مات فشهادة، فله الحسنى وزيادة"

سحر

آپ لوگ اس معاملے میں والدین کی ضد کو کس نظر سے دیکھیتے ہیں

عبداللہ آدم

ہا ہا ہا
والدین کی بات رہنے ہی دیں۔۔۔۔۔۔۔۔۔۔۔۔۔
لوگ لڑکیوں کا رونا روتے ہیں میں تو کہتا ہوں کہ 80 فیصد لڑکوں کی شادیاں بھی صرف اور صرف ان کے والدین کی پسند کی ہوتی ہیں۔۔۔۔۔۔۔۔۔۔۔۔۔کچھ والدین صرف رسمی طور پر کہتے ہیں کہ اپنی پسند کوئی ہے تو بتائو نہیں تو۔۔۔۔۔۔۔۔۔۔۔۔
میرا اپنا ایک دوست ہے جس کا پچھلے مہینے نکاح ہوا ہے مجھے بتانے لگا کہ ابا جی خود ہی میری بات کر آئے اور لڑکی والوں کے پوچھنے پر کہا کہ مجھے اپنے بیٹے پر یقین ہے۔۔۔۔۔۔۔۔۔۔۔۔۔۔۔۔۔جب کہ اس کا بالکل جوڑ ہی نہیں تھا۔۔۔۔۔۔۔۔۔۔۔
اب ایسے رشتے بعد میں تلخیوں کو پروان نہیں چڑھائیں گے تو کیا کریں گے۔۔۔۔۔۔۔
اور میری والدہ ماجدہ نے بھی پچھلے ہی دنوں بیان جاری کیا ہے کہ یہ تو میرا حق ہے
اب ہم لاکھ نافرمان سہی لیکن ان معاملات میں والدین کی لاج،عزت،بھرم،زبان یا جو بھی کہ لیں رکھ ہی لیتے ہیں لیکن بعد میں مسائل پیدا ہوتے ہیں۔۔۔۔۔۔۔۔۔

سحر

جی میں یہی کہتی ہوں ۔
والدین لاکھ بچوں کا بھلا سوچ کر ہی فیصلے کرتے ہیں لیکن والدین کو بچوں کی پسند کو فوقیت دینی چاہیے ۔
بلکہ لڑکوں کے معاملے میں تو والدین سے ذیادہ لڑکوں کی مرضی ہونی چاہیے کیونکہ شادی کے نظام کو چلانے کی ذمہ داری مردوں کے ہاتھ میں ہوتی ہے ۔

fazain

میرےخئالسےتو ے کھ جب پئار کیا تو گھر والے کیسے روکیںگے سچے پیار کرنے والو کو گھر والے تو کیا کوئ بی نھی روک سکتے ھی.

شاہ جی 90

ہمارے خیال میں تو امرتا پریتم کا ایک جملہ اس بارے میں اتھارٹی کی حیثیت رکھتا ہے
انہوں نے کہا تھا کہ اگر اپنی محبت کو آزمانا چاہو تو اس کے دئیے کو جدائی کی ہوائوں میں رکھ دو دئیے میں طاقت ہو گی تو جلتا رہے گا اور کمزور ہو گا تو بجھ جائے گا ،
یہ ان لوگوں کو سوچنا چاہئیے تھا کہ تین سال بعد ان کی محبت کہاں کھڑی ہے
ویسے ہمارے خیال میں تو اگر سچی محبت ہو تو کوئی طاقت ان کو ایک ہونے سے روک نہیں سکتی تھی

منتظمین

محبت کیا ہے؟ اگر میں سچ لکھوں گا تو ردی کی ٹوکری میں جائے گا اس لیے پرہیز بہتر ہے۔

__________________
تم سپاہی نہیں ہو پیشہ ور قاتلو!

راجہ اکرام

منتظمین بھائی
آپ شاید دوسرے محبت کی بات کر رہے ہیں

ہم یہاں اس پاکیزہ محبت کی بات کر رہے ہیں جو حقیقی خوشی اور مسرت دیتی ہے، زندگی جینے کا مقصد بتاتی ہے۔
اس کے درجات اور اقسام تو ہو سکتے ہیں
کچھ اقسام و درجات بالکل برے بھی ہو سکتے ہیں جو ردی میں جانے کے قابل ہوں
لیکن محبت بذات خود ایک ایسا پاکیزہ جذبہ ہے کہ جسے سچی محبت مل جائے اسے دنیا کی کسی اور آسائش کی ضرورت نہیں۔