ڈاکٹرنور

ماہ رمضان آیا اور چلا گیا۔۔۔
ایک ما ہ کا یہ مہمان ۔۔۔ اپنے سنگ برکتوں، رحمتوں ، مغفرتوں ، محبتوں، خوشیوں اور رنگ ونور کی ایک برسات لے کر آیا اور ۔۔۔ جیسے پلک جھپکتے چلا بھی گیا۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔
واہ کیا رونقیں تھیں۔۔
مسجدوں میں سجدہ میں جھکنے والوں کا رش ۔
ہر چہرے پر پاکیزگی کا چمکتا دمکتا نور۔۔
ہرسمت خوشبووں کی لہر۔۔۔
ہرگھر میں خوشیوں کی بہار۔۔
سحری اور افطاری کی پرکیف لذتیں۔۔
تراویح میں قرآن کی دلسوز تلاوتیں۔۔
بازاروں میں مسکراتے چہروں کی رونقیں۔۔
دلوں میں محبتوں، چاہتوں، اور مسرتوں سے لبریز جذبے۔۔۔
۔۔۔۔۔۔۔۔۔۔۔۔۔
وہ سب کچھ رمضان اپنے ساتھ لے گیا۔۔
۔۔۔۔۔۔۔۔۔۔۔۔۔۔۔۔۔
اب مسجد یں۔۔۔
پھر سے گیارہ ماہ کیلئے اسی تنہائی کی آماجگاہ بن جائیں گی۔۔
وہی چند جانے پہچانے چہرے ہی مسجد کا رخ کریں۔۔۔۔ گے۔۔
۔۔۔
کل تک جن کے دل میں بھوک ، پیاس کی تکلیف دہ کیفیت سے گذرنے والوں کیلئے ہمدردی کے جذبات تھے۔ اب کیا گیارہ ماہ تک بھوکے پیاسوں کو دھتکا ریں گے۔۔۔
ان کو خود اس بھوک پیاس سے گذرنے کی کیفییت بھول جائے گی۔

وہ جو ایک ماہ تک اللہ کی ہر تعمت میسر ہونے کے با وجود ۔۔۔ ضبط اور صبر کی بے پایاں صلاحیت کے حامل بن گئے تھے۔ ہر حلال وحرام چیز کھانے سے اللہ کے حکم سے رک جا تے تھے۔ صبح سحری سے کر شام افطاری تک ان کا ہرلمحہ خدا کے ساتھ جڑا ہوتا تھا۔۔
کیا وہ سب کچھ بھول کر وہی بے صبری کا مظاہرہ کریں گے ۔۔ جو گیارہ ماہ تک کرتے آئے تھے۔
کیاوہ خدا کو صرف اور صرف مصیبت اور پریشانی کے وقت ہی یا د کریں گے۔۔

وہ جو ماہ رمضان میں کہتے تھے ۔۔ہم کسی کے ساتھ لڑائی کیوں کریں ہم تو روزے سے ہیں
ہم جھوٹ کیوں بولیں۔۔۔ ہم روزے سے ہیں
ہم رشوت کیوں دیں ۔۔ ہم روزے سے ہیں
ہم غلط کا م کرکے ۔۔ اپنی نیکیاں کیوں برباد کریں۔۔۔
۔۔۔۔۔۔
کیاسب کچھ بھول کر پھر سے وہی سب کچھ کرنا شروع کردیں گے۔۔۔
کہ
اب تو روزے ختم ہوگئے۔۔
دبا کے کھاو۔۔
چھوٹ بولو
کم تولو
رشوت دو
رشوت لو
لڑائی کرو
نا انصافی کرو
دوسروں کا حق مارو۔۔۔
اب تو روزے ختم ہوگئے۔۔۔
یا پھر

ہم نے رمضان سے جو سیکھا ہے اسے آنے والے گیارہ ماہ تک اس کو اپنی زندگیوں کا حصہ بنا لیں گے۔؟
سوچئے۔۔۔
ہم نے رمضان سے کیا سیکھا۔۔۔
اس ایک ماہ کے کریش ٹریننگ پروگرام نے کیا ہماری زندگی کی روش کو تبدیل کیا۔۔
کیاہمارے رویوں میں مثبت تبدیلی آئی؟
اگر آئی ہے تو شکر کریں
اور
اگر نہیں آئی تو
فکر کریں

ڈاکٹرنور

دوستو۔۔۔
اگلا ماہ رمضان کس کے مقدر میں ہے اور کس کے نہیں۔۔۔
یہ تو اللہ کی ذات ہی بہتر جانتی ہے۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔
لہذا اس رمضان کے سبق کو ہی یا د کرلیں۔۔۔

راجہ اکرام

السلام علیکم بھائی جان
اس میں کوئی شک نہیں کہ رمضان المبارک ہمارے لئے ایک ٹریننگ کورس ہوتا جو ہمیں یہ سکھاتا ہے کہ جس طرح ہم روزے کی حالت میں خلوت و جلوت میں رب کی موجودگی کا احساس رکھتے ہیں، صبح سے شام تک صرف اسی کے خوف سے کھانے پینے اور بے شمار برائیوں سے گرز کرتے ہیں، ہمارے معاملات اور عبادات کا انداز بدل جاتا ہے اسی طرح یہ روش سال بھر رہنی چاہیے۔
لیکن عموما رمضان کے بعد ہمارے معاملات یکسر بدل جاتے ہیں
اللہ پہلے مجھے اور پھر سب کو ہدایت کے نور سے منور کرے۔آمین

__________________
محتاج اصلاح و دعا

ام طلحہ

اللہ ہم سب پر اپنا رحم و کرم نازل فرمائے۔اللہ ہم سب کو روزے کی اصل روح سمجھنے کی توفیق عطا فرمائے۔
دیکھنے میں یہ آتا ہے کہ روزے کے باوجود بھی بہت سے لوگ فاقے کے علاوہ اپنی اسی روٹین پر چل رہے ہوتے ہیں۔
ذخیرہ اندوزی کی مثال لے لیں، بلوچستان میں ہونے والی ٹارگٹ کلنگ کی مثال لے لیں، چوری چکاری، راہزنی، حرام خوری کیا کیا مثال دوں۔کچھ بھی تو رکتا نظر نہیں آیا۔جس دن افطار کے فوری بعد جناح روڈ پر نوجوانوں کو قتل کیا گیا اس دن ہم نیوز سن کر افسوس کر رہے تھے اور پتہ کر رہے تھے کہ وہ کون بدنصیب تھے،میری بیٹی نے کہا کہ ماما رمضان میں تو شیطان قید ہے پھر یہ سب کون کر رہا ہے۔میرے پاس کوئی جواب نہیں تھا سوائے اس کے کہ بیٹا ہم خود ہی شیطان کی بات پر چلتے چلتے اس کے کاموں کے عادی ہو چکے ہیں اسی لئے رمضان میں بھی یہی حال ہے۔
اللہ ہم پر رحم کرے اور اس ملک پر جو شیطان کی اس قدر دسترس میں ہے کہ رہائی کی کوئی راہ سجھائی نہیں دیتی۔

__________________
یا اللہ!! تمام دنیا سے قوم یہود کو اپنی ناپاک سوچ سمیت نیست و نابود کر دے۔ اس قوم کا نام و نشان ہی مٹا دے۔ آمین ثم آمین

ڈاکٹرنور

شکریہ بہن ۔۔ام طلحہ
میں ایک مجوعی رویے کی بات کررہا ہوں۔۔
۔۔۔۔۔۔۔۔۔
ویسے تو ایسی کئی مثالیں ہیں کہ انسان سوچتا ہے۔۔۔ انسانیت کدھر گئی۔۔۔۔

sahj

السلام علیکم مسلمانو

یہ بھی پڑھ لیں

شکریہ

سید الکونین و الثقلین صلی اللہ علیہ وسلم کی شجاعت و بہادری

حیدر

مجھے تو یہ سمجھ نہیں آتی کہ سارا رمضان اس قدر نیک نیتی سے گزارنے کے فوراََ بعد اچانک سے ہی چاند رات کو ہم سارے اعمال کیوں ضائع کر بیٹھتے ہیں۔ چند گھنٹوں میں جو کچھ کرتے ہیں وہ شاید پورے سال میں نہ کرتے ہوں۔ کیا اس قدر کچا اثر ہوتا ہے ہم پر اسلامی تعلیمات کا؟

نیلم خان

جزاک اللہ ڈاکٹر صاحب ۔

ڈاکٹرنور

تبصرہ اس قدر مختصر۔۔۔۔
آپ پوائنٹس نہ دیں۔۔۔
لیکن الفاظ کے استعمال میں اتنی کنجوسی۔۔۔توبہ توبہ۔۔

راجہ اکرام

السلام علیکم ڈاکٹر صاحب
اصل میں کنجوسی رویہ ہے۔ جب یہ بن جائے تو پھر ہر چیز سے جھلکتا اور چھلکتا ہے۔۔ چھپائے نہیں چھپتا۔
دعا کریں اللہ انہیں سخاوت کی توفیق عطا فرمائے۔آمین

ڈاکٹرنور

اگر دعائوں سے نیلم سخی ہو سکتی تو
پھر ۔۔۔۔
مجھے وہ حاتم طائی والا دھاگہ بنانے کی ضرورت نہ پڑتی ۔۔۔
بہت غصہ دلا یا
لیکن کیا جائے۔۔۔ نیلم کے کانوں پر ابھی تک جوں نہیں رینگی۔۔۔
لگتا ہے آج کل " اینٹی لائس شمپو" استعمال کر رہی ہے۔۔

راجہ اکرام

تقدیر بدل جاتی ہے دعاؤں کے اثر سے۔
اس لئے
پیوستہ رہ شجر سے امید بہار رکھ۔

ام طلحہ

مختصر تبصرہ نیلم کا ٹریڈ مارک ہے۔
خیر موضوع پر واپس آجائیں۔

ڈاکٹرنور

ہاں بہن سچ کہا
وہ لفظوں کی بھی کنجوس ہے
۔۔۔۔۔۔۔۔۔
اصل موضوع پر واپس آنے کیلئے
آپ کچھ بولیں نا۔۔

ام طلحہ

اصل میں بات یہ ہے کہ ہم روزے کی اصل روح کو ہی بھول چکے ہیں۔ معلوم نہیں یہ تربیت کی کمی ہے، ماحول کی تبدیلی یا آجکل کے نصاب کی کمزوری۔ہم روزہ کو بھی معمول کی کاروائی کا حصہ سمجھتے ہیں۔جیسا کہ نماز کے حوالے سے میں نے ایک عالم کو ٹی وی پر سنا۔ نہوں نے کہا،اکثر یہ سننے میں آتا ہے کہ میں نے ابھی نماز نہیں پڑھی۔ تم چلو میں 5 منٹ میں نماز پڑھ کر آتا ہوں۔ سوچنے کی بات ہے کہ نماز جو بندے اور اللہ کے درمیان کلام کی ایک سورت ہے وہ اس طرح عجلت میں ایک کام کی طرح نبٹائی جاتی ہے؟جبکہ نماز میں تو خشوع و خضوع کے ساتھ اللہ کی طرف توجہ مرکوز ہونی چاہئے۔ ہم نے روزہ کو بھی اسی طرح سمجھ رکھا ہے۔کام مکمل ہوا تو اسکے ماحول کو بالکل بھول کر پھردنیاوی معاملات میںمشغول ہو جاتے ہیں۔