سحر

ڈ ینٹل سرجن ہونے کے ناطے میں نے سوچا کہ ایسا سلسلہ شروع کیا جائے۔ جن میں آپ اپنے دانتوں کے مطالق کوئی مسئلہ مجھ سے بیان کرے اور میں آپ کو مفت مشورہ دوں۔
اس سلسلہ میں صرف دانتوں کے مطالق ہی معلومات نہیں دی جائے گی بلکہ یہ بھی بتایا جائے گا ۔ کہ کس ٹریٹمنٹ کی ڈاکٹر کو آپ کتنی فیس دیں۔ اور ڈاکٹرز کہاں کہاں

مریض کو بے و قوف بناتے ہیں۔



یاد رہے مشورہ لیتے وقت اپنے مسئلہ کی تفصیل سے آگاہ کریں
دانت میں اگر درد ہے تو
کس دانت میں ہے
درد کی نوعیت کیا ہے
درد کو کتنا عرصہ ہوگیا ہے ۔

امید ہے کہ اس سلسلے سے آپ کو فائدہ ہوگا

شکریہ

مسافر

آپ کی اس پیشکش کا بہت شکریہ۔ ۔ ۔ ۔ ۔ ۔ جزاک اللہ

مسافر

روٹ کینال کب اور کیوں کروانی چاہیے

سحر

روٹ کینال ٹریٹمنت اس وقت کی جاتی ہے جب کیریز روٹ تک پہنچ جاتی ہیں ۔
مریض کے لیے اس وقت جب اس کو ٹیسوں جیسا درد ہوتا ہو ۔ کبھی مریض کو کیرا نظر نہیں آتا ہے لیکن روٹ کے نیچے انفیکشن ہوچکا ہوتا ہے۔
روٹ کینال ٹریٹمنٹ کے دوران اینٹی باؤٹک کا کورس ضرور کرنا چاہیے۔

Zullu230

سحر سسٹر آپ کا بہت بہت شکریہ۔ آپ نے یہ بہت اچھا سلسلہ شروع کیا ہے۔ تمام مبران سے گزارش ہے کہ وہ ڈاکٹر سحر کی اس مخلصانہ پیشکش سے فائدہ اُٹھائیں۔

ایکبار پھر آپ کا بہت بہت شکریہ۔

منتظمین

موضوع کو چپکو کیا جاتا ہے۔ اور امید ہے کہ اپ کی اس آفر سے بہت سارے لوگ مستفید ہو سکتے ہیں۔

والسلام

__________________
تم سپاہی نہیں ہو پیشہ ور قاتلو!

ماسٹر مقسود

ماشاہ اللہ !
اس فیض عام کو شروع کرنے پر مبارکباد !
اللہ تعالی آپ کو خدمت انسانیت کا بہترین اجر عطاء فرماے ، آمین
- - - - ہم ہیں آپ کے فین اور مستقبل کے مریض - - - -

سحر

شکریہ
مستقبل کے مریض کیوں ۔ ابھی تک آپ کے دانت سلامت ہیں ؟

سیپ

Assalam-o-Allykom Wrt Wbrkt
ارے سحر جی آپ اتنی دیر سے کیوں ملی؟
روٹ کینال کے چکر میں میں اپنی عقل داڑھ سے سے محروم ہوچکی ہوں
میری دائیں طرف کی نچلی سیکنڈ لاسٹ داڑھ میں بچپن میں فیلنگ ہوئی تھی اب چار سال پہلے بہت تکلیف ہوتی تھی تو روٹ کینال کروایا جو کہ بہت تکلیف دہ ثابت ہواپھر آخر میں داڑھ کو نکلوانا پڑاسارے ٹریٹمینٹ میں کافی پیسے بھی لگے تھے اور آخر میں صرف 150 میں داڑھ نکلوا دیا ۔اب 4 سال ہو گئے ہیں آپ کیا مشورہ دیں گی؟

سحر

عقل داڑھ میں کبھی روٹ کینال نہیں کرانی چاہیے۔ عقل داڑھ کو ہم problem tooth کہتے ہیں ۔ اس میں روٹ کینال کامیاب نہیں ہوتی ہے ۔ اس کو نکلوانا ہی بہتر ہوتا ہے۔
فلنگ کے بعد تکلیف ہونے کی وجوہات
فلنگ کرنے سے پہلے کیرا صحیح سے صاف نہ کیا ہو۔
فلنگ اور دانت کے درمیان خالی جگہ ہو۔
یا دو داتوں کے درمیان جگہ ہو۔
فلنگ کے نیچے لائنگ نہیں دی گئ ہو۔

روٹ کینال عام طور پر کامیاب ہوتی ہے ۔
اس کے بھی ناکام ہونے کی وجوہات
روٹ کی صفائی صحیح طرح نہ کی ہو
روٹ کی فلنگ میں گیپ رہ گیا ہو۔
روٹ کے نیچے انفیکشن رہ گیا ہو
روٹ کینال کرا کر ہمیشہ ایکسرے لیں ۔ فلنگ آپ کو خود نظر آئے گی۔

اگر آپ کا عقل داڑھ بھی دائیں طرف کا ہی نکلا ہے ۔
تو دائیں طرف آپ کا ایک داڑھ ہے۔ اور اگر آپ کو کوئی مسئلہ نہیں تو کوئی ضرورت نہیں پیسے خرچ کرنے کی

اگر آپ کا بائیں طرف کا عقل داڑھ نکلا ہے اور دائیں طرف پہلے داڑھ اور عقل داڑھ کے درمیان خالی جگہ ہے تو عقل داڑھ کے ٹیڑھے ہونے کا خطرہ ہوتا ہے ۔ تو اس میں برج لگایا
جاتا ہے۔

طاھر

السلام علیکم

اچھا سلسلہ ہے امید ہے کہ دانتوں کے متاثرین کو فائدہ ہو گا اور ڈاکٹروں کے بھی

ایک سوال ڈینٹل سرجنز کے بارے میں --

مریض کو یہ کیسے پتا چلے کہ ڈاکٹر واقعی ڈاکٹرہے؟ اکثر ہمارے ملک میں غیر مستند ڈاکٹرز دانتوں کی بیماریوں کا علاج کر رہے ہوتے ہیں؟

اس کے علاوہ دوسرا سوال علاج کے حوالے سے۔۔ کیا دانت سے محروم ہونے کے بعد کیا مصنوعی دانت امپلانٹ کروانا پاکستان میں ممکن ہے؟ اگر ہے تو کیا یہ بہت خرچے والی بات ہے ؟ اور کیا آپ کے خیال میں ایسا کروانا چاہیئے؟

والسلام

طاہر

__________________
ہمیں خبر ہے لٹیروں کے سب ٹھکانوں کی
شریک جرم نہ ہوتے تو مخبری کرتے

سحر

شکریہ
آپ کے دو سوال ہیں
جہاں تک کالیفائڈ ڈاکٹر اور نان کالیفائڈ میں فرق معلوم کرنے کا تعلق ہے
آپ کو کلینک کے اندر داخل ہوتے ہی معلوم ہوجائے گا کہ یہ کلینک کالیفائڈ ڈاکٹر کا ہے یا نہیں
ڈاکٹر کے بات کرنے کے انداز اور نولج سے بھی آپ کو پتہ چل جائے گا۔
اور سب سے بڑھ کر دونوں کی فیسوں میں زمین آسمان کا فرق ہوگا۔

آپ کا دوسرا سوال
امپلانٹیشن کے بارے میں ہے ۔
جی امپلانٹیشن پاکستان میں ہوتا ہے ۔ لیکن کچھ مہنگا ٹریٹمنٹ ہے۔اور اس کے ناکام ہونے کے امکان بھی ذیادہ ہیں۔
اس ٹریٹمنٹ میں ایک سکرو ہڈی میں جہاں دانت کی روٹ ہوتی ہے اس کو سوکٹ کہتے ہیں میں فکس کردیا جاتا ہے۔اور مصنوعی دانت اس سکرو سے فکس کیا جاتا ہے۔
اس میں انفیکشن کے امکان بھی ہوتے ہیں
سب سے اہم بات اس ٹریٹمنٹ کو سمپل ڈینٹل سرجن نہیں کرسکتا اگر کوئی کرتا ہے تو وہ غلط کرتا ہے
اس ٹریٹمنٹ کو سپیشلسٹ ہی کرسکتا ہے ۔

ام غزل

سحر جی یہ سلسلہ شروع کرکے آپ نے بہت فلاحی کام کیا ہے ،اللہ آپ کو اور آپکے بچوں کو اس کا اجر عظیم عطا فرمائے ،بےشک آپ حقوقالعباد بھی بخوبی نبھانا جانتی ہیں ،

سحر جی میں ایک مسلہ لیکر حاضر ہوں ! میرا ایک مسوڑہ کچھ دو مہینے سے پھولا ہوا ہے ، اس سلسلے میں سپیشلسٹ سے کنسلٹ بھی کرچکی ہوں ، اس نے میرے دانتوں کی کلینگ کی اور کہا کہ اس سے کچھ عرصے میں یہ خود بضود ہی بیٹھنا شروع ہوجائے گا اور اسیا ہوا بھی ہے پہلے سے کافی بہتر ہے ، مگر ابھی بھی ٹھیک نہیں ہورہا ،اس ڈاکٹر نے یہ بھی کہا تھا کہ اگر فرق نظر نہ آئے تو اس کو کٹ لگا کر کلین کرنا پڑے گا ، آپ اس بارے میں کیا کہتی ہیں ،
پیشگی شکریہ۔

سحر

آپ کا شکریہ

مسوڑہ پھولنے کی وجوہات
مسوڑھے اور دانت کے درمیان جگہ ہوجانے اور جراثیم کے وہاں جمع ہو کر انفیکشن کرنے سے۔ کلینگ کے ساتھ اینٹی باؤٹک کے کورس سے یہ ٹھیک ہوجا تا ہے

حمل کی وجہ سے

اس میں کلینگ کی جاتی ہے ۔ اور یہ کم ہو جاتا ہے لیکن ختم حمل کی مدت کے ساتھ ہوتا ہے

آپ نے کلینگ کرالی ہے اور بہتر بھی ہورہا ہے ۔ آپ نیم گرم پانی میں نمک ڈال کر کلیاں کریں ۔ دن میں جتنی بار کر سکیں ۔
ماؤ تھ واش استعمال کریں ۔
کٹ لگا کر کلینگ جو آپ کہ رہی ہیں اس کو کیورٹاج کہتے ہیں اس میں روٹ کی اوپر کی سطح کی صفائی کی جاتی ہے ۔ اس پراسیجر کے بعد تکلیف یعنی
ٹھنڈا گرم بھی کچھ دنوں تک ذیادہ لگتا ہے ۔ اور زخم بھرنے میں کچھ دن لگتے ہیں۔

ام غزل

حمل تو خیر نہیں ہے مگر اسکا کہنا تھا کہ ایسا ہارمونک ڈسٹربنس کی وجہ سے بھی ہوتا ہے ، اور ماؤتھ ‌واش تو میں دن میں دوبار استعمال کر رہی ہوں ، کیا ہارمونز اس حد تک اثر انداز ہوتے ہیں ؟؟؟