سحر

ہمارے معاشرے کا مسئلہ نہ مہنگائی ہے اور نہ غربت بلکہ ہمارا مسئلہ رزق سے برکت کا اُ ٹھ جانا ہے۔ بہت سے مذ ہبی اور حلال روزی کمانے والے لوگوں کے رزق میں بھی

برکت نہیں رہی
رزق میں برکت لانے کے لئے کچھ تجاویز ہیں امید ہے کہ آپ غور کریں گے۔

سب سے پہلے دو فہرستں بنائیں ۔

پہلی اپنی ضروریاتِ زندگی کی جس میں اشیائے خوردو نوش اور باقی اشیائے زندگی شامل ہوں۔

دوسری اشیائے تعیش کی ( کوشش کریں اس کو آہستہ آہستہ کم کر یں

اشیائے خوردنوش ہمیشہ پورے مہینہ کا ایک ساتھ لائیں۔

گھر میں جتنے بھی نوکر کام کرتے ہیں چاہے وہ تھوڑی دیر کے لیے ہی آتے ہوں ۔ ان کو کھانا کھلا کر بھیجے ۔ اگر نوکر عورتیں ہیں تو گھر کی عورتیں ان کے ساتھ کھانا کھا ئیں اور اگر نوکر مرد ہیں تو گھر کے مرد ان کے ساتھ کھانا کھائیں۔
غریب کو کھانا کھلانا اہم نہیں بلکہ ان کو عزت دے کر کھانا کھلانا اہم ہے
اپنے اوپر فرض کر لیں کہ
آپ کے گھر سے روزانہ ایک مہمان کو کھانا کھلانا ضروری ہے۔
مغرب کے وقت اپنے گھر کے مردوں سے کہیں مسجد میں کسی شخص کو کھانے کی دعوت دیں ۔ چاہے اس شخص کو وہ جانتے نہ ہوں ۔
اگر وہ شخص غریب مزدور ہے تب بھی اس کو ایک باعزت مہمان کی طرح برتاؤ کریں۔
مہمان کے لیے روٹیاں ضرور ذیادہ بنائیں لیکن سالن کی مقدار اتنی ہی بنائیں جتنی گھر والوں کے لیے بنتی ہے ۔ اپنے کھانے کو کم کرکے مہمان کو کھانا کھلائیں۔
کبھی سالن کی پتیلی کو ڈونگے میں نہ اُ نڈ یھلیں ۔ بلکہ سالن کو چمچ سے نکالیں۔
کچھ دنوں میں آپ دیکھیں گے کہ کھانا آپ کے گھر والوں کو مہمان کو اور نوکروں کو کافی ہو جائے گا

آخر میں دعا کرٰیں کہ آپ کے گھر کوئی ایسا شخص آجائے جو دو یا تین دن کا بھوکا ہو اور اپنی عزتِ نفس کی وجہ سے کسی کو بتانا نہیں چاہتا ہو کہ وہ بھوکا ہے۔
آپ کے توسط سے اس کا پیٹ بھی بھر جائے اور اس کا بھرم بھی قائم رہے ۔
ایسے شخص کی دعا آپ کی پوری زندگی کے لے کافی ہوگی
آپ اپنی آنکھوں سے اپنے رزق میں برکت دیکھیں گے اور ایک مہینے کا سودا دو مہینے چلے گا انشاء اللہ ۔ شرط صرف اتنی ہے کہ نیت اللہ کی رضا ہونی چاہیے

عمل کا دارومدار نیتوں پر ہے۔

اللہ سب کے رزق میں برکت عطا فرمائے

Zullu230

سحر سسٹر ۔۔۔۔۔۔۔۔ بہت اچھی تحریر ہے۔ اللہ پاک ہم سب کو عمل کرنے کی توفیق عطا فرمائیں۔ شکریہ

فیصل ناصر

بہت مناسب باتیں آپ نے لکھی ہیں واقعی ہم دوسرں کی ضروریات کا خیال رکھیں تو اللہ ہماری ضروریات کا خیال رکھنے والا ہے
بڑا دستر خوان اللہ کی رحمت کی نشانی ہے

__________________
(اے پروردگار) ہم تیری ہی عبادت کرتے ہیں اور تجھ ہی سے مدد مانگتے ہیں

ایس اے نقوی

بہت زبردست شئیرنگ کی ہے آپ نے اللہ آپ کو اس کی جزا دے آمین ثم آمین
اور برکت
سب سے پہلے تو ہمیں حقوق العباد کا خیال رکھنا چاہیئے اور ہم لوگ ہیں کہ ہماری سوچ یہ ہے کہ کسی طرح ہمسایہ کے گھر سے بھی لے آئیں وہ بھوکا سوتا ہے تو سو جائے مگر ہمارا پیٹ بھرا ہو
دوسرا ہم کھانا اتنی مقدار میں بناتے ہیں کہ اکثر وبیشتر کھانا بچ جاتا ہے اور ہم اسکو ضائع کر دیتے ہین مگر کسی غریب کا اس سے پیٹ بھر جائے وہ ہم کو گوارہ نہین ہوتا
اور ہماری باتوں مین جھوٹ کا عنصر بہت زیادہ پایا جاتا ہے جس کی وجہ سے بھی برکت نہیں رہتی
اور اس میں کوئی شک نہیں کہ اگر ہم کسی غریب کو کھانا کھلا دے تو اللہ ہم سے‌کوش ہو گا اور ہمارے رزق میں برکت عطا فرمائے گا
اللہ ہم سب کو حق کی پہچان کرنے کی توفیق عطا فرمائے آمین ثم آمین

محمدخلیل

واہ بہت ہی کمال کی ترکیب ہے میں ابھی سے عمل کرتا ہوں،
اور برکت کے طور پر آپ کو کچھ پوائنٹ بھی دے رہا ہوں۔

__________________
جب تک میری انفریکشن ختم نہیں ہوگی میں فورم میں نہیں آونگا۔

سحر

اللہ آپ کو نیت کرنے کی جزا دے۔ اللہ کرے آپ اس پر عمل کریں اس سے مجھے بھی اجر ملے گا ۔

منتظمین

سر ورق پر اپلائی کریں۔

فیصل ناصر

اپلائی کیا گیا !

ام غزل

جزاک اللہ ! سحر اللہ آپ کو اس کارٍ خیر کیلئے رزقٍ حلال کھانے اور تقسیم کرنے کی توفیق عطافرمائے آمین۔
اس ضمن میں ایک اور اضافی حدیث میری طرف سے جس پر عمل کریں‌تو آخرت بھی سنور جائے گی انشاء اللہ۔

Attached Thumbnails

 

سد ید مسعو د

اچھا ھے، سیدھی اردو میں سیدھی نصیحتیں، لیکن ایک بات گوش گزار ضرور کروں گا مذھبی احکامات میں آپ بغیر سند کے حکم جاری نہیں‌کر سکتیں، آپ نے جتنے بھی مذھبی احکام جاری کئے ھیں‌ ان میں سند ایک ھے "عملوں کا دارومدار نیت پر ھے" یہ نس قرآن ھے اگر آپ باقی کی باتوں میں بھی قرآن و حدیث یا تاریخ سے حوالہ جات دے دیتیں تو سونے پر سہاگہ ھو جاتا۔ لیکن آپ کے انداز سے ایسا ھی لگتا ھے کہ ان ساری باتوں کا قرآن و حدیث میں ذکر موجود ھے اس لئے قاری متاثر ھوتا ھے۔ آپ کے فقرے اور اردو املاء درست ھے۔ شکریہ

سدید مسعود

سحر

اللہ ہمارے رزق میں برکت عطا فرمایے ۔
رمضان المبارک میں‌حضور اکرم صلی اللہ علیہ وسلم بکثرت صدقہ و خیرات کیا کرتے تھے ۔
رمضان المبارک میں‌ہم کو بھی بہت بہت صدقہ کرنا چاہیے تاکہ ہم اللہ کو راضی کرسکیں
انشاءاللہ