زبیر

کروشیا کی جامعۂ زغرب میں شہد کی مکھیوں کی مدد سے بارودی سرنگیں تلاش کرنے کا نیا طریقہ واضح کیا جا رہا ہے۔ جامعہ کے پروفیسر نکولائی کیچک نے کہا کہ بارودی سرنگوں سے لوگوں کو خطرہ رہتا ہے جس وجہ سے انہوں نے یہ نیا طریقہ اختیار کیا ہے۔

انہوں نے کہا کہ کروشیا میں شہد کی مکھیاں پالنا پرانی روایت ہے اور اس کا فائدہ اٹھایا جائے گا۔

کروشیا کو بوسنیا اور سابق یوگو سلاویہ کا حصہ رہنے والے دیگر علاقوں کی طرح بارودی سرنگوں کا مسئلہ انیس سو نوے کی دہائی میں ہونے والی لڑائی کے بعد ورثے میں ملا ہے۔

کروشیا کے بارے میں خیال ہے کہ وہاں ایک ہزار مربہ کلومیٹر کے علاقے میں تقریباً ڈھائی لاکھ بارودی سرنگیں بچھی ہوئی ہیں اور انیس سو اٹھانوے کے بعد سے دس افراد ان سے ہلاک ہو چکے ہیں۔

شہد کی مکھیوں کو بارودی سرنگیں تلاش کرنے کی تربیت دینے کے لیے جامعہ کے شعبۂ زراعت میں ایک ٹینٹ نصب کیا گیا ہے۔ ٹینٹ میں مکھیوں کی خوراک کی مختلف جگہیں بنائی گئی ہیں لیکن ان میں سے صرف چند میں خوراک رکھی گئی ہے اور وہاں بارود پھیلایا گیا ہے۔ ماہرین توقع کر رہے ہیں کہ مکھیاں بہت جلد اپنی سونگھنے کی حص کی وجہ سے خوراک کی موجودگی کو بارود کی بو سے وابستہ کر لیں گی۔

پروفیسر کیچک کے مطابق مکھیوں کی تربیت کے لیے تین سے چار روز درکار ہیں۔ انہوں نے کہا کہ پہلے سال ان مکھیوں کی بارود سونگھنے کی حص کو تیز کیا جائےگا۔ انہوں نے کہا کہ تمام تیاریاں مکمل کرنے کے بعد مکھیوں کو بارودی سرنگوں والے علاقوں میں چھوڑ دیا جائے گا۔

اس سے پہلے گیمبیا میں بارودی سرنگیں تلاش کرنے کے لیے چوہے استعمال کیے گئے تھے۔

__________________
[SIGPIC][/SIGPIC]

عبدالقدوس

یہ تو بہت اچھی بات ہے

محمدعدنان

واہ زبردست

وسیم

یہ تو پاکستان کو بھی چاہییے

خرم شہزاد خرم

اچھا جی واہ

زبیر

پسند کرنے کا بہت بہت شکریہ

پاکستانی

بہت خوب