Haya 786

ایک دفعہ کا ذکر ھے اکثر کہانیاں ایک دفعہ کے ذکر سے ھی شروع ھوتی ھیں چاھے کوئ بھئ زمانہ ھو شہنشاہت یا بادشاہت آمریت ھو یا یت جمہوریت لوگوں کو پکڑے جانے کا ڈر ھوتا ھے اس لیے کبھی واضع زمانہ نہیں لکھا جاتا یہ قاری پہ منحصر ھوتا ھے وہ اپنے خیال کے گھوڑے کہاں تک بھگاتا ھے اس کا تخیل اسے کس زمانے میں لے جاتا ھے
خیر ھم اپنی کہانی ایک بار پھر سے شروع کرتے ھیں
ایک دفعہ کا ذکر ھے ایک گاؤں میں ایک غریب آدمی رہتا تھا روکھی سوکھی کھا کر گزر بسر ھوتی تھی لوگوں کے بال کاٹ کر حجامت بنا کر زندگی خاموشی سے گزر رھی تھی اس کا ایک بیٹا تھا اچھا ذہین بچہ تھا پڑھائ میں کافی تیز تھا ساتھ ساتھ کافی خوشامدی مطلب پرست چاپلوس اور شاطر تھا وہ زندگی میں ایک ایک قدم آگے بڑھتا گیا ایک ایک سیڑھی چڑھتا جب موقعہ ملتا سیڑھیاں پھلانگتا ھوا زندگی کے سفر میں کافی آگے نکل گیا جب انسان اونچائ پہ چلا جاتا ھے تو اسے نیچے دیکھنے پہ لوگ کیڑے مکوڑے نظر آتے ھیں اونچائ پہ جا کر اسے بھی ایسا ھی لگنے لگا تھا وہ انسان ھے اور باقی کیڑے مکوڑے ھیں
اس میں ایک کمزوری تھی یا اسے احساسِ کمتری تھا وہ اپنے ماضی سے بھاگتا تھا جب کوئ اس کے سامنے اپنے سر پر ھاتھ پھیرتا تو اسے لگتا جیسے وہ اسے نائ کہہ رھا ھو بالوں کے متعلق بات کرتا تو لگتا وہ اسے اس کا ماضی یاد کروا رھا ھے - خون کی سزا عمر قید تھی اس نے قانون بنایا جو کسی کا مذاق اڑائے گا کسی پہ ھنسے گا اسے بھی اتنی سزا ملے گی جتنی ایک خونی کو ملتی ھے قتل کرنے سے انسانیت کا خون ھوتا ھے اور مذاق کرنے سے کسی کے اندر

ملک میں انصاف کا یہ عالم تھا سرِ عام قتل ھوتے تھے چوری ڈکیتی کوئ خبر نہیں تھی قبضہ گروپ ھر نا جائز کام کرنے میں مصروف تھا عوام بھوکوں مر رھی تھی ھر طرف بے سکونی کا عالم تھا عوام کو کوئ انصاف دلوانے والا نہیں تھا قانون کی حفاظت کرنے والا کوئ نہیں تھا قانون بنتے تھے مگر صرف طاقتور کی حفاظت کے لیے جب قانون طاقتور کے ھاتھ میں چلا جائے تو وہ حقیقتاً اندھا ھو جاتا ھے اسے چھوٹے لوگ نظر نہیں آتے وہ پیسے والوں کے ھاتھوں میں بکنے لگتا ھے عوام انصاف کی امید کرنا چھوڑ دیتے ھیں وہ اپنے لیے خود انصاف ڈھونڈنے لگتے ھیں
اور ملک میں خانہ جنگی کے حالات پیدا ھو جاتے ھیں اس ملک کے حالات بھی ایسے ھی ھو رھے تھے مگر ایسے ایسے قانون بنائے جا رھے تھے جن سے لوگوں کے دل میں اپنے حکمرانوں کے خلاف جذبات بھڑک رھے تھے مگر اونچائ پہ جا کر آکسیجن کی کمی کے باعث انسان اپنے حواس کھونے لگتا ھے اسے کچھ سنائ یا دیکھائ نہیں دیتا اول فول بولنے لگتا ھے اس کے کہے کو کوئ اہمیت نہیں دیتا مگر انسان نشے میں دھت ھو تو اسے اس بات کا احساس نہیں ھوتا اور اس کا انجام آپ لوگ اندازہ لگا سکتے ھیں کیا ھوتا ھے

اس کہانی میں کتنا فسانہ ھے کتنی حقیقت ھے یہ آج کی ھے یا بیتے ھوئے کل کی مگر یہ بات سچ ھے کچھ لوگوں کے چہرے اتنے بھیانک ھوتے ھیں جب انھیں آئینہ دیکھایا جائے تو ان سے اپنا عکس برداشت نہیں ھوتا وہ آئینہ توڑنے کی کوشش کرتے ھیں آئینہ دیکھانے والے کو سزا دیتے ھیں مگر اپنا عکس خوبصورت بنانے کی کوشش نہیں کرتے

Haya 786

کسی نے کوئ تبصرہ کیوں نہیں کیا

سزا کا ڈر ھے کیا ؟؟

تفسیر حیدر

جی ہاں میں تو رہا کم از کم زندگی کے چودہ سال ضا ئع کرنے سے۔

محمدعدنان

بہت اچھا لکھا ہے آپ نے

wajee

کیا شہکار تحریر ہے بہت ہی عمدہ

منتظمین

سر ورق بی بی سرورق ۔

فیصل ناصر

یہ کہانی ہے یا حقیقت
ایسا تو ہمیں نظر آرہا ہے

Haya 786

سلام اور شکریہ سب کا

ڈرتے نہیں ھیں حکومت پانچ سال کے لیے ھوتی ھے اور عوام ھمیشہ کے لیے

Haya 786

سلام حسینیت جی

بہت دن کے بعد آپ کا نام نظر آیا
شکریہ -------------

مسافر

اب تو لعنت ملامت کر کے ہونٹ خشک اور زبان تھک گئی ہے
مگر کمال ہے ان
بے غیرتوں پر یہ نہیں تھکے

فیصل ناصر

ویسے حیا بی بی کیا آپکا قیام پاکستان میں ہے ؟

Haya 786

نہیں میں پاکستان میں نہیں ھوں مگر پاکستانی تو ھوں

فیصل ناصر

پاکستانی تو ہر وہ شخص ہے جس کے دل میں وطن کی محبت کا ایک ذرہ بھی موجود ہے
چاہے وہ دنیا کے کسی کونے میں بھی رہتا ہو

میرا سوال تو اس لئے تھا کے نئے قانون سے آپ کو کتنا فرق پڑتا ہے

__________________
(اے پروردگار) ہم تیری ہی عبادت کرتے ہیں اور تجھ ہی سے مدد مانگتے ہیں

راشد احمد

یہ تو آپ نے حقیقی کہانی سنائی ہے۔ اس کا مرکزی کردار رحمان ملک ہے۔ اس کا خاندانی پیشہ نائی کا ہے۔

__________________
حکمران کے محبوب ہونے اور فرعون بننے میں رویے کا فرق ہے۔