محمدخلیل

ویسے شادی سے پہلے ہی دونوں کی شکل ملتی ہے

سحر

آخر کو اسمگلر کی بیٹی ہے ۔ اتنا بھی زیور نہ ہو تو لوگ کیا کہیں گے ۔

Zullu230

سبھی خواتین یہی کہتی ہیں کہ "لوگ کیا کہیں گے"۔ ہمارے ملک میں ایسی بھی جوان بیٹیاں ہیں جو بھاری بھر کم جہیز نہ ہونے کے باعث والدین کے گھروں میں بیٹھی بیٹھی اپنے سفید بالوں کو مہندی اور پتہ نہیں کیا کیا لگا کر بال کالے کرتی ہوتی ہیں۔ دلہن نے جو کروڑوں اور اربوں کا جوڑا صرف ایک دن کے لئے پہنا ہے اس سے کئی یتیم، غریب اور بے سہارا بچیوں کی شادیاں ہو کر گھر آباد ہو سکتے تھے۔ دولت کی ہوس اور نمائش۔۔۔۔۔۔۔۔۔۔۔ دولت نے آج تک کسی سے وفا نہیں کی اور نہ قیامت تک کرے گی۔

shobi.jan

سحر

شاباش Zullu230

اچھی بات کہی لیکن کیا مزاح اور طنز کر کے بھی یہ لکھنا پڑے گا کہ بھائی یہ طنزیہ طور پر لکھا گیا ہے اس پر سنجیدہ ہونے کہ اور اچھل کر خواتین پر آنے کی کوئی ضرورت نہیں ہے؟

باقی رہی بات کہ ایک دن کے جوڑا پر اتنا خرچہ اور اس کو نہ پہنا جاتا تو یہ ہوجاتا وہ ہوجاتا تو بھائی، یہ تو ایک امیروکبیر آدمی کی شادی کا حال ہے، اپنے گردوپیش پر نظر ڈالیں، خود اپنے گھر پر بھی، وہاں بھی یہی حال ہے - اپنے سے مراد صرف آپ نہیں سب کو لکھا ہے اس پر بھی سنجیدہ ہونے کی ضرورت نہیں۔

اس معاملے میں خواتین اتنی ہی قصوروار ہیں جتنا کہ مرد حضرات -- دونوں مل کر ہی ان فضول رسومات کاخاتمہ کر سکتے ہیں۔

طاھر

یارخلیل بھائی !‌

خوب پہچانا آپ نے

Zullu230

سحر جی دل چھوٹا نہ کریں۔ میں نے جو بات کہی ہے وہ اپنے ارد گرد کے حالات کے عین مطابق کہی ہے۔ اکثر خواتین کا یہ اصرار ہوتا ہے کہ فلاں شادی میں فلاں رسم ہوئی تھی تو اگر ہم نے نہ کی تو "لوگ کیا کہیں گے" ۔ اور جہاں تک مردوں کا تعلق ہے تو فضول رسموں کو رواج دینے میں مردوں کا بھی اتنا ہی حصہ ہے۔ اور میں نے آپ کو ٹارگٹ نہیں کیا۔ اگر آپ کا دل دکھا ہے تو معذرت خواہ ہوں۔ اور غصے کو تھوک دیں۔ and be relax plz.

اور ہاں یہ سب باتیں پینل کی بحث میں بھی ہوں گی۔ پلیز اپنا نام وہاں شامل کریں۔ مجھے امید ہے کہ آپ کی شمولیت ہمارے لئے بہت مفید ہو گی۔ شکریہ

سام

اتنے سونے پہ زکوات کتنی ہو گی اورادا کیونکر ہو گی ویسے دلہن کی تو گردن جھکی جا رہی ہے۔

ام غزل

کیا کہتے ہو بھائی ایک سمگلر اور ذکوات ، ان جیسے لوگوں کو دیکھ کر ایک غریب گھر کی لڑکی پر کیا گزرتی ہوگی ؟ حسرت اور مایوسی سے غریب یا تو خود کشی کرلیتے ہیں‌یا پھر چوری اور ڈاکے ڈال کر اپنی حسرتوں کو شرمندہ تعبیر کرتے ہیں ،
اللہ ہم پر رحم فرمائے ۔

مسافر

بہت بری بات ہے جناب
بیٹی تو بیٹی ہوتی ہے یس مین اس کا کیا قصور
مجھے آپکے اس جملے ساٹری تکلیف پہنچی ہے

سحر

میں آپ کی بات کا مطلب نہیں سمجھی ۔ آپ کو کس بات سے تکلیف ہوئی ہے ۔ اسمگلر کی بیٹی بولنے سے یا لوگ کیا کہیں گے بولنے سے

محمدخلیل

داود ابراہیم پر فلم بن رہی ہے جس میں اس کا کردار عرفان ہاشمی کریں گے

سام

عرفان ہاشمی کون؟یادنہیں آرہا

مرزا عامر

ہر انسان آج کل اسراف میں مشغول ہے اور اپنی اپنی حیثیت کے مطابق اسراف کرتا ہے۔ ہمارا دین تو ہمیں یہ سکھاتا ہے کہ وضو کے دوران بھی پانی زیادہ ضائع نہ کیا جائے- اب ہم اپنے اردگرد نظر دوڑائیں تو ہمیں کئی جگہ اسراف ملے گا۔ اسراف کی ایک اور مثال شادی کا کھانا ہے۔ کہ لوگ اپنی پلیٹوں کواس قدر بھر لیتے ہیں اور جب نہیں کھایا جاتا تو چھوڑ دیتے ہیں ۔ اس سے کھانا ضائع ہو جاتا ہے ۔ یہ اسراف کوئی سونے یا ہیرے کا اسمگلر نہیں کرتا بلکہ ایک عام شخص کرتا ہے ۔ یہی کھانا اگر ضائع نہ ہو تو کتنے غریبوں کا پیٹ بھر سکتا ہے ۔ اپنے دوستوں اور رشتے داروں کو بہت حکمت اور نرمی کے ساتھ اس معاملے کی طرف توجہ دلانی ہو گی۔
یہ دھاگہ کافی پرانا ہے لیکن موضوع اھم ہونے کی وجہ سے اسے منظر عام پر لانے کا جی چاہ رہا ہے

__________________

میں اک دن لَوٹ کے آوں گا