Haya 786

ابھی جنگ میں سردار احمد قادری کے کالم پڑھا اس میں انھوں نے کچھ سوال کیے تھے ایک سوال قربانی کے بارے میں تھا انھوں لکھا ھے رسولِ کریم کی سوانخِ حیات کامطالعہ کیا میں نے کہیں یہ نہیں پایا کہ رسولِ کریم نے ان ایام میں جب آپ نے حج نہیں کیا مکہ معظمہ یا مدینہ منورہ میں قربانی کا فریضہ ادا کیا ھو --- قرآن میں بھی جو ایات قربانی سے متعلق ھیں وہ بھی حج سے ھی وابستہ ھیں

میں نے جب سے یہ پڑھا ھے تب سے دل میں ایک الجھن ھے آپ سب کا کیا خیال ھے ----
آپ کا علم کیا کہتا ھے -- اگر کسی کے علم ھو تو ضرور بتائیں قرآنی ایات یا رسولِ کریم کی زندگی کا کوئ واقعہ جس میں قربانی کا زکر ھو

شکریہ

عادل سہیل

السلام علیکم ورحمۃ اللہ و برکاتہ ،
جزاک اللہ خیرا ، کنعان بھائی ، اللہ تبارک و تعالیٰ مزید خیر کی توفیق عطا فرمائے اور آپ پر راضی ہو جائے ،
آپ کا یہ بھائی واقعتا قلت وقت کا شکار رہتا ہے ، دوسرا سبب یہ ہے کہ ایسے دھاگوں یا مراسلات یا سوالات کا اچانک ہی پتہ چل جائے تو چل جائے ، اللہ ہی جانے ایسے کتنے دھاگے ، مراسلات یا سوالات نظر میں آنے سے رہ جاتے ہیں ، اللہ مجھے میری کوتاہی پر معاف فرمائے ،
بھائی فاروق سرور صاحب ، آپ سے درخواست ہے کہ اپنی دی ہوئی ایک خبر کی تصحیح فرما لیجیے ،
آپ نے مراسلہ رقم 14 میں لکھا :::
""" ماضی میں لوگوں‌نے کو روایات و احادیث کی چھ بڑی کتب سے "صحیح روایات" نکال کر ایک کتاب ترتیب دی جس کا نام صحاح ستہ رکھا یعنی چھ کتب کی صحیح روایات۔ اس لئے کہ ہم سے پہلے بھی لوگوں کو ان چھ کتب روایات میں ضعیف اور موضوع یعنی نہایت کمزور اور گھڑی ہوئی روایات نظر آتی رہی ہیں۔"""
میرے محترم بھائی ، """ صحاح ستہ """ کسی """ ایک کتاب """ کا نام نہیں ،
اور نہ ہی """لوگوں """ نے ایسی کوئی""" ایک کتاب """ ترتیب دی ،
بھائی جی ، """ صحاح ستہ """ علما کی ایک اصطلاح ہے جس سے مراد احادیث کی کتابوں میں سے چھ ایسی کتابیں ہیں جن میں اکثریت صحیح احادیث کی ہے ، اور ان میں دو توساری ہی صحیح روایات پر مشتمل ہیں ،
آپ پہلے بھی ایک جگہ """ صحاح ستہ """ کے بارے میں کچھ اسی قسم کی خبر دے چکے ہیں ،
آج اچھی طرح سمجھ لیجیے بڑے بھائی کہ """ صحاح ستہ """ ایک اصطلاح ہے اور اس سے مراد مندرجہ ذیل چھ کتبءِ حدیث کا مجموعہ لیا جاتا ہے :::
(1) صحیح البخاری
(2) صحیح مُسلم
(3) سنن الترمذی
(4) سنن النسائی
(5) سنن ابن ماجہ
(6) سنن ابو داؤد
ان کتابوں کے علاوہ دیگر ایسی کتابیں بھی ہیں جو صحت کے اعتبار سے صحیح البخاری اور صحیح مسلم کے بعد اصح الکتب مانی جاتی ہیں ،
مثلاً :::
صحیح ابن خزیمہ
مؤطا مالک
صحیح ابن حبان
المستدرک الحاکم
المسند المستخرج علی صحیح مُسلم
الاحادیث المختارہ
المنتقی لابن الجارود
وغیرہ ،
امید ہے میرے محترم بھائی کہ احادیث اور کتب احادیث کے بارے بلا علم کوئی بات کہتے ہوئے یہ معلومات ان شاء اللہ آئیندہ آپ کے پیش نظر رہیں گی ، و السلام علیکم۔

__________________
اب نہ ہو گا کہیں کوئی نزول کتاب ::: بند کر دیا رب العالمین نے یہ باب
ہے جو بھی صحیح سنت رسالت مآب ::: بے شک ہے وحیء رب الارباب

عبداللہ حیدر

و علیکم السلام و رحمۃ اللہ و برکاتہ، آپ کی خدمت میں‌بارہا عرض کیا جا چکا ہے کہ حدیث پر اعتراض کرنے سے پہلے علم حدیث‌سے تھوڑی سی واقفیت پیدا کر لیجیے۔ آپ کے ان بے سروپا جملوں سے مجھے اس بھگوڑے فوجی کی یاد آ جاتی ہے جس نے شیخی مارتے ہوئے کہا تھا "میں‌نے راکٹ لانچر سے برسٹ مار کر بہتیروں کو ڈھیر کر دیا"۔
اس سے پہلے آپ امام ابن حجر العسقلانی کو ابن حجار الاثقلینی اور امام مالک بن انس رحمہ اللہ کو ابن مبارک فرمایا کرتے تھے۔ اب "صحاح ستہ" نام کی صحیح روایات کی کتاب کی خبر دے رہے ہیں۔ اللہ ہی جانتا ہے کہ مستقبل میں وہ آپ کے قلم سے کیا کچھ نکلوائے گا۔

فاروق سرورخان

آپ نے مزید لکھا:

اقتباس:

ہی جانے ایسے کتنے دھاگے ، مراسلات یا سوالات نظر میں آنے سے رہ جاتے ہیں ، اللہ مجھے میری کوتاہی پر معاف فرمائے ،

سلام علیکم،

اس قدیم معلومات کا دہرانے کا شکریہ
تو بھائی اطلاعاً عرض ہے کہ "انتخاب صحاح ستہ " نام کی کم از کم ایک کتاب کم از کم 75 سال سے بازار میں موجود ہے۔ آپ اپنے کسی رشتہ دار سے کراچی کے اردو بازار میں دیکھ سکتے ہیں۔ اس کتاب میں‌موجود "صحیح روایات" کی تعداد اتفاق سے تمام چھ کتب روایات سے بہت کم ہے۔


کتاب کی تفصیل :
نام ‌: انتخاب صحاح ستہ
مؤلف: مولوی نیاز علی صاحب پنشنر انسپکٹر مدارس پنجاب
تاریخ : 1925
پبلشر : لاہور پرنٹنگ پریس باہتمام محمد صدیق
صفحات : صرف 372 (‌سوچئیے کہ کتنی احادیث شامل ہوں گی اس کتاب میں)

بندہ کی ذاتی لائبریری میں موجود ہے۔ اگر پسند ہو دیدار کرایا جاسکتا ہے

اور صاحب خدا کے لئے یہ نہ کہئیے گا کہ یہ مستند کتاب نہیں۔ میرے نزدیک جو بھی کتاب شائع ہوئی اور چند دنوں میں بک گئی، جس کے بے تحاشا ایڈیشنزنکلے ہوں اور آج بھی بکتے ہوں اس کو غیر مستند جاننے کی ہمت میں نہیں کرسکتا ۔

اپنی معلومات کی کمی کو دوسرے کی معلومات کی کمی نہیں سمجھئے اور اس طرح اس کو جھوٹ قرآر دینے کی کوشش نہ کیجئے۔ جو میں کہتا ہوں۔ کبھی بناء دلیل نہی‌کہتا۔

آپ کو پہلی مثال دی کتب روایات کی یونیورسٹی آف سدرن کیلی فورنیا کی۔ اور اب یہ دوسری مثال دی "انتخاب صحاح ستہ "‌ انشاء اللہ تعالی

کتب روایات کی ترقیم، ترتبیب، متن، تعداد کے مختلف ہونے کی کم از کم دس مثالیں پیش کروں گا۔ تاکہ اندازہ ہوجائے کہ ان کتب روایات کی حفاظت نہ اللہ کررہا ہے اور نہ ہی بندہ۔ یہ دوسری مثال ہے۔

بہت ہی شکریہ۔

__________________
فاروق سرور خان
ترے ضمیر پہ جب تک نہ ہو نزول کتاب
گرہ کشـا ہے نـہ رازی نـہ صـا حب کشـاف

فاروق سرورخان

امام ابن حجر العسقلانی کا نام ابن حجار الاثقلینی ایک دوسرے آرٹیکل میں تھا جس کو میں نے کٹ پیسٹ کیا تھا اور من و عن چھوڑ دیا تھا۔ اس آرٹیکل کے اوپر لکھنے والے کا پورا نام اور اس ویب سائٹ کا ایڈریس درج تھا۔ یہ لکھنے والا ایک ڈاکٹر تھا، انگریزی دان تھا ، اس کی معلومات درست تھیں اگر نام کو انگریزی سے لکھتے ہوئے کچھ غلطی کرگیا تو آپ کے لئے یہ کسی طور مناسب نہیں کہ اس کو اس غلطی کی وجہ سے ڈسکاؤنٹ کریں۔ تصحیح‌کردی تھی کسی صاحب نے وہ کافی تھی۔ آپ کی شکایت رفع نہیں ‌ہوئی، یہ صرف ذاتی اختلاف کا نتیجہ ہے اور کردار کشی کی کوشش۔ زیب نہیں دیتا

امام مالک کا نام ابن مبارک کبھی نہیں لکھا آپ کو اپنا چشمہ بدلوانے کی ضرورت ہے امام مالک کو ابن مالک لکھ دیا تھا ، جس کو بعد میں درست کردیا تھا۔ اس کی وجہ جلد بازی کی ٹائپو تھی ، معلومات کی کمی نہیں۔ بہر حال اب اندازہ ہورہا ہے کہ شخصیت پرستی آپ کی روح میں بسی ہوئی ہے۔ امید ہے اس طنزیہ تفصیل سے پیٹ کے درد میں افاقہ ہوگا ؛)

فاروق سرورخان

بھائی عادل سہیل ، ایک بار پھر سلام،
Duplicate

فاروق سرورخان

بھائی عادل سہیل ، ایک بار پھر سلام،

آپ اب تک ایک ویب سائیٹ جس پر لاکھوں روایات ہیں اس کو یہودیوں کی کاروائی کہہ کر رد کر چکے ہیں۔ اب آئیے دیکھتے ہیں ایسے مسلمانوں کی کاروائی جو پاکستان کے شہر پنجاب کے دل لاہور سے طبع ہوئی ہے۔ آپ سے بس اتنی التجا ہے کہ یا تو اسے قبول کرلیجئے اور یا اسے رد کردیجئے۔

سوال یہ ہے کہ میں آپ کی بات پر یقین کروں یا کہ آپ کے استاد بلکہ استادوں کے استاد مولوی نیاز علی کہ جن کو صحاح ستہ سے انتخاب کی اشاعت کا شرف حاصل ہوا۔ آئیے دیکھتے ہیں ان کی معصومیت کی داستان۔

کتاب انتخاب صحاح ستہ ، مولوی نیاز علی ۔۔ لاہور پرنٹنگ پریس 1925

دیباچہ طبع دوم صفحہ نمبر 8

کیا بات ہے صاحب، نہ تعداد کی قید، نہ متن کی جب چاہا روایات شامل کرلیں اور جب چاہا اس کو رد کردیا۔۔۔ ایسا اگر کوئی قرآن کے ساتھ کرے تو اس کی کیا سزا ہوگی؟ جن آیات کے معانی اور مطلب دوسری آیت میں آگئے ہیں ان کو قرآن سے حذف کردیتے ہیں ۔۔۔۔ نعوذ باللہ ۔۔۔۔ اور پھر اس جدید قرآن کو صحیح القرآن کے نام سے شائع کرتے ہیں ۔ ۔۔۔ نعوذ باللہ۔

صفحہ 32: اپنی حدیثوں کے انتخاب اور ان کے صحیح ہونے کے ثبوت میں لکھتے ہیں:
مزید لکھتے ہیں انتخاب صحاح ستہ کے دفاع میں صفحہ 32:

اقتباس:

حدیث کے الفاظ: فعلی اور تقریری حدیثوں کے الفاظ تو ظاہر ہے کہ رسول اللہ صلی اللہ علیہ وسلم کے نہیں ہیں۔ مگر قولی حدیث کے الفاظ کی بابت رائے کا اختلاف ہے، ایک گروہ کے نزدیک وہ ان ہی الفاظ میں بیان کی گئی ہے جو حضور کی زبان مبارک سے نکلے اور ایک گروہ کی رائے ہے کہ الفاظ تو ہو بہو وہ نہیں‌ہیں مگر مطلب و مضمون وہی ہے۔

بچوبھائی۔۔۔۔۔ ذرا دیکھ کے ۔۔۔


صفحہ 34 تا 35: حدیثوں کی تعداد کسی کے نزدیک کچھ اور کسی کے نزدیک کچھ اور:
صفحہ 35: یادواشت کا کمال، تعداد کا کمال؟
کیا بات ہے جناب ان استادوں کی، کہ جو روایات امام مالک کے زمانے تک صرف ایک ہزار ستائیس تھیں وہ ایک سو سال میں بڑھ کر 15 ہزار ہوگئیں، کیا بات ہے اور ان روایات کو امام بخاری نے یادواشت سے سنا دیا کہ جناب استاد نے اپنی لکھی ہوئی روایات کی غلطیاں درست کیں؟ کیا بات ہے۔

اگر ایک روایت صرف دو منٹ میں دہرائی تو 15 ہزار روایات کے ہوئے 30 ہزار منٹ، ایک دن میں ہوتے ہیں 3600 منٹ گویا امام بخاری دن رات 10 دن تک بولتے رہے اور امام حنبل سنتے رہے۔ لگتا ہے ، کچھ حساب کمزور تھا ان محدثین کے گن گانے والوں گا۔

صفحہ نمبر 35 اور 36: امام بکاری کی کہانی جاری ہے :
200 سال میں اب حدیثیں 6 لاکھ ہوگئیں ۔ ان میں سے صرف سات ہزار دو سو پچھتر کا انتخاب ہوا۔ اس کا حساب لگائیں

امام بخاری کے نزدیک قابل قبول صحیح روایات 6 لاکھ میں‌سے صرف 7 ہزار دو سو پچھتر یعنی صرف 1.2125 فی صد
امام بخاری کے نزدیک رد کی جانے والی روایات صرف 98.7875 فی صد

صرف یہ کہیں کہ جو روایت قرآن کے مطابق ہے اس کو مان لو کہ یہی فرمانِ رسول اکرم ہے تو فوراً کفر کے فتوے ، منکر الحدیث کے احکام لگنے شروع ہوجاتے ہیں۔ یہ صاحب 99 فی صد روایت کو ریجیکٹ ، رد کرکے بیٹھے ہیں اور ان کی اطاعت کچھ لوگ رسول اکرم سے پہلے کرتے ہیں۔ کیا بخاری ان کا نبی نہیں؟ کیا اس نبی کی کتاب پر کچھ لوگوں کا ایمان نہیں؟

صفحہ 39 -- صحیح روایات کو ڈھونڈنے کی کوشش اب بھی جاری ہے۔
کچھ لوگ کہتے ہیں کہ روایات کی ترقیم ، ترتیب، تعداد، متن ، ایک جیسا ہے۔ شاید ان لوگوں نے اپنی ہی کتب کا مطالعہ نہیں کیا ہے۔

اب آپ سے التجا ہے کہ آپ بتائیے کہ یہ صاحب مستند و قابل قبول ہیں؟ ذہن میں رکھئے کہ یہ آپ کے استاد گرامی ہیں، انسپکٹر مدارس پنجاب ہیں ۔ مولوی ہیں ، سنی ہیں حنفی ہیں 1925 کے ہیں۔ استادوں‌کے استاد ہیں۔ اگر کسی لائق نہیں ہوتے تو ان کی کتاب کے ایڈیشن ہاتھوں‌ہاتھ نہ بک رہے ہوتے۔۔۔۔۔

اگر آپ یہ کہانیاں رد کرتے ہیں تو یہ دوسری روایات کی کتاب ہوگی جو آپ نے رد کی۔
اگر آپ یہ کہانیاں‌قبول کرتے ہیں تو آپ قبول کرتے ہیں کہ روایات ایک سو سال میں 1 ہزار اور دوسو سال میں چھ لاکھ ہوگئیں، اور صاحب اس میں سے 99 فی صد تو رد کردی گئیں ۔

چھ لاکھ روایت کو اگر 3 منٹ فی روایت کے حساب سے پڑھا جائے تو کتنا وقت لگے گا؟ 18 لاکھ منٹ۔ اگر ایک آدمی4 گھنٹے روزانہ صرف اس کو پڑھنے میں ہی میں مصروف رہے روزانہ تو وہ صرف 240 منٹ‌دے سکے گا روزانہ۔ اس طرح 240 منٹ‌فی دن کے حساب سے بلا ناغہ کام کرے تو اس کو درکار ہوں گے 7500 دن یعنی 20 سال 200 دن۔ لگتا ہے حساب کچھ کمزور تھا ان محدثین کے قدردانوں کا۔

کمال یہ ہے کہ مولوی نیاز علی صاحب تکحدیث کا علم سینہ بسینہ پہنچا اور پھر کتاب در کتاب پہنچا، لوگوں نے ان کو انسپکٹر مدارس پنجاب کے عہدے پر فائز کردیا۔ ان کی کتابیں ہاتھوں ہاتھ فروخت ہوجاتی تھیں۔ اور اب اس کے متن سے ہمارے بھائی متفق ہوتے ہیں کے نہیں‌ یہ سوال ابھی باقی ہے۔ 1500 سال میں جن کتب کی روایات ، تعداد ، درست، نادرست، ترقیم ، ترتیب اور کہانیوں کے متن میں خود اماموں میں‌ اتفاق نہیں ، ہم سے کہتے ہیں کہ ان کتابوں‌ پر ایمان رکھو۔ لاحول ولا قوۃ ۔۔۔۔

عبداللہ حیدر

جناب من ، میں‌یہی عرض کر رہا ہوں کہ اپنے مبلغ علم پرتنقیدی نگاہ ڈالیے اور انگریزی دانوں‌کی دی ہوئی معلومات کٹ پیسٹ کرنے کی بجائے علم حدیث کا مطالعہ کیجیے۔
یہ بھی عجیب معاملہ ہے کہ آپ ساری امت کے محترم محدثین پر طعن و تشنیع کرتے رہیں تو کوئی بات نہیں لیکن آپ کی غلطیوں اور علمی حیثٰیت پر بات کی جائے تو وہ "ذاتی حملہ" اور "کردار کشی"‌کے زمرے میں‌آ جاتا ہے۔

کنعان

السلام علیکم جناب من

ایک حدیث کو پڑھنے میں ایک منٹ نہیں‌ لگتا کچھ ایسی احدیث مبارکہ ہیں جو 10 سیکنڈ میں بھی پڑھی جاتی ہیںِ۔

یہ آپ کیا حساب کے فارمولے نکال کر دکھا رہے ہیں۔ سب جگہ پر حساب نہیں چلتا۔
نیوٹن کا قانون ھے مقام " اے" سے مقام "سی" کا فاصلہ ھے140 کلومیٹر آپ 140 کلومیٹر فی گھنٹہ کے حساب سے کار چلا رہے ہیں اور اس کے درمیان مقام " بی" پر آپ اگر کسی سروس پر 10 منٹ کی بریک کرتے ہیں تو دوبارہ کار چلانے کے بعد جب آپ مقام "سی" تک پہنچیں گے تو 1 گھنٹہ اور تقریباً بیس منٹ میں دوسرے مقام تک پہنچیں گے۔

مہر بانی فرما کر احادیثوں کو حساب کے پلڑے میں نہ تولیں۔

200 سال پرانے کسی مردے کو اگر زمین سے نکال کر اسے 200 منزلہ بلڈنگ دکھا کر یہ کہیں کہ یہ 200 منزلہ بلڈنگ 200 بندوں نے مل کر 2 سال میں بنائی ھے تو وہ کبھی نہیں مانے گا۔ وہ بھی حساب لگا کر آپ کے سامنے رکھ دے گا کہ ایک سال فی منزل کے حساب سے 200 سال منزلوں کے + ا سال بنیادوں کا = 201 سال میں‌ یہ بلڈنگ بنتی ھے اور آپ مجھے 2 سال میں اس کے بننے کی مدت بتا رہے ہیں۔

ایک کمپنی میں ہزاروں ورکرز کام کرتے ہیں اس کمپنی کا ڈائریکٹر/ مالک بھی ملازم ہی ہوتا ھے اس کمپنی کا اسے بھی تنخواہ ملتی ھے۔ اس کمپنی میں ڈائریکٹر سے لے کر آفس بوائے تک سب ملازم ہوتے ہیں۔
ہر فیلڈ میں 10 ورکز پر ایک ٹیم لیڈر اس کی مانیٹرنگ کر رہا ہوتا ھے پھر اس پر ہر 10 مانیٹروں کے اوپر بھی اسی طرح ایک مانیٹر ہوتا ھے پھر اسی طرح سلسلہ بڑھتا ھے اور آخر میں ڈائریکٹر کو اس پروجیکٹ کی فائنل رپورٹ پیش کی جاتی ھے اور اس فائنل رپورٹ پر اس ڈائریکٹر نے اگر کوئی کمی بیشی کرنی ھے تو وہ کرے گا اور دوبارہ اسے ٹھیک کر کے لانے کو کہے گا،اور اگر وہ اس کے تجربہ کے مطابق ٹھیک ہو گی تو اسے منظور کرے گا۔
یہ رپورٹ بناتے کون ہیں جو اس کے کوالیفائڈ سٹاف کے عالی رتبے کے بندے ہوتے ہیں خیال رہے کہ وہ کوئی ایک بندہ رپورٹ نہیں بناتا اس کے گروپ سے عالی عہدے دار بناتے ہیں جس پر ڈائریکٹر نے فائنل ڈسیزن دینی ہوتی ھے۔

آپ جو احادیث مبارکہ پر اپنی انگلیوں سے حساب لگا کر بتا رہے ہیں‌ اس کی کوئی اہمیت نہیں ھے۔ آپ یقین جانو اگر آپ کسی ادنہ دماغ والے مسلمان کو اپنا لگایا ہوا حساب دکھائیں گے تو بھی اس کا ایمان نہیں ڈولے گا ان شاء اللہ۔


والسلام

__________________

کنعان

السلام علیکم جناب من

میری طرف سے آپ بے فکر رہیں میں آپ کی جو بات جواب کے قابل ہو گی میں اس کا اچھے طریقہ سے جواب دوں گا کبھی کوئی فتوی نہ لگایا ھے نہ لگاؤں گا۔
اور عادل سہیل بھائی صاحب بھی آپ کے جو گفتگو کر رہے ہیں ان کا انداز بھی بہت اچھا ھے قابل تعریف ھے۔

آپ کا سوال ھے کہ شائد کچھ لوگ معاذ اللہ امام بخاری کو نبی مانتے ہیں اور نبی صلی اللہ علیہ وسلم کی کتاب پر ایمان نہیں۔ انا للہ و انا الیہ راجعون

چلیں فاروق بھائی آپ یہ بتائیں کہ قرآن اللہ کی کتاب ھے یہ ثابت کر دیں آپ کے سوال کا جواب بھی ساتھ ساتھ چلتا رہے گا جو آپ کو ضرور دوں‌ گا آپ یہ ثابت کریں کہ قرآن اللہ کی کتاب ھے۔

آپ کے جواب کو انتظار رہے گا

والسلام

عادل سہیل

السلام علیکم ورحمۃ اللہ و برکاتہ ،
محترم کنعان بھائی ، اور بھتیجے عبداللہ حیدر ، جزاکما اللہ خیرا ،
آپ کی آمد خوش کن ہے ، اللہ تبارک و تعالیٰ حق گوئی کی ہمت میں اضافہ دے ، اور آپ پر راضی ہو ، و السلام علیکم۔

عادل سہیل

السلام علیکم و رحمۃ اللہ و برکاتہ ،
محترم بھائی فاروق صاحب ،
پ نے مراسلہ رقم 14 میں لکھا تھا :::
""" ماضی میں لوگوں‌نے کو روایات و احادیث کی چھ بڑی کتب سے "صحیح روایات" نکال کر ایک کتاب ترتیب دی جس کا نام صحاح ستہ رکھا یعنی چھ کتب کی صحیح روایات۔ اس لئے کہ ہم سے پہلے بھی لوگوں کو ان چھ کتب روایات میں ضعیف اور موضوع یعنی نہایت کمزور اور گھڑی ہوئی روایات نظر آتی رہی ہیں۔"""
اور اب فرما رہے ہیں کہ اس کتاب کا نام """ انتخاب صحاح ستہ """ ہے ،
بڑے بھائی اب آپ اس کو ٹائیپنگ مسٹیک کہہ لیجیے ،
لیکن ہر ایک قاری کو یہ خوب اندازہ ہو چکا ہے کہ آپ خود ہی اپنی باتوں کی تردید کرتے ہی رہتے ہیں ، جو آپ کی لا علمی کا کھلا ثبوت ہے ،
میری اور آپ کی گفتگو فی الحال دو اور تھریڈز میں چل رہی ہے ، جہاں الحمد للہ آپ کے بیانات کے تضاد ، قران کریم کی غلط تاویالات اور حدیث شریف کے بارے میں جہالت پر مبنی الزامات اور واقعات کو بالکل جھوٹ بیان کرنے کی وضاحت ہو رہی ہے ،
لہذا میں یہاں مخل ہونے کی ضرورت نہیں سمجھتا ،
ان شا اللہ تعالیٰ یہاں آپ کے فرامین کا جواب دینے کے لیے کنعان بھائی اور عبداللہ حیدر ہی کافی ہیں ،
فی الحال آپ کنعان بھائی کے اس مشورے پر غور فرمایے :::
""""" مہر بانی فرما کر احادیثوں کو حساب کے پلڑے میں نہ تولیں۔ """""
اور ان کی اس بات پر بھی غور فرمایے کہ :::
""""" آپ جو احادیث مبارکہ پر اپنی انگلیوں سے حساب لگا کر بتا رہے ہیں‌ اس کی کوئی اہمیت نہیں ھے۔ آپ یقین جانو اگر آپ کسی ادنہ دماغ والے مسلمان کو اپنا لگایا ہوا حساب دکھائیں گے تو بھی اس کا ایمان نہیں ڈولے گا ان شاء اللہ۔ """""
و السلام علیکم۔

فاروق سرورخان

بہت ہی شکریہ یہ سوال کرنے کا۔ اس کا جواب یہ ہے کہ ----- میں یہ ثابت نہیں کرسکتا کہ یہ کتاب اللہ کی کتاب ہے۔ ٹھیک ۔۔۔ ۔ جس امر کا کوئی ثبوت نہ ہو، کوئی دلیل نہ ہو پھر بھی آپ اس کو صحیح مانتے ہیں تو یہ ہے اس پر ایمان۔----- میرا کامل ایمان ہے کہ یہ اللہ کی کتاب ہے ۔ نہ اس کے لئے مجھے کسی دلیل کی ضرورت ہے اور نہ ہی کسی ثبوت کی۔

اب آپ سے سوال :

چلیں میرے بھائی آپ یہ بتائیں کہ تمام کتب روایات مکمل طور پر ہر روایت سمیت ایسی کتابیں ہیں جن پر ایمان لانا ضروری ہے یا پھر یہ ثابت کردیں کہ اللہ یا اس کے رسول نے ان کتب پر ایمان لانے کے لئے کہا تھا۔ یا یہ ثابت کر دیں کہ ان میں‌ ہر روایت رسول اللہ کی صحیح حدیث ہے۔

آپ کے جواب کو انتظار رہے گا

والسلام

فاروق سرورخان

ساتھ ساتھ یہ بھی بتاتے چلئیے کہ وہ کون سا فارمولہ ہے جس سے حدیثوں کی تعداد کا حساب لگایا جاتا ہے۔ کہ کسی کتاب میں کچھ اور کسی کتاب میں کچھ اور ہوتی ہیں؟ 100 سال میں امام مالک تک صرف ایک ہزار ستائیس اور 200 سال میں چھ لاکھ؟ میرے حساب سے تو ایک حدیث 3 سے 4 منٹ میں پڑھی ، لکھی اور سمجھی جاتی ہے اور اگر اس پر بحث بھی ہ تو اس سے بھی زیادہ میں۔

‌ آپ صرف 20 احادیث لیجئے اور ان کی سمجھانے والی ویڈیو 200 سیکنڈ یعنی 3 منٹ 20 سیکنڈ کی بنا کر پوسٹ کیجئے۔ ہم دیکھتے ہیں کہ آپ کیا سمجھا پاتے ہیں۔

والسلام

فاروق سرورخان

صاحب آپ تو نام میں ہی اٹک گئے، کم از کم ان حضرت کا کام ہی دیکھ لیتے

میں تو ایک ایک کرکے "صحاح ستہ" کے تغیرات پر آرہا تھا، آپ ہی بے صبری کررہے ہیں۔ اس کے بعد ہم ایک اور کتاب پر بات کریں گے ۔۔۔ وہ ہے یہاں، یہ ہے الکتب الستہ، یہ کتاب ان چھ کتب کا مجموعہ ہے۔۔ لیکن یہ بعد میں ابھی آپ انتخاب صحاح ستہ ، سیاہ ستہ کے ایک ورژن پر تبصرہ کیجئے۔۔۔۔۔ اس سیاہ ستہ کو کچھ دیر کے لئے اٹھا کر رکھتے ہیں۔ دیکھنا یہ ہے کہ طبع ہو کر نشر ہونے کے بعد "سیاہ ستہ" اوہ معاف کیجئے گا --- ٹائیپو ------ صحاح ستہ کے کون کون سے ورژن آپ کو قبول ہیں۔ اب تک دو عدد ورژن تو آپ کو قبول نہیں ہیں۔ تارک الحدیث کون ہے؟‌ میں یا جناب؟


آپ پھر اصل بات گول کرگئے۔۔ میرے کسی سوال کا جواب نہیں دیا۔ بھائی اب آپ اس مولوی صاحب کے بارے میں بتا ہی دیجئے کہ یہ کیا کہہ رہے ہیں۔ کیا سچ مچ جناب امام بخاری صاحب نے 99 فی صد روایات کو ردی کی ٹوکری کی نذر کردیا تھا؟ یہ مولوی صاحب درست کہہ رہے ہیں۔ اتنا واضح سوال آپ کو نظر نہیں آیا؟

والسلام

منتظمین

یہ موضوع قربانی کے لیے قائم کیا گیا تھا۔۔۔ اس بات پر نظر رکھیں۔
غیر متعلقہ بحث کے لیے الگ سے موضوع اگر چل رہے ہیں تو اپنی بحث کو وہاں پر سمیٹیں۔

والسلام

__________________
تم سپاہی نہیں ہو پیشہ ور قاتلو!