عبدالقدوس

کیپ ٹاؤن ٹیسٹ: جنوبی افریقا نے ویسٹ انڈیز کو سات وکٹ سے ہرا دیا
کیپ ٹاؤن(جنگ نیوز) گریم اسمتھ کی بیٹنگ، آندرے نیل اور ڈیل اسٹین کی عمدہ بولنگ کی بدولت جنوبی افریقا نے دوسرے کرکٹ ٹیسٹ کے چوتھے دن ویسٹ انڈیز کو سات وکٹ سے شکست دیکر تین میچوں کی سیریز 1-1 سے برابر کردی۔ میزبان ٹیم جسے دوسری اننگز میں میچ جیتنے کیلئے 185 رنز کی ضرورت تھی، دوسری اننگز میں اس نے تین وکٹ پر 186 رنز بنالئے۔ گریم اسمتھ نے عمدہ بیٹنگ کا مظاہرہ کرتے ہوئے 85 رنز بنائے جس میں 11 چوکے شامل تھے۔ ہاشم آملا نے 37 اور کیلس نے 22 رنز بنائے۔ ویسٹ انڈیز کی جانب سے لیوس نے دو کھلاڑیوں کو آؤٹ کیا۔قبل ازیں ویسٹ انڈیز کی ٹیم دوسری اننگز میں 262 رنز بناکر آؤٹ ہوگئی اور جنوبی افریقا کو جیت کیلئے 185 رنز کا ہدف ملا۔ ویسٹ انڈیز نے پہلا ٹیسٹ جیتا تھا۔ پہلے ٹیسٹ میچ میں ویسٹ انڈیز کو تاریخی فتح دلوانے والے کپتان کرس گیل کے بائیں انگوٹھے پر آندرے نیلی کی گیند لگی۔ وہ پہلے ہی ہمیئرنگ انجری کا شکار تھے۔ گیلی نے فریکچر انگوٹھے کے ساتھ گیارہویں نمبر پر کھیلنے آئے اور تین چھکوں کی مدد سے 38 رنز بنائے۔ توقع ہے کہ نائب کپتان ڈیون برادو ڈربن ٹیسٹ میں کپتانی کریں گے۔ چندرپال 70 رنز بناکر ناقابل شکست رہے۔جنوبی افریقی فاسٹ بولر ڈیل اسٹین نے 44 رنز دے کر چار وکٹیں لیں۔ نیل نے 62 رنز دے کر 3 کھلاڑیوں کو آؤٹ کیا۔ اسٹین نے میچ میں 104 رنز کے عوض 8 وکٹیں حاصل کیں۔

__________________