shafresha

ریسلنگ یعنی "کُشتی" جسمانی کھیلوں میں ایک مقبول ترین کھیل ہے۔ اس کے چاھنے والے ہر مُلک اور ہر جگہ ہیں۔
آج کل کیبل پر مختلف چیلنز پر بھی آپ اس کھیل کے مختلف انداز کو دیکھ سکتے ہیں۔
فرانس کے قدیم غاروں میں بنی ہوئی تصاویر سے پتا چلتا ہے کے یہ کھیل قدیم زمانے ہی سے مقبول رہا ہے۔ اس طرح قریم بابُل اور اہرام مصر سے بھی ایسی ہعلومات حاصل ہوتی ہیں۔قدیم یونانی دیومالائی کہانیوں میں پہلوانوں اور لڑاکوں کو ایک اعلیٰ مُقام حاصل رہا ہے۔ قدیم اولمپک میں اس کھیل کو ایک اعلیٰ مقام حاصل تھا اور اس کھیل کے کھیلنے والوں کو معاشرے میں عزت کی نگاہ سے دیکھا جاتاتھا۔ پانچ سے پندرہ عیسوی کے درمیاں یہ کھیل فرانس، جاپان اور انگلینڈ میں بھی کافی مقبول تھا البتہ یہ مختلف ممالک میں مختلف انداز سے کھیلا جاتا تھا، لیکن کھلاڑیوں کو مطمع نظر ایک ہی چیز ہوتی تھی اپنے مخالف کو بری طرح ھرانا اور سب پر اپنی دھاک بٹھانا!
امریکہ میں آ کر بسنے والے انگلینڈ کے قدیم باشندے جب پہلے پہل امریکہ میں آ کر آباد ہوئے تو وہ اپنے ساتھ ریسلنگ (کُشتی) کی مظبوط روایات کو لے کر آئے تھے۔
1996 کے اولمپک میں اس کھیل کو شامل کیا گیا مگر بعد میں اسے اولمپک کے کھیلوں سے خارج کردیا گیا۔ بالآخر کئی سالوں کی ہچکاہٹ کے بعد اولمپک کی انتظامیہ نے ایک خاص قسم کُشتی کے انداز جسے قدیم
Greco-Roman wrestling
انداز کہا جاتا ہے کو اولمپک میں شامل کرلیا۔ اس انداز میں لاتوں کا ستعمال ممنوع ہوتا ہے۔

نوٹ: اس مضمون کی تیاری میں انٹرنیٹ پر موجود مواد اور دیگر زرائع سے استفادہ کیا گیا ہے۔ آئندہ کی پوسٹ میں اس بارے میں مزید گفتگو ہوگی۔
فی الحال آپ المپک کمیٹی کے منظور کردہ اندازِ کُشتی کے دو مناظر دیکھیئے۔



اور

محمدخلیل

بہت اچھا پر ہے سارا کے سارے ٍ ڈرامے باز

shafresha

جناب خلیل صاحب آپ کی بات کسی حد تک دُرست ہے مگر مجھے یہ کہنے کی اجازت دیں کے آپ نے تبصرہ کرنے میں جلدی کی۔ اس وقت ابھی ایک اسٹائل ایسا ہے جس میں ڈرامہ بازی یا نورا کُشتی کی گُنجائش نہیں ہے۔
اگلی پوسٹ میں اُس کا تذکرہ آئے گا۔

shafresha

1800ءکے اواخر میں مختلف پروموٹرز ریسلنگ کے مقابلے Arena میں کروایا کرتے تھے جیسا کے باکسنگ ہوتی ہے۔ آخر کار 1901 ءمیں ان لوگوں نے مل کر ایک ڈھیلی ڈھالی تنظیم National Wrestling Association کے نام سے بنا لی۔ اس تنظیم نے ایک چیمپئن شپ کا اجرا بھی کیا۔
دوسری جنگ عظیم کے بعد NWA ریجنل لیگ کے مختلف حصوں میں بٹ گئی اگرچہ یہ لیگز اب بھی NWA کا ہی حصہ تھیں۔ ان ریجنل لیگز کا ایک معاہدہ بھی تھا جس کے تحت وہ ایک دوسرے کے ریسلرز کو اپنی لیگ میں شامل نہ کرنے اور ایک لیگ کا دوسری لیگ سے مقابلے کروانے کے پابند تھے۔
ایسی ہی ایک لیگ World Wide Wrestling Federation یعنی WWWFبھی تھی اور اس کو چلانے والا تھا Vince McMahon۔ ونس مک موہن نے یہ لیگ 1960 ءمیں شروع کی تھی۔ 1970 ءمیں ونس کے بیٹے ونس مک موہن جونیئر نے اس فیڈریشن کی باگ دوڑ سنبھالی۔ ونس مک موہن جونیئر نےفیڈریشن کا نام بدل کر World Wrestling Federation یعنی WWF رکھا اور NWA کا معاہدہ توڑنے کا اعلان کیا۔ اُس نے ریسلنگ کی دوسری تنظیموں کے پہلوانوں کو دُگنے معاوضے پر اپنی فیڈریشن میں شمولیت کی دعوت دی اور ریسلنگ کے مقابلوں کو ٹی وی چینلز پر دکھانا شروع کردیا۔یوں ریسلنگ کی مقبولیت کا نیا دور شروع ہوا۔
1980ء تک NWA اپنی پرانی شکل میں موجود رہی۔ بلاآخر Ted Tumer نامی شخص نے اس ایسوسی ایشن کو خرید لیا اور اس کا نام بدل کر World Championship Wrestling رکھ دیا۔ ٹیڈ نے مک موہن کی ٹکر پر اپنی تنظیم WCW کے مقبلے ٹی وی پر دکھانے شروع کئے یہاں تک کے عوام میں WCWکی مقبولیت بڑھ گئی۔ WCE نےWWF کے ریسلرز کو خریدنا شروع کردیا اور دیگر مقابلوں میں بھی اُنہیں شکت دینا شروع کردی۔
اس صورت حال نے ونس مک موہن کو حواس باختہ کردیا اور اس نے منفی ھتکنڈے استعمال کرنے شروع کردیئے اور حالات کو اتنا خراب کردیا کے ٹیڈ کو WCW مک موہن کو فروخت کرنی پڑی۔ اب مک موہن اس کھیل کے سیاہ و سفید کا مالک بن گیا تھا۔ اُس نے تنظیم کے ٹریڈ مارک سے لے کر اُس کی ویڈیو لائبریری تک ہر چیز پر قبضہ جما لیا تھا۔ آج دنیا میں WCW جیسی مشہور تنظیم صرف تاریخ کے صفحات ہی میں باقی رہ گئی ہے۔
دوسری جانب ایک اور تنظیم اُبھر رہی تھی جسکا نام تھا Extreme Championship Wrestling یعنی ECW۔ یہ تنظیم امریکی ریاست فلاڈیفیا میں قائم تھی۔ اس تنظیم نے اپنی شناخت Hardcore مقابلوں کی وجہ سے بنائی ہوئی تھی۔ ان مقابلوں میں پہلوان کرسی، میز، لکٹری، تاروں، اور رسیوں کا آزادانہ استعمال کرتے تھے۔ اس قسم کے مقابلے رات گئے ٹی وی پر دکھائے جاتے تھے۔ اس کھیل کے شیدائی ان خونریزی سے بھرپور مقابلوں کا شدت سے انتظار کرتے تھے اور اپنی متشدد تسکین کو حاصل کرتے تھے انہیں WWFکے مقابلے کارٹونز کی طرح لگتے تھے۔ بعد میں ECW کے مقابلے اور بھی خونریز ہونے لگے اور اُن میں لوہے کی کیلوں، زنجیروں، سیڑھیوں کا بھر پور استعمال ہونے لگا۔ ان تمام باتوں کے باوجود ECW ایک خاص حد تک ہی محدود تھی ۔ اس کے تماش بین بھی بہت زیادہ نہیں تھے، اور اُس کی آمدنی WWF سے کئی درجہ کم تھی۔اسی دوران جانوروں کی بحالی کی تنظیم WWFنے WWF کے نام پر اعتراض کرتے ہوئے مک موہن پر مقدمہ کردیا ۔عدالتی کاروائی کے بعد مک موہن نے WWF کانام بدل کر World Wrestling Entertainment یعنیٰ WWE رکھ دیا ۔ کچھ سالوں کے بعد ECW دیوالیہ ہوگئی اور اس بار بھی اس تنظیم کو خریدنا کے لیئے جو شخص آگے بڑھا وہ WWE کا چئیرمین ونس مک موہن جونئیر تھا۔
آج کی گفتگو بس یہیں پر ختم کرتے ہیں۔ اگلی گفگو میں‌آپ سے اس کھیل کے بنادی اصولوں‌ بات ہوگی اور ہم مشہور ریسلرز کا تعارف بھی حاصل کریں گے۔ ہم یہ بھی دیکھیں‌گے کے اب WWE کس حال میں‌ہے اور اس کھیل میں کس طرح منفی ہھتکنڈے استعمال کیئے جاتے ہیں۔
ذیل میں‌آپ WWWF کا ایک پرانا پوسٹر، اُس تنظیم کا مونوگرام اور مک موہن کی تصویر دیکھ سکتے ہیں۔
آپ اس پوسٹ کے بارے میں‌اپنی رائے کا اظہار ضرور کیجیئے گا۔
شکریہ

Attached Images

   

پاکستانی

لگے رہو جناب اچھی شئیرنگ ہے۔۔۔۔۔۔۔۔۔۔۔۔

shafresha

پاکستانی بھائی شکریہ مذکورہ شئیرنگ "کاپی پیسٹ" نہیں ہے۔ جلد ہی اس کی دوسری قسط بھی پڑھئیے گا۔
شکریہ والسلام

منتظمین

میں‌انتظار کر رہا ہوں جب یہ مکمل ہو گا تو سرورق پر جائے گا۔

shafresha

منتظمین صاحب شکریہ آپ کا!

طارق راحیل

میرا اور والد صاحب کا پسندیدہ کھیل (ٹی وی پر( یہی کھیل ہے
مجھے وقت نہیں مل پاتا پر والد اب تک دیکھتے ہیں

shafresha

میرے بھی والد صاحب کا پسندیدہ کھیل یہی ہے شاید اُنہیں سے مجھے بھی ورثے میں‌ملا ہے!

ابن آدم

بھائی بھول گئے ہیں کیا؟

shafresha

نہیں‌سلیمان بھائی بس ابھی کچھ مصروف ہوں۔ جلد ہی اس کی اگلی اور دلچسپ قسط پیش کروں گا۔

M.UMER

میں جب بھی کوئی فئل کنورٹ کرتا ہوں تو یہ میسج آتا ہے

M.UMER

میں جب بھی کوئی فئل کنورٹ کرتا ہوں تو یہ میسج آتا ہے

فرحان دانش

میرابھی پسندیدہ کھیل ہے ۔۔۔۔۔۔۔۔۔۔