Zullu230

السلام علیکم!
آج ہم کورل ڈرا میں رنگزیا کڑے بنانا سیکھیں گے۔ سب سے پہلے کورل ڈرا میں ایک نئی فائل کھولیں۔
اور ٹول باکس میں Ellipse Toolکو منتخب کریں۔ Ctrl Keyپریس رکھتے ہوئے کسی بھی سائز کا ایک گول اور ہموار دائرہ کھینچیں۔ دائرے کو منتخب کر یں اور Ctrl Cپریس کر کے Ctrl Vپریس کریں۔ اس طرح دائیر ے کی ایک اور کاپی بن جائے گی۔اس کاپی کا سائز پہلے والی کاپی سے چھوٹا کر لیں۔ اب دونوں دائروں کو منتخب کر کے Ctrl Pپریس کریں۔ دونوں دائیرے عین وسط میں آ جائیں گے۔


دائروں کو سلیکٹ رکھتے ہوئے Arrange مینیو سے Combineکی کمانڈ دیں۔ دونوں دائیر ے یکجان ہو جائیں گے۔


کنٹرول باکس میں Outline کے سائیڈ مینیو سے No Outlineکے آپشن کو کلک کر کے Outlineختم کر دیں۔


اب دائیروں کو سلیکٹ رکھتے ہوئے Fill Toolکو منتخب کریں اور اس کے سائیڈ مینیو سے Fountain Fill Dialogue Boxکو کلک کریں ۔


سب سے پہلے بائیں اوپری کونے پر نظر ڈالیے۔ یہاں Typeکے خانے میں Radialکو منتخب کر دیں۔ اس کے بعدنیچے Color Blendکی طرف آئیں اور Custom کے آپشن کو کلک کریں۔ اس کے نیچے آپ کوچو کور باکس نظر آئے گا جس کے دونوں اوپری کناروں پر چھوٹے چھوٹے باکسز بنے ہوئے ہیں۔ آپ باری باری ان دونوں چھوٹے چھوٹے باکسز کو کلک کریں اور دائیں جانب کلر پیلٹ سے Orangeکلر پر کلک کر دیں۔ یوں بڑے باکس کی دونوں جانب Orangeکلر بھر جائے گا۔


یہاں تک تو بہت آسان تھا۔ اس سے آگے بھی کام کوئی زیادہ مشکل نہیں۔ بس تھوڑی سی توجہ اور حاضر دماغی کی ضرورت ہے۔ تو آئیے اللہ تبارک و تعالیٰ کا پاک نام لے کر شروع کرتے ہیں۔ دونوں چھوٹے چھوٹے باکسز کے عین وسط میں ڈبل کلک کریں ۔ آپ دیکھیں گے کہ ان کے درمیان ایک چھوٹا سا Down Arrowاور ایک Dotted Boxنمودار ہو چکا ہے۔


ہماری دلچسپی اور حیرانگی کا مرکز دراصل یہی ہے۔ آپ اس Down Arrowکو ڈبل کلک کیجئے۔ اس کا رنگ کالا ہو جائے گا۔دائیں جانب کلر پیلٹ سے Whiteکلر پر کلک کریں۔ آپ دیکھیں گے کہ بڑے باکس کے عین وسط سے White Colorبتدریج دائیں بائیں پھیل گیا ہے۔


اگر دونوں چھوٹے باکسز کے درمیان کوئی اور Down Arrow ہے تو اس پر ڈبل کلک کر کے حذف کر دیں۔ اس کے عین اوپر Positionکا آپشن ہے جس کے سامنے Percentageکا خانہ بنا ہوا ہے۔ اس خانے میں جونسی بھی Percentageہے اُس کی جگہ40%لکھ دیں۔ اب Whiteکلر کا جو Down Arrowہے اُس کے دائیں اور بائیں جانب باری باری ڈبل کلک کریں۔ اس طرح دو Down Arrowsنمودار ہو جائیں گے۔ دونوں Arrows کو باری باری ڈبل کلک کرکے ایک بار پھر Orange Color بھر دیں۔


اپنے دائیں جانب اوپری کونے میں دیکھیں ! وہاں آپ کو اپنی تمام تر کارگزاری کا عکس نظر آئے گا۔ یعنی آپ کی تمام حرکات و سکنات وہاں Previewمیں نظر آئیں گی۔
اب ہم نے ان تینوں Down Arrowsکی Positionاور Percentageپرکام کرنا ہے۔آپ کو یاد ہوگا کہ ہم نے White Colorوالے Down Arrowکی پوزیشن %40 رکھی تھی۔ اس پر کلک کریں اور Position کے خانے میں اس کی Percentage دیکھیں۔ اور یہ یقین کریں کہ 40%ہی ہو۔ 40%کا یہ پوائنٹ ہمارے پراجیکٹ کا مرکزی نکتہ ہے۔ یہیں سے ہم نے سب کچھ کرنا ہے۔ اس مرکزی پوائنٹ کے دائیں جانب والے Down Arrowکو کلک کریں اور Percentage کے خانے میں اس کی Positionکو 50 %کر دیں ۔ اب اسی پوائنٹ کے بائیں جانب والے Down Arrowکو کلک کریں اور اس کی پوزیشن30 %پر سیٹ کر دیں۔ اس کے بعد کیا کرنا ہے! کسی کو معلوم ہے؟ اگر نہیں معلوم۔۔ تو جناب اب آپ نے OKکو کلک کرنا ہے اور اُس کے بعد آپ کے سامنے جو شکل نمودار ہوگی وہ ایک خوبصورت کڑے(Ring) کی ہوگی ۔یعنی سونے کا کڑا ۔

اپنے اس پراجیکٹ کوRings Golden کا نام دے کر .jpg یا .gif فایل فارمیٹ میں Save کر لیں۔



اگر کسی بات کی سمجھ نہ آئے تو بلا جھجک پوچھ سکتے ہیں۔
اپنی دعائوں میں ضرور یاد رکھئے گا۔

اجازت چاہوں گا۔ اللہ نگہبان!
ذوالفقار احمد خان

__________________
Watch your thoughts; they become words. Watch your words; they become actions. Watch your actions; they become habits. Watch your habits; they become character. Watch your character; it becomes your destiny.

عبدالقدوس

بہت عمدہ بھائی جان چھا گئے ہو آپ تو

محمدعدنان

بہت خوب بھائی جان

گلز

بہت عمدہ جناب،،،،،،،،،،،،، جزاک اللہ

Zullu230

قدوس بھائی، عدنان بھائی اور گلز بھائی ۔۔۔۔۔۔۔۔ پسندیدگی کا بہت بہت شکریہ۔ آپ بھائیوں کی حوصلہ افزائی کے باعث ہی آگے چل سکوں گا۔ ایکبار پھر شکریہ

عرفان حیدر

سلام،

بہترین اور نہایت اچھے انداز میں لکھا گیا ہے اور محترم مصنف صاحب داد کے مستحق ہیں۔

وسلام

Zullu230

عرفان صاحب یہ ایک ادنیٰ سی کوشش تھی۔ میں کوشش کر رہا ہوں کہ ان ٹیوٹوریلز میں مزید بہتری پیدا کر کے بین الاقوامی معیار کے مطابق پیش کروں۔

طارق راحیل

ملیں تجھے نہ دکھ زندگی میں
پھول کی طرح تو نہکے خدا کرے
زندہ رہے نام ابد تک تیرا
عید کی خوشیاں مبارک تجھے خدا کرے

__________________
سمجھو تو بہت قابلِ تعظیم ہے لوگوں
اِک دوست کا اِک دوست سے پیار کا رشتہ
www.tariqraheel.blogspot.com

گلز

بہت اچھے جناب۔۔۔ جزاک اللہ ۔۔۔۔