wajee

ڈیٹا ٹریولرز جن کا بیک اَپ بھی لیا جاسکتا ہے




ڈیسک ٹاپ کمپیوٹر میں ڈیٹا کی منتقلی کے لیے مختلف میڈیم استعمال ہوتے رہے ہیں- اس کے بعد زپ ڈرائیو متعارف ہوئی٬ جن کی جگہ سی ڈی اور ڈی وی ڈی نے لے لی٬ لیکن یہ تمام تر میڈیم ایسے ہیں٬ جن کو قابلِ بھروسہ نہیں سمجھا جاتا٬ اس لیے ماہرین نے ایسی ڈیوائس بنائی٬ جس کی مدد سے ڈیٹا ایک جگہ دوسری جگہ منتقل کرنا آسان اور قابلِ بھروسہ ہوگیا- یہ ڈرائیو عام طور پر “یو ایس بی “ ڈرائیو کہلاتی ہے- ابتداﺀ میں جو یو ایس بی ڈرائیو متعارف ہوئیں٬ ان میں“32 ایم بی“ ڈیٹا اسٹوریج کی گنجائش تھی٬ لیکن جیسے جیسے ان کی مانگ میں اضافہ ہوتا گیا٬ ان کی گنجائش بڑھتی چلی گئی اور ان کی قیمتیں بھی بہت کم ہوگئی ہیں- یہی وجہ ہے کہ اب تقریباَ ہر کمپیوٹر یوزر کے پاس ایک عدد یو ایس بی ضرور پائی جاتی ہے- یو ایس بی ڈرائیو کو ڈیٹا ٹریولر بھی کہا جاتا ہے- اس کا استعمال عام ہارڈ ڈسک کی طرح کیا جاتا ہے٬ دوسرا بنیادی فرق یہ ہے کہ یہ سسٹم سے باہر یو ایس بی پورٹ سے منسلک ہونے کے بعد فعال ہوتی ہے-ان میں دوسرا اور بنیادی فرق یہ تھا کہ ان کا بیک اَپ نہیں لیا جا سکتا تھا٬ تاہم اب بازار میں کچھ ڈیٹا ٹریولر ایسے بھی آگئے ہیں٬ جن کا بیک اَپ بھی لیا جاسکتا ہے- اس قسم کے ڈیٹا ٹریولر کو“یو ایس بی اسمارٹ ڈرائیو“ کہا جاتا ہے- مذکورہ ڈرائیوز میں“یو3 فیکشن“ یا “لیکسر“ کا “پاور ٹو گو“ سسٹم بلٹ ان ہے- ان ڈرائیو کا اپنا آپریٹنگ سسٹم ہے- ان میں “ریزیوم“ کا آپشن بھی موجود ہے- یہ آپشن اس وقت کام آتا ہے٬ جب آپ کوئی کام کرتے ہوئے اچانک یو ایس بی سسٹم سے نکال لیتے ہیں اور جب اس کو دوبارہ کمپیوٹر پورٹ میں منسلک کرتے ہیں تو کام وہیں سے شروع کر سکتے ہیں٬ جہاں سے یو ایس بی کو منقطع کیا تھا- اسی طرح کی خصوصیات سے لیس “میگو“ نامی ڈرائیو بھی کارآمد سمجھی جارہی ہے- ان جدید یو ایس بی ڈرائیوز میں بیک اَپ کے لیے فولڈرز امیج کی صورت میں محفوظ ہوجاتے ہیں٬ جس کے لیے خاص قسم کا آپریٹنگ سسٹم ان میں پہلے سے ہی موجود ہے اور اگر آپ ان کا بیک اَپ اپنے ڈیسک ٹاپ کمپیوٹر میں لینا چاہیں تو ان کا بیک اَپ مائیکرو سافٹ آؤٹ لُک ایکسپریس میں بنے گا٬ بالکل اسی طرح جس طرح موبائل فون میں موجود کانٹیکٹ لسٹ کا بیک اَپ بنتا ہے

__________________