عدنان دانی

دوستوں آج میں آپ کیلئے موڈیم کے بارے میں ایک معلوماتی اور کار آمد آرٹیکل لایا ہوں امید ہے آپ لوگوں کو پسند آئے گا۔
تو شروع کرتے ہیں اللہ کے نام سے جو نہایت رحم والا ہے۔۔۔

موڈ یم:

موڈیم روایتی ٹیلی فون لائن کے ذریعے ڈیٹا کو ایک جگہ سے دوسری جگہ تک بھیجنے کیلئے استعمال کیا جاتا ہے۔ٹیلی فون لائن پر صرف Analog سگنلز بھیجے جا سکتے ہیں۔اسکے برعکس کمپیوٹر ڈیٹا کو ڈیجیٹل صورت میں بھیجتا ہے،اس عدم مطابقت کو دور کرنے کیلئے موڈیم کے ذریعے کمپیوٹر کا ڈیجیٹل ڈیٹا اینا لاگ سگنلز میں تبدیل کیا جا سکتا ہے۔اس عمل کو Modulation کہا جاتا ہے۔منزل مقصود پر پہنچ کر موڈیم کے ذریعے ان اینا لاگ سگنلز کو دوبارہ ڈیجیٹل حالت میں لایا جاتا ہے۔اس عمل کو DeModulation کہا جاتا ہے۔
موڈیم ( MoDem ) کا نام اصل میں ان دو نوں عوامل کے پہلے خروف سے اخذ کیا گیا ہے۔موڈیم کے ذریعے دور دراز کے کسی کمپیوٹر یا کسی نیٹ ورک سے منسلک ہوا جاسکتا ہے۔اس کے ذریعے ای میل کا تبادلہ اور محدود مقدار میں ڈیٹا کی ترسیل ہوسکتی ہے۔موڈیم چونکہ نیٹ ورکس کے براہ راست رابطے کیلئے نہیں بنایا گیااس لئے اس کی مدد سے رائیوٹر یا کسی اور ڈیوائس کے ذریعے نیٹ ورک منسلک ہوا جاسکتا ہے۔اینا لاگ موڈیم کو دو انٹر فیس ہوتے ہیں،کمپیوٹر سے رابطے کیلئے RS-232 سیرئیل ٹرانسمیشن انٹر فیس اور ٹیلی فون لائن کیلئے RJ-1 1 ٹیلی فون انٹر فیس۔ ذیادہ تر موڈیم اندرونی یا بیرونی ساخت کیلئے ہوتے ہیں۔اندرونی موڈیم کو کمپیوٹر کے اندر مدر بورڈ پر لگایا جاتا ہے۔یہ موڈیم کچھ عوامل کیلئے سی پی یو کی پراسیسنگ کی صلاحیت استعمال کرتے ہیں۔جبکہ موڈیم کی دوسری قسم بیرونی موڈیم ہوتی ہے۔یہ نسبتاََ مہنگے ہوتے ہیں۔انہیں کمپیوٹر سے باہر رکھا جاتا ہے۔اور سیرئل پورٹ کے ذریعے کمپیوٹر سے جوڑا جاتا ہے۔بہت سے لوگون نے اگر موڈیم کو مشترکہ طور پر استعمال کرنا ہو تو اسی صورت میں ایکسٹرنل موڈیم لگانا چاہئے۔اینا لاگ کے علاوہ ڈیجیٹل موڈیم بھی ہوتے ہیں،جیسا کہ ISDN
کے ساتھ ڈیجیٹل موڈیم استعمال کیا جاتا ہے۔اگر پہ ڈیجیٹل موڈیم میں سگنلز کوڈ یجیٹل سے اینالاگ یا اینالاگ سے ڈیجیٹل میں تبدیل نہیں کیا جاسکتا،لیکن اس میں Modulation کی ایک اور قسم لائن کوڈنگ استعمال ہوتی ہے۔
امید ہے دوستوں آپ کو یہ چھوٹا سا آرٹیکل پسندآیا ہوگا۔۔۔ آپ کی آرا کا انتظار رہے گا۔۔۔
اسی کے ساتھ ہی عدنان دانی کو اجازت دیجئے ۔۔ وسلام۔

اجنبی انسان

بہت شکریہ عدنان بھائی

منتظمین

سرورق کے لیے اپلائی کریں۔

عدنان دانی

شکریہ منتظمین بھائی ابھی کرتا ہوں۔

شاہ جی 90

اگر اس تحریر کے آغاز میں لکھہ دیا جاتا کہ
یہ ہے ریڈیو پاک ۔ نیٹ
اور آپ اس وقت اہم تحقیق پر رپورٹ سن رہے ہیں عدنان دانی سے
اور آخر میں کچھہ یوں کہ
ریڈیو پاک ۔ نیٹ سے عدنان دانی کو اجازت دیجئیے
اللہ نگہبان
تو ہمارے خیال میں اس کا مزا دوبالا ہو سکتا تھا
ایک بہترین آرٹیکل کے لیئے میری جانب سے مبارک باد قبول کیجئیے

عدنان دانی

ہاہاہا شاہ جی ۔۔ کیا بات ہے
پسند کرنے کا شکریہ۔!!!