instafotos

براڈ بینڈ اور وائرلیس کمیونیکشنز سمیت وائی میکس ٹیکنالوجی کی فراہمی میں دنیا کی واحد کمپنی موٹرولا اورٹیلی کام کے شعبے میںخدمات فراہم کرنے والی کمپنی وطین ٹیلی کام کے درمیان وائی میکس ٹیکنالوجی کے حصول کے لئے ایک معاہدہ طے پا گیا جس کے تحت موٹرولا وطین ٹیلی کام پاکستان کو اندرونی و بیرونی استعمال کے لئے 198,000وائی میکس CPEڈیوائسز فراہم کرے گا۔ اس بات کا اعلان موٹرولا کی جانب سے وائی میکس ٹیکنالوجی کی فراہمی کے معاہدے پر دستخط کے موقع پر کیا گیا ۔ملک بھر میں وطین ٹیلی کام کا وائی میکس نیٹ ورک جو موٹرولا کے عالمی ایوارڈ اور مشترکہ 802.16e WiMAX کو استعمال کرتے ہوئے عمل کر رہا ہے۔

اسے CPE کی فراہمی سے ٹیلی کام کے شعبے میںتیزی سے ترقی کرتی ہوئی مقامی مارکیٹ میں صارفین کو IP پر آواز (VoIP) اور مناسب ریکارڈ جیسی سہولیات کی فراہمی ممکن ہوگی۔ CPE ڈیوائسز پاکستان میں صارفین کو وائر لیس سروسز اور بینک اور دیگراداروں کو ورچوئل پرائیویٹ نیٹ ورک VPN اور تیز تر انٹرنیٹ کی سہولیت مہیا کی جا سکے گی۔وطین ٹیلی کام کے چیف ایگزیکٹیو آفیسر طارق ملک نے اس موقع گفتگو کرتے ہوئے کہا کہ ٹیلی کام کے شعبے کی معاشی ترقی میں اہمیت کو مدنظر رکھتے ہوئے وطین ٹیلی کام کو وائی میکس نیٹ ورک کی فراہمی ایک سنگ میل کے برابر ہے۔ موٹرولا کی ڈیوائسز اور 802.16e WiMAX نیٹ ورک کے باعث وطین ٹیلی کام پاکستان میں 802.16e WiMAX نیٹ ورک متعارف کروانے والی پہلی کمپنی ہے۔

انھوں نے مزید کہا کہ پاکستانی معیشت کی تیز رفتار ترقی اور صارفین کی بڑھتی ہوئی تعداد کو دیکھتے ہوئے وطین ٹیلی کام کو سروس کی فراہمی کے ابتدائی سال میں موٹرولا کی جانب سے فراہم کردہ وائی میکس براڈ بینڈ سروسز کے کنکشن کی فراہمی کی تعداد بڑھ جائے گی۔موٹرولا ہوم اینڈنیٹ ورک موبیلیٹی کے نائب صدر سیلز برائے مشرق وسطیٰ ، افریقہ اور پاکستان علی عامر نے کہا کہ وطین ٹیلی کام کا وائی میکس نیٹ ورک پاکستان میں موبائل فون انڈسٹری کے ایک نئے دور کی ابتداء ہے۔ CPE کی فراہمی ابتدائی معاہدہ کے بعد ملک کی سب سے بڑی کارپوریشن کے ذریعے وائرلیس سروسز اور وائی میکس ایکو سسٹم ڈیٹا کو محفوظ طریقے سے منتقل کرنے کیلئے موٹرولا وائی میکس نیٹ ورک کے ذریعے ہی ممکن ہے۔ انھوں نے مزید کہا کہ موٹرولا کی WiMAX/IMS ڈیوائسز مشرق وسطیٰ، شمالی افریقہ اور پاکستانی خطے میں فراہمی کے بعد وطین ٹیلی کام کو موٹرولا کی جانب سے جدید ٹیکنالوجی کے بڑھتے ہوئے استعمال اور دیگر خدمات بھی فراہم کی گئی ہیں۔ نیٹ ورک کے قابل فعال ہوجانے کے بعد سے پاکستانی صارفین اور کاروباری حضرات کو ایک قابل اعتماد نیٹ ورک سروس فراہم کی جا سکے گی۔

منتظمین

اب اس کی سروس کیسی چل رہی ہے۔