کاشف رفیق

اصل میں ہیکنگ کا لفظ سب ہی غلط طور پر استعمال کرتے ہیں۔ اگر ہیکنگ کی تاریخ دیکھی جائے تو ہمیں معلوم ہوتا ہے کہ دراصل یہ لفظ جس مقصد کیلئے آجکل استعمال کیا جارہا ہے وہ اس کام کیلئے استعمال ہی نہیں ہوا کرتا تھا۔

اصل میں ہیکنگ سے مراد وہ تکنیکی کام ہے جو کوئی ہیکر سرانجام دیتا ہے۔ ہیکر اس شخص کو کہتے ہیں جو کہ پروگرامنگ یا نیٹ ورکنگ میں بہت ہی اعلٰی پائے کہ مہارت رکھتا ہے۔ بنیادی طور پر ہیکر کی تین اقسام ہیں:

1۔ بلیک ہیٹ ہیکر:
کریکر یا غیرقانونی کام سرانجام دینے والے ہیکر جو کہ سسٹم و نیٹ ورک کو بلااجازت تخریبی کاموں کیلئے ایکسس کرتے ہیں، عبدالقدوس بھائی نے ہیکنگ کی جو تعریف پیش کی ہے وہ ان ہی ہیکرز پر لاگو ہوتی ہے۔

2۔ وائٹ ہیٹ ہیکر:
اخلاقی یا ایتھیکل ہیکر، یہ صرف قانون کی حد میں رہ کر کام کرتے ہیں اور لوگوں و اداروں کے کمپیوٹر و نیٹ ورک کو کریکرز کے حملوں سے بچاتے ہیں۔

3۔ گرے ہیٹ ہیکر:
یہ کریکر اور ایتھیکل ہیکر کی درمیانی قسم ہے، یہ غیرقانونی طور پر کمپیوٹر و نیٹ ورک میں رسائی تو حاصل کرتے ہیں لیکن انہیں نقصان نہیں پہچاتے بلکہ متعلقہ افراد و ادارے کو ان کے سسٹم میں موجود خامیوں سے خبردار کرتے ہیں اور بچاؤ کے متلعق بھی راہنمائی مہیا کرتے ہیں۔

اس بارے میں مزید معلومات کیلئے درج ذیل روابط ملاحظہ فرمایئے:
http://en.wikipedia.org/wiki/Hack_(technology)
http://en.wikipedia.org/wiki/Hacker_(computer_security)

ہیکر کیا ہے اور ہیکر کیسے بنا جاتا ہے، کے موضوع پر جناب ایرک اسٹیون ریمنڈ کا ایک بہت ہی اعلٰی مضمون ملاحظہ فرمائیے:
http://www.catb.org/~esr/faqs/hacker-howto.html

کاشف رفیق

سیکورٹی ہول یا ٹروجن کے علاوہ اب فشنگ اور فارمنگ اٹیک بھی عام ہوتے جارہے ہیں۔ ایک اور قسم سوشل انجیئنرنگ اٹیک بھی ہے۔

مزید کمپیوٹر پر اسٹور آپ کا ڈیٹا جیسے آپ کی فیملی تصاویر، گانوں و ویڈیو کی کلیکشن، بزنس و ذاتی ڈاکومنٹس وغیرہ بھی حذف کیا جاسکتا ہے۔

مکمل بچاؤ تو تقریباً ناممکن ہی ہے لیکن پھر بھی آپ درج ذیل پر عمل کرکے کافی حد تک بچاؤ کرسکتے ہیں:
1۔ کوئی بھی مؤثر اینٹی وائرس جو کہ ہمیشہ اپ ڈیٹ اورایکٹیو رہے۔ [جیسے کیسپر اسکائی، بِٹ ڈیفنڈر]
2۔ کوئی بھی مؤثر اینٹی اسپائی ویئر جو کہ ہمیشہ اپ ڈیٹ اورایکٹیو رہے۔ [جیسے اسپائی سوئپر]
3۔ کوئی بھی مؤثر فائر وال جو کہ ہمیشہ اپ ڈیٹ اورایکٹیو رہے۔ [جیسے زون الارم، بلیک آئس]
4۔ اپنے سسٹم میں موجود تمام سافٹ ویئر کو ہمیشہ اپ ڈیٹ رکھیں۔ کوشش کریں کہ جیسے ہی انسٹالڈ سافٹ ویئر کے اپ ڈیٹ ریلیز ہوں آپ انہیں فوراً انسٹال کرلیں۔

اول الذکر تین لوازمات سے آپ وائرسز، ورمز اور ٹروجن اٹیک سے بچیں گے اور مؤخر الذکر سے آپ سیکورٹی ہول کے باعث ہونے والے حملوں سے بچ سکتے ہیں۔

نوٹ: آجکل اینٹی وائرس کے ساتھ مکمل سیکورٹی سوٹ بھی آتا ہے جس میں اینٹی وائرس، اینٹی اسپائی ویئر اور فائروال ایک ساتھ ہوتے ہیں، آپ انہیں بھی استعمال کرسکتے ہیں۔[جیسے کیسپر اسکائی انٹرنیٹ سیکورٹی، بِٹ ڈیفنڈر انٹرنیٹ سیکورٹ و ٹوٹل سیکورٹی]۔

پروفیشنل کریکرز عام کمپیوٹر کو بھی ہیک کرتے ہیں لیکن مقاصد کچھ اور ہوتے ہیں۔ عام کمپیوٹرز کو ہیک کرنے کا مقصد صرف انہیں نقصان پہچانا نہیں ہوتا بلکہ انہیں خود کو چھپا کر آگے دوسرے کمپیوٹرز و نیٹ ورک پر حملے کرنے کیلئے استعمال کیا جاتا ہے۔ مزید ان ہیکڈ کمپیوٹر فارم کو اسپیمنگ کیلئے بھی استعمال کیا جاسکتا ہے۔ اب تو یہ ہیکڈ کمپیوٹر فارمز بیچے بھی جاتے ہیں۔

فائر وال لاگ اور سسٹم ایونٹ میں سیکورٹی لاگ ملاحظہ فرمایئے۔

phulpotofaqeer

نائیس انفارمیشن بھائی جان ۔۔۔۔۔۔۔۔۔۔۔۔۔۔۔۔۔۔۔۔۔

پاکستانی

زبردست تھریڈ ہے۔ سب نے بہت عمدہ باتیں کی اور بہترین معلومات فراہم کی۔شکریہ

ukan

کیا اپ بتا یئں گے کس طرح معلوم ھوتا ہیکہ سسٹم ھیک ھوا ھے

عبداللہ سعید

بھت اچہا ھے بہای اللہ اپ کو جزا عطا کرے