عبداللہ حیدر

عَنْ عَائِشَةَ أُمِّ الْمُؤْمِنِينَ
أَنَّ أُمَّ حَبِيبَةَ وَأُمَّ سَلَمَةَ ذَكَرَتَا كَنِيسَةً رَأَيْنَهَا بِالْحَبَشَةِ فِيهَا تَصَاوِيرُ فَذَكَرَتَا لِلنَّبِيِّ صَلَّى اللَّهُ عَلَيْهِ وَسَلَّمَ فَقَالَ إِنَّ أُولَئِكَ إِذَا كَانَ فِيهِمْ الرَّجُلُ الصَّالِحُ فَمَاتَ بَنَوْا عَلَى قَبْرِهِ مَسْجِدًا وَصَوَّرُوا فِيهِ تِلْكَ الصُّوَرَ فَأُولَئِكَ شِرَارُ الْخَلْقِ عِنْدَ اللَّهِ يَوْمَ الْقِيَامَةِ

صحیح بخاری حدیث نمبر 409 کتاب الصلاۃ باب هَلْ تُنْبَشُ قُبُورُ مُشْرِكِي الْجَاهِلِيَّةِ وَيُتَّخَذُ مَكَانُهَا مَسَاجِدَ

ام المومنین عائشہ رضی اللہ عنہا بیان کرتی ہیں کہ ام المومنین ام حبیبہ اور ام سلمہ رضی اللہ عنہما دونوں نے ایک کلیسا کا ذکر کیا جسے انہوں نے حبشہ میں دیکھا تھا جس میں تصویریں تھیں، انہوں نے اس کا تذکرہ نبی صلی اللہ علیہ و علی آلہ وسلم سے بھی کیا تو آپ صلی اللہ علیہ و علی آلہ وسلم نے فرمایا:
"یہ وہ لوگ ہیں کہ ان میں سے کوئی نیک آدمی مر جاتا تو وہ اس کی قبر پر مسجد بناتے اور اس میں یہی‌تصویریں بنا دیتے۔ پس یہ لوگ اللہ کے ہاں قیامت کے دن بدترین مخلوق ہوں گے"۔
عَنْ جَابِرٍ قَالَ نَهَى رَسُولُ اللَّهِ صَلَّى اللَّهُ عَلَيْهِ وَسَلَّمَ أَنْ يُجَصَّصَ الْقَبْرُ وَأَنْ يُقْعَدَ عَلَيْهِ وَأَنْ يُبْنَى عَلَيْهِ صحیح مسلم کتاب الجنائز باب النھی عن تجصیص القبر و البناء علیہ
جابر رضی اللہ تعالیٰ عنہ سے روایت ہے کہ رسول اللہ صلی اللہ علیہ و علی آلہ وسلم نے قبروں کو پختہ بنانے اور ان پر بیٹھنے اور ان پر عمارت بنانے سے منع فرمایا ہے۔

عَنْ أَبِي الْهَيَّاجِ الْأَسَدِيِّ قَالَ قَالَ لِي عَلِيُّ بْنُ أَبِي طَالِبٍ أَلَا أَبْعَثُكَ عَلَى مَا بَعَثَنِي عَلَيْهِ رَسُولُ اللَّهِ صَلَّى اللَّهُ عَلَيْهِ وَسَلَّمَ أَنْ لَا تَدَعَ تِمْثَالًا إِلَّا طَمَسْتَهُ وَلَا قَبْرًا مُشْرِفًا إِلَّا سَوَّيْتَهُ صحیح مسلم کتاب الجنائز باب الامر بتسویۃ القبور
ابوہیاج اسدی سے روایت ہے کہ مجھے علی رضی اللہ تعالیٰ عنہ نے فرمایا کیا میں تجھے اس کام کے لئے نہ بھیجوں جس کام کے لئے مجھے رسول اللہ صلی اللہ علیہ و علی آلہ وسلم نے بھیجا تھا کہ تو کسی صورت کو مٹائے بغیر کسی بلند قبر کو برابر کئے بغیر نہ چھوڑنا"۔

أَبَا عَلِيٍّ الْهَمْدَانِيَّ حَدَّثَهُ وَفِي رِوَايَةِ هَارُونَ أَنَّ ثُمَامَةَ بْنَ شُفَيٍّ حَدَّثَهُ قَالَ كُنَّا مَعَ فَضَالَةَ بْنِ عُبَيْدٍ بِأَرْضِ الرُّومِ بِرُودِسَ فَتُوُفِّيَ صَاحِبٌ لَنَا فَأَمَرَ فَضَالَةُ بْنُ عُبَيْدٍ بِقَبْرِهِ فَسُوِّيَ ثُمَّ قَالَ سَمِعْتُ رَسُولَ اللَّهِ صَلَّى اللَّهُ عَلَيْهِ وَسَلَّمَ يَأْمُرُ بِتَسْوِيَتِهَا صحیح مسلم کتاب الجنائز باب الامر بتسویۃ القبور
"ثمامہ بن شفی سے روایت ہے کہ ہم فضالہ بن عیبد رضی اللہ عنہ کے ساتھ مقام رودس ملک روم میں تھے ہمارے ایک ساتھی کا انتقال ہوگیا تو فضالہ رضی اللہ عنہ نے اس کی قبر کا حکم دیا جب وہ برابر کر دی گئی پھر فرمایا کہ میں نے رسول اللہ صلی اللہ علیہ و علی آلہ وسلم سے سنا آپ صلی اللہ علیہ و علی آلہ وسلم قبروں کو ہموار کرنے کا حکم فرمایا کرتے تھے۔"

ام غزل

جزاک اللہ ۔

میاں شاہد

خرم شہزاد خرم

کیا کلیسا اور مسجد میں کوئی فرق ہےِِِ؟؟؟

naeemuddin

ماشا اللہ، سبحان اللہ
اللہ ہم کو بدعتوں سے بچائے

عبداللہ حیدر

حدیث‌میں‌لفظ‌"مسجد"‌استع مال کیا گیا ہے یعنی سجدہ کرنے کی جگہ/ عبادت گاہ۔

خرم شہزاد خرم

میں نے فرق پوچھا ہےمطلب نہیں آپ ترجمہ ٹھیک نہیں کرتے بات کو کہاں سے کہاں لے جاتے ہیں اس کا ترجمہ ٹھیک سے کریں شکریہ

عبداللہ حیدر

مسجد کا ترجمہ کلیسا تو نہیں‌کیا جا سکتا، صومعۃ اور بیعۃ اور مسجد کا فرق لکھ دیں تو مہربانی ہو گی۔

خرم شہزاد خرم

آپ مجھ سے سوال نا کریں جو سوال میں نے کیا ہے پہلے اس کا جواب دیں اور ان دونوں میں فرق بتائیں آپ کی مہربانی ہو گئی میں پھر کچھ بیان کر سکوں

فیصل ناصر

کیا یہاں پکڑم پکڑائی کھیلا جارہا ہے

خرم شہزاد خرم

یہاں ذرہ غور کیجئے سب سمجھ آ جائے گی شکریہ

منتظمین

اس حوالے سے مسجد نبوی کی کیا حیثیت ہے؟

عادل سہیل

السلام علیکم و رحمۃ اللہ و برکاتہ ،
منتطمین بھائی ، رسول اللہ صلی اللہ علیہ و علی آلہ وسلم کو ام المومنین عائشہ کے حجرے میں دفن کیا گیا ، اور خلفا راشدین کے زمانے میں ان کی قبر مبارک مسجد سے باہر ایک الگ منفصل حجرے میں ہی تھی ، کسی نے بھی مسجد نبوی شریف کی وسعت کرتے ہوئے نبی صلی اللہ علیہ و علی آلہ وسلم کی قبر مبارک کو مسجد میں داخل نہیں کیا ، بلکہ مسجد کی دیوار تک کو بھی حجرے کی دیوار کے ساتھ نہ لگنے دیا ، بلکہ دوسری سمتوں میں مسجد کو وسیع کرتے رہے ، کشھ اس طرح کہ نہ تو قبر مبارک مسجد میں داخل ہو اور نہ ہی نمازیوں کے سامنے کی سمت میں ہونے پائے ،
سن 88 ہجری میں جب مدینہ میں‌ تقریبا سب ہی صحابی رضی اللہ عنہم اجمعین فوت ہو چکے تھے ، جن میں سے سب سے آخر میں فوت ہونے والے جابر بن عبداللہ رضی اللہ عنہما تھے ، جو 78 ہجری میں‌ عبدالملک بن مروان کی خلافت میں فوت ہوئے ، تو بھائی میرے ، 88 ہجری میں الولید بن عبدالملک بن مروان کی خلافت میں اس کے حکم پر مسجد نبوی کو توڑ کر وسیع کیا گیا اور اسی کے حکم پر قبر رسول صلی اللہ علیہ وعلی آلہ وسلم کو مسجد میں داخل کیا گیا ،
یہ ایک ایسا تاریخی سچ ہے جس سے انکار کی کوئی گنجائش نہیں ، اور اس میں کسی قبر پر مسجد بنانے ، یا کسی قبر کو مسجد میں شامل کرنے یا کسی مسجد کو قبرستان کی جانب بنانے وغیرہ کی کوئی دلیل و حجت نہیں ،
امید ہے یہ معلومات آپ کے سوال کے جواب میں کافی ہوں گی ، میرا ارادہ تو ادھر آنے کا نہیں تھا ، لیکن بھائیوں کی بات چیت کے درمیان آپ کا سوال مجھے جواب دینے پر مجبور کر گیا ، جزاک اللہ خیرا ، کہ آپ کے سوال کے سبب یہ معلومات شاید کئی قارئین کے لیے نئی میسر ہونے والی ہوں ، و السلام علیکم۔

خرم شہزاد خرم

لیکن میرا سوال تو وہی کا وہی ہے

عبداللہ حیدر

خرم بھائی معذرت، میں‌کچھ پوسٹ‌کرنے والا تھا لیکن آپ کی یہ پوسٹ‌پڑھ کر شش و پنچ میں پڑ‌گیا ہوں۔ یہ بتائیے کہ درج ذیل ترجمہ درست ہے؟
"ام المومنین عائشہ رضی اللہ عنہا بیان کرتی ہیں کہ ام المومنین ام حبیبہ اور ام سلمہ رضی اللہ عنہما دونوں نے ایک کلیسا کا ذکر کیا جسے انہوں نے حبشہ میں دیکھا تھا جس میں تصویریں تھیں، انہوں نے اس کا تذکرہ نبی صلی اللہ علیہ و علی آلہ وسلم سے بھی کیا تو آپ صلی اللہ علیہ و علی آلہ وسلم نے فرمایا:
"یہ وہ لوگ ہیں کہ ان میں سے کوئی نیک آدمی مر جاتا تو وہ اس کی قبر پر کلیسا بناتے اور اس میں یہی‌تصویریں بنا دیتے۔ پس یہ لوگ اللہ کے ہاں قیامت کے دن بدترین مخلوق ہوں گے"۔"