عبداللہ حیدر

ہمارے بہت سے مسلمان بھائی بہن ستاروں کے اثر کے قائل ہیں۔ ''آپ کا یہ ہفتہ کیسے گزرے گا'' جیسے سلسلے اخبارات میں مستقل حیثیت اختیار کر چکے ہیں۔ پچھلے دنوں ایک نجی ٹیلی وژن نے ملکی مستقبل کے بارے میں نجومیوں کی رائے کو خبروں کا حصہ بنا دیا۔ میں اس بارے میں وارد آیات اور احادیث بغیر کسی تبصرے کے پیش کر رہا ہوں۔ قرآن کریم کی آیت کا حوالہ دیتے وقت سورت کا نام اور آیت نمبر لکھی گئی ہے۔ جبکہ حدیث کے حوالہ جات میں حدیث نمبر کے ساتھ ساتھ ''کتاب'' اور ''باب'' بھی درج کر دیےگیے ہیں۔ علاوہ ازیں میں نے صرف صحیح البخاری اور صحیح المسلم کی روایات لکھی ہیں تاکہ کسی بھائی کے دل میں یہ شبہ پیدا نہ ہو کہ ضعیف یا موضوع روایات کو دلیل بنایا جا رہا ہے۔ ان دونوں کتابوں کی احادیث کے صحیح ہونے پر علماء کا اتفاق ہے۔


مستقبل کا علم صرف اللہ تعالیٰ کے پاس ہے۔

قُلْ لَا يَعْلَمُ مَنْ فِي السَّمَاوَاتِ وَالْأَرْضِ الْغَيْبَ إِلَّا اللَّهُ (سورۃ النمل۔65)

''فرمادیجئے کہ جو لوگ آسمانوں اور زمین میں ہیں ان میں سے کوئی غیب کا علم نہیں رکھتا سوائے اللہ کے''

اور فرمایا:

وَعِنْدَهُ مَفَاتِحُ الْغَيْبِ لَا يَعْلَمُهَا إِلَّا هُوَ وَيَعْلَمُ مَا فِي الْبَرِّ وَالْبَحْرِ وَمَا تَسْقُطُ مِنْ وَرَقَةٍ إِلَّا يَعْلَمُهَا وَلَا حَبَّةٍ فِي ظُلُمَاتِ الْأَرْضِ وَلَا رَطْبٍ وَلَا يَابِسٍ إِلَّا فِي كِتَابٍ مُبِينٍ (الانعام۔59)

''اسی کے پاس غیب کی کنجیاں ہیں جنہیں اس کے سوا کوئی نہیں جانتا۔ بحروبر میں جو کچھ ہے وہ اس سے واقف ہے۔ درخت سے گرنے والا کوئی پتہ ایسا نہیں جس کا اسے علم نہ ہو۔ زمین کے تاریک پردوں میں کوئی ایسا دانہ نہیں جس سے وہ باخبر نہ ہو۔ خشک و تر سب ایک کھلی کتاب میں لکھا ہوا ہے۔''

وَمَا تَدْرِي نَفْسٌ مَاذَا تَكْسِبُ غَدًا وَمَا تَدْرِي نَفْسٌ بِأَيِّ أَرْضٍ تَمُوتُ إِنَّ اللَّهَ عَلِيمٌ خَبِيرٌ (لقمان۔ 34)

''کوئی شخص یہ نہیں جانتا کہ وہ کل کیا کچھ کرے گا، نہ کسی کو یہ معلوم ہے کہ وہ کس زمین پر مرے گا۔ اللہ تعالیٰ ہی سب کچھ جاننے والا اور باخبر ہے۔''


ستاروں میں تاثیر ماننا کفر ہے


عَنْ زَيْدِ بْنِ خَالِدٍ الْجُهَنِيِّ قَالَ: صَلَّى بِنَا رَسُولُ اللّهِ صَلاَةَ الصُّبْحِ بِالْحُدَيْبِيَةِ فِي إِثْرِ السَّمَاءِ كَانَتْ مِنَ اللَّيْلِ. فَلَمَّا انْصَرَفَ أَقْبَلَ عَلَى النَّاسِ فَقَالَ: «هَلْ تَدْرُونَ مَاذَا قَالَ رَبُّكُمْ؟» قَالُوا: الله وَرَسُولُهُ أَعْلَمُ. قَالَ: «قَالَ: أَصْبَحَ مِنْ عِبَادِي مُؤْمِنٌ بِي وَكَافِرٌ. فَأَمَّا مَنْ قَالَ: مُطِرْنَا بِفَضْلِ الله وَرَحْمَتِهِ، فَذٰلِكَ مُؤْمِنٌ بِي كَافِرٌ بِالْكَوْكَبِ. وَأَمَّا مَنْ قَالَ: مُطِرْنَا بِنَوْءِ كَذَا وَكَذَا، فَذٰلِكَ كَافِرٌ بِي مُؤْمِنٌ بِالْكَوْكَبِ (صحیح المسلم حدیث نمبر193۔ کتاب الایمان باب کفر من قال مطرنا بالنوء)

''زید بن خالد جہنی رضی اللہ عنہ سے روایت ہے کہ رسول اللہ صلی اللہ علیہ و آلہ وسلم نے حدیبیہ کے مقام پر ہمیں صبح کی نماز پڑھائی جبکہ رات کو بارش ہو چکی تھی۔ جب انہوں نے سلام پھیرا تو لوگوں کی طرف متوجہ ہو کر فرمانے لگے:

''کیا تم جانتے ہو کہ تمہارے رب نے کیا فرمایا ہے؟''

صحابہ نے کہا '' اللہ اور اس کا رسول ہی بہتر جانتے ہیں۔''

فرمایا:

''(اللہ تعالیٰ نے) ارشاد فرمایا ہے کہ میرے بندوں میں سے کچھ مومن ہوگئے ہیں اور کچھ کافر۔ جس نے کہا کہ ہم پر اللہ کے فضل اور رحمت سے بارش ہوئی ہے وہ مجھ پر ایمان لایا اور جس نے کہا کہ یہ بارش فلاں فلاں برج کے اثر سے ہوئی ہے اس نے میرے ساتھ کفر کیا اور ستاروں پر ایمان لایا۔''

عربی میں ''بنوء'' کا لفظ استعمال کیا گیا ہے۔ اردو میں اس کے لیے مختلف الفاظ مستعمل ہیں جیسے ''نچھتر، برج، طالع، نصیبہ، منزل'' وغیرہ۔ اصطلاح میں ان سے مراد وہ ستارے ہیں جن کے آثار و خواص لوگوں نے مقرر کر رکھے ہیں اور ان کو دیکھ کر نحوست یا خوش بختی کا اندازہ لگایا جاتا ہے۔

''أَرْبَعٌ فِي أُمَّتِي مِنْ أَمْرِ الْجَاهِلِيَّةِ لا يَتْرُكُونَهُنَّ: الْفَخْرُ فِي الأَحْسَابِ، وَالطَّعْنُ فِي الأَنْسَابِ، وَالاسْتِسْقَاءُ بِالنُّجُومِ، وَالنِّيَاحَةُ''۔ (صحیح المسلم حدیث نمبر2114۔ کتاب الجنائز،باب التشديد في النياحة)

''میری امت میں جاہلیت کے چار کام ایسے ہیں جنہیں وہ نہیں چھوڑیں گے، حسب و نسب پر فخر کرنا، دوسروں کے نسب و خاندان پر طعنہ زنی کرنا، تاروں کے اثر سے بارش ہونے کا عقیدہ رکھنا اور کسی مرنے والے پر بین کرنا۔''

صحیح البخاری میں صحابی رسول قتادہ رضی اللہ عنہ کا یہ قول نقل کیا گیا ہے۔ کہ '' اللہ تعالیٰ نے ان ستاروں کو تین چیزوں کے لیے بنایا ہے:

آسمان کی زینت کے لیے

شیاطین کو مارنے اور بھگانے کے لیے

بحر و بر میں راستہ معلوم کرنے کے لیے

جو شخص ان کے علاوہ ان میں کچھ اور سمجھتا ہے اس نے غلطی کی اور (ہر بھلائی سے ) اپنا حصہ برباد کر لیا۔''

نجومییوں سے کچھ پوچھنے کا گناہِ عظیم

مَنْ أَتَىٰ عَرَّافاً فَسَأَلَهُ عَنْ شَيْءٍ لَمْ تُقْبَلْ لَهُ صَلاَةُ أَرْبَعِينَ لَيْلَةً (صحیح المسلم حدیث نمبر 5773۔ کتاب السلام، باب تحريم الكهانة وإتيان الكهان)

ام المؤمنین حفصہ رضی اللہ عنہا نے بیان کیا کہ رسول اللہ صلی اللہ علیہ و آلہ وسلم نے فرمایا:

'' جو (مستقبل کی باتیں) بتانے والے کسی (نجومی) کے پاس آیا اور اس سے کچھ پوچھا تو اس کی چالیس دن تک نماز قبول نہیں ہو گی۔''

حدیث میں اصل لفظ 'عراف'' استعمال ہوا ہے۔ عربی زبان کی مستند لغت ''لسان العرب'' میں اس کا مطلب ''الـمُنَـجِّم'' بتایا گیا ہے یعنی ''نجومی یا ستاروں کے ذریعے مستقبل کا حال بتانے والا۔''
نجومیوں کی کچھ باتیں سچ کیوں ہوتی ہیں

قَالَتْ عَائِشَةُ : سَأَلَ أُنَاسٌ رَسُولَ اللّهِ عَنِ الْكُهَّانِ؟ فَقَالَ لَهُمْ رَسُولُ اللّهِ : «لَيْسُوا بِشَيْءٍ» قَالُوا: يَا رَسُولَ اللّهِ فَإِنَّهُمْ يُحَدِّثُونَ أَحْيَاناً الشَّيْءَ يَكُونُ حَقًّا. قَالَ رَسُولُ اللّهِ : «تِلْكَ الْكَلِمَةُ مِنَ الْجِنِّ يَخْطَفُهَا الْجِنِّي. فَيَقُرُّهَا فِي أُذُنِ وَلِيِّهِ قَرَّ الدَّجَاجَة، فَيَخْلِطُونَ فِيهَا أَكْثَرَ مِنْ مِائَةِ كَذْبَةٍ (مسلم حدیث نمبر 5769۔ کتاب السلام باب تحریم الکھانۃ و اتیان الکھان)

اُمّ المؤمنین عائشہ صدیقہ رضی اللہ عنہا کہتی ہیں کہ بعض لوگوں نے رسول اللہ صلی اللہ علیہ و آلہ وسلم سے کاہنوں(نجومیوں) کے بارے میں پوچھا؟ تو انہوں نے فرمایا کہ ''وہ کچھ نہیں ہیں'' (یعنی ان کی کوئی حیثیت نہیں اور کسی اعتبار کے لائق نہیں ہیں)۔ لوگوں نے کہا '' اے اللہ رسول! ان کی بعض باتیں سچ نکلتی ہیں (اس کی کی وجہ ہے)''۔ انہوں نے فرمایا کہ ''وہ سچی بات وہی ہے جس کو کوئی جن (فرشتوں کی بات چیت کے دوران) اُڑا لیتا ہے اور اپنے دوست کے کان میں ڈال دیتا ہے ۔ ۔ ۔ ۔ ۔ پھر وہ اس میں اپنی طرف سے اور سو جھوٹ ملاتے ہیں (اور لوگوں سے کہتے ہیں)۔ہمیں چاہیے کہ اپنے عقیدے قرآن و حدیث کے مطابق رکھیں اور ہر قسم کی گمراہیوں سے بچیں۔ اللہ تعالیٰ سمجھ اور عمل کی توفیق عطا فرمائے (آمین)

عادل سہیل

جزاک اللہ خیر بھائی عبداللہ حیدر ایک مراسلہ میں نے بھی ارسال کیا ہے ، ذرا اُس پر بھی نظر فرما کر اپنی رائے سے بہرہ ور فرمائیے

بلال عباسی

جناب حیدر بھائی۔

آللہ آپ کے علم میں اضافہ فرمائے، آپ نے بہت اچھا لکھا ہے۔

Atif Mahmood Siddiqi

ا تنا کچھ جا ننے کے باوجود ھم لوگ اللہ سے کیوں مدد نہیں ما نگتے۔جن کو اپنے مستقبل کا پتہ نہی ہوتا ان سے آپنے مستقبل کے بارے میں پوچھتے ہیں۔اللہ پر یقین رکہں اور اسی سے مدد مانگیں۔اللہ ہم سب کو اللہ اورقرآن کی تعلیمات پر عمل کرنے کی توفیق دے۔آمین۔اور حیدر بھائی آپ کا ارٹیکل بہت اچھا ھے ۔اللہ اپ کو جزاءے خیر عطا فرماءے۔آمین

عائشہ

عبداللہ حیدر صاحب بہت ہی اچھا لکھا ہے بہت مفید اور معلوماتی تحریر ہے۔ ۔ ۔اور تحریر کا انداز بہت ہی عمدہ ہے۔

رحیم

عبداللہ صاحب، بےشک آپ نے ٹھیک لکھا ہے۔ اصل میں یہ باتیں علم نجوم کی حوصلہ شکنی کرتی ھیں لیکن اس کی حقیقت جھٹلاتی نہیں۔

رحیم

عبداللہ صاحب، آپ میری بات کو غلط لے گئے۔ آپ کی بات ٹھیک ھے کہ نجومیوں سے پوچھنا اور اس پر یقین کرنا گناہ ہے۔ لیکن میری کچھ وضاحتیں ھیں۔ اگر آپ برا نہ مانیں تو۔

پہلا یہ کہ حضرت ادریس علیہ السلام کو یہ علم بتور معجزہ عطا ھوا۔
اور جو آجکل کا نجوم ھے وہ ھاروت و ماروت نام کے دو فرشیتے لوگوں کو سکھا تے تھے۔ جن کا ذکر قرآن میں یے۔
گویا یہ علم ھے پر شیطانی نہیں۔ ان باتوں کی مکمل تفصیل میں بمہ حوالہ جلد یی اسی مراسلے میں کروں گا۔ میری باتوں کو غلط نہ لیجیے گا۔

عبداللہ حیدر

بھائی اول تو معذرت قبول کیجیے کہ میں آپ کا مدعا نہ سمجھ سکا۔ میرے علم میں نہیں ہے کہ قرآن و حدیث میں‌کہیں یہ ذکر ہو کہ ادریس علیہ السلام کو ایسا کوئی علم عطا کیا گیا تھا۔ آپ کے حوالے کا انتظار رہے گا۔
قرآن کریم میں ادریس علیہ السلام کا ذکر کچھ یوں ہے:
واذکر فی الکتٰب ادریس انہ کان صدیقا نبیا (سورۃ مریم)
"اور اس کتاب میں میں ادریس علیہ السلام کا ذکر کیجیے، وہ بڑے سچے انسان اور نبی تھے"۔
و اسماعیل و ادریس و ذالکفل کل من الصالحین (الانبیا)
"اور اسماعیل اور ادریس اور ذوالکفل (علیہم السلام) سب صالحین میں سے تھے"
آپ کی طرف سے مزید تفصیل کا انتظار رہے گا۔

Farrukh

السلام و علیکم
عبد اللہ بھائی کی بات کو آگے بڑھاتے ہوئے رحیم بھائی کا سوال ہاروت اور ماروت کے بارے میں‌کچھ کہنا چاہوں گا۔

سُوۡرَةُ البَقَرَة

وَٱتَّبَعُواْ مَا تَتۡلُواْ ٱلشَّيَـٰطِينُ عَلَىٰ مُلۡكِ سُلَيۡمَـٰنَ‌ۖ وَمَا ڪَفَرَ سُلَيۡمَـٰنُ وَلَـٰكِنَّ ٱلشَّيَـٰطِينَ كَفَرُواْ يُعَلِّمُونَ ٱلنَّاسَ ٱلسِّحۡرَ وَمَآ أُنزِلَ عَلَى ٱلۡمَلَڪَيۡنِ بِبَابِلَ هَـٰرُوتَ وَمَـٰرُوتَ‌ۚ وَمَا يُعَلِّمَانِ مِنۡ أَحَدٍ حَتَّىٰ يَقُولَآ إِنَّمَا نَحۡنُ فِتۡنَةٌ۬ فَلَا تَكۡفُرۡ‌ۖ فَيَتَعَلَّمُونَ مِنۡهُمَا مَا يُفَرِّقُونَ بِهِۦ بَيۡنَ ٱلۡمَرۡءِ وَزَوۡجِهِۦ‌ۚ وَمَا هُم بِضَآرِّينَ بِهِۦ مِنۡ أَحَدٍ إِلَّا بِإِذۡنِ ٱللَّهِ‌ۚ وَيَتَعَلَّمُونَ مَا يَضُرُّهُمۡ وَلَا يَنفَعُهُمۡ‌ۚ وَلَقَدۡ عَلِمُواْ لَمَنِ ٱشۡتَرَٮٰهُ مَا لَهُ ۥ فِى ٱلۡأَخِرَةِ مِنۡ خَلَـٰقٍ۬‌ۚ وَلَبِئۡسَ مَا شَرَوۡاْ بِهِۦۤ أَنفُسَهُمۡ‌ۚ لَوۡ ڪَانُواْ يَعۡلَمُونَ (١٠٢)

اور انہوں نے اس چیز کی پیروی کی جو شیطان سلیمان علیہ السلام کی بادشاہت کے وقت پڑھتے تھے اور سلیمان نے کفر نہیں کیا تھا لیکن شیطانوں نے ہی کفر کیا لوگوں کو جادو سکھاتے تھے اور اس کی بھی جو شہر بابل میں ہاروت و ماروت دوفرشتوں پر اتارا گیا تھا اور وہ کسی کو نہ سکھاتے تھے جب تک یہ نہ کہہ دیتے ہم تو صرف آزمائش کے لیے ہیں تو کافر نہ بن پس ان سے وہ بات سیکھتے تھے جس سے خاوند اور بیوی میں جدائی ڈالیں حالانکہ وہ اس سے کسی کو الله کے حکم کے سوا کچھ بھی نقصان نہیں پہنچا سکتے تھے اور سیکھتے تھے وہ و ان کو نقصان دیتی تھی اورنہ نفع اور وہ یہ بھی جانتے تھے کہ جس نے جادو کو خریدا اس کے لیے آخرت میں کچھ حصہ نہیں اور وہ چیز بہت بری ہے جس کے بدلہ میں انہوں نے اپنے آپ کو بیچا کاش وہ جانتے (۱۰۲)

مترجم: احمد علی
حوالہ: http://www.quranexplorer.com/Quran/Default.aspx

تو ان آیات سے صاف ظاہر ہے، کہ جو علم ھاروت اور ماروت سکھاتے تھے، وہ اللہ کے حُکم سے تھا وہ جادو تھا اور وہ آزمائیش کے طور پر بھیجے گئے تھے۔ اور وہ لوگوں کو پہلے بتا دیتے تھے کہ ہم تو آزمائش کے لیئے بھیجے گئے ہیں تم ان میں نہ پڑو۔۔۔۔۔۔ اور یہ بھی، کہ ھاروت اور ماروت کا علم، علم نجوم نہیں ، بلکہ جادو تھا اور جو دراصل شیطانی علم ہے۔۔

آزمائش دراصل کی ہی ایسے جاتی ہے کہ آپ کو برائی پر اختیار دے دیا جاتا ہے، اور آزمایا جاتا ہے کہ یہ بندہ اب برائی کا انتخاب کرتا ہے، یا اچھائی کا۔
جب اختیار ہی نہ ہو، تو پھر آزمائیش کیسی؟

اُمید ہے اس سے بات واضح ہو گئی ہوگی۔
واللہ اعلم

Farrukh

اس سلسلے میں عبداللہ بھائی پہلے ہی یہ حدیث فراہم کر چُکے ہیں:

نجومیوں کی کچھ باتیں سچ کیوں ہوتی ہیں

قَالَتْ عَائِشَةُ : سَأَلَ أُنَاسٌ رَسُولَ اللّهِ عَنِ الْكُهَّانِ؟ فَقَالَ لَهُمْ رَسُولُ اللّهِ : «لَيْسُوا بِشَيْءٍ» قَالُوا: يَا رَسُولَ اللّهِ فَإِنَّهُمْ يُحَدِّثُونَ أَحْيَاناً الشَّيْءَ يَكُونُ حَقًّا. قَالَ رَسُولُ اللّهِ : «تِلْكَ الْكَلِمَةُ مِنَ الْجِنِّ يَخْطَفُهَا الْجِنِّي. فَيَقُرُّهَا فِي أُذُنِ وَلِيِّهِ قَرَّ الدَّجَاجَة، فَيَخْلِطُونَ فِيهَا أَكْثَرَ مِنْ مِائَةِ كَذْبَةٍ (مسلم حدیث نمبر 5769۔ کتاب السلام باب تحریم الکھانۃ و اتیان الکھان)

اُمّ المؤمنین عائشہ صدیقہ رضی اللہ عنہا کہتی ہیں کہ بعض لوگوں نے رسول اللہ صلی اللہ علیہ و آلہ وسلم سے کاہنوں(نجومیوں) کے بارے میں پوچھا؟ تو انہوں نے فرمایا کہ ''وہ کچھ نہیں ہیں'' (یعنی ان کی کوئی حیثیت نہیں اور کسی اعتبار کے لائق نہیں ہیں)۔ لوگوں نے کہا '' اے اللہ رسول! ان کی بعض باتیں سچ نکلتی ہیں (اس کی کی وجہ ہے)''۔ انہوں نے فرمایا کہ ''وہ سچی بات وہی ہے جس کو کوئی جن (فرشتوں کی بات چیت کے دوران) اُڑا لیتا ہے اور اپنے دوست کے کان میں ڈال دیتا ہے ۔ ۔ ۔ ۔ ۔ پھر وہ اس میں اپنی طرف سے اور سو جھوٹ ملاتے ہیں (اور لوگوں سے کہتے ہیں)۔ہمیں چاہیے کہ اپنے عقیدے قرآن و حدیث کے مطابق رکھیں اور ہر قسم کی گمراہیوں سے بچیں۔ اللہ تعالیٰ سمجھ اور عمل کی توفیق عطا فرمائے (آمین)

پیاسا

آللہ آپ کے علم میں اضافہ فرمائے، آپ نے بہت اچھا لکھا ہے۔عبداللہ حیدر

تفسیر حیدر

جزاک اللہ خیرا۔۔۔۔۔۔۔۔۔۔۔۔۔۔۔

مون لائیٹ آفریدی

جزاک اللہ خیر۔ عبداللہ حیدر بھائی اور Farrukh بھائی

میاں شاہد

__________________

abeera

بہت بہت شکریہ عبداللہ حیدر بھائ اور فر خ بھائ جزاکم اللہ حیرکم احسن الجزا

قرآن اور حدیث کی مستند کتابوں کے حوالو ں کے بعد کسی مسلمان کے دل میں اس کےحرام ہونے کے بارے میں کوئ شبہ نھیں رھنا چاہیے-

اللہ تعالی سب مسلمانوں کو سیدھے راستے پر چلنے کی توفیق عطا فرماےء
آمین