عبداللہ حیدر

عَنْ عَائِشَةَ أُمِّ الْمُؤْمِنِينَ
أَنَّ أُمَّ حَبِيبَةَ وَأُمَّ سَلَمَةَ ذَكَرَتَا كَنِيسَةً رَأَيْنَهَا بِالْحَبَشَةِ فِيهَا تَصَاوِيرُ فَذَكَرَتَا لِلنَّبِيِّ صَلَّى اللَّهُ عَلَيْهِ وَسَلَّمَ فَقَالَ إِنَّ أُولَئِكَ إِذَا كَانَ فِيهِمْ الرَّجُلُ الصَّالِحُ فَمَاتَ بَنَوْا عَلَى قَبْرِهِ مَسْجِدًا وَصَوَّرُوا فِيهِ تِلْكَ الصُّوَرَ فَأُولَئِكَ شِرَارُ الْخَلْقِ عِنْدَ اللَّهِ يَوْمَ الْقِيَامَةِ

صحیح بخاری حدیث نمبر 409 کتاب الصلاۃ باب هَلْ تُنْبَشُ قُبُورُ مُشْرِكِي الْجَاهِلِيَّةِ وَيُتَّخَذُ مَكَانُهَا مَسَاجِدَ

ام المومنین عائشہ رضی اللہ عنہا بیان کرتی ہیں کہ ام المومنین ام حبیبہ اور ام سلمہ رضی اللہ عنہما دونوں نے ایک کلیسا کا ذکر کیا جسے انہوں نے حبشہ میں دیکھا تھا جس میں تصویریں تھیں، انہوں نے اس کا تذکرہ نبی صلی اللہ علیہ و علی آلہ وسلم سے بھی کیا تو آپ صلی اللہ علیہ و علی آلہ وسلم نے فرمایا:
"یہ وہ لوگ ہیں کہ ان میں سے کوئی نیک آدمی مر جاتا تو وہ اس کی قبر پر مسجد بناتے اور اس میں یہی‌تصویریں بنا دیتے۔ پس یہ لوگ اللہ کے ہاں قیامت کے دن بدترین مخلوق ہوں گے"۔
عَنْ جَابِرٍ قَالَ نَهَى رَسُولُ اللَّهِ صَلَّى اللَّهُ عَلَيْهِ وَسَلَّمَ أَنْ يُجَصَّصَ الْقَبْرُ وَأَنْ يُقْعَدَ عَلَيْهِ وَأَنْ يُبْنَى عَلَيْهِ صحیح مسلم کتاب الجنائز باب النھی عن تجصیص القبر و البناء علیہ
جابر رضی اللہ تعالیٰ عنہ سے روایت ہے کہ رسول اللہ صلی اللہ علیہ و علی آلہ وسلم نے قبروں کو پختہ بنانے اور ان پر بیٹھنے اور ان پر عمارت بنانے سے منع فرمایا ہے۔

عَنْ أَبِي الْهَيَّاجِ الْأَسَدِيِّ قَالَ قَالَ لِي عَلِيُّ بْنُ أَبِي طَالِبٍ أَلَا أَبْعَثُكَ عَلَى مَا بَعَثَنِي عَلَيْهِ رَسُولُ اللَّهِ صَلَّى اللَّهُ عَلَيْهِ وَسَلَّمَ أَنْ لَا تَدَعَ تِمْثَالًا إِلَّا طَمَسْتَهُ وَلَا قَبْرًا مُشْرِفًا إِلَّا سَوَّيْتَهُ صحیح مسلم کتاب الجنائز باب الامر بتسویۃ القبور
ابوہیاج اسدی سے روایت ہے کہ مجھے علی رضی اللہ تعالیٰ عنہ نے فرمایا کیا میں تجھے اس کام کے لئے نہ بھیجوں جس کام کے لئے مجھے رسول اللہ صلی اللہ علیہ و علی آلہ وسلم نے بھیجا تھا کہ تو کسی صورت کو مٹائے بغیر کسی بلند قبر کو برابر کئے بغیر نہ چھوڑنا"۔

أَبَا عَلِيٍّ الْهَمْدَانِيَّ حَدَّثَهُ وَفِي رِوَايَةِ هَارُونَ أَنَّ ثُمَامَةَ بْنَ شُفَيٍّ حَدَّثَهُ قَالَ كُنَّا مَعَ فَضَالَةَ بْنِ عُبَيْدٍ بِأَرْضِ الرُّومِ بِرُودِسَ فَتُوُفِّيَ صَاحِبٌ لَنَا فَأَمَرَ فَضَالَةُ بْنُ عُبَيْدٍ بِقَبْرِهِ فَسُوِّيَ ثُمَّ قَالَ سَمِعْتُ رَسُولَ اللَّهِ صَلَّى اللَّهُ عَلَيْهِ وَسَلَّمَ يَأْمُرُ بِتَسْوِيَتِهَا صحیح مسلم کتاب الجنائز باب الامر بتسویۃ القبور
"ثمامہ بن شفی سے روایت ہے کہ ہم فضالہ بن عیبد رضی اللہ عنہ کے ساتھ مقام رودس ملک روم میں تھے ہمارے ایک ساتھی کا انتقال ہوگیا تو فضالہ رضی اللہ عنہ نے اس کی قبر کا حکم دیا جب وہ برابر کر دی گئی پھر فرمایا کہ میں نے رسول اللہ صلی اللہ علیہ و علی آلہ وسلم سے سنا آپ صلی اللہ علیہ و علی آلہ وسلم قبروں کو ہموار کرنے کا حکم فرمایا کرتے تھے۔"

shafresha

جناب عبداللہ حیدر بھائی اور عادل بھائی کی بات درست ہے مگر یہ بھی ایک حقیقت ہے کے مسلمانوں میں قبر پر مسجد بنانے کا رواج نہیں‌ہے، البتہ کسی عالم، دینی شخصیت یا کسی بزرگ ہستی کے قبر کے قریب مسجد بنائی جاتی ہے تاکہ زائرین کو نماز کی حاجت ہو تو اُنہیں پریشانی نہ ہو مگر اس قسم کی مساجد کے بارے میں "قبر پر مسجد" والی اصطلاح‌کا اطلاق نہیں کیا جا سکتا۔
حدیث پاک میں‌بھی اشارہ اُس دور کے نصرانیوں کی طرف ہے، اسے مسقبل کی پیشن گوئی قرار دینا سہی نہیں۔
واللہ اعلم!

منتظمین

بعد میں آنے والے عباسی اور علوی حکمرانوں کا طرز عمل کیا تھا؟ سعودی علماء نے اور خاص طور پر وہابی مسلک کے شیخ عبدالوہاب اور ابن باز کا اس بارے میں کیا فتوی تھا؟

__________________
تم سپاہی نہیں ہو پیشہ ور قاتلو!

خرم شہزاد خرم

بھائی کلیسا اور مسجد میں زمین آسمان کا فرق ہوتا ہے جب سوال میں کلیسا کا ذکر کیا گیا ہے تو پھر جواب میں مسجد کیوں

عبداللہ حیدر

السلام علیکم،
بھائی، آپ کو اس کے ترجمے میں‌کیا گڑ‌بڑ‌نظر آئی، آپ کے اعتراض‌کے بعد میں‌نے دوبارہ اسے دیکھا ہے لیکن کوئی غلطی محسوس نہیں ہوئی، سیدھا سیدھا ترجمہ کیا گیا ہے۔ آپ جو درست سمجھتے ہیں وہ بتا دیں‌ تو اس پر غور کروں گا ان شاء اللہ۔
آپ کی غلط فہمی دور کرنے کے لیے بریلوی مترجم عبدالحکیم خان اختر شاہجہان پوری کا ترجمہ نتھی کر رہا ہوں، اسے ایک نظر دیکھ کر دوبارہ اپنی رائے سے نوازئیے۔

حوالہ:‌ترجمہ صحیح‌بخاری از عبدالحکیم خان اختر جلد اول صفحہ نمبر 261
والسلام علیکم

عبداللہ حیدر

پہلے ہم ترجمے کے درست ہونے پر اتفاق کر لیں پھر اس کا جواب بھی عرض کرتا ہوں ان شاء اللہ۔

عبداللہ حیدر

السلام علیکم و رحمۃ اللہ و برکاتہ،
شیخ‌عبدالوہاب کے بارے میں‌مجھے معلوم نہیں ہے کہ وہ کون تھے آپ ان کاتعارف کرا دیں‌تو شاید کچھ کہہ سکوں۔ اگر آپ کی مراد شیخ‌الاسلام محمد رحمہ اللہ یعنی محمد بن عبدالوہاب سے ہے تو ان کا فتویٰ‌مجھے ابھی تک نہیں مل سکا۔ البتہ شیخ‌ابن باز رحمہ اللہ کافتویٰ‌ملاحظہ کیجیے:
أما احتجاج بعض الجهلة بوجود قبر النبي صلى الله عليه وسلم، وقبر صاحبيه في مسجده فلا حجة في ذلك؛ لأن الرسول صلى الله عليه وسلم دفن في بيته وليس في المسجد، ودفن معه صاحباه أبو بكر وعمر رضي الله عنهما، ولكن لما وسع الوليد بن عبد الملك بن مروان المسجد أدخل البيت في المسجد؛ بسبب التوسعة، وغلط في هذا، وكان الواجب أن لا يدخله في المسجد؛ حتى لا يحتج الجهلة وأشباههم بذلك، وقد أنكر عليه أهل العلم ذلك، فلا يجوز أن يقتدى به في هذا، .
اور بعض لوگوں نے نبی صلی اللہ علیہ وعلی آلہ وسلم اور ان کے صحابہ ابو بکر و عمر رضی اللہ عنہما کی قبر کے مسجد نبوی ہونے سے دلیل پکڑی ہے تو معلوم ہونا چاہیے کہ "اس میں ان کے لیے کوئی دلیل نہیں ہے کیونکہ نبی صلی اللہ علیہ و علی آلہ وسلم اپنے گھر میں دفن کیے گئے تھے نہ کہ مسجد میں اور اسی طرح ابو بکر و عمر رضی اللہ عنہما بھی ان صلی اللہ علیہ و علی آلہ وسلم کے ساتھ گھر میں دفن کیے گئے۔ لیکن جب ولید بن عبدالملک بن مروان نے مسجد نبوی کی توسیع کی تو گھر کو مسجد کے اندر لے آیا۔ اور ایسا کر کے اس کے غلط کیا، اس پر واجب تھا کہ ایسا نہ کرتا تاکہ بعد میں آنے والے کم علم لوگ غلط فہمی میں مبتلا نہ ہوں۔ اس فعل پر اہل علم نے نکیر کی لہٰذا اس کام کی اقتدا کرنا جائز نہیں ہے۔"
حوالہ:‌http://www.islamway.com/?iw_s=Fatawa...fatwa_id=12708

خرم شہزاد خرم

بہت شکریہ عبداللہ بھائی میرے ذہین میں یہی سوال تھا جس کی تلاش میں خود بھی کر رہا تھا لیکن آپ نے میری مدد کر دی شکریہ اب سمجھ آ گئی ہے

صرف علی

اسلام علیکم
ہم یہ کہہ سکتے ہیں کے مسجد نبوی میں قبر رسول اللہ (ص) کو بعد میں شامل کیا گیا مگر خانہ کعبہ میں جو انبیاٰ علیھم السلام دفن ہیں اس کا کیا حکم ہوگا کیوں کے اگر ایس کوئی مسئلہ ہوتا تو رسول اللہ (ص) ضرور کوئی حکم دیتے ۔آیا کوئی حکم ہے اس بارے میں ۔؟؟؟؟؟

__________________
بابِی اَنتَ وَ اُمی یَا رَسُول اللہ (ص)

عبداللہ حیدر

خانہ کعبہ میں کسی نبی کی قبر نہیں‌ہے۔

صرف علی

ابو بکر الفقیہ نے نبی کریم صلی اللہ علیہ وآلہ وسلم سے روایت کی ہے کہ آپ(ص) نے فرمایا:
اپنی قوم سے بھاگنے والا ہر نبی کعبے کی طرف بھاگتا تھا اور اس میں تا دمِ مرگ عبادت کرتا رہتا تھا۔ اس کے علاوہ ھود(ع) ،شعیب(ع) اور صالح(ع) پیغمبر کی قبریں زمزم اور مقام کے درمیان واقع ہیں۔
اورکعبہ میں تین سو ابنیاء علیہم السلام کی قبریں موجود ہیں اور رکن یمانی اور رکن سعود کے درمیان ستر انبیاء علہیم السلام مدفوں ہیں۔,( مختصر کتاب البلدان تالیف ابربکر احمد بن الفقیہ الھمدانی صفحہ ۱۷ طبع لیدن)

صرف علی

کہ کعبہ کے اردگرد طواف کرنے والے حجر اسماعیل (ع) کے ارد گرد طواف کرتے ہیں اور اس کی دیواروں کو چھوتے ہیں جبکہ اس میں حضرت اسماعیل(ع) اور جناب حاجرہ سلام اللہ علیہا کی قبریں ہیں چنانچہ ابن سعد نے اپنی کتاب الطبقات الکبریٰ میں لکھا ہے:
جب اسماعیل(ع) بیس سال کے ہوئے تو ان کی والدہ جناب ہاجرہ نوے سال کی عمر میں رحلت کر گئیں۔ پس اسماعیل نے ہاجرہ کو حجر میں دفن کیا۔ جب اسماعیل اپنے والد کے بعد وفات پا گئے تو کعبے کے پہلو میں حجر میں اپنی والدہ کے ساتھ دفن ہوئے۔ اس کے بعد ایک اور روایت مرقوم ہے کہ اسماعیل کی قبر مبارک پر نالے کے نیچے رکن اور بیت کے درمیان واقع ہے۔,( طبقات ابن سعد ج۱ صفحہ ۲۵ طبع)
نیز اللہ تعالیٰ کا یہ ارشاد بھی جو اصحاب کہف کے بارے میں ہے:
قَالَ الَّذِیْنَ غَلَبُوْا عَلٰٓی اَمْرِھِمْ لَنَتَّخِذَنَّ عَلَیْھِمْ مَّسْجِدًا۔,( سورة کہف آیت ۲۱)
جنہوں نے ان کے بارے میں غلبہ حاصل کیا وہ کہنے لگے: ہم ان کے غار پر ضرور ایک مسجد بناتے ہیں۔

عبداللہ حیدر

ابو بکر الفقیہ کون سے صحابی کا نام ہے جو نبی صلی اللہ علیہ و علی آلہ وسلم سے براہ راست روایت کرتے تھے؟‌پوری سند ذکر کریں۔ کتب رجال میں ابوبکر الفقیہ نام کے کئی لوگ ملتے ہیں مثلا:
أبو بكر الفقيه الكناني
أبو بكر الفقيه الأبهري
محمد بن معالي بن غنيمة الحلاوي أبو بكر الفقيه الحنبلي
محمد بن مكي بن الحسن الفامي أبو بكر الفقيه الشافعي
أحمد بن عمر بن محمد بن أحمد بن محمود بن علكان بن يوسف بن البيع أبو بكر الفقيه الشروطي
أحمد بن محمد بن هارون أبو بكر الخلاّل الفقيه
آپ کی مراد کس ابوبکر الفقیہ سے ہے؟

عبداللہ حیدر

براہ مہربانی عربی متن بھی نقل کیا کریں کیونکہ میرے پاس تمام کتابیں عربی میں ہیں، اردو ترجمے سے اصل عبارت تک پہنچنا بہت مشکل ہوتا ہے۔

عبداللہ حیدر

سبحان اللہ، طواف کرنے والے حجر اسود یا حجر اسماعیل کا طواف نہیں کرتے پورے بیت اللہ کا طواف کرتے ہیں۔ جیسا کہ اللہ تعالیٰ کا فرمان ہے:
وَلْيَطَّوَّفُوا بِالْبَيْتِ الْعَتِيقِ (29) سورۃ الحج
"اور وہ طواف کریں اس پرانے گھر کا"

muhammad asif virani

قرآنِ پاک کی اصحابِ کہف کےواقعےکی تفاسیرکےتحت مذکورھےکہ ان بزرگان کےبعدازوصال اسوقت کےبادشاہ نےمسجد تعمیرکردی تھی پھر یہاں"کلیسا"کاذکرھےمسجداورک لیسامیں کیافرق ھےمسلمان کےبچےبچےکوپتہ ھےحضرت بی بی عائیشہ کامکان مسجدِ نبوی کےبلکل ساتھ ساتھ تھاآج بھی نظارہ کیاجاسکتاھےاسوقت سےلیکرآج تک کسی صحابی کسی امام نےعدم جوازکافتوٰی نھیں دیاھم کون ھوتےھیں ایسےحساس موضوع پرلب کشائی کرنےوالےدنیاکےنہ جانےکتنےممالک کی مساجدوں کےساتھ مزارات منسلک ھیں شہرِ کراچی میں بنوری ٹاؤن مسجد میں دیکھیں مولانا بنوری کی وغیرہ کی قبریں موجودھیں

__________________
شائد کہ تِرےدل میں اترجائےمِری بات!