فیصل ناصر

گوہریہ مذہب بہت خطرناک فتنہ ہے اس کا بانی ریاض احمد گو ہر شاہی ہے گو ہر شاہی نے اس کا آغاز اپنی انجمن سر فرو شانِ اسلام کے نام سے کیا- علماء اسلام اس کو دین سے خارج قرار دیتے ہیں۔

اس فرقے کا طریقہ واردات اس لحاظ سے بہت پر اسرار اور خطر ناک ہے کہ نہ صرف اہلسنّت ہونے کا دعوٰی کرتے ہیں بلکہ اعلحٰضرت امام اہلسنّت مولانا شاہ احمد رضاخا ن صاحب علیہ الرحمہ کی اتباع اور عقیدت کا بھی دم بھرتا ہے فتنہ گو ہر یہ اہلسنّت کو بد نام کرنے اور نوجوانوں کو راہِ حق سے بہکانے کےلئے اہلسنّت کا لیبل لگا کر مسلمانوں کو گمراہ کرتے ہیں ۔
گو ہر شاھی نے اپنی گمراہیت ان تینوں کتابوں میں تحریر کی ہیں جنکے نام ”روحانی سفر ،روشناس اور مینارہ نور“ وغیرہ ہیں اب آپکے سامنے ان کتب کی عبا رات ثبوت کیساتھ پیش کی جارہی ہیں ۔
گو ہر شاہی اور اسکے معتقدین کے عقائد و نظر یات::
عقیدہ :نماز، روزہ ،زکوٰ ۃ اورحج کو اسلام کے وقتی رکن کہا گیا ہے کہ روزانہ پانچ ہزار مرتبہ عوام ،پچیس ہزار مرتبہ امام اور بہتر ہزار مرتبہ اولیاءکرام کو ذکر کرنا لازمی قرار دیا گیا ہے کہ ہر درجہ کے ذکر کے بغیر نماز بے فائدہ ہے اگرچہ سجدوں سے کمر کیوں نہ ٹیڑھی ہوجائے ۔(بحوالہ :کتاب :روشناس صفحہ نمبر 3)
عقیدہ :پیرو مرشد ہونے کے لئے عجیب و غریب شرط قائم کی ہے کہ اگر زیادہ سے زیادہ سات دن میں ذاکر قلبی نہ بنا دے تو وہ مرشد نا قص ہے اور اس کی صحبت سے اپنی عمر عزیز بر باد کرنا ہے ۔
(بحوالہ : کتاب :روشناس صفحہ نمبر6)
عقیدہ :حضرت آدم علیہ السلام نفس کی شرارت سے اپنی ورا ثت یعنی جنت سے نکال کر عالم
نا موت جو جنات کا عالم تھا پھینکے گئے ۔(معاذاللہ )(بحوالہ :کتاب :روشناس صفحہ 8 )
عقیدہ :حضرت آدم علیہ السلام پر یوں بہتان باندھا ہے کہ آپ جب اسم محمد صلی اللہ علیہ وسلم اللہ تعالیٰ کے نام کیساتھ لکھا دیکھا تو خیال ہوا کہ یہ محمد صلی اللہ علیہ وسلم کون ہیں ۔جواب آیا کہ تمہاری اولاد میں سے ہوں گے ۔نفس نے اُکسایا کہ یہ تیری اولا دمیں ہوکر تجھ سے بڑھ جائیں گے یہ ”بے انصافی “ہے اس خیال کے بعد آپ کو دوبارہ سزاد ی گئی۔(معاذ اللہ )(بحوالہ :کتاب :روشناس صفحہ نمبر 9)
عقیدہ :قادیانیوں اور مرزا ئیوں کو مسلمان کہا ہے البتہ جھوٹے نبی کو مان کر اصلی نبی کی شفاعت سے محروم کہا ہے ۔(بحوالہ :کتاب :روشناس صفحہ نمبر 10)
عقیدہ :اللہ تعالیٰ کا خیال ثابت کرکے اس کے علم کی نفی کی ہے ایک دن اللہ تعالیٰ کے دل میں خیال آیا کہ میں خود کو دیکھوں سامنے جو عکس پڑا تو ایک روح بن گئی اللہ اس پر عاشق اور وہ اللہ پر عاشق ہوگئی ۔(معاذاللہ )(بحوالہ :کتاب :روشناس صفحہ نمبر20)
عقیدہ :حضرت آدم علیہ السلام کی شدید ترین گستاخی اور اخیر میں ان پر شیطانی خور ہونے کا الزام لگایا ہے ۔(معاذاللہ )(بحوالہ :کتاب :مینارہ نو ر صفحہ نمبر 8 )
عقیدہ :ذکر کو نماز پر فضیلت دی ۔ذکر کا نیا طریقہ نکالا اور قرآنی آیت کے مفہوم کو بگاڑ کر اپنے باطل نظریہ پر استد لال کیا ہے ۔(بحوالہ :کتاب :مینارہ نو ر صفحہ نمبر17)
عقیدہ :جب تک حضورصلی اللہ علیہ وسلم کی زیارت کسی کو نصیب نہ ہو اسکا امتّی ہونا ثابت نہیں ۔
(بحوالہ :کتاب :مینارہ نو ر صفحہ نمبر24)
عقیدہ :قرآن مجید کی آیت کا جھوٹا حوالہ دیا گیا ہے کہ قرآن مجید میں اللہ تعالیٰ نے باربار ”دع نفسک و تعالیٰ “فرمایا ہے حالانکہ پورے قرآن مجید میں کہیں بھی اللہ تعالیٰ کا یہ فرمان وارد نہیں ہوا۔ (معاذاللہ )(بحوالہ :کتاب :مینارہ نو ر صفحہ نمبر29)
عقیدہ :علماءکی شان میں شدید ترین گستاخیاں کی گئی ہیں ایک آیت کہ جو کہ یہود سے متعلق ہے علماءو مشائخ پر چسپاں کیا ہے ۔(معاذاللہ )(بحوالہ :کتاب :مینارہ نو ر صفحہ نمبر30,31) عقیدہ :حضرت خضر علیہ السلام اور ان کے علم کی تو ہین کی گئی ہے ۔
(بحوالہ :کتاب :مینارہ نو ر صفحہ نمبر35)
عقیدہ :انبیاءکرام علیہم السلام دیدار الہٰی کو تر ستے ہیں اور یہ (اولیاءاُمّت )دیدار میں رہتے ہیں ولی نبی کا نعم البدل ہے ۔(معاذاللہ )(بحوالہ :کتاب :مینارہ نو ر صفحہ نمبر39)
گوہر شاہی اپنی کتاب روحانی سفر کے صفحہ نمبر 49تا50پر رقم طراز ہے ۔
عبارت :اتنے میں اس نے سگریٹ سلگایا اور چرس کی بو اطراف میں پھیل گئی اور مجھے اس نفرت ہونے لگی ۔رات کو الہا می صورت پیدا ہوئی یہ شخص (یعنی چرسی )ان ہزاروں عابدوں ،زاہدوں اور عالموں سے بہتر ہے جو ہر نشے سے پر ہیز کر کے عبادت میں ہوشیار ہیں لیکن بخل ،حسد اور تکبّر انکا شعار ہے اور (چرس کا )نشہ اسکی عبادت ہے ۔
(معاذ اللہ !بالکل ہی واضح طور پر نشہ کو صرف حلا ل ہی نہیں بلکہ عبادت ٹہرایا جا رہا ہے ۔)
ریاض گوہر شاہی کے نزدیک نماز اور درود شریف کی
کوئی خاص اہمیت معلوم نہیں ہوتی
جیسا کہ روحانی سفر ص 3پر اپنے بارے میں لکھتا ہے ۔
عبارت :اب گو لڑہ شریف صاحبزادہ معین الدین صاحب سے بیعت ہوا انہوں نے نمازکیساتھ ایک تسبیح درود شریف کی بتائی ۔میں نے کہا اس سے کیا ہوتا ہے کوئی ایسی عبادت ہو جو میں ہر وقت کر سکوں (یعنی (معاذاللہ )نماز اور درود شریف سے کچھ فائدہ نہیں ہوتا )۔
گوہر شاہی نے جو روحانی منازل طے کئے ہیں ان میں عورتوں کا بھی بہت زیادہ دخل ہے ۔نہ شرم ،نہ حیا ۔ا سکے روحانی سفر میں ایک مستانی کا خصو صیت کیساتھ دخل ہے ۔
عبارت :میں دن کو کبھی کبھی اس عورت کے پاس چلا جاتا وہ بھی عجیب و غریب فقر کے قصّے سناتی اور کبھی کھانا بھی کھلا دیتی ۔(بحوالہ :روحانی سفر ص 34) عبارت :کہنے لگی آج رات کیسے آگئے ۔میں نے کہا پتہ نہیں اس نے سمجھا شاید آج کی اداو ¿ں سے مجھ پر قربان ہوگیا ہے اور میرے قریب ہو کر لیٹ گئی اور پھر سینے سے چمٹ گئی ۔(بحوالہ :کتاب : روحانی سفر ص 32)
کیا اس سے زیادہ دلیری کیساتھ کوئی دشمن اسلام دینِ متین کے چہرے کو مسخ کر سکتا ہے ۔کیا شریعت مطہرہ کی تنقیص کے لئے اس سے بھی زیادہ شرمناک پیرا یہ استعمال کیا جاسکتا ہے ۔کیا اپنے مذہب ،اپنے دین ،اپنے عقائد کا اسطرح سے خون کرنے والا یہ شخص مذہبی رہنما ہوسکتا ہے ؟
آج کل گوہر شاہی کے چیلوں نے ”مہدی فاؤنڈیشن “ کے نام سے کام کرنا شروع کردیا ہے یہ جماعت دوبارہ سرگرم ہورہی ہے اس کے کارکنان دنیا بھر میں ای میل اورخطوط کے ذریعہ خباثتیں پھیلارہے ہیں اس طرح گوہر شاہی کی فتنہ انگیز جماعت دوبارہ سرگرم ہوگئی ہے ۔
مسلمانوں کو اس فتنے سے بچنا چاہیے ۔

فاروق سرورخان

یہ اولیاء‌اللہ یعنی اللہ کے دوستوں کی سرداری بھی ہوتی ہے ؟؟؟؟ وہ بھی مرنے کے بعد؟؟؟؟ لاحول ولا قوۃ ۔۔۔۔

ایسی سرداریاں‌ اس دنیا میں ایک شخص کی زندگی میں تو سمجھ میں آتی ہیں لیکن موت کے بعد ؟؟؟؟

35:18 وَلَا تَزِرُ وَازِرَةٌ وِزْرَ أُخْرَى وَإِن تَدْعُ مُثْقَلَةٌ إِلَى حِمْلِهَا لَا يُحْمَلْ مِنْهُ شَيْءٌ وَلَوْ كَانَ ذَا قُرْبَى إِنَّمَا تُنذِرُ الَّذِينَ يَخْشَوْنَ رَبَّهُم بِالغَيْبِ وَأَقَامُوا الصَّلَاةَ وَمَن تَزَكَّى فَإِنَّمَا يَتَزَكَّى لِنَفْسِهِ وَإِلَى اللَّهِ الْمَصِيرُ
اور کوئی بوجھ اٹھانے والا دوسرے کا بارِ (گناہ) نہ اٹھا سکے گا، اور کوئی بوجھ میں دبا ہوا (دوسرے کو) اپنا بوجھ بٹانے کے لئے بلائے گا تو اس سے کچھ بھی بوجھ نہ اٹھایا جا سکے گا خواہ قریبی رشتہ دار ہی ہو، (اے حبیب!) آپ ان ہی لوگوں کو ڈر سناتے ہیں جو اپنے رب سے بن دیکھے ڈرتے ہیں اور نماز قائم کرتے ہیں، اور جو کوئی پاکیزگی حاصل کرتا ہے وہ اپنے ہی فائدہ کے لئے پاک ہوتا ہے، اور اﷲ ہی کی طرف پلٹ کر جانا ہے

موت کے بعد کوئی کسی کے گناہ یا ثواب کا بوجھ نہیں اٹھائے گا۔ ورنہ یہ دنیا مکافات عمل نہ ہوتی۔ کچھ قرآن پڑھئیے اور اللہ سے ہدایت طلب کیجئے۔

والسلام

چیتا چالباز

آپ نے صحیح فرمایا مرنے کے بعد انسان دوسروں کا محتاج ہوتا ہے نہ کہ وہ دوسروں کی مدد کرے

Attached Thumbnails

 

فیصل ناصر

فتنہ گوہر شاہی پر مکتبہ لدھیانوی نے ایک پوری کتاب شائع کی ہے
ذیل میں اس کتاب کے صفحات قسط وار روزانہ ایک پوسٹ کی بنیاد پر پیش کئے جارہے ہیں
پہلی قسط

فیصل ناصر

پہلی قسط / 2 ------------------------------------

چیتا چالباز

پہنچی وہیں پہ خاک جہاں کا خمیر تھا

سرفروش صاحب میں نے آپکی ویب سائٹ hdu کا وزٹ کیا وہاں کچھ بعید از عقل چیزیں بھی موجود ہیں کیا آپ اس کی وضاحت فرما سکتے ہیں؟
مثلا مندرجہ ذیل تصویر

Attached Images

 

سرفروش

ایک بات جس کا شاہد اللہ کا کلام قرآن پاک بھی ہے کہ شہید زندہ ہوتے ہیں لیکن اُن کی زندگیوں کا شعور ہمیں نہیں۔ یہ خود رب تعالیٰ کا اعلان ہے اور پاک پروردگار فرماتا ہے کہ رب تعالیٰ ان شہیدوں‌کو اُن کی قبور میں‌غذا بھی فراہم کرتا ہے۔ جو جہاد کرتے ہوئے اللہ کی راہ میں‌مارے جائیں، وہ شہید کہلاتے ہیں لیکن حضور پاک صلی اللہ علیہ وسلم کا فرمان ہے کہ تلوار سے جہاد جہادِ‌اصغر ہے اور جہاد بالنفس جہاد اکبر ہے۔ تمام انبیاء‌و اولیاء ہمہ وقت جہاد بالنفس میں‌مصروفِ‌عمل رہتے ہیں‌۔ اگر تلوار سے جہاد کرکے وصال پانا والا شہیدِ‌اصغر ہے تو نفس سے جہاد کرکے وصال پانے والا شہیدِ‌اکبر۔
زیارت قبور و فیضان بعد از وصال کے لئے مندرجہ ذیل احادیثِ‌مبارکہ پیش کرنا چاہوں‌گا لیکن ساتھ ہی ایک وضاحت اور کروںگا کہ فاروق سرور صاحب کی سوچ و تحریر اُن کے عقائد کا اظہار کررہی ہے، جس سے پتہ چلتا ہے کہ موصوف ایک مخصوص مکتبہ ء فکر کی سوچ کے حامل ہیں اور اس مکتب کے زیرِ‌اثر تمام تر تحریر و اظہار کررہے ہیں۔ میں وضاحت کرنا چاہوں‌گا کہ یا رسول اللہ صلی اللہ علیہ و سلم پکارنا یا اللہ کے سوا نبی اور ولی کے نام سے ساتھ لفظ‌"یا" لگانا ایک ایسا مسئلہ ہے کہ جس پر بحث آج سے نہیں‌بلکہ صدیوں سے چلی آرہی ہے۔ لہذٰا یہاں بجائے اس کے کہ اُن مسائل پر بحث‌کی جائے جوکہ فقہی مسائل ہیں تو میں سمجھتا ہوں کہ بے سود ہوگا۔ بہتر یہ ہے کہ براہ راست وہ باتیں سامنے رکھی جائیں جن کی روشنی میں آپ حضرات سمجھتے ہیں کہ حضور سیدنا ریاض احمد گوھر شاہی مدظلہ العالیٰ اور آپ کے تمام پیروکار غلط ہیں۔ کیونکہ کافر کافر کی پکار کرنے والے تو بہت ہیں لیکن سچ تو یہ ہے کہ کوئی بھی منصف مزاجی سے کوئی بات سمجھنا نہیں‌چاہتا۔ واللہ عالم باالصواب!
حضرت عائشہ صدیقہ رضی اﷲ عنہا کا معمول تھا کہ آپ اکثر روضہ مبارک پر حاضر ہوا کرتی تھیں۔ وہ فرماتی ہیں :

کُنْتُ أَدْخُلُ بَيْتِي الَّذِي دُفِنَ فِيْهِ رَسُوْلُ اﷲِ صلي الله عليه وآله وسلم وَ أَبِي، فَاَضَعُ ثَوْبِي فَأَقُوْلُ إنَّمَا هُوَ زَوْجِي وَأَبِي، فَلَمَّا دُفِنَ عُمَرُ مَعَهُمْ فَوَ اﷲِ مَا دَخَلْتُ اِلَّا وَ أَنَا مَشْدُوْدَة عَلَيَ ثِيَابِي حَيَائً مِنْ عُمَرَ.

’’میں اس مکان میں جہاں رسول اﷲ صلی اللہ علیہ وآلہ وسلم اور میرے والد گرامی مدفون ہیں جب داخل ہوتی تو یہ خیال کرکے اپنی چادر (جسے بطور برقع اوڑھتی وہ) اتار دیتی کہ یہ میرے شوہرِ نامدار اور والدِ گرامی ہی تو ہیں لیکن جب حضرت عمر رضی اللہ عنہ کو ان کے ساتھ دفن کر دیا گیا تو اللہ کی قسم میں عمر رضی اللہ عنہ سے حیاء کی وجہ سے بغیر کپڑا لپیٹے کبھی داخل نہ ہوئی۔‘‘

1. أحمد بن حنبل، المسند، 6 : 202
2. حاکم، المستدرک، 3 : 61، رقم : 4402
3. مقريزي، اِمتاعُ الاسماع، 14 : 607

اس حدیثِ مبارکہ سے معلوم ہوا کہ حضرت عائشہ رضی اﷲ عنہا کا روضۂ اقدس پر حاضری کا ہمیشہ معمول تھا۔ حضرت عائشہ رضی اﷲ عنہا نے اہلِ مدینہ کو قحط سالی کے خاتمے کے لئے قبرِ انور پر حاضر ہو کر توسل کرنے کی تلقین فرمائی۔ امام دارِمی صحیح اِسناد کے ساتھ روایت کرتے ہیں :

قُحِطَ أهل الْمَدِيْنَةِ قَحْطًا شَدِيْدًا فَشَکَوْا إِلَي عائشۃ ، فَقَالَتْ : انْظُرُوْا قَبْرَ النَّبِيِّ صلي الله عليه وآله وسلم فَاجْعَلُوْا مِنْهُ کِوًي إلَي السَّمَاءِ، حَتَّي لَا يَکُوْنَ بَيْنَهُ وَ بَيْنَ السَّمَاءِ سَقْفٌ، قَالَ : فَفَعَلُوْا فَمُطِرْنَا مَطَرًا حَتَّي نَبَتَ الْعُشْبُ، وَسَمِنَتِ الْاِبِلُ حَتَّي تَفَتَّقَتْ مِنَ الشَّحْمِ، فَسُمِّيَ ’’عَامَ الْفَتْقِ‘‘.

’’ایک مرتبہ مدینہ کے لوگ سخت قحط میں مبتلا ہوگئے تو انہوں نے حضرت عائشہ رضی اﷲ عنہا سے (اپنی دِگرگوں حالت کی) شکایت کی۔ آپ رضی اﷲ عنہا نے فرمایا : حضور صلی اللہ علیہ وآلہ وسلم کی قبرِ مبارک کے پاس جاؤ اور اس سے ایک روشندان آسمان کی طرف کھولو تاکہ قبرِ انور اور آسمان کے درمیان کوئی پردہ حائل نہ رہے۔ راوی کہتے ہیں کہ ایسا کرنے کی دیر تھی کہ اتنی زور دار بارش ہوئی جس کی وجہ سے خوب سبزہ اُگ آیا اور اُونٹ اتنے موٹے ہوگئے کہ (محسوس ہوتا تھا) جیسے وہ چربی سے پھٹ پڑیں گے۔ پس اُس سال کا نام ہی ’’عامُ الفتق (سبزہ و کشادگی کا سال)‘‘ رکھ دیا گیا۔‘‘

1. دارمي، السنن، 1 : 56، رقم : 92
2. ابن جوزي، الوفا بأحوال المصطفيٰ : 817. 818، رقم : 1534
3. سبکي، شفاء السقام في زيارة خير الأنام : 128

ثابت ہوا کہ اُم المؤمنین سیدہ عائشہ رضی اﷲ عنہا نے اہلِ مدینہ کو رحمتیں اور برکتیں حاصل کرنے کے لیے حضور نبی اکرم صلی اللہ علیہ وآلہ وسلم کی قبرِ مبارک کو وسیلہ بنانے کی ہدایت فرمائی، جس سے اُن پر طاری شدید قحط ختم ہو گیا، اور موسلا دھار بارش نے ہر طرف بہار کا سماں پیدا کر دیا۔ جہاں انسانوں کو غذا ملی وہاں جانوروں کو چارا ملا، اِس بارش نے اہلِ مدینہ کو اتنا پر بہار اور خوشحال بنا دیا کہ انہوں نے اس پورے سال کو ’عام الفتق (سبزہ اور کشادگی کا سال)‘ کے نام سے یاد کیا۔

بعض لوگوں نے اس رِوایت پر اعتراضات کئے ہیں جن میں سے ایک یہ ہے کہ اس کی سند کمزور ہے لہٰذا یہ روایت بطورِ دلیل پیش نہیں کی جا سکتی لیکن مستند علماء نے اِسے قبول کیا ہے اور بہت سی ایسی اسناد سے استشہاد کیا ہے جو اس جیسی ہیں یا اس سے کم مضبوط ہیں۔ لہٰذا اس روایت کو بطورِ دلیل لیا جائے گا کیونکہ امام نسائی کا مسلک یہ ہے کہ جب تک تمام محدّثین ایک راوی کی حدیث کے ترک پر متفق نہ ہوں، اس کی حدیث ترک نہ کی جائے۔

(1) عسقلاني، شرح نخبة الفکر في مصطلح أهل الأثر :

233ایک اور اعتراض اس روایت پر یہ کیا جاتا ہے کہ یہ موقوف ہے یعنی صرف صحابیہ تک پہنچتی ہے، اور یہ حضرت عائشہ رضی اﷲ عنہا کا قول ہے، حضور صلی اللہ علیہ وآلہ وسلم کا فرمان نہیں ہے۔ اس لئے اگر حضرت عائشہ رضی اللہ عنہ تک اس کی اسناد صحیح بھی ہوں تو یہ دلیل نہیں بن سکتی کیونکہ یہ ذاتی رائے پر مبنی ہے اور بعض اوقات صحابہ کی ذاتی رائے صحیح ہوتی ہے اور بعض اوقات اس میں صحت کا معیار کمزور بھی ہوتا ہے، لہٰذا ہم اس پر عمل کرنے کے پابند نہیں۔

اس بے بنیاد اعتراض کا سادہ لفظوں میں جواب یہ ہے کہ نہ صرف اس روایت کی اسناد صحیح اور مستند ہیں بلکہ کسی بھی صحابی نے نہ تو حضرت عائشۃ رضی اﷲ عنہا کے تجویز کردہ عمل پر اعتراض کیا اور نہ ہی ایسا کوئی اعتراض مروی ہے جس طرح حضرت مالک دار رضی اللہ عنہ کی بیان کردہ روایت میں اس آدمی پر کوئی اعتراض نہیں کیا گیا جو قبرِ مصطفیٰ صلی اللہ علیہ وآلہ وسلم پر آ کر بارش کے لیے دعا کرتا ہے۔ یہ روایتیں صحابہ کا اجماع ظاہر کرتی ہیں اور ایسا اجماع بہر طور مقبول ہوتا ہے۔ کوئی شخص اس عمل کوناجائز یا بدعت نہیں کہہ سکتا کہ جسے صحابہ کرام رضی اللہ عنھم کے سکوت نے جائز یا مستحب قرار دیا ہو۔

صحابہ کرام رضی اللہ عنھم کی پیروی کے لزوم کے بارے میں امام شافعی فرماتے ہیں :

رأيهم لنا خير من رأينا لأنفسنا.

’’ہمارے لیے ان کی رائے ہمارے بارے میں ہماری اپنی رائے سے بہتر ہے۔‘‘

ابن قيم، أعلام الموقعين عن ربّ العالمين، 2 : 186

علامہ ابنِ تیمیہ نے اس روایت پر اعتراض کرتے ہوئے کہا ہے کہ یہ جھوٹ ہے اور حضرت عائشۃ رضی اﷲ عنہا کی پوری زندگی میں روضۂ اقدس کی چھت میں اس طرح کا کوئی سوراخ موجود نہیں تھا۔ یہ اعتراض کمزور ہے کیونکہ امام دارمی اور ان کے بعد آنے والے اَئمہ و علماء اس طرح کی تفصیل متاخرین سے زیادہ بہتر جانتے تھے۔ مثال کے طور پر مدنی محدّث و مؤرخ امام علی بن احمد سمہودی نے علامہ ابنِ تیمیہ کے اعتراض کا ردّ اور امام دارمی کی تصدیق کرتے ہوئے ’’وفاء الوفاء (2 : 560)‘‘ میں لکھا ہے :

’’زین المراغی نے کہا : ’جان لیجئے کہ مدینہ کے لوگوں کی آج کے دن تک یہ سنت ہے کہ وہ قحط کے زمانہ میں روضۂ رسول کے گنبد کی تہہ میں قبلہ رُخ ایک کھڑکی کھولتے اگرچہ قبر مبارک اور آسمان کے درمیان چھت حائل رہتی۔ میں کہتا ہوں کہ ہمارے دور میں بھی مقصورہ شریف، جس نے روضہ مبارک کو گھیر رکھا ہے، کا باب المواجہ یعنی چہرۂ اقدس کی جانب کھلنے والا دروازہ کھول دیا جاتا ہے اور لوگ وہاں (دعا کے لیے) جمع ہوتے ہیں۔‘‘

سمهودي، وفاء الوفاء، 2 : 560

حضور نبی اکرم صلی اللہ علیہ وآلہ وسلم کی قبرِ انور کے پاس جا کر آپ صلی اللہ علیہ وآلہ وسلم کے توسُّل سے دعا کرنے کا معمول عثمانی ترکوں کے زمانے یعنی بیسویں صدی کے اوائل دور تک رائج رہا، وہ یوں کہ کہ جب قحط ہوتا اور بارش نہ ہوتی تو اہلِ مدینہ کسی کم عمر سید زادہ کو وضو کروا کر اوپر چڑھاتے اور وہ بچہ اس رسی کو کھینچتا جوقبرِ انور کے اوپر سیدہ عائشہ صدیقہ رضی اﷲ عنہا کے فرمان کے مطابق سوراخ کے ڈھکنے کو بند کرنے کے لئے لٹکائی ہوئی تھی۔ اس طرح جب قبرِ انور اور آسمان کے درمیان کوئی پردہ نہ رہتا تو بارانِ رحمت کا نزول ہوتا۔

سرفروش

جیسا کہ میں پہلے بھی عرض کرچکا ہوں کہ پاک ڈاٹ‌نیٹ کی انتظامیہ بھی اس موضوع پر جانبداری کا مظاہرہ کررہی ہے۔ جس کا بین ثبوت میرے شروع کردہ دھاگے بنام "ریاض احمد گوہر شاہی"‌کی بندش ہے حالانکہ یہ دھاگہ میں فیصل ناصر کے دھاگے سے پہلے شروع کیا تھا۔ اس جانبدارانہ روش کی بناء پر، میں احتجاجآ پاک ڈاٹ نیٹ کا بائیکاٹ کرتا ہوں، لگتا ہے کہ پاک ڈاٹ نیٹ کے سب منتظمین فیصل ناصر کی طرح شقاوت و غلاظت نفس میں‌مبتلا ہیں۔ اب جب تک میرا تھریڈ "ریاض احمد گوہر شاہی" دوبارہ سے کھولا نہیں جاتا میں بائیکاٹ کا اعلان کرتا ہوں۔

فیصل ناصر

قسط 2 -----------------------------------------------------------------

سرفروش

پاک ڈاٹ نیٹ ایک متعصب و جانبدار ویب پورٹل ہے، جس کے منتظمین انتہائی غیر ذمہ دار و جانبدار ہیں۔ جس کا ثبوت یہ ہے کہ قبلہء‌عالم حضور سیدنا ریاض احمد گوھر شاہی مدظلہ العالیٰ کے خلاف پروپیگنڈے پر مبنی تھریڈ تو اس پر چلائے جاتے ہیں لیکن جو تھریڈز میں نے تعلیمات و عقائد حضرت سیدنا ریاض احمد گوھر شاہی اور ریاض‌احمد گوھر شاہی کے نام سے بنائے تھے وہ بلاوجہ اور بغیر کسی تنبیہ کے حذف کردئیے گئے ہیں۔
جس سے یہ بات اظہر من الشمس ہوگئی ہے کہ پاک ڈاٹ نیٹ ایک متعصب ویب پورٹل ہے، جس کو چلانے والے ایک مخصوص طبقاتی سوچ و ذہن کے حامل ہیں اور مساوات و اسلامی و بھائی چارہ سے قطعی نابلد ہیںِ
میں احتجاجآ پاک ڈاٹ نیٹ کے بائیکاٹ کا اعلان کرتا ہوں!

طاھر

جناب سرفروش صاحب !

آپ کا احتجاج بجا سہی، مگر یہ تھریڈ ابھی کھلا ہے۔ آپ دوسرے تھریڈز کیلیئے احتجاج جاری رکھیں اور ادھر کام۔ آپ کے ذمہ ابھی کافی جوابات باقی ہیں۔واک آؤٹ‌ہونے سے بہتر ہے کہ آپ اس تھریڈ کے ذریعہ اپنے خیالات کا اظہار کریں۔ انتظامیہ یقیناً آپ کو مطمئن کرنے کی کوشش کرے گی۔

طاہر

__________________
ہمیں خبر ہے لٹیروں کے سب ٹھکانوں کی
شریک جرم نہ ہوتے تو مخبری کرتے

سرفروش

طاہر صاحب، دل جوئی کا شکریہ۔ اس تھریڈ کے ذریعے میں احتجاج جاری رکھوں گا، جوابات کا سلسلہ اُس وقت تک التوا میں‌رہے گا، جب تک انتظامیہ اپنی پوزیشن واضح‌نہیں کرتی۔
والسلام

میاں شاہد

تم کچھ اور کر بھی نہیں سکتے کیونکہ جھوٹ‌کے پاؤں نہیں ہوتے ، تمہیں اس فورم پر حد سے زیادہ رعایت دی گئی مگر تمہیں سوئے وقت ضایع کرنے کے نہ تو کچھ آتا ہے اور نہ تمھارے ایسی اہلیت ہے اس لئے ہم سب جانتے ہیں کہ آج نہیں‌تو کل تم نے یہی ڈرامہ کرنا تھا ، سو کر لیا ۔

اس بار تو ہم نے برداشت سے کام لے کر اس قسم کے لوگوں‌کو کچھ دن برداشت کر لیا مگر آئندہ کوئی بھی غیر مسلم فرقہ اسلام سیکشن میں مذہب سے متعلق تھریڈ نہیں لکھے گا اور نہ اس کی اجازت دی جائے گا اسلامی سیکشن صرف اور صرف اسلامی فرقوں‌کے لئے ہے دیگر مذاہب کے لوگ زیادہ سے زیادہ بات چیت یا عمومی بحث وغیرہ کے سیکشن استعمال کریں اور اس میں بھی کسی باطل مذہب کی تبلیغ‌کی کسی قیمت پر اجازت نہیں‌ہوگی

شکریہ

__________________

فیصل ناصر

سرفروش جس تھریڈ کے بند ہو نے کا رونا رو رہے ہیں
اُس تھریڈ پر عادل سہیل بھائی سے انہوں خود کہا تھا کہ ساری بات ایک ہی جگہ ہورہی ہے
اور ان کو خود دعوت دی یہاں آنے کی
اب جبکہ اُس تھریڈ پر یہاں کا لنک لگا کے اُسے بند کردیا تو سرفروش بلا وجہ شور شرابہ کررہے ہیں
کھسیانی بلی کھمبا نوچے

میاں شاہد

نہیں !‌بلکہ آج انہوں نے دوبارہ سے دو عدد نئے تھریڈ‌لکھے تھے جس میں گوبرشاہی کی تبلیغ‌اور اسی قسم کا مواد بھرا ہوا تھا جسے میں نے " نامنظور "کرتے ہوئے انہیں‌کہا تھا کہ پہلے سے جس تھریڈ‌میں‌بات چل رہی ہے وہیں اپنی بات مکمل کریں جگہ جگہ نئے محاذ کھولنے کی کوشش نہ کریں‌

فیصل ناصر

شاہد بھائی
یہ اور اس قسم کے دوسرے لوگوں کا ایمان صرف پیسہ ہے
ان کے پیرومرشد گوہر نے بھی یہ کھیل صرف پیسے کئے رچایا تھا برطانیہ اور امریکہ سے یہ اس بنیاد پر وظیفے لیتے تھے کہ پاکستان میں ان کو خطرہ ہے
اُس کے جہنم رسید ہونے کے بعد اس پیسے پر کئی گروپ دعویدار ہو گئے جن میں سے ایک یہ بھی ہیں