فیصل ناصر

گوہریہ مذہب بہت خطرناک فتنہ ہے اس کا بانی ریاض احمد گو ہر شاہی ہے گو ہر شاہی نے اس کا آغاز اپنی انجمن سر فرو شانِ اسلام کے نام سے کیا- علماء اسلام اس کو دین سے خارج قرار دیتے ہیں۔

اس فرقے کا طریقہ واردات اس لحاظ سے بہت پر اسرار اور خطر ناک ہے کہ نہ صرف اہلسنّت ہونے کا دعوٰی کرتے ہیں بلکہ اعلحٰضرت امام اہلسنّت مولانا شاہ احمد رضاخا ن صاحب علیہ الرحمہ کی اتباع اور عقیدت کا بھی دم بھرتا ہے فتنہ گو ہر یہ اہلسنّت کو بد نام کرنے اور نوجوانوں کو راہِ حق سے بہکانے کےلئے اہلسنّت کا لیبل لگا کر مسلمانوں کو گمراہ کرتے ہیں ۔
گو ہر شاھی نے اپنی گمراہیت ان تینوں کتابوں میں تحریر کی ہیں جنکے نام ”روحانی سفر ،روشناس اور مینارہ نور“ وغیرہ ہیں اب آپکے سامنے ان کتب کی عبا رات ثبوت کیساتھ پیش کی جارہی ہیں ۔
گو ہر شاہی اور اسکے معتقدین کے عقائد و نظر یات::
عقیدہ :نماز، روزہ ،زکوٰ ۃ اورحج کو اسلام کے وقتی رکن کہا گیا ہے کہ روزانہ پانچ ہزار مرتبہ عوام ،پچیس ہزار مرتبہ امام اور بہتر ہزار مرتبہ اولیاءکرام کو ذکر کرنا لازمی قرار دیا گیا ہے کہ ہر درجہ کے ذکر کے بغیر نماز بے فائدہ ہے اگرچہ سجدوں سے کمر کیوں نہ ٹیڑھی ہوجائے ۔(بحوالہ :کتاب :روشناس صفحہ نمبر 3)
عقیدہ :پیرو مرشد ہونے کے لئے عجیب و غریب شرط قائم کی ہے کہ اگر زیادہ سے زیادہ سات دن میں ذاکر قلبی نہ بنا دے تو وہ مرشد نا قص ہے اور اس کی صحبت سے اپنی عمر عزیز بر باد کرنا ہے ۔
(بحوالہ : کتاب :روشناس صفحہ نمبر6)
عقیدہ :حضرت آدم علیہ السلام نفس کی شرارت سے اپنی ورا ثت یعنی جنت سے نکال کر عالم
نا موت جو جنات کا عالم تھا پھینکے گئے ۔(معاذاللہ )(بحوالہ :کتاب :روشناس صفحہ 8 )
عقیدہ :حضرت آدم علیہ السلام پر یوں بہتان باندھا ہے کہ آپ جب اسم محمد صلی اللہ علیہ وسلم اللہ تعالیٰ کے نام کیساتھ لکھا دیکھا تو خیال ہوا کہ یہ محمد صلی اللہ علیہ وسلم کون ہیں ۔جواب آیا کہ تمہاری اولاد میں سے ہوں گے ۔نفس نے اُکسایا کہ یہ تیری اولا دمیں ہوکر تجھ سے بڑھ جائیں گے یہ ”بے انصافی “ہے اس خیال کے بعد آپ کو دوبارہ سزاد ی گئی۔(معاذ اللہ )(بحوالہ :کتاب :روشناس صفحہ نمبر 9)
عقیدہ :قادیانیوں اور مرزا ئیوں کو مسلمان کہا ہے البتہ جھوٹے نبی کو مان کر اصلی نبی کی شفاعت سے محروم کہا ہے ۔(بحوالہ :کتاب :روشناس صفحہ نمبر 10)
عقیدہ :اللہ تعالیٰ کا خیال ثابت کرکے اس کے علم کی نفی کی ہے ایک دن اللہ تعالیٰ کے دل میں خیال آیا کہ میں خود کو دیکھوں سامنے جو عکس پڑا تو ایک روح بن گئی اللہ اس پر عاشق اور وہ اللہ پر عاشق ہوگئی ۔(معاذاللہ )(بحوالہ :کتاب :روشناس صفحہ نمبر20)
عقیدہ :حضرت آدم علیہ السلام کی شدید ترین گستاخی اور اخیر میں ان پر شیطانی خور ہونے کا الزام لگایا ہے ۔(معاذاللہ )(بحوالہ :کتاب :مینارہ نو ر صفحہ نمبر 8 )
عقیدہ :ذکر کو نماز پر فضیلت دی ۔ذکر کا نیا طریقہ نکالا اور قرآنی آیت کے مفہوم کو بگاڑ کر اپنے باطل نظریہ پر استد لال کیا ہے ۔(بحوالہ :کتاب :مینارہ نو ر صفحہ نمبر17)
عقیدہ :جب تک حضورصلی اللہ علیہ وسلم کی زیارت کسی کو نصیب نہ ہو اسکا امتّی ہونا ثابت نہیں ۔
(بحوالہ :کتاب :مینارہ نو ر صفحہ نمبر24)
عقیدہ :قرآن مجید کی آیت کا جھوٹا حوالہ دیا گیا ہے کہ قرآن مجید میں اللہ تعالیٰ نے باربار ”دع نفسک و تعالیٰ “فرمایا ہے حالانکہ پورے قرآن مجید میں کہیں بھی اللہ تعالیٰ کا یہ فرمان وارد نہیں ہوا۔ (معاذاللہ )(بحوالہ :کتاب :مینارہ نو ر صفحہ نمبر29)
عقیدہ :علماءکی شان میں شدید ترین گستاخیاں کی گئی ہیں ایک آیت کہ جو کہ یہود سے متعلق ہے علماءو مشائخ پر چسپاں کیا ہے ۔(معاذاللہ )(بحوالہ :کتاب :مینارہ نو ر صفحہ نمبر30,31) عقیدہ :حضرت خضر علیہ السلام اور ان کے علم کی تو ہین کی گئی ہے ۔
(بحوالہ :کتاب :مینارہ نو ر صفحہ نمبر35)
عقیدہ :انبیاءکرام علیہم السلام دیدار الہٰی کو تر ستے ہیں اور یہ (اولیاءاُمّت )دیدار میں رہتے ہیں ولی نبی کا نعم البدل ہے ۔(معاذاللہ )(بحوالہ :کتاب :مینارہ نو ر صفحہ نمبر39)
گوہر شاہی اپنی کتاب روحانی سفر کے صفحہ نمبر 49تا50پر رقم طراز ہے ۔
عبارت :اتنے میں اس نے سگریٹ سلگایا اور چرس کی بو اطراف میں پھیل گئی اور مجھے اس نفرت ہونے لگی ۔رات کو الہا می صورت پیدا ہوئی یہ شخص (یعنی چرسی )ان ہزاروں عابدوں ،زاہدوں اور عالموں سے بہتر ہے جو ہر نشے سے پر ہیز کر کے عبادت میں ہوشیار ہیں لیکن بخل ،حسد اور تکبّر انکا شعار ہے اور (چرس کا )نشہ اسکی عبادت ہے ۔
(معاذ اللہ !بالکل ہی واضح طور پر نشہ کو صرف حلا ل ہی نہیں بلکہ عبادت ٹہرایا جا رہا ہے ۔)
ریاض گوہر شاہی کے نزدیک نماز اور درود شریف کی
کوئی خاص اہمیت معلوم نہیں ہوتی
جیسا کہ روحانی سفر ص 3پر اپنے بارے میں لکھتا ہے ۔
عبارت :اب گو لڑہ شریف صاحبزادہ معین الدین صاحب سے بیعت ہوا انہوں نے نمازکیساتھ ایک تسبیح درود شریف کی بتائی ۔میں نے کہا اس سے کیا ہوتا ہے کوئی ایسی عبادت ہو جو میں ہر وقت کر سکوں (یعنی (معاذاللہ )نماز اور درود شریف سے کچھ فائدہ نہیں ہوتا )۔
گوہر شاہی نے جو روحانی منازل طے کئے ہیں ان میں عورتوں کا بھی بہت زیادہ دخل ہے ۔نہ شرم ،نہ حیا ۔ا سکے روحانی سفر میں ایک مستانی کا خصو صیت کیساتھ دخل ہے ۔
عبارت :میں دن کو کبھی کبھی اس عورت کے پاس چلا جاتا وہ بھی عجیب و غریب فقر کے قصّے سناتی اور کبھی کھانا بھی کھلا دیتی ۔(بحوالہ :روحانی سفر ص 34) عبارت :کہنے لگی آج رات کیسے آگئے ۔میں نے کہا پتہ نہیں اس نے سمجھا شاید آج کی اداو ¿ں سے مجھ پر قربان ہوگیا ہے اور میرے قریب ہو کر لیٹ گئی اور پھر سینے سے چمٹ گئی ۔(بحوالہ :کتاب : روحانی سفر ص 32)
کیا اس سے زیادہ دلیری کیساتھ کوئی دشمن اسلام دینِ متین کے چہرے کو مسخ کر سکتا ہے ۔کیا شریعت مطہرہ کی تنقیص کے لئے اس سے بھی زیادہ شرمناک پیرا یہ استعمال کیا جاسکتا ہے ۔کیا اپنے مذہب ،اپنے دین ،اپنے عقائد کا اسطرح سے خون کرنے والا یہ شخص مذہبی رہنما ہوسکتا ہے ؟
آج کل گوہر شاہی کے چیلوں نے ”مہدی فاؤنڈیشن “ کے نام سے کام کرنا شروع کردیا ہے یہ جماعت دوبارہ سرگرم ہورہی ہے اس کے کارکنان دنیا بھر میں ای میل اورخطوط کے ذریعہ خباثتیں پھیلارہے ہیں اس طرح گوہر شاہی کی فتنہ انگیز جماعت دوبارہ سرگرم ہوگئی ہے ۔
مسلمانوں کو اس فتنے سے بچنا چاہیے ۔

فیصل ناصر

متنازعہ مسائل کے خدائی فیصلے

سرفروش

محترم، لگتا ہے کہ آپ بیعت کے بارے میں‌کچھ نہیں‌جانتے، بیعت کا مطلب ہی بک جانا ہوتا ہے اور یہ بیعت کامل مرشد کے ہاتھ پر کی جاتی ہے بصورتِ‌دیگر جہاں سے باطن میں‌فیض ہوجائے، وہیں سے باطنی بیعت بھی ہوجاتی ہے۔ گوکہ بیعت بظاہر مرشد کے ہاتھ پر کی جاتی ہے لیکن مطمعِ‌نظر اللہ کے لئے بکنا ہی ہوتا ہے چونکہ ذریعہ و وسیلہ مرشد کا ہوتا ہے، اسی لئے طریقت میں‌چار اہم منازل ہوتی ہیں:
پہلی منزل فنا فی الشیخ
دوسری منزل فنافی الغوث
تیسری منزل فنا فی الرسول
اور چوتھی منزل فنا فی اللہ کی ہوتی ہے۔
پیرومرشد حضورسیدنا ریاض احمد گوھر شاہی مدظلہ العالیٰ کا فرمان ہے کہ کامل مرشد پر لازم ہے کہ سالک (مرید) کو بارہ سال میں‌ ذاکرِ قربانی کے درجے پر پہنچا کر بارگاہِ‌رسالت صلی اللہ علیہ و سلم میں‌ منظورِ نظر کرادےاور جو شخص لوگوں‌کو بیعت کررہا ہوں‌اور اُن کو بارہ سال کے عرصے میں روحانی منازل وکمالات سے بہرہ مند نہ کراسکے، اُس کے لئے سلطان العارفین، برھان الواصلین فنا فی ذاتِ‌عین یاھو حضرت سخی سلطان باھورحمتہ اللہ علیہ فرماتے ہیں کہ ایسے مرشدِ‌لاحاصل کو بوری میں بند کرکے دریا میں‌بہادو کہ وہ سالک کے زندگی اور تخمِ کا قاتل ہے۔
میں نے آپ سے پہلے بھی عرض کیا کہ یہ چھوٹی چھوٹی غلط فہمیاں ہیں، جن پر اگر منصف مزاجی سے غور کیا جائے توشیروشکر ہوسکتے ہیں۔ واللہ عالم بالصواب!

فیصل ناصر

گوھر شاہی کے لئے
فنافی النّار

سرفروش

میں تمہیں سمجھانے کی بہت کوشش کی ہے اور کئی دفعہ تمہیں یہ بھی بتلایا کہ اگر اللہ نے تمہیں حق کو سمجھنے کی توفیق نہیں دی تو بلا سوچے سمجھے مخالفت نہ کرو کیونکہ اللہ تعالیٰ اپنے محبوبوں کی گستاخوں‌کبھی معاف نہیں کرتا لیکن تم جیسے یزید اور ابن ملجم کے پیروکار، کم نسل و کم عقل، جن کوبہر صورت آگ ہی نصیب ہوگی۔ انشاء اللہ

چیتا چالباز

12 سال کی حساب سے تو 48 سالہ کورس ہوا اور یہ کیا کہ 12 سال بعد شاگرد تو پرباد ہو ہی گیا استاد کو بھی بوری بند کر دیا گیا۔

"کون جیتا ہے تیری زلف کے سر ہونے تک"

بھائی حدیث نبوی ہے کہ جب نماز پڑھو تو اپنی زندگی کی آخری نماز سمجھ کر پڑھو۔
دوسری حدیث میں فرمایا کہ جو سانس میں نے اندر لی ہے میں نہں جانتا کہ مہں باہر بھی نکال پائونگا۔
نبی کو بھی اپنی زندگی کے بارے میں نہں معلوم اور ہم 48 سالہ پروگرام بنائے بیٹھے ہیں

سرفروش

محترم، اگر آپ اس معاملے کی نوعیت کو سمجھتے ہوئے سنجیدگی کا مظاہرہ کریں تو اس طرح کی چھوٹی چھوٹی غلط فہمیوں‌میں‌نہیں‌پڑینگے۔ پہلی تو بات یہ کہ میں نے واضح طور پر لکھا ہے کہ کامل مرشد پر لازم ہے کہ 12 سال کے عرصے میں‌سالک کو طہارتِ قلب و تذکیہء نفس کے اُن مراتب پر پہنچا دے کہ 12 سال کے عرصے میں‌وہ دربارِ‌رسالت صلی اللہ علیہ وسلم تک پہنچادے۔ یہ کامل مرشد کاکمال ہے۔ محترم آپ کی اطلاع کے لئے اس بارہ سال کے عرصے میں‌شریعت و طریقت کی پابندی لازمی ہے اور ایک چھوٹی سے غلطی (جیسے قصدا نماز قضا کردینا یا خلافِ‌شریعت کسی فعل کا ارتکاب) اس مدت کو ڈبل کردیتی ہے۔ جہاں تک بات رہی زندگی کی بے ثباتی کی تو میرے محترم موت کے ڈر سے ہم عبادت کرنا تو نہیں‌چھوڑ سکتے بلکہ یہ زیادہ اچھا ہے کہ زیادہ سے زیادہ عبادات و نیک اعمال و افعال کئے جائیں۔ اللہ تبارک وتعالیٰ‌ہم سب پر اپنی رحمتوں کا نزول فرمائے! آمین

چیتا چالباز

جناب یہ فنا فلغوث کیا ہے؟
اور غوث کون ہے؟

سرفروش

محترم، فنا فی الغوث راہِ‌طریقت میں‌تمام سلاسلِ تصوف کے لئے ایک اہم منزل ہے اور غوث سے مراد حضور سیدنا شیخ عبدالقادر جیلانی قدس سرہ العزیزکی ذات اقدس ہے جوکہ تمام اولیاء اللہ کے سردار ہیں۔

چیتا چالباز

معذرت کےساتھ اپنی کم علمی کا اعتراف کرتے ہوئے یہ معلوم کرنا چاھتا ہوں کہ طریقت، راہ طریقت، تصوف سے کیا مراد ہے؟

سرفروش

میرے محترم، شریعت میں جسم عمل کرتا ہے، طریقت میں‌ باطنی صفائی و قلبی اطاعت ہوتی ہے جبکہ تصوف صوفیوں کی پیروی کرنے کو کہتے ہیں۔

چیتا چالباز

بھائی اگر عبادت میں دل اور دماغ حاضر نہ ہو تو یہ منافقت ہو گی۔ قرآن میں اللہ سبحانہ وتعالٰی نے فرمایا،

(( ان المنٰفقین یخدٰعون اللّٰہ وھو خادعھم واذا قاموآ الی الصلوٰۃ قاموا کسالی یراؤن الناس ولایذکرون اللّٰہ الا قلیلا )) ( سورۃ النساء : 142 )
” یہ منافقین اپنی اس دورنگی چال سے اللہ تعالیٰ کے ساتھ دھوکہ بازی کرتے ہیں جبکہ اللہ تعالیٰ ان منافقوں کو دھوکہ دے رہا ہے اور جب وہ نماز کے لئے کھڑے ہوتے ہیں تو کسمساتے ہوئے ( سست ) کھڑے ہوتے ہیں اور دوسرے لوگوں کو دکھانے کے لئے نماز پڑھتے ہیں اور اللہ تعالیٰ کا ذکر برائے نام کرتے ہیں ۔ “

منافق لوگوں کا تو کام ہی دوکھا فریب کاریوں سے اپنا مفاد حاصل کرنا ہے اور جو وہ پروپیگنڈہ کرتے رہتے ہیں تو اللہ تعالیٰ ان سے مسلمانوں کو وحی کے ذریعہ بتا دیتے ہیں تو وہ اپنے پروپیگنڈہ میں نامراد رہنے کے علاوہ مسلمانوں کی نظروں میں ذلیل و خوار بھی ہو جاتے ہیں پھر کوئی اور پینترا بدل لیتے ہیں تو کافر ان سے بدظن ہو جاتے ہیں اس طرح ان کی فریب کاریوں کا وبال انہی پر ہی پڑتا رہتا ہے ۔

سرفروش

آپ نے بالکل بجا فرمایا، کہیں‌بھی کوئی ایسی بات نہیں‌جوکہ ہمارے عقائد و نظریات کے منافی یا متصادم ہو۔

چیتا چالباز

جناب آپ کیوں سوچ رہے ہیں کہ میں آپ یا آپ کے عقائد پر تنقید کر رھا ہوں؟
میں تو آپ سے آگاہی حاصل کر رہا ہوں اور اپنی معلومات آپ تک پہنچا رہا ہوں

سرفروش

جناب، میں نے قطعی یہ نہیں‌سوچا کہ آپ ہمارے عقائد و نظریات پر تنقید کررہے ہیں‌، خوش آئند بات یہ ہے کہ آپ جیسے لوگ اس فورم پر موجود ہیں جوکہ مخالفت برائے مخالفت کی بجائے بات کو سمجھنے اور سمجھانے کے قائل ہیں۔ میں نے تائید اس لئے کی کہ اس فورم کے صارفین کو بھی پتہ چل جائے کہ ہم بھی ایک عام مسلمان کی طرح تمام ارکان دین و دیگر عقائد صحیحہ کے پیروکار ہیں کیونکہ ہمارے خلاف پروپیگنڈہ کچھ اس طرح کا کیا جاتا ہے کہ نامعلوم ہم کسی نئے دین کو لے کر چل رہے ہیں جبکہ حقیقت اس کے برعکس ہے۔
آپ خود حضور سیدنا ریاض احمد گوھر شاہی مدظلہ العالیٰ کے خلاف دئیے گئے علماء سو کے فتوؤں پر ایک نظر ڈالیں تو جس طرح کی منظر کشی حضور قبلہء عالم کے تعلیمات کی کی گئی ہے وہ سراسر حقائق کے منافی ہے اور اس پہ مستزاد یہ کہ ایسی بے بنیاد و من گھڑت باتوں‌ پر نام نہاد فتوٰی فروشوں‌نے لاتحقیق فتوے صادر کرکے ہمیں کافر و ملحد اور نہ جانے کیا قرار دے دیا۔
اللہ تبارک و تعالیٰ ہمیں صحیح پہچان کرنے کی توفیق عطا فرمائے! آمین

فاروق سرورخان

گوھر شاہی ہو یا جوھر شاہی یا کوئی اور شاہی، جو کوئی بھی انسان کی پرستش کرتا ہے ، مشرک کہلاتا ہے۔ مشرک ہونا سب سے بڑا گناہ کبیرہ ہے، صرف ایک اللہ کی عبادت کیجئے، رسول اللہ صلی اللہ علیہ وسلم کے بعد کوئی نبی نہیں آیا نہ ہی آئے گا، یہ مسلمانوں کا پختہ عقیدہ ہے۔ اس کے باوجود لوگ اپنے پیروں، اماموں، مولوی، ملا اور آیت اللہ کی ایسی عبادت کرتے ہیں کہ جو صرف اللہ کا حق ہے۔

آپ صرف گوھر شاہی چھوڑ دیجئے، اور ایک اللہ پر ایمان رکھئے۔ پھر آپ سے کیا مباحثہ۔ آپ کو اسلام کی دعوت دیتا ہوں کہ آئیے ہم اپنے نبی اکرم کے فرمان کے مطابق، صرف اور صرف ایک اللہ کی عبادت کریں۔ اور کسی گوھر شاہی، ملا، مولوی آیت اللہ، ، مسیحا، مہدی، امام، پیر، جن پری ، پرنس، پوٹینٹے یا کسی بھی نام سے پکارے جانے والے نبی پر ایمان نہ رکھیں۔ اگر زکواۃ ادا کرنی ہے تو حکومت الوقت کو ادا کریں نہ کہ کسی نہ کسی نام سے اپنے فقیروں کو۔ یہ حرکتیں ، یہ ایمان، یہ شرک ، اسلام کے مخالف ہے۔ آپ ن معلوم نہیں بلکہ جانے بوجھتے ہوئے ---- کسی نئے دین کو لے کر چل رہے ہیں -----

والسلا م