کینڈی ٹیسٹ :708شکار، مرلی دھرن نے شین وارن کا ریکارڈ برابر کردیا
کینڈی ٹیسٹ :708شکار، مرلی دھرن نے شین وارن کا ریکارڈ برابر کردیا
کینڈی ( جنگ نیوز) سری لنکا کے اسپنر متیاہ مرلی دھرن نے ٹیسٹ کرکٹ میں سب سے زیادہ وکٹیں لینے کا آسٹریلوی لیجنڈ شین وارن کے ریکارڈ کو برابر کردیاہے۔مرلی دھرن نے شین وارن کی دنیائے ٹیسٹ کرکٹ میں 708 وکٹیں لینے کا ریکارڈ برابر کیا۔مرلی دھرن نے اس سنگ میل کو عبور کرنے کے لیے ہوم گراؤنڈ میں انگلینڈ کے خلاف جاری پہلے ٹیسٹ میچ میں چار وکٹیں لیں ۔ٹیسٹ میچ کے دوسرے دن انگلینڈ نے 6 وکٹوں کے نقصان پر 186 رنز اسکور کیا جبکہ اپنی پہلی اننگز میں سری لنکن ٹیم 188 رنز بناکر آؤٹ ہوگئی تھی ۔مرلی دھرن کی ریکارڈ کو توڑنے کی خواہش بارش نے سبوتاژ کردی جس کی وجہ سے دوسرے دن کا کھیل جلد ہی ختم کردیا گیا۔ بیل نے 83 اور مائیکل وان 37 رنز کے ساتھ دوسرے وکٹ کے لیے 107 رنز کی شراکت داری کی تاہم مرلی دھرن نے 30 رنز کے عوض چار وکٹیں حاصل کیں اور انگلینڈ نے اپنی پانچ وکٹیں محض 78 رنز کے اضافے سے کھودیں۔سری لنکا کو پہلے روز ہی 188 کے اسکور پر ڈھیر کرنے کے بعد مہمان ٹیم اچھی پوزیشن میں آگئی تھی اور این بیل اور مائیکل وان نے مارننگ سیشن میں نہایت شاندار کھیلا اور انگلینڈ ایڈوانٹیج لینا چاہتاتھا۔
__________________
http://voobuzz.com it's the place where you can talk about things you find interesting, Share updates, photos, videos, and more.
|