champion_pakistani

پاکستان کرکٹ ٹیم کے سابق کپتان وسیم اکرم نے کہا ہے کہ پاکستان کی ٹیم دنیا کی بہترین ٹیم ہے اس کو چیمپئنز ٹرافی میں کامیابی حاصل کرنے کیلئے ابھی سے حکمت عملی بنانا ہوگی، محمد یوسف دنیا کا بہترین بیٹسمین ہے۔ میڈیا سے بات چیت کرتے ہوئے وسیم اکرم نے کہا کہ پاکستان کی ٹیم کو چیمپنئز ٹرافی میں اگر کامیابی حاصل کرنی ہے تو ابھی سے حکمت عملی تیار کرنا ہوگی اور اپنی تمام کمزوریوں پر قابو پانا ہوگا پاکستان کی ٹیم دنیا کی بہترین ٹیم ہے یہی ٹیم اگر لگن اور محنت سے کھیلے تو کوئی شک نہیں پاکستان کامیابی حاصل نہ کرے ۔ انہوں نے کہا کہ پاکستان کا بولنگ اٹیک اس وقت بہترین ہے محمد آصف، سہیل تنویر، عمرگل کسی بھی ٹیم کے خلاف بہترین کارکردگی سے اپنی ٹیم کو فتح دلاسکتے ہیں۔ بیٹنگ میں محمد یوسف، یونس خان، سلمان بٹ، جمشید ناصر، مصباح الحق وغیرہ موجود ہیں جو لمبی اننگز کھیلنے کی صلاحیت رکھتے ہیں اور مخالف ٹیم کے خلاف پاکستان کے لئے بڑا اسکور کرنے میں مدد دیں گے۔