عبدالقدوس

پاکستان سے ون ڈے سیریز کیلئے ٹیم میرٹ پر منتخب کی گئی،وینگسارکر

بھارتی چیف سلیکٹر دلیپ وینگسارکرنے کہاہے کہ پاکستان کے خلاف ابتدائی دوون ڈے میچزکے لیے اسکواڈکاانتخاب خالصتاًًمیرٹ کی بنیاد پر کیا گیا ہے۔راہول ڈریوڈکوپاکستان کے خلاف پہلے دومیچزکے لیے بھارتی اسکواڈمیں شامل نہیں کیا گیاہے۔ وینگسارکرنے کہاکہ آپ ہرایک کوخوش نہیں رکھ سکتے۔ہربار کامیابی حاصل کرنے والے کھلاڑیوں کاایک بہترین امتزاج منتخب کرنا پڑتاہے۔ بھارتی چیف سلیکٹرنے کہاکہ ہم سے کسی بھی کھلاڑی کے انتخاب کے بارے میں استفسارکیاجاتاہے کہ اس کھلاڑی کوکیوں منتخب کیاگیااوراگرکسی کھلاڑی کوڈراپ کیاجاتاہے توہم سے پوچھاجاتاہے کہ اس کھلاڑی کوڈراپ کیوں کیا گیاتاہم کسی بھی صورتحال میں ثابت قدم رہنالازمی ہے۔وینگسارکرنے کہاکہ کسی بھی کھلاڑی کواس کی فارم ،فٹنس اورخالصتاًمیرٹ کی بنیادپرمنتخب کیا جاتاہے۔ آپ کرکٹ دیکھتے ہیں اورجانتے ہیں کہ کھلاڑی کتنی اچھی بیٹنگ کررہاہے اورفارم میں ہے یانہیں۔اس موقع پروینگسارکرنے”آوٴٹ آف فارم“کامفہوم واضح کرنے سے گریزکیا۔انہوں نے کہاکہ جب آپ ایک کھلاڑی کومنتخب کرتے ہیں تواس کامطلب ہوتاہے کہ آپ کواس کھلاڑی پریقین ہے جب تک وہ آپ کوغلط ثابت نہ کردے تاہم یہ انتہائی غیرمعمولی بات ہے۔اگرایک کھلاڑی پانچ میچز میں کارکردگی کامظاہرہ نہیں کرتاہے تواسے باہرہوناچاہیے تاہم آپ ایسا نہیں کرسکتے۔ ایک سینئرکھلاڑی کوڈراپ کرنے کے بارے میں وینگسارکرنے کہاکہ سینئر،جونےئریادرمیانی عمرکے کھلاڑیوں جیساکوئی نہیں ہے۔کوئی کھلاڑی محض نوجوان ہونے سے انٹرنیشنل کرکٹ میں جگہ نہیں بنا سکتا۔ہرکھلاڑی میرٹ،فارم اورفٹنس کی بنیادپرہی منتخب ہوتاہے۔

__________________