خرم شہزاد خرم

کراچی ( اسٹاف رپورٹر) پاکستانی کرکٹ ٹیم کے کپتان شعیب ملک نے کہا ہے کہ آئی سی سی ورلڈ ٹوئنٹی20 میں پاکستان بہ آسانی آخری چار ٹیموں میں جگہ حاصل کرسکتا ہے جبکہ ٹورنامنٹ میں پاکستانی بولنگ کا کردار اہم ہوگا۔ پاکستان ٹیم کو فتح حاصل کرنے کیلئے اپنے صف اول کے بولروں سے میچ وننگ کارکردگی درکار ہے۔11/سے 24/ستمبر تک جنوبی افریقا میں ہونے والے ٹورنامنٹ میں پاکستان سمیت12ٹیمیں حصہ لیں گی۔ پاکستان 12ستمبرکو اسکاٹ لینڈ اور14ستمبرکو بھارت سے مقابلہ کرے گا۔ سیمی فائنل 22 ستمبر اور فائنل 24 ستمبرکو کھیلاجائے گا۔ ہفتے کو مقامی ہوٹل میں نمائندہ جنگ کو انٹرویو دیتے ہوئے شعیب ملک نے کہا کہ پاکستان کے پاس دنیا کے بہترین بولروں کے علاوہ صف اول کے آل راؤنڈر ہیں۔ متوازن ٹیم کی موجودگی میں پاکستان کو سیمی فائنل تک ضرور رسائی حاصل کرنا چاہیے لیکن پاکستان کی کارکردگی میں اس کے فاسٹ بولروں کا کردار اہم ہوگا۔ انہوں نے کہا کہ ہمارے پاس شعیب اختر، محمد آصف، عمرگل اور راؤ افتخار انجم جیسے اچھے بولرز موجود ہیں جو دنیا کی بڑی سے بڑی بیٹنگ لائن کو تباہ کرسکتے ہیں۔ 20/اوورزکی کرکٹ مار دھاڑ سے بھرپور کرکٹ ہے، اس طرزکی کرکٹ میں اگر بولر حریف ٹیم کو کم اسکور پر آؤٹ کردیں یا حریف ٹیم کو بڑا اسکور کرنے نہ دیں تو پھر اس ٹیم کی جیت کے امکانات بڑھ جاتے ہیں۔ پاکستان کے پاس شاہد آفریدی،کامران اکمل، عبدالرزاق جیسے ورلڈکلاس آل راؤنڈرز موجود ہیں اتنی بڑی تعداد میں آل راؤنڈرز دنیا کی کسی اور ٹیم میں نہیں ہیں۔ شعیب ملک نے کہا کہ ورلڈ کپ سے قبل پاکستانی کھلاڑیوں نے بھرپور تیاریاں کی ہیں۔ لاہورکے کیمپ کے دوران ہم نے جنوبی افریقا جیسی باؤنسی وکٹوں پر ٹریننگ کی، تاہم کراچی کی نئی تیار ہونے والی وکٹ قدرے سلو ہے۔ انہوں نے کہا کہ پاکستان کے اوپنرز اچھی فارم میں ہیں، ٹوئنٹی 20 ورلڈ کپ میں عمران نذیرکی کارکردگی بے حد اہم ہوگی، سلمان بٹ نے پریکٹس میچوں کے دوران بڑی اچھی بیٹنگ کی ہے۔ نمبر تین پر یونس خان کی واپسی سے بیٹنگ لائن بے حد مضبوط ہوگی۔

__________________

پاکستانی لڑکی

اللہ کرے!

خرم شہزاد خرم

شکریہ