خرم شہزاد خرم

بنگلور میرے لیے لکی گراؤنڈ ہے،اننگز میں پانچ وکٹ ہدف ہے، کنیریا



بنگلور (نمائندہ خصوصی) پاکستان کی جانب سے دو سو سے زائد وکٹیں حاصل کر نے کے باوجود دانش کنیریا کی بولنگ کو ہمیشہ ماہرین کی جانب سے تنقید کا سامنا کرنا پڑتا ہے لیکن اس میں کوئی شک نہیں ہے کہ دانش میچ ونر ہیں ۔جنگ سے بات چیت کرتے ہوئے کنیریا نے کہا کہ میں بنگلور میں دوسال قبل اپنی بولنگ کو فراموش نہیں کرسکا ہوں اس بار بھی میرا ہدف اننگز میں پانچ وکٹیں حاصل کرنا ہے میں نے ہمیشہ اس میچ میں کارکردگی دکھائی جب ٹیم کو ضروت پڑی ۔2005 میں چناسوامی اسٹیڈ یم میں پاکستان نے570 رنز بنائے ہم نے بھارت کو 449 رنز تک محدود رکھا میں نے39 اوورز میں127رنز دے کر پانچ وکٹ حاصل کیے دوسری اننگز میں ہم نے بھارت کو مشکل ہدف دیا اور مشکل ترین لمحات سے گذرنے کے بعد ہم نے میچ 168رنز سے جیت لیا میں نے46 رنز دے کر دو کھلاڑیوں کو آؤٹ کیا ، اس بار بھی یہی ہوگا۔دانش کنیریا نے کہا کہ وکٹ کیسی ہی ہو میں اس پر بولنگ کر نے کی صلاحیت رکھتا ہوں بنگلور میرے لیے لکی گراؤنڈ ہے ۔میری ٹیم یہاں سیریز برابر کرنا چاہتی ہے مجھے2005 کادورہ اب بھی اچھی طرح یاد ہے جب ہمیں سیریز برابر کرنا تھی میرا کام بھارتی بیٹنگ کو ٹارگیٹ کرکے درمیانے اوورز میں وکٹیں سمیٹنا ہے۔