خرم شہزاد خرم

نارتھمپٹن (نمائندہ خصوصی) پاکستان انڈر 19 کرکٹ ٹیم نے پیر کو یہاں تیسرے ایک روزہ میچ میں انگلینڈ انڈر 19 کو 36 رنز سے ہرا کر پانچ میچوں کی سیریز میں 2-0 سے برتری حاصل کرلی۔ پہلا میچ بارش کی نذر ہوگیا تھا، پیر کو تیسرے میچ میں پاکستان نے پہلے کھیلتے ہوئے 50 اوورز میں 235 رنز اسکور کیے۔ عمار امین نے 121 گیندوں پر 8 چوکوں اور ایک چھکے کی مدد سے 88 رنز کی اننگز کھیلی، جبکہ عثمان صلاح الدین 63 رنز سے دوسرے نمایاں بیٹسمین رہے۔ انہوں نے 80 گیندوں پر 3 چھکوں کے ذریعے یہ ہدف حاصل کیا۔ احمد اقبال نے ایک مرتبہ پھر اپنی صلاحیتوں کا بہترین مظاہرہ کیا اور 22گیندوں پر 21رنز کی برق رفتار اننگز کھیلی۔ انگلینڈ کی جانب سے آف اسپنر ہملسٹن براؤن نے 51 رنز دے کر 6 وکٹیں حاصل کیں۔ دوسرے میچ کے مقابلے میں اس میچ میں پاکستانی بیٹسمینوں نے ذمے داری کا مظاہرہ کیا اورکچھ بہتر اننگز کھیلی۔ جواب میں محمد عامر اور احمد اقبال کی خوبصورت بیٹنگ کے سامنے انگلش بیٹسمین زیادہ مزاحمت نہ کر سکے اور پوری ٹیم 24گیند قبل 199 رنز پر سمٹ گئی۔ ہملسٹن براؤن نے بیٹنگ میں بھی اچھی کارکردگی دکھائی، 70 گیندوں پر 33رنز کے ساتھ نمایاں بیٹسمین ثابت ہوئے۔ ووکس نے 32رنز اسکور کیے۔ محمد عامر نے 30 اور احمد اقبال نے 18رنز کے عوض 4 اور 2وکٹ لیے۔ محمد رمیز اور عماد وسیم نے بھی ایک ایک کھلاڑی کو آؤٹ کیا۔

__________________

پاکستانی لڑکی

ہم کسی سے کم نہیں۔۔۔۔ اسکا ہم کو ہے یقیں!