عبدالقدوس

آصف اور عمر گل کو کاؤنٹی کرکٹ کھیلنے کی اجازت نہ دینے کا فیصلہ

پاکستان کرکٹ بورڈ نے فاسٹ بولروں محمد آصف اور عمر گل کو انگلش کاؤنٹی کرکٹ کھیلنے کی اجازت نہ دینے کا فیصلہ کیا ہے، تاہم دونوں فاسٹ بولروں کے نقصان کے ازالے کے حوالے سے پالیسی طے کی جانا باقی ہے۔ محمد آصف کو انگلش کاونٹی سرے نے2008ء کے سیز ن کے لیے معاہدے کی پیشکش کی ہے جبکہ ووسٹر شائر نے عمرگل کو معاہدے کی پیشکش کی ہے۔ پی سی بی کے چیف آپریٹنگ آفیسر شفقت نغمی کا کہنا ہے کہ آصف اور عمرگل نے ہمیں اطلاع دے دی ہے، تاہم دونوں کے معاہدے کے حوالے سے بورڈ نے اپنی پالیسی طے کرنا ہے،کیوں کہ ہم نہیں چاہتے کہ کھلاڑی زیادہ کرکٹ کھیل کر فٹنس مسائل سے دوچار ہوں، پھر پاکستان ٹیم کی مصروفیات کو بھی مدنظر رکھنا ہوگا۔ پاکستان کرکٹ بورڈ کے ذرائع کا کہنا ہے کہ قومی ٹیم کے دونوں صف اول کے فاسٹ بولر انجری کا شکار رہے ہیں اس لیے بورڈ ان کو کاوٴنٹی کرکٹ کی اجازت دے کر ان کے مستقبل کے حوالے سے کوئی خطرہ مول نہیں لیناچاہتا۔ سر ے کا کہنا ہے کہ ان کی آصف کے ساتھ بات چیت مکمل ہو چکی ہے جبکہ ووسٹر شائرنے کہا کہ عمر گل سے معاہدہ کرنے سے قبل پاکستا ن کرکٹ بورڈ سے اجازت لی جائے گی۔ ہمیں علم ہے کہ پی سی بی اجازت نہیں دے گا، تاہم ہم نے پاکستان کرکٹ بورڈ سے رسمی اجازت طلب کی ہے۔ پاکستان کرکٹ بورڈ کے ذرائع کے مطابق فاسٹ بولروں کو انجری سے بچانے کے لیے پی سی بی انہیں انگلش کاوٴنٹی کرکٹ کھیلنے کی اجازت نہیں دے گا۔گزشتہ سال بورڈ نے آصف اور عمر گل کو ایک، ایک لاکھ ڈالرز(60لاکھ روپے) دے کر ان کے نقصان کا ازالہ کیا تھا۔ پی سی بی نے اس سال بھی گزشتہ سال والی پالیسی اپنائی ہے۔ پاکستان کرکٹ بورڈ کے ترجمان احسن حمید ملک نے کہا کہ ابھی فاسٹ بولروں کو کاوٴنٹی کرکٹ کھیلنے کی اجازت دینے اور ان کے نقصان کے ازالے کے حوالے سے پالیسی طے ہونا باقی ہے۔ پاکستان کرکٹ بورڈ نے گزشتہ سیزن میں دانش کنیریا کو کاوٴنٹی کرکٹ کھیلنے کی اجازت دے دی تھی، تاہم مسلسل کاؤنٹی کرکٹ کھیلنے کی وجہ سے ہوم سیریز میں وہ تھکاوٹ کا شکار رہے۔ آئندہ سیزن میں یاسر عرفات، رانا نوید الحسن اور مشتاق احمد بھی کاؤنٹی کرکٹ کھیلیں گے۔ یاسر عرفات کے علاوہ کسی کھلاڑی کا پی سی بی سے معاہدہ نہیں

بشکریہ
جنگ

__________________