وجدان

عذاب تے امتحان!!!!!!!!!!!!!!!!!!

کہندے نے کہ فلاں بندہ اللہ تعالٰی دے عذاب دا شکار اے تے فلاں بندہ امتحان وچ مبتلا جے۔
میں بڑے عرصے توں اے سوچ رہیا سی کہ کس طرح لوگ کہہ دیندے نے کے عذاب ہے یا امتحان۔

سجنوں، مترو تے بیلیوں، بڑا آسان ہوندا اے اے ویکھنا کہ کیدے تے عذاب ہے تے کیدا امتحان، ویکھو سیدھا سادہ جا فارمولا جے،
اگر تسی ویکھو کہ اک بندہ شدید مشکلات دا شکار اے، مالی، جسمانی ہر طرح نال اودے حالت ابتر جے، پر فیر وی ایناں سب چیزاں توں باوجود اپنے رب نال کوئی گلہ نہیں‌کردا، اپنے خالق دا شکر ادا کردا اے، کسی ہور نوں اپنی حالت دا ذمہ نہیں‌دیندا بلکہ خود اپنے اعمال تے پچھتاوندا جے اور توبٰی استغفار وی کردا جے۔ تے ایدا مطلب جے کے او بندہ اللہ تعالٰی دی طرفوں امتحان وچ مبتلا جے، اور تسی اودے نال ہمدردی کر سکدے جے۔

لیکن

اگر اک بندہ بری حالت وچ، انتہائی کسمپرسی نال رہ رہیا جے، اودے حالات قابل رحم نے، توانوں اودے تے بڑا ترس وی آ رہیا اے، پر اوس بندے نال گل کروں تے او تقدیر دے شکوے کرن لگ جاندا اے، وقت نوں برا بھلا کہندا اے، اردگرد دے لوگاں نوں، ماحول نوں اور ہر دوسری چیز نوں اپنی بری حالت دا ذمہ دار ٹھہراندا اے، تے سمجھ لو کہ ایسا شخص اللہ تعالٰی دے عذاب دا شکار اے، اودے توں فوراً پچھے ہٹ جاناں چاہی دااے کیوں‌کہ انج نا ہوئے کہ اسی وی اودے نال اس غذب اور عذاب دی لپیٹ وچ آ جای اے۔

اینی لمبی تمہید دینے دا مقصد صرف اینا اے کہ سانوں سب تو پہلاں‌اپنا آپ ویکھنا چاہی دا، اس فورم تے تقریباً ہر بندہ ملکی حالات دا ذمہ دار مشرفو نوں قرار دیندا اے، ہر بندہ مسلماناں دی دگرگوں حالت دا ذمہ امریکی نمرود نوں دیندا اے،
سجنوں مترو تے بیلیو! جندوں تکر ساڈے اپنے اعمال درست نہیں ہوندے، جدوں تکر اسی اپنے آپ دی اصلاح نہیں کردے، ساڈے اوتے فرعون آندے رہن گے، ساڈے وچ میر جعفر جئے غدار پیدا ہوندے رہن گے، ہر کافر اوٹھ کے ساڈے پیارے نبی دی حرمت تے کجھ نا کجھ کہندا رہے گا، ساڈیاں ماواں مجاہداں دی جگہ تے گلوکاراں نوں جنم دیندیاں‌رہن گیاں، ساڈی دھرتی اناج دی جگہ فساد اگاندی رہے گی۔
اک مشرف جائے گا تے دوجا کوئی ہور آجائے گا، اک بش جائے گا تے کوئی ہور فتنہ بن کے ساڈے سراں تے سوار ہو جائے گا۔

میرے تمام بھائیاں‌ تے بہناں نو نکئی جئی گزارش اے، مینوں اپنا نام اونچا کرن دا کوئی شوق نہیں‌تسی اپنے ناں‌دے نال اے تحریر پبلش کر سکدے او،بس میرا مقصد مردہ دلاں نوں جگان دی اک نکئی جیی کوشش اے، اینوں پھیلا دیو۔
میں‌چاواں گا کے اینوں‌اردو وچ وی لکھیا جاوے۔

شکریہ
فی امان اللہ

تفسیر حیدر

اللہ امتخان وچ کامیاب کرے تے عذاب تو بچائے۔ آمین
بہت چنگا لکھیا تُساں نے۔

champion_pakistani

آمین۔۔۔۔۔۔۔۔۔۔۔۔۔۔۔۔۔۔

کانتا

بوت چنگا لکھا آپ نے پاہ جی۔

ابن جلال

کانتا بہنا ،کدھر وہ آپ بڑے عرصے سے نظر نہیں‌آرہی ؟؟؟؟؟؟؟؟؟؟؟؟؟

(پنجابی‌میں اس لیے نہیں لکھا کیونکہ مجھے پنجابی تھوڑی بہت سمجھ آتی ہے لیکن بولنا اور لکھنا نہیں‌آتا)