|
|||||||
| پنجابی چوپال تمام پنجابی بولن والیے واسطے اے سکشن وکھرا کیتا گیا اے ، ایتھے پنجابی شاعری،ادب تے دوجے ماملیا تے گل بات ہوئے گی |
انار کلی دیاں شاناں
 |
|
|
LinkBack | موضوع کے اختیارات | موضوع کی درجہ بندی | ظاہری انداز |
10-03-08, 08:16 AM
|
#1 |
|
Guest
|
انار کلی دیاں شاناں
انار کلی دیاں شاناں توں کی جانے بھولیے مجے، انارکلی دیاں شاناں ون سونے گاہک نی ایتھے، بھلی و بھلی دکاناں ویکھ نی اڑیے کبھے پاسے وال کسے دے کھلے راہیاں دے پہ کھیڑے پیندے خوشبواں دے ہلے سجے پاسے کھرلی دے وچ بنگالی رس گلے ویکھ کسی نال منہ نہ ماریں، مڑ مڑ پیا سمجھناں توں کی جانے بھولیے مجے، انارکلی دیاں شاناں ویکھ نی جیون جوگیے ایتھے رنگ برنگ پٹولے سیر کریندے نظری آون پریاں دے کجھ ٹولے چھڈ دے کھانے کھل ونیوے، ہون نہ چبیں چھولے چھڈ دے پینے گڑے دے شربت، پی ہون کوکے کولے بوتل دے نال منہ نہ لاویں، منہ وچ پا لیں کانا توں کی جانے بھولیے مجے، انارکلی دیاں شاناں الہڑ شیں مٹیاراں والی چڑتل کہیڑا چہلے مہڈے نال پیا مہڈا کھینداے لگن پے ترکہلے اکھیاں وچ نیں شرم دا کجلہ، منہاں تے نیں پلے اُچااُچا سارے ویکھن کوئی نہ ویکھے تھلے نیویں نظر کیویں کوئی رکھے، اُچیاں ہین دکاناں توں کی جانے بھولیے مجے، انارکلی دیاں شاناں چار چفیرے ٹیڈی پھردے، نوی بہار دے کیڑے چاڑھے ہوئے اچھاڑاں وانگوں پاٹن ہاکے لیرے وکھیاں اتوں کھل کھل جاون ٹچ ٹچ کدے ویڑے جیہڑا ویکھے جیب اپنی ، دنداں ہیٹھ دبیڑے ڈاہڈیاںتنگ پوشاکاں دے وچ پھاسیاں ہویاں جاناں توں کی جانے بھولیے مجے، انارکلی دیاں شاناں جیہڑی تھاویں نظری آون چار مسافر کٹھے اچن چیتی پے جاندے نے پیر تیرے کیوں مٹھے ہل پیو ایتھوں بے وقوفے لوک کرن گے ٹھٹھے اس دکانیں پان وکیندے توں سمجھے نے پٹھے کھایے ساوے پتر تے سویاں کرن زباناں توں کی جانے بھولیے مجے، انارکلی دیاں شاناں آ وڑیا ایں ڈنگر مالا تو اج کیہڑے پاسے پیسے دے نی پُتر سارے ایس گلی دے واسے مہاتڑ ایتھے خالی آندے، خالی کھڑدے کاسے پلے جے کر پیسے ہوون ڈل ڈل پیندے ہاسے بہتیاں مینوں آوندیاں کوئی نیں اکو گل مکاناں توں کی جانے بھولیے مجے، انارکلی دیاں شاناں |
|
جواب: انار کلی دیاں شاناں
Linear Mode
