محبوب عالم

یہاں پر آپ کو پشتو زبان کے بارے میں مکمل معلومات فراہم کی جائیں گی. نیز، پشتو کا فارسی، عربی، اُردو اور پنجابی زبانوں کے ساتھ تعلق کے بارے میں بھی بتایا جائے گا.

محبوب عالم

پشتو ایک قدیم زبان ہے جس کے بارے میں گمان غالب ہے کہ جس حالت میں اِس کی ابتداء ہوئی تھی (اصل پشتو) اب نہیں رہی. اِس کی کئی وجوہات ہیں جن میں ایک تو اِس کے مادری زبان کے طور پر بولنے والوں یعنی افغانیوں یا پٹھانوں کی ابتداء کے بارے میں ابہام ہے. کہ یہ قوم کہاں سے آئی؟ دوسری وجوہات میں متعدد قوموں کے ساتھ اِن کے تعلقات ہیں. اور شاید اِسی وجہ سے پشتو زبان کے بے شمار لہجے ہیں. میرے خیال میں کسی زبان کی قدامت کا اندازہ اِس بات سے بھی لگایا جاسکتا ہے کہ اُس زبان کے کتنے لہجے ہیں. اُردو زبان کا اگر جائزہ لیں تو اس کے چار لہجے ہیں، اِس سے پتہ چلتا ہے کہ یہ زبان زیادہ قدیم نہیں ہے. میری مادری زبان پشتو ہے اور جہاں تک میں نے دیکھا ہے کہ یہاں پر صرف صوبہ پختونخوا میں اِس کی بے شمار بولیا بولی جاتی ہیں. اگر دو علاقوں کے لہجے میں فرق نہیں تو اُن میں کچھ نہ کچھ الفاظ کا فرق ضرور ہوگا. میرا تعلق ضلع چارسدہ سے ہے اور یہاں پر صوابی سے لے کر مردان، چارسدہ اور پھر پشاور کے لہجے میں خاصی یکسانیت پائی جاتی ہے. لیکن پھر بھی بے شمار الفاظ کا فرق موجود ہے. دوسری علاقوں کی پشتو تو دُور کی بات ہے. پاکستان میں جو اصل (کتابی) پشتو ہے اُسے ‘‘ یوسفزئی پشتو’’ کہتے ہیں. اِس میں فارسی، عربی، اُردو اور پنجابی کے بہت سے الفاظ ضم ہوچکے ہیں. افغانستان کی پشتو میں ایسا نہیں ہے. افغانستان اور پاکستان کی پشتو کو اگر مجموعی طور پر دیکھا جائے تو قندھار کا لہجہ سب سے قدیم ہے. باقی تمام لہجے اِسی سے ماخوذ ہیں. چنانچہ، افغانستان میں اصل پشتو یہی قندھار کی پشتو ہے. پاکستان کی پشتو اِس سے قدرے مختلف ہے. یہاں میں آپ کو پاکستانی پشتو بالخصوص کتابی پشتو میں بھی آسان پشتو (جس میں اُردو، فارسی اور پنجابی کی طرح کے الفاظ موجود ہوں) کے بارے میں بتاؤں گا. اُمید ہے آپ کو میری یہ کاوِش پسند آئے گی.

عبدالقدوس

محبوب عالم بھائی بڑی شدت سے انتظار رہے گا

ابن جلال

بہت خوب، محبوب عال صاحب۔ میرا تعلق کوئٹہ سے ہیں اور یہاں کوئٹہ میں بھی پشتوبولنے والوں کے لہجے مختلف ہیں ۔

محبوب عالم

پشتو رسم الخط
پشتو كو عربی رسم الخط میں لکھا جاتا ہے. ہاں البتہ، حروفِ تہجی میں فرق ہے. پشتو کے حروفِ تہجی اُردو ابجد سے ملتے جلتے ہیں. پشتو کے کُل چوالیس 44 حروفِ تہجّی ہیں. ملاحظہ فرمائیے:
ا ب پ ت ټ ث ج ځ چ څ ح خ د ډ ذ ر ړ ز ژ ږ س ش ښ ص ض ط ظ ع غ ف ق ک ګ ل م ن ڼ ہ/ھ/ۀ و ى ئ ي ې ۍ
تفصیل:
الف، ب، پ، ت، ث، ج، چ، خ، د، ذ، ر، ز، ژ، س، ش، ص، ض، ط، ظ، ع، غ، ف، ق، ک، ل، م، ن، و : عربی، فارسی، اُردو کے ابجد کی طرح
ټ : اُردو کی ‘‘ ٹ ’’ کی مانند
ځ : یہ حرف ‘‘ ز ’’ کی آواز دیتا ہے. پشتو گرامر میں کسی جگہ ‘‘ ز ’’ اور کسی جگہ ‘‘ ځ ’’ استعمال کیا جاتا ہے. تاہم، اِس کے صحیح استعمال کے بارے میں صاحب علم افراد کو پتہ ہوتا ہے. لہٰذا، کم دانش رکھنے والے یا پشتو سے نامانوس افراد اِس کی جگہ ‘‘ز’’ استعمال کرسکتے ہیں.
څ : یہ حرف ‘‘س’’ کی آوازی دیتا ہے. پشتو گرامر میں کسی جگہ ‘‘س’’ اور کسی جگہ ‘‘څ’’ مستعمل ہیں. تاہم، پشتو رسم الخط سے نامانوس افراد اِس کی جگہ ‘‘س’’ استعمال کرسکتے ہیں.
ډ : اُردو کے ‘‘ڈ’’ کی مانند
ړ : اُردو کی ‘‘ڑ’’ کے مانند
ږ : اُردو اور فارسی کے ‘‘گ’’ کی مانند. پشتو میں حرف ‘‘گ’’ کو ‘‘ ګ ’’ لکھا جاتا ہے. اصل پشتو میں بعض جگہ ‘‘ ګ ’’ اور کسی جگہ ‘‘ ږ ’’ استعمال ہوتا ہے. تاہم، اگر اِس کی جگہ ‘‘ ګ ’’ استعمال کیا جائے تو کوئی مضائقہ نہیں.
ښ : اِسے ‘‘ خین ’’ کہاجاتا ہے. اور یہ بالکل ‘‘خ’’ کی آواز دیتا ہے. اِس کی جگہ ‘‘خ’’ استعمال کرنے میں کوئی مضائقہ نہیں. لیکن یہ زیادہ تر جگہوں پر خاموش یعنی سائلنٹ ہوتا ہے. بہت قلیل الفاظ ایسے ہیں جہاں پر یہ ‘‘خ’’ کی طرح استعمال ہوتا ہے.
ګ : اُردو اور فارسی کے ‘‘گ’’ کی طرح
ڼ : یہ حرف ‘‘ نڑ ’’ (ن + ڑ) کی آواز دیتا ہے اور زیادہ تر افغانی پشتو میں استعمال کیا جاتا ہے. لہٰذا میں اِس کو نظر انداز کرنے کے حق میں ہوں.
ہ یا ھ : پشتو میں ‘‘ ہ ’’ کا استعمال اُردو اور فارسی سے بالکل مختلف ہے. اُردو میں اگر ہ لفظ کے آخر میں آئے تو بعض جگہوں پر یہ ‘‘ح’’ کی آواز دیتی ہے. جیسے : نقصاندِہ، آرام دِہ. جبکہ پشتو میں اِس کا استعمال عربی کی طرح ہے. لفظ کے آخر میں آنے سے یہ کوئی آواز نہیں دیتی بلکہ ‘‘زَبر’’ کا کردار ادا کرتی ہے. جیسے: ‘‘ دہ ’’ ایسے ہی ہے جیسے ‘‘ دَ ’’ (‘‘ دہ ’’ اور ‘‘ دَ ’’ پشتو میں الگ الگ معانی رکھتے ہیں). ‘‘ ھ ’’ اگر اُردو میں لفظ کے درمیان میں آئے تو یہ خاموش یعنی سائلنٹ ہوتی ہے جیسے: گھر، کھوٹی. جبکہ پشتو میں اِس کے برعکس ہے. ھ پشتو لفظ میں درمیان میں آنے سے ‘‘ ح ’’ کی آواز دیتی ہے. جیسے : جھان (پشتو میں ‘‘ ـہـ ’’ استعمال نہیں ہوتی جیسے اُردو میں ‘‘ جہان ’’).
ۀ : ہ + ء . یہ حرف ‘‘ ہ ’’ سے تھوڑا مختصر کرکے بولا جاتا ہے. جیسے دَ کو دا سے مختصر کرکے بولا جاتا ہے. مثلاً ‘‘ دہ ’’ اور ‘‘دۂ’’ (پشتو میں دہ اور دۂ کی الگ الگ معانی ہیں).
پشتو کے پانچ یا : پشتو میں پانچ یا استعمال ہوتے ہیں جو درج ذیل ہیں:
ی، ي، ې، ۍ، ﺉ
یا کی تفصیل:
ی : بصورتِ اُردو اور فارسی ‘‘ی’’
ي : اِس کا استعمال افغانی پشتو میں زیادہ ہے. لہٰذا میں اِس کو نظر انداز کرنے کے حق میں ہوں.
ې : ‘‘ے’’ کی مانند. اگر اِس کی جگہ ‘‘ے’’ استعمال کی جائے تو کوئی مضائقہ نہیں.
ۍ : یہ زَبر اور ے کی مجموعی آواز دیتی ہے. جیسے اُردو میں لفظ ‘‘جَے’’ (ج پر زَبر ).
ﺉ : اِس کی تفصیل بعد میں آئے گی.

محبوب عالم

اختر مو مبارک شہ!
عید مبارک ہو !

ابن جلال

ښ: یہ شین ’’ش‘‘ کی مانند ہے جبکہ پشاوری لہجے میں محبوب صاحب نے بتادیا ہے ۔

محبوب عالم

جناب! اِسے اصل میں لہجے اور رسم الخط کا فرق کہاجاتا ہے. آپ اِسے ‘‘ش’’ بولتے ہیں کیونکہ آپ کا لہجہ ایسا ہے. چونکہ میں نے ادبی پشتو پڑھی ہے اِس لئے میرے علم میں ہے کہ یہ اصل میں ‘‘خ’’ کی آواز دیتا ہے. جیسے ‏‘‘ پښتو ‏’’ کو اصل میں ‘‘ پختو ’’ بولا جاتا ہے جب کہ آپ کے لہجے میں اِس کو ‘‘ پشتو ’’ کہتے ہیں. کیونکہ آپ ‘‘ ښ ’’ کو ‘‘ش’’ کی طرح ادا کرتے ہیں. جبکہ اصل کتابی پشتو میں ایسا نہیں ہے. اِس کی ایک اَور مثال ‘‘ پیښور ’’ ہے، جسے اصل میں ‘‘ پیخور’’ کہاجاتا ہے جبکہ آپ کے علاقوں/لہجوں میں اِس کی آواز ‘‘پیشور’’ کی طرح ہوتی ہے. اِسی بنیاد پر پشتو کو دو لہجوں کی اقسام میں تقسیم کیا گیا ہے: نرم لہجے اور سخت لہجے. وہ لہجے جس میں ‘‘ ښ ’’ کو ‘‘ش’’ بولا جاتا ہے اُنہیں نرم لہجے کہتے ہیں جیسے آپ کا لہجہ. سخت لہجے وہ ہیں جن میں ‘‘ ښ ’’ کو ‘‘ خ ’’ کی طرح بولا جاتا ہے، جیسے ہمارا لہجہ. نرم لہجے پشاور کے بعد آنے والے علاقوں جیسے خیبر سے شروع ہوکر بلوچستان کے تمام علاقوں میں بولے جاتے ہیں.

ابن جلال

میرے خیال سے اصل کتابی پشتو تو افغانی پشتو ہے جس میں ‘‘ ښ ’’ کو ‘‘ش’’ پڑھا جاتا ہے ۔

بلوچستان میں جسے آپ نرم لہجا کہہ رہے ہیں وہ تقریبا بالکل ہی نہیں بولا جاتا۔یہاں جتنے بھی پشتون ہیں وہ ښ ’’ کو ‘‘ش’’ کی طرح ادا کرتے ہیں

محبوب عالم

زین بھائی! آپ میری بات سمجھ نہیں رہے. میں نے یہ نہیں کہا کہ کونسی پشتو اصلی ہے اور کونسی نہیں. خاکسار نے عرض کی کہ اِسے رسم الخط اور لہجہ میں فرق کہاجاتا ہے. جس طرح پاکستان میں نرم اور سخت لہجے ہیں اِسی طرح افغانستان میں بھی ہیں. اِس کی تفصیل میں میں نہیں جانا چاہتا. آپ چاہے اِسے ‘‘ش’’ کی طرح پڑھیں یا ‘‘خ’’ کی طرح، ہر جگہ ‏‘‘ښ‏’’ ہی لکھا جائے گا. اور جیسا میں نے عرض کیا کہ پشتو ادب میں یہ ‘‘خ’’ ہے اور یہ قاعداً ہے، یعنی اگر یہ ‘‘ش’’ کی طرح استعمال ہوتا تو پھر ‘‘ش’’ کی موجودگی میں اِس کی ضرورت ہی نہ تھی، اِسے حذف کردیتے پشتو حروفِ تہجی سے. شاید آپ کے ذہن میں سوال اُبھر رہا ہے کہ اگر اِسے ‘‘خ’’ کی طرح استعمال کیا جائے تو پھر ‘‘خ’’ موجود ہے اِس ‏‘‘ښ’’ کی کیا ضرورت، تو میں قواعد و ضوابط کی تفصیل میں جانے کی بجائے مختصراً یہ کہوں گا کہ ‘‘ښ‏’’ زیادہ تر الفاظ میں خاموش یعنی سائلنٹ ہوتا ہے جبکہ ‘‘خ’’ اور ‘‘ش’’ نہیں ہوتے. ‘‘ښ‏’’ بہت کم جگہوں پر ‘‘خ’’ کا آواز دیتا ہے. اب اگر آپ اِس کو ‘‘ش’’ کی طرح استعمال کریں گے تو اِس کی خاموش رہنے والی خصوصیت ختم ہوجاتی ہے. اِس کی ایک مثال ملاحظہ فرمائیے: ‘‘ په دے كښے لاړ شه ’’۔ اِس جملے کو اگر آپ اِس طرح لکھیں یا پڑھیں گے تو اِس کی معنی میں فرق آجاتا ہے: ‘‘ په دے كشے لاړ شه ’’. کیونکہ ‘‘ كښے ’’ میں ‘‘ښ’’ سائلنٹ ہے جبکہ ‘‘کشے’’ میں ‘‘ش’’ سائلنٹ نہیں ہے اور یہ لفظ کسی اور معنی میں استعمال ہوتا ہے.

محبوب عالم

مذکر/مؤنث واحد متکلم:

میں : زۀ
میرا : زما
مجھے/مجھ کو : ما ته
میں نے : ما
میرے : زما
میری : زما


مذکر/مؤنث واحد مخاطب:
تُم : تۀ
تیرا/تمہارا : ستا
تمہیں/تُم کو : تا ته
تُم نے : تا
تیرے/تمہارے : ستا
تیری/تمہاری : ستا


مذکر واحد غائب:
وُہ : هغه
اُس کا : دَ هغۀ
اُسے/اُس کو : هغۀ ته
اُس نے : هغۀ
اُسکے : دَ هغۀ
اُسکی : دَ هغۀ


مؤنث واحد غائب:
وُہ : هغه
اُس کا : دَ هغے
اُسے/اُس کو : هغے ته
اُس نے : هغے
اُسکے : دَ هغے
اُسکی : دَ هغے


جمع مخاطب:
آپ : تاسو
آپ کا : ستاسو
آپ کو : تاسو ته
آپ نے : تاسو
آپ کے : ستاسو
آپ کی : ستاسو


جمع غائب:
وُہ : هغوی
اُن کا : دَ هغوی
اُن کو : هغوی ته
اُنہوں نے : هغوی
اُن کے : دَ هغوی
اُن کی : دَ هغوی


یاددہانی:: اُردو میں ‘‘کا’’ یا ‘‘کی’’ مؤنث یا مذکر کی نسبت سے استعمال کئے جاتے ہیں. یعنی اگر اسم یا کوئی چیز مذکر ہو تو ‘‘کا’’ اور اگر مؤنث ہو تو ‘‘کی’’ استعمال ہوتا ہے. لیکن پشتو میں کا یا کی کیلئے صرف ایک حرف ‘‘ دَ ’’ (دال پر زَبر) استعمال ہوتا ہے اور اِس پر اسم کے مذکر یا مؤنث ہونے کا کوئی اثر نہیں ہوتا ہے.

محبوب عالم

مذکر/مؤنث واحد متکلم:

میں : زۀ
میرا : زما
مجھے/مجھ کو : ما ته
میں نے : ما
میرے : زما
میری : زما


مذکر/مؤنث واحد مخاطب:
تُم : تۀ
تیرا/تمہارا : ستا
تمہیں/تُم کو : تا ته
تُم نے : تا
تیرے/تمہارے : ستا
تیری/تمہاری : ستا


مذکر واحد غائب:
وُہ : هغه
اُس کا : دَ هغۀ
اُسے/اُس کو : هغۀ ته
اُس نے : هغۀ
اُسکے : دَ هغۀ
اُسکی : دَ هغۀ


مؤنث واحد غائب:
وُہ : هغه
اُس کا : دَ هغے
اُسے/اُس کو : هغے ته
اُس نے : هغے
اُسکے : دَ هغے
اُسکی : دَ هغے


جمع مخاطب:
آپ : تاسو
آپ کا : ستاسو
آپ کو : تاسو ته
آپ نے : تاسو
آپ کے : ستاسو
آپ کی : ستاسو


جمع غائب:
وُہ : هغوی
اُن کا : دَ هغوی
اُن کو : هغوی ته
اُنہوں نے : هغوی
اُن کے : دَ هغوی
اُن کی : دَ هغوی


یاددہانی:: اُردو میں ‘‘کا’’ یا ‘‘کی’’ مؤنث یا مذکر کی نسبت سے استعمال کئے جاتے ہیں. یعنی اگر اسم یا کوئی چیز مذکر ہو تو ‘‘کا’’ اور اگر مؤنث ہو تو ‘‘کی’’ استعمال ہوتا ہے. لیکن پشتو میں کا یا کی کیلئے صرف ایک حرف ‘‘ دَ ’’ (دال پر زَبر) استعمال ہوتا ہے اور اِس پر اسم کے مذکر یا مؤنث ہونے کا کوئی اثر نہیں ہوتا ہے.

محبوب عالم

فعل: تلل (ت اور ل بہ یک آواز. ل پر زَبر) تلَـل
معنی: جانا . چلنا

فعل: څښل ۔ (عام لہجہ میں: سکل؛ س اور ک بہ یک آواز. ک پر زَبر) څـ : س . ښ : خ
معنی: پینا

فعل: لیکل (ل پر زیر . ک پر زَبر) لِـیـکَـل (ک کی آواز زیادہ اُونچی نہ کی جائے)
معنی: لکھنا

فعل: لوستل (ل پر پیش . ت پر زَبر) لُـوستَـل (ت کی آواز زیادہ اُونچی نہ کی جائے)
معنی: پڑھنا

فعل: کښیناستل (عام لہجہ: کیناستل؛ ک پر زیر . س ساکن . ت پر زَبر) کِـینَـاستَـل (ک کی آواز زیادہ نیچی اور ت کی زیادہ اونچی نہ کی جائے)
معنی: بیٹھنا

فعل: کتل (ک اور ت پر زَبر) کَـتَـل
معنی: دیکھنا

فعل: ښكاریدل (ښ : خ ؛ خکاریدل) (خ اور ک بہ یک آواز . ر پر زیر . د پر زبر) خکارِیدَل
معنی: نظر آنا

ابن جلال

بہت عمدہ
ََََََََََََََََ

محبوب عالم

کچھ بنیادی جملے

یہاں آؤ / یہاں آجاؤ : دلتہ راشہ ( دلتہ : یہاں ، راشہ: آؤ / آ / آجاؤ )
یہاں آیا کرو : دلتہ رازہ ( رازہ : آیا کرو [موقع مناسبت سے])

وہاں جا / وہاں جاؤ : ھلتہ لاڑ شہ ( ھلتہ [عام لہجہ میں ‘‘ اَلتہ یعنی الف+ل+ت+ہ’’] : وہاں ، لاڑ شہ : جاؤ [مذکر واحد])
ھلتہ لاڑہ شہ ( لاڑہ شہ : جاؤ [مؤنث واحد] )
وہاں جایا کرو : ھلتہ زہ ( زہ : جایا کرو [مؤنث و مذکر واحد] ) (نوٹ: زہ اور زۂ میں فرق ہے)

بیٹھو (مذکر و مؤنث واحد) : کینہ (یاددہانی: ‘‘کینہ’’ کی آواز کچھ ایسی ہونی چاہئیے جیسے اُردو میں ‘‘ کہ نہ ’’ کی ہوتی ہے. اگر اِس کو ‘‘ کی نہ ’’ جیسے بولا جائے گا تو اِس سے مراد فارسی کا لفظ کِینہ ہوگا جس کا مطب ہے بیر یا حسد )

گھر جاؤ : کور تہ لاڑشہ (گھر کو جاؤ) / کور تہ زہ