محبوب عالم

محبوب عالم

کیفَ حالکَ ؟ / کیفَ حالکِ ؟ (حالکَ : مذکر ؛ حالکِ : مؤنث)
تم کیسے ہو؟ / تم کیسی ہو؟

طیب / طيبة الحمد لله ۔ و أنتَ ؟ / و أنتِ ؟ (طیب : مذکر ؛ طیبة : مؤنث ؛ أنتَ : مذکر ؛ أنتِ : مؤنث)
ٹھیک ہوں ۔ اور تُم؟

تعبان / تعبانه قليلا. (تعبان : مذکر ؛ تعبانه : مؤنث)
تھوڑا تھکا / تھکی ہوں۔

الفاظ کی معانی:

کیف: کیسا / کیسے / کیسی
طیب: اچھا / ٹھیک (عام عربی میں طیّب کیلئے لفظ ‘‘ قویّص’’ یعنی ق + و + یّ + ص، استعمال ہوتا ہے)
تعبان: تھکاؤٹ
قلیلا ً: قلیل / تھوڑا / ذرا

عبیداللہ عبید

ایک اچھی کاوش ہے لیکن جاری رہنی چاہیے۔

محبوب عالم

ا: مرحبا ً / ألسّلام علیکم! أنا إسمي أحمد.
خوش آمدید / اَسّلام علیکم! میرا نام احمد ہے۔

ب: وَ أنتم / أنتَ / أنتِ۔ ما إسمکم / إسمکَ / إسمکِ / إسمکْ؟
اور آپ/ تُم (مذکر) / تُم (مؤنث)۔ آپ کا / تمہارا (مذکر)/ تمہارا (مؤنث) کیا نام ہے؟

ج: أنا إسمي سليم، و هي إسمُها سلمى/ وَ ھُوَ إسمهُ ماجد.
میرا نام سلیم ہے، اور اس کا نام سلمٰی ہے / اور اس کا نام ماجد ہے۔
د: سُررتُ بلقائكم / بلقائکَ / بلقائکِ / أھلا ً۔
آپ/ تُم (مذکر) / تُم (مؤنث) سے مِل کر خوشی ہوئی / بہت اچھا لگا۔

لفظ معنی
أنا میں
أنتم آپ
أنتَ تُم (مذکر)
أنتِ تُم (مؤنث)
هِيَ اُس / اِس (مؤنث) کا
ھُوَ اُس / اِس (مذکر) کا
إسمي میرا نام
إسمكم آپ کا نام
إسمكَ تمہارا نام (مذکر کی طرف اِشارہ)
إسمكِ تمہارا نام (مؤنث کی طرف اشارہ)
إسمكْ تمہارا نام (مذکر و مؤنث دونوں کیلئے مستعمل)
هِىَ اس کا (مؤنث کی طرف اشارہ)
هُوَ اس کا (مذکر کی طرف اشارہ)
إسمُهَا اِس کا نام (مؤنث کی طرف اشارہ)
إسمهُ اِس کا نام (مذکر کی طرف اشارہ)
لقائكم آپ / تمہاری ملاقات ... آپ / تمہارا ملنا

عبیداللہ عبید

محترم بھائی محبوب عالم صاحب

آپ نے ایک مفید اوراچھے سلسلے کی ابتدا کی ہے اوراس پر آپ شکریے کے مستحق ہیں اورمبارکباد کے بھی کیونکہ فی الوقت ہمارے لوگ عربی سیکھنے کو وقت اور صلاحیت کاضیاع سمجھتے ہیں ۔آپ کی یہ کاوش قابل قدر ہے ۔

چند معروضات پیش کرتاہوں ۔ بجاہوں تو قبول فرمائیں ، درخور اعتنا نہ سمجھیں تو ردی کی ٹوکری میں پھینک دیں اور اپنا سلسلہ جاری رکھیں ۔

1 میرا نام احمد ہےکاترجمہ آپ نے انا اسمی احمد کیا ہے میرے خیال کے مطابق " اسمی " میں یائے متکلم انا کی ضرورت پوری کرتی ہے اور انا کا اضافہ تکرار کاسبب بن سکتا ہے ۔
کچھ یہی حالت انتَ مااسمکَ ؟ انتِ مااسمکِ ؟ انتم مااسمکم ؟ وغیرہ کا بھی ہے ۔


ھی کاترجمہ آپ نے اُس کا / اُس کی تحریر کیا ہے ۔میرے خیال میں یہ بھی قابل ِ غور ہے کیونکہ ھی کی ضمیر عربی میں Subjective Pronoun یعنی ضمیر مرفوع منفصل ہے ۔ ہاں کسی دوسرے اسم کی اضافت کے ساتھ یہ ضمیر کا / کی کامعنی دیتی ہے کیونکہ پھر یہ Possessive pronoun ضمیر مجرور متصل ہوجاتی ہے ۔

ہاں اگر سعودی عرب یا دوسرے عرب ممالک کے عامی زبان Slang language میں اس طرح استعمال ہوتاہو تو اس کا مجھے علم نہیں ہے لیکن فصیح میں یہ چیزیں قابلِ غور ہیں ۔

میں نے یہ معروضات پیش کرنے کے لیے آپ کے ای میل ایڈریس کا سہارا لینا چاہا لیکن آپ نے فورم پر کسی کے پیغام وصول نہ کرنے کاتہیہ کررکھا ہے۔

چیتا چالباز

عبداللہ بھائی آپ نے درست نشاندہی کی ہے.
سعودی عرب میں بھی اس طرح نہیں بولا جاتا.
وہاں تو اس سے بھی زیادہ مختصر بولا جاتا ہے.

عبیداللہ عبید

سعود ناصر صاحب شکریہ

ویسے میراخیال تھا کہ وہاں کی عوامی زبان Slang language میں ( جسے عربی میں عامی / محلی بھی کہتے ہیں ) ممکن ہے اس طرح بولاجاتاہو کیونکہ آج تک گھر سے باہر نکلنے کی توفیق نہیں ہوئی۔

لیکن آپ نے یہ شک بھی دور کیا کہ کہیں بھی اس طرح نہیں بولاجاتا۔

ویسے میرانام عبداللہ نہیں عبیداللہ ہے ۔

محبوب عالم

شکریہ عبیداﷲ بھائی! آپ نے جن نکات کی نشاندہی کی ہے، وہ واقعی قابلِ غور ہیں.

بندۂ ناچیز خود عربی سیکھ رہا ہے اور عربی زبان کے قواعد و ضوابط سے زیادہ واقف نہیں.

أنا إسمي أحمد میں أنا کا استعمال احتراماً ہے، یعنی اِس کو جملے میں شامل کرنے سے جواب زیادہ فصیح ہوجاتا ہے. جبکہ صرف إسمي أحمد کہنے سے بھی متکلم کا جواب مکمّل ہے.

عامي عربی اور فصیح زبان میں بہت فرق ہے. خاکسار نے یہاں فصیح عربی پر ہی اکتفاء کیا ہے. اگر کسی دوست کو عام عربی میں دلچسپی ہو تو اُس کے جملے بھی شامل کئے جاسکتے ہیں.

arslansun

بہت اچھے بہت شکریہ۔۔۔۔۔

عبیداللہ عبید

محترم محبوب عالم صاحب !

مجھے بہت سخت تردد تھا کہ آپ کو ان معروضات کی نشاندہی کروں یانہیں ؟ لیکن پھر " مومن ایک دوسرے کے لیے آئینے کی مانندہیں " پرتوکل کرتے ہومعروضات پیش کردیے اور آپ نے وسعت ظرفی کا مظاہرہ کرتے ہوئے قبول کیے ۔

معروضات قبول کرنے کاشکریہ

آپ کی یہ بات بالکل درست ہے کہ " عامي عربی اور فصیح زبان میں بہت فرق ہے " دنیا کی تمام زبانوں آپ کایہ اصول لاگو ہوتاہے ۔

" اناسمی احمد میں انا کا استعمال تکریم / زیادہ فصاحت کے لیے ہے "

یہ بات محل نطر ہے کیونکہ ہر زبان میں تکریم کے اپنے مواقع ہیں اورپھراس کے لیے مخصوص قواعد ہیں جن کی خلاف ورزی فصاحت کی خلاف ورزی سمجھی جاتی ہے ۔

اسمی احمد ہی ایک مکمل اور فصیح عربی پر مشتمل جواب ہے ۔

عام عربی کے جملے ضرور شامل کیجئے کیونکہ ہم جیسے " گھر بیٹھیے " بھی اس سے استفادہ کریں گے۔لیکن اس کے ساتھ فصیح عربی جملے ضرور شامل کیجئے تاکہ پتہ لگ سکے کہ اس کا مطلب کیا ہے ؟


نوٹ: اگر میرے معروضات آپ کو ناگوار گزرتے ہوں یا اس سے آپ کے کام میں خلل پڑتا ہو تو مجھے ایک مختصر پیغام ای میل ایڈریس پر ارسال کریں ۔

محبوب عالم

آپ کے معروضات ہم پر ناگوار کیوں گزریں گے جناب. یہ تو ہمارے لئے باعث فخر ہے کہ آپ جیسے باذوق افراد سے ہمیں استفادہ کرنے کا موقع ملتا ہے. میرے پوسٹ شدہ اسباق میں کوئی بھی غلطی نظر آئے اُس سے ضرور آگاہ کیجئے. بندۂ ناچیز آپ کا شکر گزار رہے گا.

غازی اسلام

جی بالکل کیونخہ انا متکل کی ضمیر کا فائدہ یا متکلم دے رہی ہے اور میرے خیال میں اس صورت میں تحصیل حاصل کی خرابی لازم آرہی ہے بہرحال آپ حضرات مجھ سے زیادہ سمجھتے ہیں

حضرت بنگش

اگر اس طرح بھی بولینگے تو بھی لوگ سمجھ ھی لینگے کہ اپ کیا بھول رہے ھو اور اپ عربی بھی جلدی سیکھ سکھتے ھے کیونکہ کافی لفظ اپ کے صیح بھی ھے
جیسے کیفَ حالکَ اس کے جواب میں کہتے ھے الحمداللہ زین( زین کے معنی ھے ٹھیک) اور اپ انسے کہے اپ کیسے ھے (کیف انتا) اپ کہا جارھے ھو (وین انتا رخ) مجھے نہیں معلوم (معافی معلوم) وہ موجود نہیں ھے (معافی موجود)

عبیداللہ عبید

محبوب بھائی! آپ کیوں ناراض ہوئے۔اچھے بھلے سلسلے کودرمیان میں چھوڑا۔

براہِ مہربانی اپنا کلاس دوبارہ شروع کیجیے

نورالدین

مجھ نا چیز کا بھی ایک مشورہ حاضر ہے۔۔
اگر آپ لوگ عربی قرآن فہمی کے لیے سکھنا چاہتے ہیں۔ تو اس کے لیے مفتی احمد یار خان صاحب مرحوم کی تحریروں سے استفادہ کیجیے جن کا تعلق انجمن خدام القرآن سے ہے ۔۔ ان کے بعد ان کے کام کو بہترین انداز میں ان کے شاگرد لطف الرحمٰن صاحب نے بڑھایا ہے۔
اس سلسلے میں ان کی بہترین کتاب " آسان عربی گرامر " ہے۔ ویسے تو یہ کتاب استاد کے بغیر بھی کافی کارآمد ہے۔ مگر کسی استاد کی رہ نمائی میں پڑھ لی جائے تو بہت ہی بہترین نتائج کی حامل ہے ۔۔
میری دعا ہے کہ اللہ تمام قران فہمی کے طلبگاروں کی مرادیں پوری کرے۔۔ اور ان کے لیے راستے آسان کرے ۔۔
آمیـــــــــــــن