زبیر

وہ آنکھیں کیسی آنکھیں ہیں؟
وہ آنکھیں کیسی آنکھیں ہیں
جنھیں اب تم چاہا کرتے ہو!
تم کہتے تھے
مری آنکھیں، اِتنی اچھی، اِتنی سچی ہیں
اس حُسن اور سچائی کے سوا، دُنیا میں کوئی چیز نہیں
کیا اُن آنکھوں کو دیکھ کے بھی
تم فیض کا مصرعہ پڑھتے ہو؟
تم کہتے تھے
مری آنکھوں کی نیلاہٹ اتنی گہری ہے
’’مری روح اگر اِک بار اُتر جائے تو اس کی پور پور نیلم ہوجائے‘‘
مُجھے اتنا بتاؤ
آج تمھاری رُوح کا رنگ پیراہن کیا ہے
کیا وہ آنکھیں بھی سمندر ہیں؟
یہ کالی بھوری آنکھیں
جن کو دیکھ کے تم کہتے تھے
’’یوں لگتا ہے شام نے رات کے ہونٹ پہ اپنے ہونٹ رکھے ہیں‘‘
کیا اُن آنکھوں کے رنگ میں بھی،یوں دونوں وقت مِلاکرتے ہیں؟
کیا سُورج ڈُوبنے کا لمحہ،اُن آنکھوں میں بھی ٹھہرگیا
یا وہاں فقط مہتاب ترشتے رہتے ہیں؟
مری پلکیں
جن کو دیکھ کے تم کہتے تھے
اِن کی چھاؤں تمھارے جسم پہ اپنی شبنم پھیلادے
تو گُزر تے خواب کے موسم لوٹ آئیں
کیا وہ پلکیں بھی ایسی ہیں
جنھیں دیکھ کے نیند آجاتی ہو؟
تم کہتے تھے
مری آنکھیں یُونہی اچھی ہیں
’’ہاں کاجل کی دُھندلائی ہُوئی تحریر بھی ہو__تو
بات بہت دلکش ہوگی!‘‘
وہ آنکھیں بھی سنگھار تو کرتی ہوں گی
کیا اُن کا کاجل خُود ہی مِٹ جاتا ہے؟
کبھی یہ بھی ہُوا
کِسی لمحے تم سے رُوٹھ کے وہ آنکھیں رودیں
اور تم نے اپنے ہاتھ سے اُن کے آنسو خُشک کیے
پھر جُھک کر اُن کوچُوم لیا

Kamran_Tabasum

اُجڑے ہُوے لوگوں سے گریزاں نہ ہُوا کر
حالات کی قبروں کے یہ کتبے بھی پڑھا کر
ہر وقت کا ہنسنا تجھے برباد نہ کردے
تنہائی کے لمحوں میں کبھی رو بھی لیا کر
اے دل تجھے دشمن کی بھی پہچان کہاں ہے
تو حلقہء یاراں میں بھی محتاط رہا کر

راجہ اکرام

بہت خوب ہیں وہ آنکھیں بھی لیکن
تمہاری آنکھوں کی تو کیا ہی بات ہے

محمدمبشرعلی

محمدمبشرعلی

مُدت کے بعد اُس نے، سرانجمن ضمیر
دیکھا نِگاہِ عام سے ،خاص کر مجھے

راجہ اکرام

شعر درستگی کا محتاج ہے

mama_shalla

دیکھتے ھی ارمان دل کے، مچل جانے کا سبب کیا ھے
آنکھوں کی ذرا جنبش سے، بہل جانےکا سبب کیا ھے

محمدمبشرعلی

آپ اگرجانتے ہیں تو درست کردیں، میرا حافظہ جواب دے رہاہے

ام غزل

یہ کیسی دھند میں ہم تم سفر آغاز کر بیٹھے۔۔
تمھیں آنکھیں نہیں‌ملتیں‌، ہمیں چہرہ نہیں ملتا

ام غزل

اُسکی آنکھوں‌کو کبھی غور سے دیکھا ہے فراز
سونے والوں کی طرح‌ جاگنے والوں جیسی ۔۔۔۔۔

حسن قادری

یہ آنکھیں
کیسی آنکھیں یہ تو کوئی آیی اسپشلیٹ ھی بتا سکتا ھے کیسی ھیں

فخر بٹ

جڑتے ہوئے دیکھا نہیں ٹوٹے ہوئے دل کو
گر جایئں‌جو آنسو تو اُٹھائے نہیں جاتے

ننھا بچہ

ہم کہ ٹھہرے اجنبی اتنی مداراتوں کے بعد
پھر بنیں گے آشنا کتنی ملاقاتوں کے بعد

حسن قادری

بچے کو کیا خبر ملا قاتیں کیا ھوتی ھین
ابھی آپ جواں ھونگے کئ راتوں کے بعد

حسن قادری

زندگی خوابوں کے محل کی مثل ھے
یہ ٹوٹ جا ئں تو پھر بناے نھیں جاتے
چاھتوں کے وعدے کرتے ھیںسب
مگروقت مشکل یہ نبھائےنیھں جاتے
دور بدلگیا بچے موبائل مانگتے ھیں
بٹ یہ کھلو نوں سے بہلاے نیھیں جاتے