زبیر

اپنی تنہائی میرے نام کرے
کون ہو گا جو مجھے اس طرح یاد کرے

دل عجب شہرکہ جس پہ بھی کھلا در اس کا
وہ مسافر ہر سمت سے اسے برباد کرے

اپنے قاتل کی ذہانت سے پریشان ہوں میں
روز اک موت نئی طرز کی ایجاد کرے

پاکستانی

بہت خوب انتخاب۔۔۔۔۔۔۔۔۔۔۔۔۔۔۔۔

زبیر

شکریہ جناب ۔ ۔ ۔ ۔ ۔ ۔ ۔ ۔ ۔ ۔۔ ۔ ۔

ملک بھائی

کیا بات ہے جناب زبردست

نوائے ادب

اپنی تنہائی مرے نام پہ آباد کرے
کون ہو گا جو مجھے اس کی طرح یاد کرے

دل عجب شہر کہ جس پر بھی کھلا در اس کا
وہ مسافر اسے ہر سمت سے برباد کرے

اپنے قاتل کی ذہانت سے پریشان ہوں میں
روز اک موت نئے طرز کی ایجاد کرے

اتنا حیران ہو مری بے طلبی کے آگے
وا قفس میں کوئی در خود مرا صیاد کرے

سلب بینائی کے احکام ملے ہیں جو کبھی
روشنی چھونے کی خواہش کوئی شب زاد کرے

سوچ رکھنا بھی جرائم میں ہے شامل اب تو
وہی معصوم ہے ہر بات پہ جو صاد کرے

جب لہو بول پڑے اس کے گواہوں کے خلاف
قاضیِ شہر کچھ اس باب میں ارشاد کرے

اس کی مٹھی میں بہت روز رہا میرا وجود
میرے ساحر سے کہو اب مجھے آزاد کرے


آپ سے درخواست ہے شاعر یا شاعرہ کی شاعری کو اسی طرح لکھا کریں جس طرح انھوں نے تخلیق کی ہے بہت شکریہ