وقاص بن حسن

اسلام و علیکم،

اس بحث کا مقصد، اپنے بڑھاپے کے بارے میں آپکی سوچ کو جاننا ہے۔ آپنے کیا پلان کیا ہے کہ بڑھاپا کیسے گزاریں گے؟ سارا وقت صرف مسجد اور اللہ کا ہو گا؟ پوتوں اور نواسوں کے ساتھ کھیل کر گزرے گا؟ بہو، بیٹے، داماد، بیٹیوں، ساس، سسر کے روایئتی جھگڑوں میں گزرے گا؟ بیکار بیٹھ کر بیماریوں کی نظر کریں گے؟ یا کچھ ایسا کر دکھایں گے کہ آپکی آییندہ نسل اور سب پاکستانی آپ پر فخر کر سکیں گے؟

جو بھی آپکی سوچ ہے، لکھیے، تبادلہ خیال کریں۔ اگر نہیں سوچا تو کچھ سوچیں، شاید آپ کسی کی سوچ بدل سکیں یا کسی کی سوچ آپکی زندگی بدل سکے۔

نوٹ: براہ کرم جن خواتین و حضرات نے اس فورم کا تعارف نہیں پڑھا ہے، ان سے گزارش ہے کہ اسے پہلے پڑھ لیں تاکہ اصل مقصد واضح ہو جاے۔ شکریہ۔

اللہ آپ سبکو لمبی اور کامیاب زندگی عطا فرمایئں۔۔۔! آمین۔

دعا گو،

وقاص بن حسن۔

The Great

اچھی معلومات ھے جناب اپ کی۔۔۔

منتظمین

یہ پوسٹ میں‌نے مستقبل میں لکھنے کے لیے مخفوظ کر لی ہے-۔۔۔۔۔۔۔

اکرام

اسلام علیکم وقاص بھائی

آپکی پوسٹ نے واقع سوچنے پر مجبور کر دیا ہے میں جلد ہی اس پر لکھوں گا

وقاص بن حسن

میرے خیال سے مجھے ہی سب سے پہلے اس بارے میں بات کرنی چاہیئے، کیونکہ شاید لوگوں نے کچھ کبھی پلان ہی نہیں کیا یا پھر بڑھاپے کا سوچا ہی نہیں۔ بہرحال اخلاقی طور پر تو یہ ہر کسی کا ذاتی مسلہ ہے کہ وہ اپنی سوچ میں حصہ داری بنائے یا نہیں لیکن اچھی سوچ کو ضرور شیئر کرنا چاہیئے۔

میں نے بہت مرتبہ سوچا ہے اس بارے میں کہ میں اپنے بڑھاپے کو کیسا بناوں گا۔ ویسے میری ذاتی خواہش تو یہی ہے کہ میں کبھی بوڑھا نہ ہوں اس کا مطلب یہ نہیں کہ میری جسمانی حالت نہ بدلے بلکہ مطلب یہ ہے کہ میں تعمیری کاموں میں اتنا محو اور چست رہوں کہ بڑھاپہ آئے ہی نہیں۔

میری سب سے بڑی خواہش تو یہ ہے کہ میں ایک ایسا تعلیمی ادارہ قائم کروں جو کہ دنیا کا سب سے اچھا اور اعلٰی نظام تعلیم متعارف کروائے اور تعلیم مفت تو ایک مقصد ہو گا ہی لیکن سب سے اہم مقصد ایسے دماغ اکٹھے کرنا یا پیدا کرنا کہ جو آگے چل کر دنیا کا نقشہ بدل دیں، جنگ سے نہیں، اخلاق اور اقدار سے۔

تعلیم تو ہم کسی نہ کسی طرح حاصل کر ہی لیتے ہیں مگر اصل فائدہ تو جب ہے کہ ہماری اور ہم سے منسلک لوگوں کی زندگی پر مثبت اثرات بھی مرتب ہوں۔

ایک اور خواہش بھی ہے میری کہ جب میں سب کاموں سے فارغ ہو چکا ہوں یعنی میرے پاس کم از کم ایک کتاب لکھنے کا وقت میسر ہو تو میں اپنی زندگی کے حاصل وصول کا ایماندارانہ اور انتہائی مخلصانہ جائزہ لوں اور لکھ ڈالوں۔ اس سے میرا مقصد ایک تو اپنے پیچھے آنے والوں کو اپنے تجربات (اچھے یا برے) سے آگاہ کرنا ہے اور دوسرا ایک ایسی بحث کے مواقع پیدا کرنا ہے کہ لوگ میرے اچھے برے کو ڈسکس کر کے ، میری زندگی سے بہتر زندگی گزارنے کے حل تلاش کریں۔

شائد یہ بات بھونڈی اور بے تکی لگے لیکن جیسے کسی مردہ شخص کی لاش بطور تحفہ کسی میڈیکل کالج کو دے دی جاتی ہے کہ وہ چیر پھاڑ کریں اور علم حاصل کریں، بالکل اسی طرح میں اپنی زندگی اور اس کے تجربات بطور تحفہ اس معاشرہ کو دینا چاہوں گا۔ شائد یہ کوئی انوکھا تجربہ نہیں ہو گا کیونکہ تاریخ میں بہت ساری شخصیات کی زندگی ہمارے لیے مشعل راہ بنتی رہی ہے بس فرق یہ ہو گا کہ وہ سب مشہور اور عظیم لوگ تھے ، اور میں ایک عام اور گمنام۔ بہر حال میں یہ سمجھتا ہوں کہ میری زندگی میں بہت کچھ ایسا ہے جو لوگوں کے کام آسکتا ہے اور امید ہے کہ جب تک میں یہ سب لکھنے کی پوزیشن میں آوں گا تب تک اور بہت کچھ اکٹھا ہو چکا ہو گا۔

میں امید کرتا ہوں کہ آپ سب بھی کھلے دل سے اپنی سوچ کو شئیر کریں گے۔

اللہ ہم سب کا نگہبان ہو اور ہمیں نیک ہدایت عطا فرما ئے۔ آمین۔۔۔!

فقط،

وقاص بن حسن۔

جمال عتیق

مجھ کو تو ایک پل کی خبر نہیں کہ موت کب آجائے ۔ تو میں تو بڑھاپے کے بارے میں کیا سوچوں ۔ اسلام نے تو ہمیں تعلیم دی ہے کہ زندگی کا کوئی بھروسہ نہیں ہے ۔ تو بڑھاپے کے بارے میں کیسے سوچا جائے ۔ ہمیں تو یہ فکر ہونی چاہیے کہ ہم نے اپنی زندگی کے بعد آخرت کے لئے کیا کیا ہے ۔؟؟؟؟؟؟؟؟؟؟؟؟؟؟ یہ سوچنے کی ضرورت ہے نا یہ کہ بڑھاپے میں کیا کریں گے ۔ اب اگر سوچا اور بڑھاپا ہی نہ آیا تو آپ کیا کریں گے ۔ آپ کی سوچ کا کیا فائدہ ہوگا ۔ ہاں اگر آپ نے سوچا کہ آخرت میں کیا ہوگا ۔ اور میں نے آخرت کے لئے کیا تیاری کی ہے ۔
میری بات کو برا نہ سمجھئیے گا بھائی میں تو بس ایک طالب علم سا آدمی ہوں اور آپ کے تریڈ کو دیکھ کر میرے ذہن میں یہ باتیں آئیں سو میں نے لکھ دیدیں ۔ جزاک اللہ

وقاص بن حسن

اسلام و علیکم،

آپکے جواب کا بہت شکریہ۔ آپکی سوچ اور جذبات کی قدر کرتا ہوں۔

آپنے بالکل درست فرمایا کہ موت کا کوئی وقت مقرر نہیں ہے اور کیا پتا کب آ جائے تو پھر اتنی لمبی پلاننگ کی کیا ضرورت ہے۔ موت تو جوانی سے پہلے بھی آسکتی ہے، بلکہ پیدائیش سے پہلے بھی، تو پھر کیا انسان پیدا نہ ہوں؟ یا پیدا ہو کر اپنے ارتقاٌ اور بقا کی جدو جہد نہ کرے؟ تعلیم لینے ، اخلاقیات سیکھنے، قرآن سیکھنے اور سکھانے کی باتیں، اپنی نسلوں کی تربیت کے لیکچر اور اس طرح کے ہزاروں لاکھوں پیغامات، کیا یہ سب چھوڑ دینا چاہیے؟

اسلامی تاریخ ایسے لوگوں کی مثالوں سے بھری پڑی ہے جنہوں نے اپنے لیے ایک دن سے زیادہ اثاثہ اکٹھا نہیں کیا اور وہ اثاثہ صرف ایک یا دو وقت کی روکھی روٹی تھی کہ کل کا پتہ نہیں تو پھر کیوں کل کی فکر کریں۔ لیکن اسی اسلام کی تاریخ ایسے لوگوں سے بھی بھری پڑی ہے جنہوں نے حلال تجارت سے مال و دولت اکٹھی کی اور راہ اللہ میں وقف کر دی، کوئی تعلیمی ادارہ بنایا، کوئی پانی کی سبیل لگوا دی، کوئی لنگر خانہ چالو کروا دیا، وغیرہ وغیرہ۔ جب کہ موت تو سبھی کو آ گئی۔

میں نہ ہی پہلی قسم کے ولی اللہ لوگوں کی برائی کر رہا ہوں اور نہ ہی دوسری قسم کے لوگوں کی تعریف۔

کسی کے لیئے زندگی بس وہی ہے جتنی اسے مل گئی، ٹائیم لائین کا مطلب ہوتا ہے کہ کسی چیز کی پیدائش سے لے کر موت (یا حتمی صورت) تک کا وقت۔ اس کے لیئے اسی ٹائیم لائین میں زندگی کی ابتداٌ، بچپن، لڑکپن، جوانی، بڑھاپا اور موت شامل ہیں۔

میں نے اپنے پچھلے پیغامات میں یہ واضح کرنے کی کو شش کی ہے کہ بڑھاپے کا مطلب جسمانی حالت کے بدلنے سے نہیں ہے اور نہ ہی اس بحث کا مقصد کسی کو گمراہ کرنا اور راہ اللہ سے بھٹکانا ہے۔

مقصد صرف یہ ہے کہ آپ کو جتنی بھی زندگی ملی، آپ نے اپنے کیرئیر کو پلان کرنے اور اسے حاصل کرنے کے لئے گزاری، بالواسطہ اور بلاواسطہ، آپ کی زندگی اور اس کے عوامل سے جہاں خود آپکی زات متاثر ہوتی ہے وہاں آپکی ذات سے جڑے دوسرے لوگ، معاشرہ، قوم اور ملک بھی متاثر ہوتے ہیں۔ تو کیا ایسا کام کریں گے آپ کہ جو ان سب پر مثبت اثرات چھوڑے۔

میں امید کرتا ہوں کہ آپ کھلے دل سے اس پیغام کو پڑہیں گے اور بڑھاپے کو نہ سہی، اپنی جوانی میں ہی کوئی ایسا کام کریں گے اور ہم سب سے شئیر کریں گے تاکہ ہم آپ سے کچھ سیکھ سکیں اور اپنی زندگیوں میں بہتری لا سکیں۔

جاتے جاتے حضرت علی کا ایک قول لکھنا چاہوں گا ، جس کا مفہوم یہ ہے کہ اپنے بچوں کو اپنے سے آگے وقت کے مطابق تیار کرو کیونکہ وہ آج کے نہیں، بلکہ کل کے نوجوان ہیں۔

اللہ ہم سب کو نیک ہدائیت اور اعلیٰ اعمال اور بہترین اخلاق اور اجتماعی فکر عطا فرمائے۔۔۔ آمین!

فقط مخلص،

وقاص بن حسن۔

جمال عتیق

وقاص صاحب !
آپ نے بلکل صحیح فرمایا ہے ۔ میرا مقصد بڑھاپے کا انکار نہیں بلکل بڑھاپے میں پہنچ کر اس کو اچھے طریقہ سے گزارنے کی پلاننگ کرنی چاہیے بلکہ میں جو کہنا چاہتا تھا وہ یہ کہ اس سے زیادہ ضروری چیز یہ ہے کہ ہم اپنی آخرت کی تیاری کریں ۔
میرا یہ مقصد تھا ۔ یہ بڑھاپے کی تیاری سے زیادہ بڑھاپے کے بعد کی زندگی یعنی آخرت کی زندگی کی پلاننگ کرنا چاہیے میں نے اس کی اہمیت کی وجہ سے یہ بات کہی تھی ۔
اللہ تعالیٰ ہم سب کو آخرت کی تیاری توفیق نصیب فرمائے ۔ آمین ۔
جزاک اللہ

عرفان حیدر

سلام،

بڑھاپہ آئے گا تو سوچوں گا، خیر لوگوں کے ذہنوں میں سوالات اٹھتے ہوں گے میں بڑا ہوکر کیا بنوں گا، میرا تو یہ ہی ارادہ ہے جس قدر ہوسکا اپنی زمہ داریاں نباہوں گا۔ آپکی جوزمہ داری وقت کے حساب سے عائد ہوتی ہے اسکو پورا کریں یہی ہمارا جہاد ہے۔

وسلام

champion_pakistani

سب کچھ چلئے گا،،،،،،

نوائے سحر

بہت خوبصورت لکھا ہے اآپ نے
عزیر سلیم

لاسلکی

جزاک اللہ

میاں شاہد

خوش آمدید جناب آپ کو یہاں‌دیکھ کر خوشی ہوئی امید ہے کہ آپ جلد ہی اپنی پُرلطف اور منفرد ترسیلات کا سلسلہ شروع کر دیں‌گے

خوش رہیں

__________________

لاسلکی

مجھے یقیناََ بہت ۔ بلکہ ناقابِل بیان خوشی ہوئی ہے اپنی مصروفیات سے کچھ وقت نکال کر یاد دہانی کروائی۔
انشاءاللہ ہلکی پھلکی تحریریں ضرور پیش کر تا رہوں گا

میاں شاہد

ہلکی پھلکی سیدھا سیدھا کہو نا کہ بہت جلد کسی نہ کسی کو رگڑا لگاؤں گا مجھے چھوڑ کر

ویسے ۔ ۔ ۔ ۔ ۔


الکمونیا میں‌تو ایسا نہیں‌ہوتا