ابو عمار

السلام و علیکم،

ہم لوگ کافی عرصے سے پاکستان ٹور کا پروگرام بنا رہے تھے مگر ہر دفعہ کوئی نا کوئی مسئلہ ہوجاتا اور ہمارا یہ پروگرام دھرا کا دھرا رہ جاتا۔ اس رمضان میں ہم گھر والوں نے پھر سے پروگرام بنانا شروع کیا اور میں نے اپنے آفس میں سالانہ چھٹیوں کے لیے اپلائی بھی کردیا۔ جب چھٹیاں مل گئیں تو ہم نے یہ عید لاہور میں منانے کا پروگرام بنایا اور اس کے بعد راولپنڈی جانے کا بھی ارادہ تھا۔ چونکہ ہمارے فورم کے بہت سے ساتھی راولپنڈی اور لاہور میں رہتے ہیں تو میں نے سب کو ڈھونڈا اور ان سے ملنے کا پروگرام بھی بنایا، جس کی تفصیلات میں اگلی پوسٹ میں دوں گا۔ میرے اس ٹرپ کو منتظمین بھائی نے ‘کاروان پاک۔نیٹ‘ کا نام دیا اور حکم دیا کہ میں اپنے ساتھ کیمرہ لے جائوں اور تصاویر کھینچ کر آپ لوگوں کے ساتھ شئیر کروں۔ یہ پوری تھریڈ کاروان پاک۔نیٹ کے پاکستان ٹور کی ہے۔

تو جناب ہمارا پروگرام یہ بنا کہ ہم اپنی مہران پرعید سے دو دن پہلے کراچی سے لاہور کے لیے چلیں گے۔ ایک رات صادق آباد میں گزار کے دوسرے دن لاہور پہنچ جائیں گے۔ پھر لاہور سے عید کے دوسرے دن راولپنڈی کے لیے چلیں گے اور وہاں دو دن ٹھہر کر مری اور مظفرآباد کے لیے نکل جائیں گے۔ وہاں سے واپس راولپنڈی اور پھر لاہور اور پھر کراچی۔ ان شہروں کے درمیان جو بھی اہم مقامات آئیں گے وہاں بھی جانے کا ارادہ تھا اور جہاں کی جو بھی مشہور چیز ہیں وہ سب بھی کھانے کا ارادہ تھا۔

تو جناب ہم نے اللہ کے کرم سے اپنی توقعات سے کافی زیادہ جگہوں کی سیر کی اور خوب انجوائے کیا۔ یہ تھریڈ شروع کرنے کا میرا ایک مقصد تو یہ ہے کہ اپنے اس ٹرپ کو آپ لوگوں کے ساتھ بھی شئیر کروں اور اس سفر میں ہونے والے اچھے برے تجربات بھی آپ لوگوں کے ساتھ شئیر کروں تاکہ آپ لوگ بھی ان سے مستفید ہوسکیں۔

اس سفر کا خلاصہ کچھ یوں ہے کہ اس پورے سفر میں ہماری گاڑی نے 4105 کلومیٹر سفر کیا۔ پورے سفر میں ہمیں 34 دفعہ سی این جی اور 6 مرتبہ پیٹرول ڈلوانا پڑا۔ سی ان جی 7401 روپے اور پیٹرول 3000 کا خرچ ہوا۔ اس طرح ہماری گاڑی نے ایک کلومیٹر تقریباً ڈھائی روپے میں کیا، جو کہ میرے حساب سے بہت اچھی ایوریج رہی۔ بلکہ میں یہ کہوں گا کہ اتنے لمبے ٹرپ پر یہ ہمیں ٹرین، بس اور ٹیکسیوں سے بہت سستا پڑا۔ پورے سفر میں ہمیں 38 مرتبہ 755 روپے کا ٹول ٹیکس دینا پڑا جو ہمیں اس وجہ سے بہت برا لگا کہ ہمیں ہر جگہ گاڑی روکنی پڑتی تھی۔

اس سفر میں ہم جن بڑے بڑے شہروں میں گئے ان میں لاہور، کھیوڑہ، راولپنڈی، اسلام آباد، مظفرآباد، مری، منگلا ڈیم، میرپور (آزاد کشمیر) اور بہاولپور شامل ہیں۔ اپنی اگلی پوسٹ میں، میں ان سب شہروں کی تفصیل اور تصاویر بھی آپ لوگوں کے ساتھ شئیر کروں گا۔ ایک چیز جس کا ہمیں بہت افسوس رہا، وہ یہ کہ ہر شہر میں ہم سے کوئی نا کوئی جگہ گھومنے سے رہ گئی۔ کئی مرتبہ اپنے بجٹ یا گاڑی یا معلومات کی کمی یا پھر وقت کی کمی کی وجہ سے کسی بھی شہر کو ہم پورا نہیں دیکھ سکے۔ اب انشاءاللہ اگلی مرتبہ ان سب جگہوں کو بھی اپنے پروگرام میں شامل کریں گے۔

تو جناب یہ تو تھا ہمارے سفر کا خلاصہ، اب اگلی آنے والی پوسٹ میں، میں ہر شہر کی الگ سے تفصیلات دوں گا اور اس کے ساتھ تصاویر اور ویڈیو کلپ بھی آپ لوگوں کے ساتھ شئیر کروں گا۔ امید ہے آپ لوگ بھی ہمارے تجربات سے لطف اندوز ہوں گے۔

جاری ہے۔

راجہ اکرام

بہت خوب سرمد بھائی
اگلی اقساط کا بے چینی سے انتظار ہے

عبدالقدوس

میں تو کئی دن سے انتظار کر رہا تھا اس کا

یاسر عمران مرزا

اچھا سفرنامہ ہے، انتظار ہے اگلی تحریر کا

wajee

ارے واہ سرمد بھائی شدت سے اگلے دھاگے یا مراسلات کا انتظار رہے گا

طاھر

السلام علیکم،

واہ جناب -- آغاز تو بہت عمدہ ہے، لگتا ہے آپ کا کاروان ہمیں بھی خوب مزے کروائے گا۔
تمام ممبران سے ملکر خوب مزاہ آیا ہو گا۔

کیا کراچی والوں سے بھی ملنے کا پروگرام ہے

والسلام

طاہر

__________________
ہمیں خبر ہے لٹیروں کے سب ٹھکانوں کی
شریک جرم نہ ہوتے تو مخبری کرتے

طاھر

------ ------------- -------------------------- ------------------------------------

عامرشہزاد

اچھا سفرنامہ ہے، انتظار ہے اگلی تحریر کا،،،،،،،،،،،،،،،،،،،،،،، ،،،،،

حیدر

آغاز تو اچھا ہے ماشا اللہ۔ انتظار کرتے ہیں باتصویری سفر نامے کا

محمدعدنان

سرمد بھائی انتظاررہے گا

ابو عمار

طاہر بھائی تمام ممبران سے ملاقات تو نہیں ہوسکی مگر جن سے ملاقات ہوئی بہت مزہ آیا۔ اگلی پوسٹ میں ان کا تذکرہ بھی کروں گا۔
جی طاہر بھائی کراچی والوں سے بھی ملنے کا پروگرام بنانا ہے۔ کچھ عرصے بعد اس کے لیے ایک الگ سے تھریڈ بنائوں گا۔

ام طلحہ

زبردست، انتطار رہے گا۔

ڈاکٹرنور

بہت اچھے
مزید تفصیلات کا انتظار۔۔۔ہے

ڈاکٹرنور

شادی ایک مذہبی فریضہ یا ۔۔۔۔۔۔۔۔۔۔۔۔۔۔نمائشی شو

ابو عمار

اس پوسٹ میں، میں‌آپ لوگوں سے کراچی سے لے کر لاہور تک کے سفر کے حالات شئیر کروں گا۔ یہ سفر میرے لیے بہت ہی ایڈونچرس رہا کیوں کہ میں نے بہت ہی تیز رفتار گاڑی چلائی اور سارا سفر بہت کم وقت میں طے کرلیا۔ ہم لوگ اس سفر میں اتنے کھو چکے تھے کہ تصاویر کھینچنے کا کسی کو ہوش ہی نہیں تھا۔ پھر بھی ہم نے آپ کے لیے کچھ تصاویر کھینچی ہیں۔ ایک بات آپ لوگوں کو بتاتا چلوں اور آپ لوگ جانتے ہی ہوں گے کہ ڈیجیٹل کیمرے سے تصویر کھینچنے کے لیے ضروری ہے کہ آپ منظر پر 3 سے 4 سیکنڈ تک اپنے کیمرے کو فوکس رکھیں تو یہ بہت اچھی تصویر کھینچتا ہے اور ہمارے ساتھ یہ مسئلہ تھا کہ ہمیں چلتی گاڑی سے تصاویر کھینچنی تھیں تو کئی مرتبہ تصویر کھینچتے کھینچتے بیچ میں ٹرک آجاتا تھا یا وہ منظر پیچھے رہ جاتا تھا۔ بہرحال میں نے چُن چُن کے آپ لوگوں کے لیے کچھ اچھی تصاویر سلیکٹ کی ہیں۔ امید ہے آپ لوگوں کو پسند آئیں گی۔ ایک غلطی کا احساس ہمیں لاہور جاکر ہوا وہ یہ کہ ہم نے کیمرے کی تاریخ تو سیٹ ہی نہیں کی تھی اور وہ تو ہر تصویر میں 3 جنوری 2005 دکھا رہا تھا۔ آپ کو لاہور کے بعد والی تصاویر میں صحیح تاریخ نظر آئے گی۔

اس سفر کا آغاز ہم نے 19 ستمبر کی صبح 5:45 پر کیا۔ ہائی وے پر ہمارا پسندیدہ اسٹیشن PSO کا براق اسٹیشن ہے۔ یہاں سے ہم نے اپنی سی این جی فُل کرائی اور کچھ پیٹرول بھی گاڑی میں ڈلوا لیا۔ یہ سمجھ لیں کہ ہائی وے پر ہم نے اپنے سفر کا آغاز صبح 6:15 پر کیا۔

جب آپ ہائی وے پر گلشن حدید فلائی اوور کراس کریں تو اپنے دائیں ہاتھ پر آپ کو ایک سیمنٹ فیکٹری نظر آتی ہے۔ شاید اس کا نام 'لکی سیمنٹ فیکٹری' ہے۔ یہ اس کی فجر کے وقت کی تصویر ہے:


آگے بڑہ کر میں نے اپنی گاڑی کو ہر طرح سے چیک کر لیا کہ کوئی مسئلہ تو نہیں ہے۔ اب میں نے گاڑی کو خوب بھگانا شروع کردیا یہ دیکھنے کے لیے کہ یہ کہاں تک جاسکتی ہے۔ میری گاڑی ماشاءاللہ 135 کلومیٹر فی گھنٹہ کی رفتار تک بہترین بھاگتی رہی مگر اس کے بعد اس نے تھوڑا مسنگ کرنا شروع کردیا۔ جس سے مجھے اندازہ ہوگیا کہ یہ اس گاڑی کی حد رفتار ہے۔ چونکہ ہائی وے پر چھوٹی گاڑیوں کی حد رفتار 110 کلومیٹر فی گھنٹہ ہے تو اپنے باقی سفر میں، میں نے اپنی گاڑی کی رفتار 110 ہی رکھی۔

آدھا سپر ہائی وے گزرا تو سورج طلوع ہونا شروع ہوگیا۔ کچھ تصاویر سپر ہائی وے پر سورج طلوع ہونے کی:



صبح 7:45 پر ہم حیدرآباد کے دریائے سندھ پر پہنچ گئے تھے۔ دریائے سندھ کا اتنا کم پانی دیکھ کر ہمیں بہت افسوس ہوا۔

کچھ تصاویر دریائے سندہ سے گزرتے ہوئے:



دن کے 10:00 بجے ہم مورو پہنچھ چکے تھے۔ مورو کے بارے میں مشہور ہے کہ یہ چوروں کا شہر ہے۔ مگر یہ بات کافی پرانی ہوچکی ہے اب ایسا نہیں ہے۔ آگے جاکر آپ لوگوں سے مورو کا اپنا ایک اور تجربہ شئیر کروں گا۔

راستے میں کپاس کی فصل:



اور یہ ہے جناب باجرے کی فصل:



ہمیں ہمارے توقعات کے برخلاف بہت ہی اچھا روڈ ملا جس پر گاڑی بغیر کسی رکاوٹ کے مسلسل 110 کی رفتار سے دوڑتی رہی۔

راستے کی ایک تصویر:



دن کے 12 بجے کے قریب ہمیں کھجوروں کے درخت نظر آنا شروع ہوگئے، جس کا مطلب ہے کہ ہم سکھر سے کافی قریب ہیں۔

کچھ تصاویر سکھر کے کھجوروں کے باغات کی:



تقریباً 12:25 پر ہم روہڑی پہنچ چکے تھے۔

روہڑی بائی پاس کی تصویر، سامنے روہڑی کی پہاڑیاں نظر آرہی ہیں:



دن کے تقریباً 1:30 بجے ہم میرپور ماتھیلو پہنچ گئے تھے۔ یہاں پر پہلے ایک سعودی فرٹیلائزر فیکٹری ہوتی تھی جو اب FFC ہوچکی ہے۔ اس سے میرا تھوڑا بہت تعلق رہ چکا ہے۔ وہ ایسے کہ جب میں تیسری جماعت میں تھا تو میرے پھوپا یہاں کام کرتے تھے، تو میں نے یہاں گرمیوں کی چھٹیاں گزاری تھیں۔ یہاں کی کالونی بہت ہی خوبصورت اور سسٹم بہترین ہے۔

یہ اسی فیکٹری کی تصویر ہے:



تھوڑا سا آگے بڑہیں تو ENGRO کی خوبصورت فیکٹری آجاتی ہے:



کراچی سے لاہور کے سفر کی روداد ابھی جاری ہے۔ باقی روداد میں اپنی اگلی پوسٹ میں دوں گا۔