ابو عمار

السلام و علیکم،

ہم لوگ کافی عرصے سے پاکستان ٹور کا پروگرام بنا رہے تھے مگر ہر دفعہ کوئی نا کوئی مسئلہ ہوجاتا اور ہمارا یہ پروگرام دھرا کا دھرا رہ جاتا۔ اس رمضان میں ہم گھر والوں نے پھر سے پروگرام بنانا شروع کیا اور میں نے اپنے آفس میں سالانہ چھٹیوں کے لیے اپلائی بھی کردیا۔ جب چھٹیاں مل گئیں تو ہم نے یہ عید لاہور میں منانے کا پروگرام بنایا اور اس کے بعد راولپنڈی جانے کا بھی ارادہ تھا۔ چونکہ ہمارے فورم کے بہت سے ساتھی راولپنڈی اور لاہور میں رہتے ہیں تو میں نے سب کو ڈھونڈا اور ان سے ملنے کا پروگرام بھی بنایا، جس کی تفصیلات میں اگلی پوسٹ میں دوں گا۔ میرے اس ٹرپ کو منتظمین بھائی نے ‘کاروان پاک۔نیٹ‘ کا نام دیا اور حکم دیا کہ میں اپنے ساتھ کیمرہ لے جائوں اور تصاویر کھینچ کر آپ لوگوں کے ساتھ شئیر کروں۔ یہ پوری تھریڈ کاروان پاک۔نیٹ کے پاکستان ٹور کی ہے۔

تو جناب ہمارا پروگرام یہ بنا کہ ہم اپنی مہران پرعید سے دو دن پہلے کراچی سے لاہور کے لیے چلیں گے۔ ایک رات صادق آباد میں گزار کے دوسرے دن لاہور پہنچ جائیں گے۔ پھر لاہور سے عید کے دوسرے دن راولپنڈی کے لیے چلیں گے اور وہاں دو دن ٹھہر کر مری اور مظفرآباد کے لیے نکل جائیں گے۔ وہاں سے واپس راولپنڈی اور پھر لاہور اور پھر کراچی۔ ان شہروں کے درمیان جو بھی اہم مقامات آئیں گے وہاں بھی جانے کا ارادہ تھا اور جہاں کی جو بھی مشہور چیز ہیں وہ سب بھی کھانے کا ارادہ تھا۔

تو جناب ہم نے اللہ کے کرم سے اپنی توقعات سے کافی زیادہ جگہوں کی سیر کی اور خوب انجوائے کیا۔ یہ تھریڈ شروع کرنے کا میرا ایک مقصد تو یہ ہے کہ اپنے اس ٹرپ کو آپ لوگوں کے ساتھ بھی شئیر کروں اور اس سفر میں ہونے والے اچھے برے تجربات بھی آپ لوگوں کے ساتھ شئیر کروں تاکہ آپ لوگ بھی ان سے مستفید ہوسکیں۔

اس سفر کا خلاصہ کچھ یوں ہے کہ اس پورے سفر میں ہماری گاڑی نے 4105 کلومیٹر سفر کیا۔ پورے سفر میں ہمیں 34 دفعہ سی این جی اور 6 مرتبہ پیٹرول ڈلوانا پڑا۔ سی ان جی 7401 روپے اور پیٹرول 3000 کا خرچ ہوا۔ اس طرح ہماری گاڑی نے ایک کلومیٹر تقریباً ڈھائی روپے میں کیا، جو کہ میرے حساب سے بہت اچھی ایوریج رہی۔ بلکہ میں یہ کہوں گا کہ اتنے لمبے ٹرپ پر یہ ہمیں ٹرین، بس اور ٹیکسیوں سے بہت سستا پڑا۔ پورے سفر میں ہمیں 38 مرتبہ 755 روپے کا ٹول ٹیکس دینا پڑا جو ہمیں اس وجہ سے بہت برا لگا کہ ہمیں ہر جگہ گاڑی روکنی پڑتی تھی۔

اس سفر میں ہم جن بڑے بڑے شہروں میں گئے ان میں لاہور، کھیوڑہ، راولپنڈی، اسلام آباد، مظفرآباد، مری، منگلا ڈیم، میرپور (آزاد کشمیر) اور بہاولپور شامل ہیں۔ اپنی اگلی پوسٹ میں، میں ان سب شہروں کی تفصیل اور تصاویر بھی آپ لوگوں کے ساتھ شئیر کروں گا۔ ایک چیز جس کا ہمیں بہت افسوس رہا، وہ یہ کہ ہر شہر میں ہم سے کوئی نا کوئی جگہ گھومنے سے رہ گئی۔ کئی مرتبہ اپنے بجٹ یا گاڑی یا معلومات کی کمی یا پھر وقت کی کمی کی وجہ سے کسی بھی شہر کو ہم پورا نہیں دیکھ سکے۔ اب انشاءاللہ اگلی مرتبہ ان سب جگہوں کو بھی اپنے پروگرام میں شامل کریں گے۔

تو جناب یہ تو تھا ہمارے سفر کا خلاصہ، اب اگلی آنے والی پوسٹ میں، میں ہر شہر کی الگ سے تفصیلات دوں گا اور اس کے ساتھ تصاویر اور ویڈیو کلپ بھی آپ لوگوں کے ساتھ شئیر کروں گا۔ امید ہے آپ لوگ بھی ہمارے تجربات سے لطف اندوز ہوں گے۔

جاری ہے۔

حیدر

اگر کوئی اس راستے سے سفر کرے تو آئیندہ کے لیے اسکو مشورہ دوں گا کہ رحیم یار خان میں آ کر ایک تو مجھے مل لیا کرے دوسرا رحیم یار خان سے گزرتے ہوئے نیشنل ہائی وے پر شیخوان کے پاس موجود کوئٹہ ہوٹل سے روش (روسٹ) ضرور کھائے۔ مزید مشورہ دوں کہ اگر یہاں سے کھانا نہ کھا سکیں تو پھر لودھراں جا کر ہوٹل ہے جسکا نام شاید پنجاب بلوچستان ہوٹل ہے ۔ ۔ ۔وہاں سے کھانا ضرور کھائے۔

راجہ اکرام

بہت خوب بدر بھیا
کھانا پینا بھی آپ کی دلچسپیوں کا مرکز لگتا ہے
اس میدان میں آپ کا مقابلہ نہیں کر سکتا۔۔۔۔۔۔ اس لئے آپ بلا مقابلہ فاتح قرار دیئے جاتے ہیں

__________________
محتاج اصلاح و دعا

ڈاکٹرنور

کیوں کہ ان سب ہوٹلوں میں بدر بھائی کو بندے بھیجنے پر شیئر ملتا ہے۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔

ابو عمار

لاہور میں کھانے کی چیزوں میں ذائعقہ تو ہے ہی مگر کم قیمت میں کافی زیادہ مقدار دیتے ہیں۔

ابو عمار

اوہوں کامران بھائی سیکیورٹی رسک کو کو سیکیور ہی رہنے دیں

ابو عمار

یہ اسٹیکر گاڑی کے ساتھ جہیز میں آیا تھا تو میں نے سوچا جب لگا ہے تو لگا رہنے دیں۔

ابو عمار

میرے پیارے بھائی اتنا غصہ نہیں کرتے، جس قصے کا جب وقت ہوگا تو بتا بھی دوں گا۔ بھائی مجھے واپسی پر بھی تو مورو سے ہی گزرنا ہے۔ جو واقعہ میں بتائوں گا وہ میرے ساتھ واپسی پر مورو پر پیش آیا تھا۔

ابو عمار

بدر بھائی آپ پہلے کہاں تھے، مجھے پہلے پتہ ہوتا تو میں آپ سے معلومات اکٹھی کرلیتا۔ بہرحال آئندہ کے لیے اسے نوٹ کرلیا ہے۔

حیدر

ذرا سوچ سمجھ کر بات کیا کریں مجھے شئیر نہیں کمیشن ملتا ہے :

wajee

جناب ابو عمار سرمد بھائی جلدی جلدی قسط لکھیں ایسا لگ رہا ہے جیسے ہم بھی یہ ساتھ ساتھ تھے آپکے

__________________

ابو عمار

وقاص بھائی مصروفیت کی بنا پر شاید آج میں پوسٹ نہ لکھ سکوں۔
انشاءاللہ کل سے پھر لکھنا شروع کردوں گا۔

راجہ اکرام

بدر بھائی
کمیشن میں کچھ فیصد پر میرے ساتھ مک مکا کر لیں تو بندے کافی بندے بھیج دوں آپ کے لئے

ویسے رحیم یار خان آنا ہے کبھی
میرے ایک بہت ہی محترم استاد رحیم یار خان کے ہیں

حیدر

ہیں واقعی نہیــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــں ۔ ۔ ۔۔ ۔ ۔۔ ۔

حیدر

ویسے میری بات سیریس نہ لے لینا۔ اس فورم کے سارے ممبر بڈھے ہیں فوراََ سنجیدہ ہو جاتے ہیں اور بات دل پر لے لیتے ہیں ۔ ۔ ۔میں مزاق کر رہا تھا۔ جم جم آئیں ۔ ۔ ۔ آپکا اپنا شہر ہے

راجہ اکرام

آپ مزاق نہ بھی کریں
پھر بھی ہم نے جب آنا ہوا تو ضرور آئیں گے
شہر تو ہمارا اپنا ہے۔۔۔۔۔ اس دیس کے سارے شہر اپنے ہیں

بس آپ کو بچنا پڑے گا کہیں ہماری نظر نہ پڑ جائے