ابو عمار

السلام و علیکم،

ہم لوگ کافی عرصے سے پاکستان ٹور کا پروگرام بنا رہے تھے مگر ہر دفعہ کوئی نا کوئی مسئلہ ہوجاتا اور ہمارا یہ پروگرام دھرا کا دھرا رہ جاتا۔ اس رمضان میں ہم گھر والوں نے پھر سے پروگرام بنانا شروع کیا اور میں نے اپنے آفس میں سالانہ چھٹیوں کے لیے اپلائی بھی کردیا۔ جب چھٹیاں مل گئیں تو ہم نے یہ عید لاہور میں منانے کا پروگرام بنایا اور اس کے بعد راولپنڈی جانے کا بھی ارادہ تھا۔ چونکہ ہمارے فورم کے بہت سے ساتھی راولپنڈی اور لاہور میں رہتے ہیں تو میں نے سب کو ڈھونڈا اور ان سے ملنے کا پروگرام بھی بنایا، جس کی تفصیلات میں اگلی پوسٹ میں دوں گا۔ میرے اس ٹرپ کو منتظمین بھائی نے ‘کاروان پاک۔نیٹ‘ کا نام دیا اور حکم دیا کہ میں اپنے ساتھ کیمرہ لے جائوں اور تصاویر کھینچ کر آپ لوگوں کے ساتھ شئیر کروں۔ یہ پوری تھریڈ کاروان پاک۔نیٹ کے پاکستان ٹور کی ہے۔

تو جناب ہمارا پروگرام یہ بنا کہ ہم اپنی مہران پرعید سے دو دن پہلے کراچی سے لاہور کے لیے چلیں گے۔ ایک رات صادق آباد میں گزار کے دوسرے دن لاہور پہنچ جائیں گے۔ پھر لاہور سے عید کے دوسرے دن راولپنڈی کے لیے چلیں گے اور وہاں دو دن ٹھہر کر مری اور مظفرآباد کے لیے نکل جائیں گے۔ وہاں سے واپس راولپنڈی اور پھر لاہور اور پھر کراچی۔ ان شہروں کے درمیان جو بھی اہم مقامات آئیں گے وہاں بھی جانے کا ارادہ تھا اور جہاں کی جو بھی مشہور چیز ہیں وہ سب بھی کھانے کا ارادہ تھا۔

تو جناب ہم نے اللہ کے کرم سے اپنی توقعات سے کافی زیادہ جگہوں کی سیر کی اور خوب انجوائے کیا۔ یہ تھریڈ شروع کرنے کا میرا ایک مقصد تو یہ ہے کہ اپنے اس ٹرپ کو آپ لوگوں کے ساتھ بھی شئیر کروں اور اس سفر میں ہونے والے اچھے برے تجربات بھی آپ لوگوں کے ساتھ شئیر کروں تاکہ آپ لوگ بھی ان سے مستفید ہوسکیں۔

اس سفر کا خلاصہ کچھ یوں ہے کہ اس پورے سفر میں ہماری گاڑی نے 4105 کلومیٹر سفر کیا۔ پورے سفر میں ہمیں 34 دفعہ سی این جی اور 6 مرتبہ پیٹرول ڈلوانا پڑا۔ سی ان جی 7401 روپے اور پیٹرول 3000 کا خرچ ہوا۔ اس طرح ہماری گاڑی نے ایک کلومیٹر تقریباً ڈھائی روپے میں کیا، جو کہ میرے حساب سے بہت اچھی ایوریج رہی۔ بلکہ میں یہ کہوں گا کہ اتنے لمبے ٹرپ پر یہ ہمیں ٹرین، بس اور ٹیکسیوں سے بہت سستا پڑا۔ پورے سفر میں ہمیں 38 مرتبہ 755 روپے کا ٹول ٹیکس دینا پڑا جو ہمیں اس وجہ سے بہت برا لگا کہ ہمیں ہر جگہ گاڑی روکنی پڑتی تھی۔

اس سفر میں ہم جن بڑے بڑے شہروں میں گئے ان میں لاہور، کھیوڑہ، راولپنڈی، اسلام آباد، مظفرآباد، مری، منگلا ڈیم، میرپور (آزاد کشمیر) اور بہاولپور شامل ہیں۔ اپنی اگلی پوسٹ میں، میں ان سب شہروں کی تفصیل اور تصاویر بھی آپ لوگوں کے ساتھ شئیر کروں گا۔ ایک چیز جس کا ہمیں بہت افسوس رہا، وہ یہ کہ ہر شہر میں ہم سے کوئی نا کوئی جگہ گھومنے سے رہ گئی۔ کئی مرتبہ اپنے بجٹ یا گاڑی یا معلومات کی کمی یا پھر وقت کی کمی کی وجہ سے کسی بھی شہر کو ہم پورا نہیں دیکھ سکے۔ اب انشاءاللہ اگلی مرتبہ ان سب جگہوں کو بھی اپنے پروگرام میں شامل کریں گے۔

تو جناب یہ تو تھا ہمارے سفر کا خلاصہ، اب اگلی آنے والی پوسٹ میں، میں ہر شہر کی الگ سے تفصیلات دوں گا اور اس کے ساتھ تصاویر اور ویڈیو کلپ بھی آپ لوگوں کے ساتھ شئیر کروں گا۔ امید ہے آپ لوگ بھی ہمارے تجربات سے لطف اندوز ہوں گے۔

جاری ہے۔

محمد کاشف حبیب

اگر میں ہوتا ناں سائیکل پر تو آپ دیکھتے ہی رہ جاتے ۔ ۔ ۔

راجہ اکرام

ہاں آپ اتنے پیچھے رہ جاتے کہ ابو عمار بھائی دیکھتے رہ جاتے بلکہ دکھ ہی نہ سکتے

محمد کاشف حبیب

چل بھائی میں نے آپ کو تو مقابلے کی دعوت نہیں دی میرا سایکل تو نان اسٹاپ ہے جی میرے سایکل کے تو کیا کہنے ۔ ۔ ۔

راجہ اکرام

ارے بھائی
آپ دعوت دیتے بھی تو میں ہار مان جاتا
اتنے تیز سائیکل سے کون جیت سکتا ہے؟

عبدالقدوس

مرحوم کی یاد میں تو پنجاب بورڈ کی کتب میں غالبا 2 مرتبہ ہے

ابو عمار

میں نے سندھ بورڈ سے پڑھے ہوئے ایک صاحب سے اس مضمون کا تزکرہ کیا تھا تو ان کو تو اس کا پتہ ہی نہیں تھا۔

معظم

بہت خوب ۔۔ بالآخر سفر اختتام پذیر ہوا۔۔

اور بہت عمدہ انداز میں آپ نے تحریر کیا ہے۔ پڑھ کر ایسا لگا کے واقعی سفر پر ہو آیا ہوں ۔ ' ویسے رحیم یار خان سے لاہور براستہ ہائی وے تھوڑا تجربہ ہے براستہ خانیوال '
اب تو مزید خواہش پیدا ہو گئی ہے سفر کرنے کی۔۔ اللہ تعالٰی سے دعا کرتے ہیں کہ جلد کو سبب بنے ہمارے لیے بھی اور سب بھائیوں کے لیے۔

__________________
اے اللہ! ان سنگین حالات میں ملکِ پاکستان کی حفاظت فرما۔ آمین ثم آمین
بزنس ایجوکیشن ایک تعلیمی بلاگ ، اب نئے انداز میں - http://bizedu.co.cc

راجہ اکرام

شاید آپ نے دو مرتبہ پڑھی ہو وہ کتاب

طاھر

السلام علیکم،

بہت مزیدار سفرنامہ اور اپنے تجربات شیئر کرنے کا شکریہ - سرمد بھائی، پڑھ کر واقعی یوں‌ لگا کہ ہم بھی آپ کی گاڑی کی پچھلی سیٹ پر بیٹھے تھے

اچھا یہ بتائیں کہ آپ نے کل کتنے کلومیٹر سفر کیا اور راستےمیں‌کتنے بار بھٹکے؟‌

آپ کا سفر نامہ پڑھ کر اب کوئی لمبا سفر کرنے کا بہت دل چاہ رہا ہے -- انشاءاللہ بشرط حیات ۔ ۔ ۔ ۔ ۔ ۔

والسلام

طاہر

__________________
ہمیں خبر ہے لٹیروں کے سب ٹھکانوں کی
شریک جرم نہ ہوتے تو مخبری کرتے

ابو عمار

پچلی سیٹ ہا ہا ہا، وہ تو میرے بیٹے کی سلطنت تھی اور وہ اپنی سلطنت میں کسی کی دراندازی برداشت نہیں کرسکتا

ہم نے کُل 4105 کلومیٹر سفر طے کیا۔ سفر پر جانے سے پہلے ہم نے گوگل میپ سے پورے سفر کے پرنٹ آئوٹ نکال لیے تھے۔ اور جہاں جہاں ہم پہنچتے جاتے اپنے میپ پر نشان لگاتے جاتے۔ راولپنڈی سے میں نے پاکستان سروے والوں سے آزاد کشمیر کا بڑا والا میپ بھی خریدا تھا مگر وہ بھی اتنا تفصیلی نہیں تھا جتنے میرے گوگل میپ سے نکالے ہوئے پرنٹ آئوٹ تھے۔ اسی لیے ہم راستے میں کہیں نہیں بھٹکے۔

ھارون اعظم

پاک نیٹ پر کتنے دلچسپ تھریڈ موجود ہیں۔ آج پہلی مرتبہ اس تھریڈ پر نظر پڑی، سرمد بھائی نے واقعی بہت دلچسپ انداز میں سفر کا احوال بتایا ہے۔

__________________


http:// haroonazam.wordpress.com

ھارون اعظم کا بلاگ۔

ایم اے راجپوت

آپ کا سفرنامہ پڑھ کر بہت مزہ آیا بہترین

نبیل خان

زبردست جناب بہت خوب