کنعان

پاکستان کے تجارتی دارالحکومت کراچی کے علاقے اورنگی ٹاؤن میں نامعلوم مسلح افراد کی فائرنگ سے مزید ایک شخص ہلاک ہو گیا ہے جس کے بعد ٹارگٹ کلنگ کے حالیہ واقعات میں ہلاک ہونے والوں کی تعداد گیارہ تک پہنچ گئی ہے۔

پولیس حکام کے مطابق ہلاکت کا تازہ واقعہ اورنگی ٹاؤن میں کٹی پہاڑی کے علاقے میں اتوار کی صبح پیش آیا جس میں نامعلوم حملہ آوروں نے رئیس نامی شخص کو گولی مار کر ہلاک کر دیا۔

اس ہلاکت کے بعد علاقے میں موجود کشیدگی میں اضافہ ہوگیا ہے اور وقفے وقفے سے فائرنگ کا سلسلہ بھی دوبارہ شروع ہوگیا ہے۔اورنگی میں حالیہ کشیدگی کے بعد پولیس اور رینجرز کی بڑی تعداد بھی کو علاقے میں تعینات کیا گیا ہے

ٹارگٹ کلنگ کے حالیہ واقعات جمعہ کو اس وقت شروع ہوئے تھے جب اورنگی ٹاؤن کے علاقے میں عوامی نیشنل پارٹی کے کچھ کارکنان پر اس وقت حملہ کیا گیا جب وہ اپنی جماعت کا جھنڈا لگا رہے تھے۔

پولیس کے مطابق اس واقعے کے بعد اورنگی ٹاؤن کے مختلف علاقوں سے انہیں بعض افراد کی گولیاں لگی لاشیں ملیں جنہیں عباسی شہید ہسپتال پہنچایا گیا ہے۔ ہلاک ہونے والے افراد میں رکشہ ڈرائیور اور عام شہری بھی شامل ہیں جو نامعلوم مسلح افراد کی فائرنگ کا نشانہ بنے۔

شاہی سید کے مطابق ٹارگٹ کلنگ کے واقعات میں جو لوگ مارے جا رہے ہیں وہ یقیناً ان کی جماعت کے کارکن ہیں اور کارکن نہیں بھی ہیں تو ہلاک ہونے والے پختونوں کی ہمدردیاں ان کی جماعت کے ساتھ تھیں۔کراچی غربی کے ڈی آئی جی سردار عبدالمجید دستی نے بی بی سی سے بات کرتے ہوئے دس ہلاکتوں کی تصدیق کی ہے جبکہ ہپستال ذرائع کا کہنا ہے کہ ان کے پاس نو لاشیں لائی گئی ہیں۔پولیس کے مطابق ان ہلاکتوں کی وجہ عوامی نیشنل پارٹی اور متحدہ قومی موومنٹ کے کارکنوں کے درمیان چپقلش بھی ہو سکتی ہے۔

اے این پی کے صوبائی صدر شاہی سید کے مطابق ٹارگٹ کلنگ کے واقعات میں جو لوگ مارے جا رہے ہیں وہ یقیناً ان کی جماعت کے کارکن ہیں اور کارکن نہیں بھی ہیں تو ہلاک ہونے والے پختونوں کی ہمدردیاں ان کی جماعت کے ساتھ تھیں۔ انھوں نے بی بی سی سے بات کرتے ہوئے الزام عائد کیا کہ حالیہ ہلاکتیں ایم کیو ایم اور اے این پی کے درمیان محاذ آرائی کی وجہ سے ہو رہی ہیں۔

شاہی سید نے سنیچر کی شام وفاقی وزیر داخلہ رحمان ملک اور متحدہ سے وابستہ گورنر سندھ ڈاکٹر عشرت العباد سے گورنر ہاؤس میں ملاقات کی اور اپنے کارکنوں کی ہلاکتوں پر احتجاج کیا۔

دوسری جانب ایم کیو ایم کے رہنما فیصل سبزواری نے کہا کہ وہ شہر سے باہر ہیں اس وجہ سے انھیں اصل حقائق کا پوری طرح علم نہیں ہے لیکن ہو سکتا ہے کہ کچھ ہلاکتیں ذاتی دشمنی کی وجہ سے بھی ہو رہی ہوں۔ انھوں نے اس بات کو رد کیا کہ حالیہ ہلاکتیں اے این پی اور ان کی جماعت کے درمیان کسی چپقلش کی وجہ سے ہو رہی ہیں۔

حالیہ واقعات کے بارے میں ابھی تک نہ تو حکومت اور نہ ہی کراچی میں بدامنی کے واقعات کی روک تھام کے لیے بنائی گئی امن کمیٹیوں کی جانب سے کوئی بیان سامنے آیا ہے۔ پولیس کی جانب سے بھی صرف ہلاکتوں کی تصدیق کی گئی ہے اور ابھی تک کسی کی گرفتاری یا مقدمہ درج کرنے کی اطلاعات نہیں ملی ہیں۔ ہیں۔

خیال رہے کہ گزشتہ مہینے کراچی کے لیاری سمیت مختلف علاقوں میں ٹارگٹ کلنگ کے واقعات کے نتیجے میں درجنوں افراد ہلاک ہوئے تھے۔ لیاری کی بلوچ آبادی اور ایم کیو ایم نے ان ٹارگٹ کلنگز کا الزام ایک دوسرے پر لگایا تھا۔ بعد میں پیپلزپارٹی اور ایم کیو ایم کے درمیان سیاسی معاملات کے حل کے بعد شہر میں جاری ٹاگیٹ کلنگ کا سلسلہ بند ہوگیا تھا۔ مگر سنیچر کو ٹارگٹ کلنگ کا سلسہ نئے رنگ سے دوبارہ شروع ہوگیا۔

کراچی حالات بدستور کشیدہ

__________________

مباح

السلام علیکم!
کنعان بھائی جب تک لوگوں میں آگہی نہیں آئے گی اور لوگ اپنی تقدیریں اسی طرح سیاست دانوں کے سپرد کریں گے بغیر سوچے سمجھے یہ کھیل اسی طرح جاری رہے گا اقتدار کے بھوکے بھیڑیے آپس میں اسی طرح لڑتے مرتے رہیں گے!

__________________
عقل کو تنقید سے فرصت نہیں
عشق پر اعمال کی بنیاد رکھ
(اقبال)

The Great

یہ تو بہت بڑی بات ھے۔۔

فرحان دانش

صوبائی وزیر داخلہ ڈاکٹر ذوالفقار مرزانے اعتراف کیاہے کہ سندھ میں امن و امان کی صورتحال انکی وجہ سے خراب ہے۔ تو بھیا استعفی کیوں نہیں دے دیتے ہو۔۔۔۔

__________________